بتحلم بايه كطالب التحقت بكليه صيدله

[Drsara]

جزاك الله خيرااا يا طموح الفارما محمود لكن عندى راىء تسمح لى انا اقولة بما اننا نقوم على مفهوم مناقشة يعنى الصح والغلط

[Drsara]

اهم حاجة فى تحقيق الطموح العمل الجماعى والتعبئة النفسية والاهم الاصدقاء اوعى حد ينسى دورهم واحيانا ناس كتير ما بتحبش الطموح اصدقائك اه لكن ساعة الطموح ممكن يققللوا من دة فليكن البعد عنهم غنيمة

[skybaby]

السلام عليكم موضوع مهم و كلنا محتاجينه انا شخصيا محتاجاله جداااااااااااااااا والله انا كنت داخلة الثانوية وعندي طموح اني اخش بشرى واتخصصص اطفال عشان هدفي كله خدمة الناس في ناس كتير عايزة مساعدتنا والله نفسي اساعد الناس كلها لكن انا دخلت صيدلة بعد ارهااااااااااااااااااق كبير والحمد لله على كل شيء اما دلوقتي فباذن الله ربنا يقدرني اني اعمل كورس كلينيكال ودوكتوراة وماجستير وحاجات تانية ربنا يقدرنى عليها يارب حقق لكل واحد هدفه ااااااااااااااااااااااامين

[mahmoud ahmed2]

ميرسى اوى ليكم يا جماعه على اهتماكم بالموضوع وتقديركم ليه وربنا يجزينا خير على اللى بنعمله
ويوفقنا لما يحبه ويرضاه

اخوكم طموح االفارما

[mahmoud ahmed2]

احنا يا جماعه ذكرنا ان اهم حاجه فى تحقيق هدفنا هيا انفسنا ولازم يتحقق عنصر الثقه بالنفس وده موضوع عن علاقه الثقه بالنفس فى تحقيق الطموحات

[mahmoud ahmed2]

الثقة بالنفس وتحقيق الطموح

الثقة بالنفس وتحقيق الطموح هي مهمة لأنها بداية الطريق إلى النجاح
والخطوة الأولى لتحقيق ما تريد من أهداف في حياتك .
ومن يفتقدها سوف يبذل الجهد حتى يحصل عليها
وقد يتصف بها الإنسان منذ نعومة أظافره إنها " الثقة بالنفس "
ولا نعني هنا الغرور بل هي أن يثق الإنسان بما لديه من قدرات وإمكانيات التي وهبها الله له وتميز بها عن غيره .. .
وهي القدرة على السير نحو تحقيق الهدف ومواجهة العقبات التي تكون عائق كبير دون الهدف المراد تحقيقه .

ويكون هذا السير يصاحبه أمور هي الداعمة بعد توفيق الله سبحانه وتعالى .. وهذا من أهم ما يعزز ثقة الإنسان في نفسه وبعدها احترام الشخص لذاته وإحساسه بقيمته والنظر لنفسه نظره ايجابيه وهي أن تنظر إلى نفسك بأنك إنسان ناجح ، وانك قادر على تحقيق طموحك " ومن الأمور المهمة التي تساعد على الثقة بالنفس " العلم وهذا يعتبر شيئاً طبيعياً أن الإنسان إذا عمل أو تكلم في شيء يعلمه كانت ثقته في نفسه اقوي .. ومن هنا يجب
عليك تزويد نفسك في معرفة الهدف المراد تحقيقه ومن العوامل تقييم نفسك ، وحاول أن تنظر إلى ما حققت من خطوات ايجابيه سوف تشعر بالتقدير والاعتزاز بنفسك .. .

