طريقة من ابتكار استاذى للتحليل بدل المقص طريقة من ابتكار استاذى للتحليل بدل المقص

[*زهرة المدائن*]

السلام عليكم ورحمة الله وبركاته
بصوا انا هدخل فى الموضوع على طول
فى تحليل المقدار الغير بسيط اللى هو زى كده :اس+ب س+ج بحيث" ا " لا تساوى 1
كنا بنعمل طريقة المقص ( البنات اللى دخول 2 اعدادى )
ومش محتاجة انى اذكركم بيها بس كنا بنغلب
وياسلام لو الحد الاخير ليه عوامل كتييييييييييييير
استاذى الله يخليه علمنا طريقة تانية
خدى عندك المثال ده يا ستى:
5س2+3س-8(ال2 اللى بعد الاتنين دى اس )
هتعملى ايه بقى
هتربعى معامل الحد الاول (اللى هو الخمسة )يعنى 5*5
واضربى الخمسة اللى انتى ضربتى فيها فى الحد الثالث (ولو المعامل 6 اضربى فى ستة وهكذا )
هيبقى عندك حل المثال اللى عندك كده
25س2+3س-40
وبعدين حللى عادى خالص زى تحليل المقدار الثلاثى البسيط فيبقى :
(5س+8)(5س-5)
بصى بقى على القوس التانى هتلاقى فى عامل مشترك اللى هو الخمسة اقسمى عليه من غير ما تكتبيه فيبقى الناتج الاخير :
(5س+8)(س-1)
جربيها بالمقص واتحاداكى ان ماطلعوش نفس الناتج

مش طالبة منكم تقييم ولا حاجة
بس دعوة لاستاذى ان ربنا يهديه ويكرمه لان انا سبت درس الرياضة عشان بفهم منه
ودعوة ليا ان ابقى من المحسنين وانى ابقى شاطرة فى كل المواد وخاصة الرياضة
ودعوة ان ربنا يشفى اخى ويحم امى وابى وجدو وتيتة وجميع المسلمين اميييييييين
السلام عليكم
فى امان الله

[فوزى عبده]

اميييييييين

[zereberto]

مشششششششششششششككككككككككككورا وبارك الله فيكى وجزاكم الله خيرا

[yasmeenaaa]

جزاكى الله خيرا

[عبدالمنعم ابوسعيد]

طريقة ممتازة جدا أفادك الله ورحم أستاذك

[كرم سيد امبابى]

الكلام رياضيا غير صحيح لان ( 5 س + 8 ) ( 5 س ــ 5 ) لا يساوى 5 2 س2 + 3 س ــ 0 4

[ابراهيم حجازى36]

المشاركة الأصلية كتبت بواسطة كرم سيد امبابى

الكلام رياضيا غير صحيح لان ( 5 س + 8 ) ( 5 س ــ 5 ) لا يساوى 5 2 س2 + 3 س ــ 0 4

كلامك صح

[el_kashef]

المشاركة الأصلية كتبت بواسطة كرم سيد امبابى

الكلام رياضيا غير صحيح لان ( 5 س + 8 ) ( 5 س ــ 5 ) لا يساوى 5 2 س2 + 3 س ــ 0 4

متنساش اننا غيرنا المسألة وضربنا فى معامل س2 وكمان ضربنا الحد الأول والثالث فقط

بس جرب الطريقة على أى مقدار بعد إخراج العامل المشترك هتلاقيها مظبوطة

بس برضه فين الأساس الرياضى علشان نعمل كده

هى دى المشكلة

الطريقة تنفع مع كل المقادير الثلاثية غير البسيطة


لكن عايزين الأساس الرياضى

[mr karim ali]

اعتقد ان الطريقة بدون اساس رياضى واكيد فى مسالة مش هتتحل بالاسلوب ده
ولكن نشكر المدرس صاحب الفكرة والبنت على مجهودها فى نشر الطريقة

[ashrakat30]

شكرا يازهرة مش انتى فتوكة؟؟صح

[momken]

الطريقة دى غير صحيحة بالمرة
لأن رياضياً غلط
وحتى دى لو طريقة للتسهيل فهى لا تأتى بحل كل المسائل

[jaber4u079]

لو طالب حل الحل دا فى الامتحان نعطيه صح لا اتفق مع الطرق الغير رياضية

[مستر حسام عامر قنديل]

هذه الطريقة غير صحيحة انا جربتها كما انها اصعب من المقص لكنى ادعوا لكى بالتوفيق

[سمير زكى]

اريد تحليل المقدار 2س أس2 -29

[عماد عبد الباسط]

الطريقة خطا رياضياً و تدعو للكسل و الخمول و لكن المقص تجعل الطالب يفكر
سعيد علواني مدرس رياضيات سمالوط