اكتب اللي عاوز تكتبه وقول اللي عاوز تقوله .

[Mr.Optimistic]

بسم الله الرحمن الرحيم

طبعاا كل منا يتعرض لمواقف يومية ( منها مايؤثر فيه بشكل إيجابي ومنها مايؤثر فيه بشكل سلبي )

وهنا كل واحد جواه حاجة ومتضايق ( أو واحد فرحان ) يكتب كل اللي نفسه فيه حتي لو كلام مش مفهوم
بس عبر عن اللي جواك

ولو كان هناك مشكلة بداخل أي عضو ( وعد مني هقدم المساعدة ) طالما كان بإمكاني ذلك .

زي ماتقول كده دقتر يوميات أو شخبطة عالحيط
بس لازم نفضفض

[Mr.Optimistic]

أبدأ بنفسي :--

مش عارف أقول ايه .. بس يكفي إني أقول إني مش فاهم نفسي .
بخاف جداااااااااااااااااا من نفسي .
تصدوقوا لو قلت بكرهها
دايما أفكارها سلبية ودايما في صراع معاها ...
أمته هينتهي مش عارف !!
برتعب لما بفكر في المستقبل ... بخاف جداااااااااا من الفشل .. لهذا يقودني خوفي الي النجاح
لكن ماذا لو فشلت يوما ... هل أستطيع أن أنهض مجدداا
بحس ان جوايا شخصين متناقضين
فكرة سلبية وفكرة ايجابية ... أيهما سينتصر ..!!

أوقات بحس إني أذكي مخلوق إتخلق واوقات تانية بحس إني أغبي مخلوق اتخلق والاوقات دي كتيرة اوي .

بحب العزلة عن كل الناس .. لدرجة غني مرة انعزلت شهرين عن الشارع واسرتي

والله لو أقدر انعزل عن نفسي لن أتردد قط
عاوز أبقي حاجات كتير اووي كلها متناقضة ..

أهلي عاوزني أبقي دكتور وانا عاوز أبقي مهندس وعقلي يميل للعلماء وفكري ينجذب للكاتب والصحفي وجسدي يجب الطيران .
هههه مجنون .. صح ؟؟

في النهاية ::--

تلك الحياة ..وها نحن فيها

[إليزابيث]

أنا بالنسبة للموضوع ده مش عارفة اقول ايه بس المهم هقول
انا شخصية غامضة بالنسبة لنفسي واجهت مواقف كثيرة قادرة على هد الجبال لكني الحمد لله اعانني الله على تخطيها عادة ما افضل الضحك و وضعها وراء ظهري لكني لا انساها قراراتي غالبا لا اتخذها وحدي تساعدني في ذلك امي التي اثق برأيها جل الثقة احس بداخلي الم فظيع لا اعرف ماهو عندما يفعل في شخص موقف اسامح ولكني لا انسى اوقات احس فيها اني تفوقت ووصلت لذروة التفوق و اوقات احس كإني لا شئ بل اقل من لاشئ ولكني ف الاخر انسانة مرحة تحب الحياااااااة وتعتمد على الله وتثق به
في النهاية ::--

تلك الحياة ..وها نحن فيها

[*تائبة فى رحاب الله*]

أخيرا لقيت حد يمكن يشبهنى شوية يعنى خلاص مش عنت غريبة زى مالكل بيقول انا بحب العزلة جدا مش بحب الاختلاط بالناس الا عائلتى بس مش كمان قرايب والدى ووالدتىواخواتى ومش بتكلم معاهم كتير وعمرى متكلمت مع حد خالص اول مرة اتكلم واكتب فى المواضيع هروبا من الواقع ...الواقع ده اللى هو انا بس مش عارفة ازاى اهرب منه لانه هو انا
مش فاهمة حاجات كدة متلغبطة فى بعضها ....وناس تقولى احنا فاهمينك وانا اساسا مش عارفة نفسى او حتى مش فاهماها اساسا..............
واليومين دول ربنا يعديهم ع خير مصييييييييييييييييييبة كبرى عندى بسببى انا عارفة ان ده بسببى انا وبلقى اللوم ع الآخرين .........انا مش بقت علاقتى مع ربنا كويسة الصلاة بقت عندى عادة مش عبادة والقرآن اكتشفت انى نسيت بعضه بلاش كذب نسيته كله

بنظر للعالم كله بيتطور وانا واقفة جماد صلب ومع ذلك ممكن تبعثره الرياح
خلاص مش عاد علم انا بقيت غبية جدا جدا مش عارفة ليه؟؟؟؟؟؟؟
مع ان اللى حوليا بيقولوا غير كدة لانهم بينظروا بنظرة تانية غير نظرتى فاكرين ان العلم مجرد ان الواحد يتفوق يدخل كلية كويسة وغالبا كل البيوت ياطب ياهندسة
مش عارفة انا من رايى المفروض ندرس كل حاجة ليه الانسان يكون بارع فى مجال واجهل من الدابة فى مجال تانى انا قربت من الجنون وبحاول اخدع نفسى
علماء العرب القدامى مش كان عندهم تخصص كانوا بارعين فى كل المجالات
وحتى علماء العصر او اصح علماء الغرب بردة فى منهم مش اتخصص فى مجال معين كان بارع فى اكتر من مجال
ليه بس هم الغرب اللى يسيطروا ليه بس اللى له قوة تسنده هو اللى يظهر هو اللى يبرع
ولكن ان استغنى الناس بمالهم وقوتهم فاستغن انت بالله ودى صعبة لانى كنت بحس انى قريبة من ربنا وفجاة مش عارفة ايه اللى حصل يمكن حصلت من غير ماخد بالى ولا ايه..؟؟؟؟؟ حسيت انى بقيت بعيدة ربنا كان دايما جنبى كان بيوفقنى فى كل حاجة بس
كلام متلغبط حاجات غريبة كدة مش عارفة حاجة خالص..........
شخصية احيانا غريبة غامضة احيانا بسيطة وواضحة مش عارفة
الحمد لله ادعولى بجد ياجماعة لا تنسونا من صالح دعائكم........
ان يهدينى الله .....جزاكم الله خيرا