ملاحظات عن 3 طب

[هاوى إبداع]

السلام عليكم ورحمة الله وبركاته:
الدراسة أربع مواد كالاتى:

أولا : الفارما (300 درجة)
فارما د. محسن زى تفهم يعنى ايه فارما وتحبها ويفيدك لو حاولت تلقط كلمتين فى الشغل الكلينكال تعمل بيهم برستيج د.أحمد عبد الرحمن جديد وبينجز جامد بيسستم الدنيا وبيعرفك حدودك كويس انت اختار وكل واحد وهو بيحب ايه بس نصيحة اسمعوا اتونوميك محسن بجد دماغ عالية وتأسيس صح وفى كلا الحالتين طبعا كتاب د عبد الفتاح وبالنسبة لبنات الازهر سيبكوا من جو الورق ده الكتاب 95% منهممكن تجيبوه جنرال وأتونوميك علشان د.أميمة مبتطقش عبد الفتاح :D ود.محسن سارح جينرال بعد الأتونوميك علشان الأمثلة اللى هو ذكرها موجودة فى الاتونوميك علشان كدة هتحسوا انى بيسرع شوية وبيزود امثلة وصراحة اصلا كل اللى انتوا عاوزينه من الجنرال شوية قواعد ثابتة والفارما بجد فى الاسبيشيال
العملى:
كيرفات جزء أولانى ملوش دعوة بالكتاب وده هينزل بيه ورق اخر السنة أو اخر التيرم وجزء تانى حالات معتمد ب90% ع النظرى


ثانيا:الباثوثوجى (300 درجة)
باثولوجى بالنسبة لى مجربتش غير د.هنداوى سماع وكتب وصراحة هو برنس بيفهم صح وخصوصا الجنرال بيزود فيه اه لكن بيشيل عنك كتير من السستمك وبالنسبة لبنات الازهر لو رئيسة القسم متغيرتش هتضطروا تذاكروا من كتابها لانها ظبطتنا السنة دى فعلا وأهم حاجة بالله عليكوا متركنوش :D
العملى:
جزء شرايح وجزء جارات تعرف وتعليق وعليه درجات كتير حاول حتى تقراه بعد كل سكشن لان الكم هيكون كبير عليك اخر السنة شوية فحاول تبقى واخد فكرة ع الأقل

ثالثا:البارا (150 درجة)
النسبة للبارا اى سورس ينفع لأن حضرتك فى الاخر هتعمل لنفسك عشرين ورقة هما دول الخلاصة واللى هينفعوكوا اوى ومش هتبص فى الكتاب كتير بعده البارا فى كلمة واحدة تجميعات وعلشان كدة بفضل شرايط د.موسى عن د.عزة لأنها بتمط اوى وهى مش مستاهلة لكن فى ناس _وناس أوائل ماشاء الله_ بتعتبرها حلوة جدا وبتشكر جدا فى الداتا شو بتاعتها فشفوها ولو حلوة طبعا زاكروا منها أنا مبديكوش روشتة دى بس خريطة عمل ومتستهينوش بيها ولا تدوها أكتر من حقها يوم ف الاسبوع حلو عليها اوى بس مش أكتر من أسبوع
ومتسمعوش كلمة "مزاكرة البارا خسارة" لانها ضيعت ناس كتير
العملى:
شرايح ومنغير تعليق بسيطة وان شاء الله تتلم بسرعة

أخيرا وليس اخرا: الميكرو (200 درجة)
الميكرو بقى أرذل مادة لو مفهمتوهاش وأمتع مادة لو حبيتوها صراحة أنا أخدت كورس فيها لكن أسمع ان تسجيلات د.مرعى كويسة ان شاء الله تفيدكوا وحاولوا تسستموا نفسكوا علشان مش تتوهوا وبلاش كتاب القسم فى المناعة ازهر بنات هيعقدكوا انا ان شاء الله هنزل ورق ليكو ميكرو فى المكتبة اول السنة بتاع الكورس حوالى 100 ورقة فيهم الزبد :D
العملى:
متركزوش اوى فى الأول لو حسيتوا نفسكوا هتتوهوا هما سكاشن التجميع اللى لازم تحضروهم وتركزوا لاقصى درجة
Coppied