|
||||||
| كلية العلوم كليات العلوم للجامعات المصرية |
 |
|
|
أدوات الموضوع | انواع عرض الموضوع |
|
|
|
#1
18-08-2011, 03:59 PM
|
|||
|
|||
اقتباس:
مجالات العمل للخريجي قسم الفيزياء كلية العلوم يستطيع الطالب المتخرج من قسم الفيزياء استكمال دراسته في هذا القسم أو في جامعات أخرى إذا أكمل شروط القبول ويستطيع حامل البكالوريوس من قسم الفيزياء أن يكمل دراسته العليا في مجالات علمية أخرى نذكر منها على سبيل المثال الالكترونيات والاتصالات وعلوم الفضاء والفيزياء الفلكية والفيزياء الطبية والأرصاد والهندسة النووية وعلم المواد وفيزياء الفلزات أما من أراد العمل بعد حصوله على درجة البكالوريوس فهناك مجالات عديدة: 1- التدريس في المدارس والمعاهد والجامعات. 2- الوظائف البحثية في مراكز البحوث والجامعات. 3- مجالات الصناعة بأنواعها (بحث وتطوير). 4- العمل في المختبرات الطبية والصحية وتشغيل الأجهزة والإشراف على إدارتها ومعالجة النفايات. 5- العمل في محطات توليد الطاقة بأنواعها (كهربائية، نووية، متجددة). 6- محطات الأرصاد الجوية وحماية البيئة والمراصد الفلكية. العمل في المصانع ( مثل الحديد والصلب والبتروكيماويات والزجاج ).
-المهن الفنية في الجهات العسكرية مثل وزارة الدفاع والطيران، والأرصاد الجوية والجيش والبحرية والداخلية. -مراكز البحوث العلمية والتقنية ومختبرات الجودة النوعية التابعة لوزارة التجارة وهيئة المواصفات والمقاييس. -وزارة الصحة مثل المستشفيات كمساعد في الحماية من الإشعاعات اخصائى اشعة
__________________
 عرفت ربك وانت فيها ضعيف.... صدقت انك جاي فالدنيا ضيف عشان حاجه بقي ليك ترفع لله ايديك .... ولما تبقي معاك بتنسي فضله عليك جااين و فيها ضيوف ولا باقي غير معروف .... احمد و اشكر ربك بالحب قبل الخووف 
|
|
#2
18-08-2011, 05:01 PM
|
|||
|
|||
|
ايه شروط الالتحاق بقسم الميكربيولوجي ؟
|
|
#3
18-08-2011, 05:03 PM
|
|||
|
|||
|
اقتباس:
__________________
عرفت ربك وانت فيها ضعيف.... صدقت انك جاي فالدنيا ضيف عشان حاجه بقي ليك ترفع لله ايديك .... ولما تبقي معاك بتنسي فضله عليك جااين و فيها ضيوف ولا باقي غير معروف .... احمد و اشكر ربك بالحب قبل الخووف
|
|
#5
19-08-2011, 02:43 PM
|
|||
|
|||
|
اقتباس:
لأ التخصص فى طنطا من تانى سنة او تالت سنة على حسب القسم ويوجد كيمياء حيوية تدخلى قسم ايه على حسب ميولك وانت عايزة تطلعى ايه اكتبى رغباتك وان شاء نتناقش فى القسم المناسب اللى يتوافق مع رغباتك ولا تنسى صلاة الاستخارة وبالتوفيق بأذن الله
__________________
عرفت ربك وانت فيها ضعيف.... صدقت انك جاي فالدنيا ضيف عشان حاجه بقي ليك ترفع لله ايديك .... ولما تبقي معاك بتنسي فضله عليك جااين و فيها ضيوف ولا باقي غير معروف .... احمد و اشكر ربك بالحب قبل الخووف
|
|
#7
18-08-2011, 09:08 PM
|
||||
|
||||
|
تسلم على الشرح الاكثر من رائع تقبل مرورى
|
|
#8
18-08-2011, 09:53 PM
|
||||
|
||||
|
لوسمحت يا استاذscrubs توضحلى دة اذا مفيش تعب
ايه لاتقسام المتاحه ليامن كل دول لعلمى رياضه عشان انا محتاره فين حاجات علوم وفين حاجات رياضه بعد اذنك ولك جزيل الشكر
__________________
ما اجمل ان تتخيل وتعيش فى الخيال كحرف ال (ذ) لاننى اجده بعيدا عن كل صراعات الحروف حيث يقطن فى الركن الايسر من الكيبورد احب ان اعيش مثلة بعيدا عن مشاكل البشر
|
|
#9
18-08-2011, 11:58 PM
|
|||
|
|||
|
اقتباس:
المهم الاقسام المتاحة لعلمى رياضة قسم رياضة ويحتوى على شعب :
