مجالات شغل كلية السياحة و الفنادق

[eslam_2009]

اى حد يعرف اى حاجة عن مجالات شغل كلية سياحة و فنادق يقول لنا . ومحدش يقول مجالات شغلها كتير ويسكت ياريت يقول اه المجالات دى ؟؟؟!

وياريت حد يقول لنا كل قسم بيتخرجوا يشتغلوا اه منه ؟؟؟

[gygy_love 2008]

بصراحه قسم سياحه عشان انا هدخلو بيشتغلو فى شركات سياحه وشركه مصر للطيران وفى واحده قربتى شاغاله فى المطار وبيشتغلو فى شركات استثمار وعموما الكليه دى كويسه جدا مش هتغلب فى الشغل سواء دخلت اى قسم بس اللى انا عايزة اعرفه هو مفيش حد بيدخل على الكليه دى ليه هو مفيش حد دخلها واللا ايه

[eslam_2009]

المشاركة الأصلية كتبت بواسطة gygy_love 2008

بصراحه قسم سياحه عشان انا هدخلو بيشتغلو فى شركات سياحه وشركه مصر للطيران وفى واحده قربتى شاغاله فى المطار وبيشتغلو فى شركات استثمار وعموما الكليه دى كويسه جدا مش هتغلب فى الشغل سواء دخلت اى قسم بس اللى انا عايزة اعرفه هو مفيش حد بيدخل على الكليه دى ليه هو مفيش حد دخلها واللا ايه

شكرااااا جدا وانا كمان زيك معرفش ليه محدش بيدخل على الكلية

[gygy_love 2008]

العفو
حاجه غريبه مش كدة ؟؟؟؟؟؟؟؟؟؟؟؟
مع انها والله كليه كويسه جدا

[gygy_love 2008]

انت دخلتها قسم ايه؟

[eslam_2009]

انا لسه داخل تالتة ثانوى بس بسأل بس اصل انا ناوى أدخلها

[sannofa]

انتوا شكلكوا كدة حببتونى فى الكلية انا لسة هادخل تانية ثانوية وانشاء الله ادخلها بس انا محتار بين قسد السياحة وقسم الارشاد السياحى مش عارف انهى الاحسن شايف ان قسم الارشاد السياحى ممكن يكون احسن ياريت حد يقولى أى حاجة

[mohamed franchy]

iam mohamed ramdan astudent at the faculty of tourim and hotel fayoum university
i wanna find ajob
by th way i speak english very well please any one can help me ?

[نرمين محمد]

انتوا شكلكوا كدة حببتونى فى الكلية انا لسة هادخل تانية ثانوية وانشاء الله ادخلها بس انا محتار بين قسد السياحة وقسم الارشاد السياحى مش عارف انهى الاحسن شايف ان قسم الارشاد السياحى ممكن يكون احسن ياريت حد يقولى أى حاجة







بص يا انسة الارشاد اقوى فرع وانا بكالوريوس السنة دى وظيفة محترمة وشكل واستايل لو عايزة تبقى جامدة مووت ادخلى ارشاد

[Eslam_Tourism]

اوعوا يا جماعة تكونوا فاكرين ان الشغل فى شركات الطيران سهل ده صعب جدا لازم : - تكون بتجيد الانجليزى تحدثا وكتابة - تاخد كورس اماديوس او جاليلو فى حجز الطيران وده لو عايز تبقى موظف حجز - يفضل تكون واخد icdl

[sympathique]

انا طالب فى كلية السياحة والفنادق الفرقة التانية والشغل بجد كتيييييير وانا هوضح ده فى موضوع

افضل وظائف السياحة والفنادق

[ebrahim kamal]

اولا قسم الارشاد ( مرشد سياحة فى شركات سياحة وممكن تشتغل مترجم فورى كمان )
تانيا قسم سياحة ( شاركات سياحة وطياران )
ثلاثا قسم فنادق ( شيف او ممكن تشتغل فى ادارة الفنادق )

هو دا اللى انا اعرفة ومتاكد منة
انا كلية سياحة قسم ارشاد داخل 3 ان شاء الله
وبجد القسم دا جامد للى عاوز يجتهد وبيحب اللغات
وهو يعتبر احسن قسم فى سياحة وفنادق كلها

[Dr.Gehad]

انا رأيي ان السياحه عموما شغلها كله كويس يعنى اقسامها كلها كويسه
لكن مش مضمونه يعنى شويه نايمه وشويه شغاله اوى وكمان فلوسها بردو مش مضمونه
الاحسن انك تفكر فى حاجه تانيه غير الكليه دى او لو انت حاببها اوى كدا اتخصص فى حاجه مفيهاش شبهه وخلاص
وربنا يوفقك

[sympathique]

المشاركة الأصلية كتبت بواسطة dr.gehad

انا رأيي ان السياحه عموما شغلها كله كويس يعنى اقسامها كلها كويسه
لكن مش مضمونه يعنى شويه نايمه وشويه شغاله اوى وكمان فلوسها بردو مش مضمونه
الاحسن انك تفكر فى حاجه تانيه غير الكليه دى او لو انت حاببها اوى كدا اتخصص فى حاجه مفيهاش شبهه وخلاص
وربنا يوفقك

احنا لو اتكلمنا على الشبهات يبقى ان شاء الله البلد كلها هتقعد فى البيت وياريت تركزى اوى معايا فى اللى جاى وفكرى صح

قناة السويس شبهة ؟! عارفة ليه؟
المحاماة شبهة ؟ عارفة ليه؟
الطب شبهة ؟ عارفة ليه ؟
الصيدلة شبهة ؟ ركزى اوى

اقولك بلاش نتكلم كتييييير علشان منعقدش الناس فى حياتها

بالمناسبة الخيار حلال ولا حرام

صلى على النبى فى سرك كده

وابتسمى انتى فى مصر

[Dr.Gehad]

المشاركة الأصلية كتبت بواسطة esraa_00

احنا لو اتكلمنا على الشبهات يبقى ان شاء الله البلد كلها هتقعد فى البيت وياريت تركزى اوى معايا فى اللى جاى وفكرى صح

قناة السويس شبهة ؟! عارفة ليه؟
المحاماة شبهة ؟ عارفة ليه؟
الطب شبهة ؟ عارفة ليه ؟
الصيدلة شبهة ؟ ركزى اوى

اقولك بلاش نتكلم كتييييير علشان منعقدش الناس فى حياتها

بالمناسبة الخيار حلال ولا حرام

صلى على النبى فى سرك كده

وابتسمى انتى فى مصر

يا أستاذى اى حاجه فى الدنيا دى ليها سلاحين ( الخير والشر ) وانا لما نصحت الاخ اللى بدأ الموضوع قلتله ابعد عن الشبهات لكن مقلتش ان الحاجه دى حرام ولا حلال لكن قلت انها شبهه وانه يحاول يستخدم الخير احسن ويقيم اى سلوك بيعمله بالحلال والحرام فى اى مجال يشتغله بقي المفروض يعمل كدا بما ان حضرتك يعنى زكرت عيوب فى مجالات تانيه ومش بس دا فى شغله لا فى حياته كلها كمان