صرخة معلم مساعد ( أخر فرصة لاستعادة حقوقنا) لازم تدخل وتشارك

[unforgiven]

أخوانى المتعاقدين
السلام عليكم ورحمة الله وبركاته
طبعا كلنا شايفين ايه اللى بيجرى فى البلد ومدى الظلم والفساد اللى موجود فى بلدنا
وذى ما كلنا طلعنا رجالة وقدرنا نغير الواقع المظلم فى مصر يوم 25 يناير لازم برده نفضل رجالة ونغير المصير الاسود اللى مستنينا
احنا بقالنا سنين وسنين متعاقدين منا المعلم المساعد ومنا المعلم باجر يعنى فى الاخر كلنا متعاقدين
فانا شايف ان ده الوقت المناسب اللى نقول فيه كلمتنا ونعرف الدنيا كلها ان رجالة مصر لسه برده موجودين وليهم طلبات مشروعة بسيطة لازم تتحقق
امبارح وزارة الزراعة عينت 95 الف متعاقد علشان قاموا باعتصام
وبعدها خرج علينا وزير التعليم العالى بنبأ انه حيرفع ملف المعلم المساعد لرئيس الوزراء وكتبت جريدة الجمهورية الخبر ده وكتبت الاعداد واللى يجمع اعداد المحافظات حيلاقى العدد حوالى 15 الف فقط
طب باقى الاعداد فين
خلاصة الموضوع انهم بداوا سياسة الابر المسكنة علشان نسكت وننسى التعييين
بس انا ومعايا اصدقاء كتير حنقف ونقول لا
حنقولها بصوت عالى لا تراجع عن التثبيت احنا اتبهدلنا كتير وصبرنا كتير وواضح ان اللى بيصبر ويسكت فى البلد دى بياخد على دماغه واللى بيعمل اعتصام ومشاكل بياخد حقه
فمن هنا لازم تكون وقفتنا واحدة لان دى اخر فرصة يا نلحقها يا حنندم طول عمرنا
بعض الزملاء من اللى عرضت عليهم الفكرة رحب جدا والبعض كانت اجاباته ذى كتير مننا كالتلى
1- وايه المشكلة اننا متعاقدين ياعم بلاش مشاكل
2- طب ما احنا عايشين عيشة ذى الفل وبندى دروس خليهم بعيد عننا وبلاش مشاكل
3-هو احنا نفرق ايه عن المتعينين بلاش مشاكل احنا ورانا عيال وكمان الدراسة قربت وعايزين نشوف اكل عيشنا
4- طب لو رحنا فى مظاهرات حيغيبونا من المدرسة وتتحسب من العارضة لا يا سيدى انا معنديش رصيد اجازات
وطبعا كتير من الاجابات المستفزة اللى من النوع ده فانا بقول للزملاء كلهم لازم نشارك ونبقى ايجابيين واحنا شايفين ازاى الفيس بوك والتويتر غير مجرى حياة مصر للابد
انا عارف ان فى زملاء ما بيعرفوش فى الكمبيوتر وكارهينه خالص بس بقول لهم شارك باى طريقة لازم يبقى لينا صوت
وفى مجموعة مننا عباقرة فى الكمبيوتر وليهم شغل ممتازوالمجموعة دى بنقولها عايزين مجهودكم معانا فى ثورتنا.
علشان كده كان الحل هو عمل صفحة على الفيس بوك اسمها صرخة المعلم المساعد لازم كلنا نتواصل فيها وان شاء الله فى خلال يومين حنكون وصلنا لعدد كبير لازم كلنا نبلغ بعض بالصفحة دى اللى ما بيعرفش يتعامل مع الفيس بوك اسال اخوك روح سيبر اعمل اى حاجة
لازم نشترك ومن خلال الصفحة دى حيكون فى ميعاد ان شاء الله الاسبوع القادم حنروح فيه كلنا لوزارة التربية والتعليم
مظاهرة محترمة سلمية منظمة فيها طلبتنا كلها حنعرضها هناك
انا عارف ان فى ناس حتطنش وناس تقول هما يروحوا وانا استفاد على الجاهز
بس بقول للكل من غير الوقفة دى عمرنا ما حنتغير
لازم يا جماعة نتحرك دى أخر فرصة
طلباتنا بسيطة وحتكون كالتالى
1- تثبيت جميع المعلمين المساعدين فورا
2- ترقية المعلم بأجر وعقود مجلس الامناء الى معلم مساعد تمهيدا لترقيته الى معلم بعد ذلك

حد شايف ان دى طلبات صعبة او مستحيلة انا طالب من الجميع المشاركة ادخل على الصفحة الخاصة بالمعلم المساعد على الفيس بوك
المشاركة من الجميع معلم مساعد امتحن كادر - معلم مساعد لم يمتحن كادر- معلم باجر - عقود مجلس امناء
انا ححط اللينك بتاع الصفحة هنا ولو ما ظهرش اللينك ممكن تدخل على الفيس بوك وفى خانة البحث اكتب صرخة معلم مساعد وحتظهرلك الصفحة على طول. عايزين مشاركة من الجميع عايزين بوسترات واعلانات فى كل مكان حنعمل بوسترات على الصفحة ونطبعها ونوزعها على كل زمايلنا لازم نتحرك عايزين من الجميع الدخول وياريت المهتمين بالجرافيك والفوتو شوب يصمملنا شعار محترم يعبر عننا وعن مطالبنا ويرفعه على الصفحة الخاصة بنا .

اخوكم محمد محمود
ارجو من ادارة الموقع المحترمة والواعية تثبيت الموضوع للاهمية وشكرا

[هاجر موسى]

تظاهر 500 مدرس وإداري بمشيخة الأزهر

الأربعاء, 09 فبراير 2011 14:07


أحمد الطيب شيخ الأزهر
كتب - إبراهيم قراعة:



تظاهر ما يقرب من 500، المدرسين والإداريين أمام مشيخة الأزهر بالدراسة مطالبين بزيادة المرتبات وتثبيت العمالة المتعاقدة بعقود ثانوية. وطالب المتظاهرون مقابلة شيخ الأزهر لحل مشكلاتهم، مشيرين إلى أن مرتباتهم لا تتعدى 300 جنيه ويجب زيادتها.

[ابن الأكرمين]

http://www.facebook.com/home.php?sk=...878055872&ap=1

[AlaaElden]

انا نفسى اعرف فين المتعاقدين اللى فى القاهرة دول ممكن يتعدوا 4000 واحد

[ابن الأكرمين]

شارك بارك الله فيك \
الجروب الرسمي للمعلم المساعد



http://www.facebook.com/home.php?sk=...878055872&ap=1

[أ/سلوى]

نعم من اجل تثبيت جميع المعلمين المساعدين فورا

[داليا عبد الرحمن]

لازم نطالب بحقنا