قسم الفيزياء ويحتوى على شعب :
قسم الكيمياء ويحتوى على شعب :
شعبة فيزياء حيوى و شعبة فيزيا/ كيمياء
مجموعة الجيولوجيا الجيولوجيا الجيولوجيا والكيمياء شعبة الجيوفيزياء شعبة الجيولوجيا والجيوفيزياء اختارى على حسب ميولك وياريت تكون حاجة ليها مستقبل عشان سوق العمل وربنا يوفقك فى الاختيار ولا تنسى صلاة الاستخارة 
__________________
عرفت ربك وانت فيها ضعيف.... صدقت انك جاي فالدنيا ضيف عشان حاجه بقي ليك ترفع لله ايديك .... ولما تبقي معاك بتنسي فضله عليك جااين و فيها ضيوف ولا باقي غير معروف .... احمد و اشكر ربك بالحب قبل الخووف
|
|
#10
19-08-2011, 12:38 AM
|
||||
|
||||
|
اقتباس:
واذى يعنى مفيش رسميات هو مش انت اكبر مننا واجب علينا الاحترام  المهم ذى ماتحب برده انا شايفه انى فى اقسام كتيره حلوه بس انا كان نفسى اخش علوم عشان اشتغل فى تراكيب وصناعه الادويه وبعد كده فكرت ان قسم البترول الشغل فى احسن وهو برده حلو بس انا عارفه ان هو مش متوافر فى كل الكليات وبصراحه انا سمع انو غالى كتير اوى فانا محتاره ومحتاجه بجد لمساعده حد عارف كل الاقسام وايه المفيد فيها المهم عشان مطولش عليك قولى من وجهك نظرك ايه افيد قسم فى سوق العمل يعنى الواحد يشتغل فى بتوافر يعنى بس ياريت يكون بعيد عن التدريس معلش طولت عليك وشكرااااااااا على الرد
__________________
ما اجمل ان تتخيل وتعيش فى الخيال كحرف ال (ذ) لاننى اجده بعيدا عن كل صراعات الحروف حيث يقطن فى الركن الايسر من الكيبورد احب ان اعيش مثلة بعيدا عن مشاكل البشر
|
|
#11
19-08-2011, 12:13 PM
|
|||
|
|||
|
اقتباس:
بصى فى موضوع القرارت المصيرية لازم نفكر براحة ونسأل ونشوف خبرات الناس التانية انتى عايزة تشتغلى فى صناعة الادوية وده كان السبب الاساسى عشان تدخلى علوم بس لما الحمد لله بقيتى طالبة فى علوم فهمتى الدنيا وعرفتى الاقسام عن قرب شوية ووارد جدا ان الانسان يحب حاجات مكنش بيحبها زماان لسبب بسيط انه مكنش يعرف الحاجات ديه قبل كده زى مثلا قسم البترول تعالى بقى نكلم فى المفيد والمهم اى حد درس كيمياء فى كلية علوم يقدر يشتغل فى الادوية يعنى كيمياء سبشيل يقدر كيمياء / نبات يقدر وغيرهم ولكن ملحوظة مهمة جدا مهما اشتغلتى فى مجال الادوية هتلاقى الصيدلى هو الرئيس وانتى تحت منه ده مش كلامى ده كلام انسان قريب منى اوى عنده خبره 25 سنة والخبرات هنا هى اللى ليها الاولوية لو عايزة تشتغلى فى مجال البترول فيه عندك قسم جيوفيزياء وفيه عندك قسم جيوفيزياء/جيولوجيا الاتنين مؤهلين للعمل فى مجال البترول ومطلوبين + مجال الانشاءات والمياه الجوفيه وغيره ولكن ملحوظة فرصة البنات صعبة فى المجال ده لأن المجال ده بيحتاج الى سفر بشكل شبه دائم او بيات فى المواقع وغيره من الحاجات الى بتمثل عقبة للبنات طبعا انتى احترتى اكتر وهتقولى هو عمال يقفلها فى وشى ليه لأ انا بكلمك بكل امانة ونقلا عن تجارب ناس اعرفها والحمد لله انك عرفتى دلوقتى بدل ما تعرفى بعدين بصى فيه اقسام تانية جميلة جدا فيه مثلا فيزياء/علوم حاسب هتشتغلى فى مجال الكمبيوتر من برمجة وشبكات بس المجال ده محتاج كورسات فى الصيف وشغله مطلوب وشغل نضيف جدا ومناسب ومرتباته حلوة برضه من كلام واحد خريج علوم عين شمس من نفس التخصص وشغال فى تى اى داتا فيه فيزياء حيوى واشهر حاجة للمجال ده اخصائى اشعة فى المستشفيات وفيه مجال الكيمياء وده مفتوح جدا وواسع جدا من حيث الشغل لو بتحبى الكيمياء اوى يبقى تدخلى كيمياء