(الانتقاد) لا يكون هذا الانتقاد الذي قد تتعرض له يشعرك بالإحباط ، وحاول أن تستفيد من هذا النقد وليعرفك في الأخطاء التي وقعت بها وتتفاداها مستقبلاً .. لا تتوقع أن الفشل سوف يكون حليفك وليكن التفاؤل دائماً ملازماً لك ولا تكن أسيراً لتجارب فاشلة ..
حاول أن تستفيد من هذه التجارب " وراء كل نجاح فشل مكرر ، ولا يأس مع الحياة ، ولا حياة مع اليأس ، ولا حياة دون أمل وتجارب ، ولا تجارب دون نتائج ، وتكرار المحاولة هو بداية النجاح ومن هنا تحقيق طموحك وثقتك بنفسك ولا يسيطر عليك الخوف ويجب عليك التخلص منه إذا لم يكن لهذا الخوف مبرر ..فانه لا يوجد ا نسان ضعيف "
لكن يوجد إنسان يجهل موطن القوة في نفسه ..
ويقال الفاشلون قسمان ، قسم فكّر ولم فعل
وقسم فعل ولم يفكر ، ومن هنا يجب عليك أن تكتشف مواطن القوة لديك ..
وان تفكر ويصاحب هذا التفكير عمل ومن هنا تكسب ثقتك في نفسك .. وتحقق طموحك .. .

مع تحيات اخوكم الدكتور محمود طموح الفارما

[mahmoud ahmed2]

اتمنى الموضوع الجديد واللى انا شايفه اول واهم خطوه فى تحقيق الطموح
واتمنى اسمع راى حضراتكم فى الموضوع
وربنا يوفقنا ونستفيد كلنا ان شاء الله

طموح الفارما

[عاشقة النبى 22]

انا بقى نفسى فى حاجة غريبة بس مفيش حاجة بعيدة عن ربنا والحاجة دى انى اكون نقيبة الصيادلة
والله الموفق

[Dr/sanaa]

ان شاء الله يارب يا دكتورة لية لا

[dr/eagle]

بص يا دكتور محمود شكرا ليك على التوبيك الكول ده وبص تاني وركز في عيني قصدي الشاشة اي مجال في الدنيا علشان تبدع فيه لازم تحبه(ورود ودباديب والحورات دي) المه لو انتا حبيته هتتجوزوا قصدي هتبدع فيه ومستحيل تقدر تحبه لو شاكله مش عاجبك(كلام جامد صح) المهم ان ايه الحل لو شاكله مش عاجبني ابتدي ادور انا على الحجات الحلوة اللي فيه و اتاملها واحبها

[dr/eagle]

عاشقة النبي لو بقيتي نقيبة بليز حاوي تطبقي الكدر زي المدرسين

[Dr|shereen]

وانا بحلم انى اشتغل حاجه فى تركيبه الدواء يعنى فاكرين الفيلم بتاع لاتشرب الدواء الدواء فيه سم قاتل اهو انا بقى عايزه ابقى زى الدكتور فى الفيلم اللى كان بيعمل تركيبه الدواء لعماد حمدى شغلانه تحس فيها كده بالمسئوليه يعنى مش عايزه دوري يبقى مجرد انى اصرف الدواء اللى فى الروشته وخلاص وكمان نفسى ان شاء الله اعمل الاكلينيكال عشان بردك اشتغل فى مستشفى واحدد الادويه وجرعات الكيماوى فرصه بتوع الطب هيسيبونا نحدد احنا الدواء وميرسى على التوبيك

[Dr Mimi]

ع فكرة يا د نغم احساس الفراغ بيكون سىء اوى يعنى الفراغ بيكون وحش اوى وياريت تكملى ف المجال الجميل اللى انت دخلتى فيه انا بتمنى انى اخلص ال5سنين بتقديرات كويسة وبعد كده ان شاء الله اكمل ماجستير ودكتوراه واكون دكتورة ف كليه الصيدلة يا رب كل واحد يوصل لهدفه

[Drsara]

ربنا معانا ان شاء الله

[mahmoud ahmed2]

معلش يا جماعه ظروف رخمه شويه بعدتنى عن مواصله الموضوع
اوعدكم انى اكمله ان شاء الله وميرسى اوى على مشاركتكم
ومبرووك لينا كلنا ولدكتور ساره بالاخص على المنتدى الجديد صيادله مصر