يعنى ايه بنت ملتزمة ؟!

[مريم السباعى.]

يعنى ايه بنت ملتزم ويعنى ايه ولد ملتزم

يعني إيه بنت ملتزمة؟

ضحى الجندى ١٠/ ٤/ ٢٠٠٧

يتمني أي شاب أن يتزوج من فتاة جميلة وعائلة طيبة واهم شيء أن تكون ملتزمة لكن ما هو الالتزام من وجهة نظر الشباب؟

يقول محمد سعد، ١٩ سنة، حقوق إنجليزي: «الالتزام مش معناه إنها تقعد في البيت أو تلبس النقاب، لكن في نفس الوقت ما ينفعش تمشي بشعرها في الشارع».

كريم علي، ١٩ سنة، تجارة إنجليزي، يقول: «الحجاب أساسي عشان ما تظهرش جمالها لحد غيري».

أما وائل محمد، ٢٢ سنة، تجارة، فيقول: أساسي عندي إنها تكون منتقبة وبتعرف ربنا.!

ويري حمادة فيصل، ٢٦ سنة، أن الالتزام يعني التدين، والصلاة والاحتشام، والحجاب، ويقول «ممكن أرتبط ببنت ارتبطت قبل كدة، لكن لازم أعرف إيه سبب انفصالها عن الشاب الأول».

لكن محمد عبد العال، ٢٠ سنة، إعلام القاهرة، قال: الفتاة الملتزمة عنده هي «البنت المتربية» والمحجبة.. ويقول: لا أستطيع الزواج من فتاة عرفت شابًا قبلي، لأني «مش هبقي مرتاح» والالتزام لا يعني الحجاب عند شباب آخرين، مثل عمرو عبد الفتاح، ٢١ سنة، تجارة، وهو مرتبط ويقول: «هي free جدًا، وساعات لبسها يبقي مش ملفت، وساعات يبقي «نطحات»، لكنها مع ذلك بتصلي وهو ده الالتزام في نظري».

أحمد الغزولي، ١٩ سنة، إعلام القاهرة كان له رأي مختلف إذ قال: «مش لازم تكون محجبة، بس لما تيجي تتكلم مع شباب، تتكلم بحدود ومتبقاش «مأفورة»! ويرفض فكرة الارتباط بفتاة «مشيت مع واحد غيره» لأنه سيظل خائفًا من أن تتركه هو الآخر.

ولا يمانع محمد الصياد، ١٨ سنة، إعلام القاهرة، من الارتباط بفتاة غير متدينة، بشرط أن تكون طباعها قريبة من طباعه، ولكنه لا يستطيع الزواج من فتاة ارتبطت بشاب قبله.

ويري شريف مدحت، ١٩ سنة، تجارة إنجليزي، أن الالتزام يعني أن تكون الفتاة متدينة ومؤدبة و«بتصلي». ويقول: «مش لازم تكون محجبة، بس أول ما نرتبط هخليها تتحجب»!


[COLOR="Red"]هذه ارءا عدة عن نظرة الشباب عن التزام فما رئيكم يا حضرات(الكلام لشباب والبنات)

ما معنى التزام فى نظركم[/COLOR]

[وااااااااااء]

هي الفتاة التي آمنت بالله رباً، وبالإسلام ديناً، وبمحمد صل الله عليه وعلى آله وسلم نبياً ورسولاً
ورضيت بمنهج الله تعالى وشريعته ديناً ودرباً وطريقاً
رضيت أن تكون أسوتها وقدوتها هن النسوة المؤمنات الصالحات من أمهات المؤمنين ونساء الصحابة والتابعين

[مريم السباعى.]

المشاركة الأصلية كتبت بواسطة وااااااااااء

هي الفتاة التي آمنت بالله رباً، وبالإسلام ديناً، وبمحمد صل الله عليه وعلى آله وسلم نبياً ورسولاً
ورضيت بمنهج الله تعالى وشريعته ديناً ودرباً وطريقاً
رضيت أن تكون أسوتها وقدوتها هن النسوة المؤمنات الصالحات من أمهات المؤمنين ونساء الصحابة والتابعين

شكرا جزيلا على مشاركتك فقد احسنت الحديث والكلمات
ونتمنى تفاعل من الاعضاء وابدا رئيهم فى الامر
خالص تقديرى

[coka zero]

البنت المخترمة فى وجهة نظرى هى الى مشيتها محترمة---مش تكون بتكلم ولد ومرتبطة بيه ينى بتكلمه فى التليفون وكده يعنى-------بتصلى---بتراى ربنا فى كل حاجة تملها ---تعيش حياتها ااااااااادى خالص بس تكون راضية ربنا وتخرج وتتفسح وكل حاااااااااااااااااااااااجة

[Dr \ Mohammed Saeed]

البنت المحترمة الملتزمة من وجهة نظري
اولا تكون مسلمة ملتزم دينيابالصلاة والصيام والزكاة وغيرها من ركان الاسلام
ثانيا متكنش بتكلم حتي اي ولاد قبلي حتي لو كانوا قرايبها
ثالثا الحجاب لانه منفعش اشوف مراتي ماشية في الشارع بشعرها ادام اناس
بس برضه متبقاش خنيقة كده لا عادي ممكن نطلع ونتفسح مع بعض(بعد الزواج طبعا) ونسافر مع بعض المهم نحاول نرضي ربنا

[EZEL coming]

البنت المحترمة هى البنت التى تتبع طريق الله ومش شرط تكون منقبة مش هاقول كلام تانى

[مريم السباعى.]

مشاركات الرئاعة وانتظر المزيد من الاراء
خالص شكرى وتقديرى

[bright stars]

في رأيي البنت المحترمه هي اللي توزن تصرفاتها قبل ماتعملها وتفكر اذا كانت بكده بترضي ربنا ولا بتغضبه
تقريبا.... لو فكرت في كل كلمه ......في كل فعل هي هتعمله بالمبدأ ده ................اكيد هتتحجب عشان ترضي ربنا ......هتصلي .........هتبعد عن اي طريق مش كويس ....ويكمن جمالها في اخلاقها وكده تبقي هي البنت اللي ربنا يحبها وهي دي اللي تنفع تكون زوجه صالحه وام وتربي اولاد

[sameh mostafa]

المشاركة الأصلية كتبت بواسطة مريم السباعى2

كريم علي، ١٩ سنة، تجارة إنجليزي، يقول: «الحجاب أساسي عشان ما تظهرش جمالها لحد غيري».
color]

ههههههههههههههههه



طبعا البنت الملتزمة هى اللى تحافظ على نفسها وعلى سمعتها وعلى سمعة اهلها فى البيت هى اللى المثقفة اللى متلبسش لبس يلفت النظر او صوت عالى يلفت الانتباه