سبشيل او نص نص ادخلى كيمياء/فيزياء وامسكى العصاية من النص طبعا انا بعدت عن الرياضة عشان انتى عارفه الرياضة الخلاصة انا برشحلك فيزياء حاسب ---> لازم تكونى بتحبى المجال + كورسات +شغل مناسب ليكى وفرص عمل موجوده كيمياء ----> هيفتح ادامك سكك كتير فى جميع مجالات الشغل سواء الادوية او غيره ولا بد من حب المجال انا مجبتش سيرة الجيوفيزياء او الجيولوجيا عشان انا بربط التخصص بمجال العمل وزى ما قولت فوق فرص البنات صعبة والناهرده هتأكد من واحد شغال فى شركة بترول عن موقف البنات فى مجال الشغل كجيوفزيائى ادعى ربنا يوفقك للأختيار الصحيح ولا بد من صلاة الاستخارة ولما تقررى قولى اخترتى ايه وهتناقش بأذن الله اسف على الاطاله بس ده اختيار مصيرى لا بد من الصراحة والواقعية
__________________
عرفت ربك وانت فيها ضعيف.... صدقت انك جاي فالدنيا ضيف عشان حاجه بقي ليك ترفع لله ايديك .... ولما تبقي معاك بتنسي فضله عليك جااين و فيها ضيوف ولا باقي غير معروف .... احمد و اشكر ربك بالحب قبل الخووف
|
|
#12
19-08-2011, 03:27 PM
|
|||
|
|||
|
طيب انا كنت عايزه اعرف بانسبه لجامعه الزقازيق التخصص بيكون فيها من اولى ولا تالته ولا تانيه
وكنت عايزه اخش قسم الكيمياء الحيويه والميكروبيولوجى بس سمعت انه مش موجود فى جامعه الزقازيق وبصراحه انا محتاره شويه فى القسم انا علمى علوم وكنت عايزه اخش قسم فيه مجالات شغل كتير
|
|
#13
19-08-2011, 05:12 PM
|
|||
|
|||
|
اقتباس:
بصى انا هقولك على الاقسام المتاحة فى جامعة الزقازيق :
كيمياء وميكرو كيمياء حيوية كيمياء وكيمياء حيوية التلاتة دول هيؤهلوكى لمجالات عمل كتير ككيميائية او كدكتورة تحاليل بعد عمل دبلومة والكيميائى فرص العمل ليه كتيرة جدا زى ما شوفتى فوق فيه برضه كيمياء / جيولوجيا يعنى ده بيمسك العصاية من النص بمعنى انه يقدر يشتغل فى مجال الجيولوجى او الكميائى وديه ميزة الاقسام الدابل الكورس انها بتدى مجالات شغل اوسع يعنى تقدرى تشتغلى فى البترول وشركات المياه الجوفيه والاتشاءات والتشييد وغيره وتقدرى تشتغلى فى مجال الكميائى زى الادوية والدهانات والاصباغ والاسمنت والبلاستيك وغيره بس عيبها الوحيد انك مينفعش تبقى معيده حتى ولو كنتى الاولى على الدفعة عشان انتى مش متخصصه مثلا زى قسم كمياء اسبشيال او جيولوجيا اسبشيال فهم الاحق فى مجال التدريس فى الجامعة بس زى ما قولتلك هيبقى مجال الشغل من كيمياء/جيولوجيا واسع جدا على فكرة التخصص من سنة تالتة فى الزقازيق اللى هو التخصص النهائى ادامك مجالات حلوة وكويسة فكرى وصلى صلاة استخارة وبعدين قررى وبالتوفيق
__________________
عرفت ربك وانت فيها ضعيف.... صدقت انك جاي فالدنيا ضيف عشان حاجه بقي ليك ترفع لله ايديك .... ولما تبقي معاك بتنسي فضله عليك جااين و فيها ضيوف ولا باقي غير معروف .... احمد و اشكر ربك بالحب قبل الخووف
|
|
#15
26-08-2011, 12:27 AM
|
|||
|
|||
|
اقتباس:
والقسم فى تانية والتخصص النهائى فى تالتة كيمياء حيوى كويسة جدا للمجال ده بس احرصى على التقدير فى اولى وتانية عشان بتاخد اعلى تقديرات وبالتوفيق 
__________________
عرفت ربك وانت فيها ضعيف.... صدقت انك جاي فالدنيا ضيف عشان حاجه بقي ليك ترفع لله ايديك .... ولما تبقي معاك بتنسي فضله عليك جااين و فيها ضيوف ولا باقي غير معروف .... احمد و اشكر ربك بالحب قبل الخووف
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:45 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
