من الكلف بشغل الاحصاء والمعلومات

[liondesert_77]

بسم الله الرحمن الرحيم
الاخوة الاعزاء ارجو التكرم بموافاتي باي معلومة او نشرة تحدد من المسئول عن شغل الاحصاء والمعلومات بالمدرسة حيث انني اسمع بوجود فاكس من الوزارة بتكليف مدرسي الحاسب الآلي بشغل الاحصاء والمعلومات وهل يوجدنشرات من مركز التطوير الكنولوجي بالوزارة تخلي مسئولية الاخصائي الغلبان من شغل الاحصاء والاعمال الكتابية في المدرسة لان الواحد خلاص طهق وزهق من الشغلانة دي
ياريت تفيدوني بسرعة ولكم وافر الاحترام والتقدير
أخوكم/ أيمن منسي
أخصائي اول تك

[alfa]

أنا معلم أول أ لغة عربية و مسند إلى الإحصاء
و ليس عملا شاقا ولا شىء

[smfmsmfm5]

انت تعد فى البيت لان شغل الى زيك فى الوزارة حرام

[liondesert_77]

وماله ياروح ماما اقعد في البيت واصرف انت على ولادي ما عنديش مانع

[محمد خالد الشابورى]

التوجيه حيفيدك اكتر
فى البحيرة توجيه التطوير يحظر تماما تكليف مسئول التطوير بأى عمل خلاف عمله الأساسى

مش عارف حضرتك محافظة إيه بالضبط
لكن روح للتوجيه و اطلب منهم ورقة تفيد بأنك لا تعمل إلا شغل التطوير و بس
فهمهم إن وقتك ميسمحش بالشغلتين مع بعض

لو التوجيه منصف مش حيتأخروا ثانية واحدة
لأن شغل التطوير لوحده مهلك

[liondesert_77]

شكرا يا استاذ محمد هو رد الانسان المحترم مش شغل اللي زيك في الوزارة حرام

[محمد خالد الشابورى]

مع كامل إحترامى لك و للزميل
ربنا إسمه الحق

حضرتك بتاخد مرتبك على شغل التطوير و بس
لو تتكلف بعمل إضافى يبقى تاخد أجر إضافى

و القرار بتاع تشكيل وحدة الإحصاء بالمدرسة بيقول تشكيل وحدة جديدة من 5 أفراد
و ليس زيادة العبء على وحدة موجودة بالفعل

القرار هلامى جدا و مش محدد مين
علشان كده الأمور مش ماشية صح

المفروض لو انت كفء فى المجال يبقى تشتغلها بمقابل مادى و برضه برغبتك
فى جميع الحالات انت مش مجبر و توجه للتوجيه

[liondesert_77]

اللي ورطنا في شغل الاحصاء مدير القسم السابق لما قالوا في فلوس ولنا جاءت الفلوس الحراميةالكبار في الادارة قسموها على بعض واحنا خدنا زومبة فعلشان كدة مديري المدارس مفكرين ان وظيفة الاخصائي هي الكتابة على الكمبيوتر بجانب شغل الاحصاء

[محمد خالد الشابورى]

إنت عايز الفايدة ؟؟؟ روح للمدير و قوله يعمل حسابك فى فلوس الخدمات الطلابية و فى كل كشوف البركة و إلا حتشيل نفسك من التشكيل و دى حقيقة لو منفذش طلبك تدخل النت و تشيل إسمك من التشكيل و تطبع الورقة بالتشكيل بدونك تخلى واحدة معاك وواحدة تعرضها عليه ظبط معاك يبقى أهلا و سهلا ترجع نفسك مظبطش يبقى ملزوم خلال 3 أيام يجيب واحد يستلم منك الباسوورد رسمى بس لابد يكون التوجيه ساندك علشان إنت عارف الشئون القانونية ساعات يكون فيها مجاملة

[longer]

يعنى اللى بيعمل شغل الاحصاء بياخد مقابل مادى ولا ايه ياريت توضحولى النقطه دى ومن اى بند بينصرف هذا المقابل وفى منشور بكدا ولا لأ ياريت التوضيح ضرورى

[محمد خالد الشابورى]

المشاركة الأصلية كتبت بواسطة longer

يعنى اللى بيعمل شغل الاحصاء بياخد مقابل مادى ولا ايه ياريت توضحولى النقطه دى ومن اى بند بينصرف هذا المقابل وفى منشور بكدا ولا لأ ياريت التوضيح ضرورى

لا مش فيها فلوس و ليس لها بند
و لست ملزم بها من الأساس مهما كان عملك

الوكلاء يتهافتون عليها لأنها تعفيهم من مهام أخرى أصعب
أما مسئول التطوير هو من يقوم بالعمل الحقيقى
و أحيانا كثيرة بدون رغبته كما شاهدنا فى هذا الموضوع
و يتعرض للمسائلات القانونية الناتجة عن هذا النشاط مقابل لا شيئ
مع أن المتعارف عليه فى كل الأعراف أنك لابد أن تحصل على المال حتى تتحمل المخاطرة
و خصوصا أن مسئولية الحكومة الإلكترونية قانونا لا تلزم فئة أو فرد بعينه بالعمل بها
أحصل على حقك بطريقتك

[liondesert_77]

إن شاء الله سارفع نشرة التطوير التكنولوجي بادارة غرب الزقازيق التعليمية للمناقشة والحوار وعلي الله تكون مفيدة

[م جمال غزال]

تشكيل وحدة الاحصاء والمعلومات من الوزارة

http://www.gulfup.com/?XIwqNl

[waledsalh]

طالما ما وقعتش على وحدة المعلومات يبقى من حقك ترفضها
ولكن هيقولوا مين اللى فاهم فى الكمبيوتر غيرك
يبقى التصح انها تتشكل رسمى
المدير فى المقدمه ثم حضرتك ثم الاداريين المسؤلين عن البيانات
ولكن رسميا هى مش فرض عليك

[Abu yosef alnagar]

المشاركة الأصلية كتبت بواسطة م جمال غزال

تشكيل وحدة الاحصاء والمعلومات من الوزارة

http://www.gulfup.com/?xiwqnl

شكرا جزيلا وجزاكم الله خيرا هو ده المطلوب