قولي رأيك في طب بشري للبنات

[the matrex]

أنا خلصت الامتحانات تالته وان شاء الله مجموعي يتيح ليا كل الكليات بس عاوزه رأيكو في طب بشري للبنات كل اللي حوليا بيقولولي ان بشري هيضيعلك عمرك وفي الأول والاخر اهم حاجه للبنت بيتها باعتبار ما سيكون.
بس أنا بجد صعبان عليا اضيع تعبي وادخل اسنان او طبيعي وكل اصحابي يدخلو بشري , انا عارفه ان بشري مشوار طويل وصعب بس قولولي رأيكم؟؟؟؟؟؟

[* Dr.Nour *]

أنا رأيي إن مفيش حاجة اسمها كليات للبنات و كليات لا لو انتي عندك هدف و حاسة إنك فعلاً عايزة طب بشري و هتعملي فيها حاجة ادخليها من غير تردد طبعاً
لو لسة مش محددة هدفك أوي اقعدي مع نفسك كدة و فكري في مستقبلك و شوفي إيه أحسن حاجة هتنجحي فيها و صلي استخارة كمان دي أهم حاجة
و بالنسبة لأي كلام تاني زي طول المدة و كدة فدي حاجات ما تحطيهاش في دماغك لإن بشري أكيد مش هيضيع عمرك بالعكس انتي هتستغلي وقتك كويس و هتكون الـ7 سنين دي في حاجة مفيدة لما ربنا يسألك عنها على الأقل مش هتكون تضييع وقت و بالنسبة لموضوع البنت و بيتها و الكلام دة فالحاجات دي كلها نصيب من عند ربنا و أهم حاجة إنك تحققي أهدافك اللي انتي مقتنعة بيها
بجد أهم حاجة ادخلي اللي انتي حاباه و صلي استخارة و شوفي انتي شايفة نفسك في إيه بغض النظر عن الكلام اللي الناس بتقوله

[Dr..ASMaa]

أنا كمان مجموعى إن شاء الله هيدخلنى أى كلية وانا ناويه على طب بشرى إن شاء الله لو إنتى عايزه تدخليها متفكريش فى حاجه وسيبك من الكلام و ربنا يوفقك للخير

[the matrex]

ان شاء الله هاخد قرار بينهم بس أعتقد اني مياله لبشري أكتر
شكرا علي الردود

[أبوبسملة ياسر خليفة الطحاوى]

يا اختى الفاضلة

البنت لا تقل كفاءة عن الرجل
بل احيانا تفوقه كثيرا
وهذا واضح وملموس للجميع

بالنسبة لطب بشى للبنت
انا باحترم البنت التى تدخل هذه المغامرة
وانا واثق من نجاح البنت فيها
دليل ذلك وجود عدد كبير من الطبيبات البارعاااااااات

دعى الكلام جانيا
توكلى على الله

ادخلى هذا المجال

وربنا يوفقك لا تترددى

اخوكم
ابو بسملة

[the matrex]

نعم , سوف أخوض المعركة ان شاء الله
لأجل أبي فهو الوحيد من أهلي الذي يدفعني اليها
شكرا لرأيك أ/ ابو بسمله

[أبوبسملة ياسر خليفة الطحاوى]

المشاركة الأصلية كتبت بواسطة the matrex

نعم , سوف أخوض المعركة ان شاء الله
لأجل أبي فهو الوحيد من أهلي الذي يدفعني اليها
شكرا لرأيك أ/ ابو بسمله

يا دكتورة
ثقى فى الله ثم فى نفسك

وبإذن الله نفخر بك طبيبه خادمه لدينها ولوطنها

حقق الله امل أسرتك فيكى

وخاصة والدكى

[the matrex]

ان شاء الله

[the matrex]

أولا أسلوب الانسان في التعبير عن رأيه أقوي دليل علي شخصيته
ثانيا أنا طلبت رأي العقلاء فقط و الحمد لله ساعدوني في اتخاذ قراري.

[أمورة بس مش مغرورة]

إفعلى ما تستطيعى أن تتفوقى فيه لكن نصيحة يجب أولا أن تصلى إستخارة فهذا سيساعدك كثيرا

[Dr/Reem2011]

ايه يا جماعه الكلااااااااااااااااااااام ده
لايليق خالص بالقسم ولا بالمنتدى اجمع
ودكتوره
the matrex
لكي كل احترام وتقدير وربنا يوفقك
اما الاستاذ

babagamil
فالدكتوره مغلطتشي فولا كلمه قالتها وفعلا اسلوبك مش لايق خااااااااااااالص
ومفيش اي داعي لاننا نغلط في بعض اولا واخيرا احنا اخوه
انا هلفت نظرك بس المرادي
وياريت متتكررشي
انا مشرفه على القسم ده ومسمحشي بحاجه زي دي تحصل هنا

[yaryorah]

نفس مشكلتى بصراحه السبع سنين بس التفكير فيهم حاجه مرعبه كمان ان الدراسه مش بسيطه او يعنى هانقضى السبع سنين كويس لا اللى انا اعرفه انهم مطحنه بس فى نفس الوقت مش قادره اتخيل حاجه تانى غير انى ابقى طبيبه مشهوره وبعشق شغلى

[عاشق البلانكو الابيض]

السلام عليكم
اتمنى من حضراتكم اسلوب الحوار يكون افضل
من كده حضراتكم مش ناس صغيرة
تحياتى

[طالب فى الثانوية]

فعلا صلى صلاة استخارة اولا ثم من رائى بدون زعل اية ياعنى 7 سنين هو العريس واقف على الباب بهزررررررررر وربنا معاكى ويدلك على الطريق ان شاء الله بدون زعل

[Dr/Reem2011]

المشاركة الأصلية كتبت بواسطة babagamil

ربنا يخليك يادكتور بجد حضرتك محترم وانا والله يعنى مقلتش حاجه يستاهل اللى الدكتوره ريم عملاه ده كله مش فاهم فى ايه هو انا عملتها ايه ولا علشان هم بنات زى بعض وبدين مانا ان شاء الله داخل طب ومش بعمل فرح ولا ازغرط عادى يعنى

ماظنش اني عملت حاجه زياده عن اللي المفروض يتعمل
حضرتك غلطت وكل اللي قولته انه يكون في اسلوب ارقى من كده في الكلام
مزودتهاش يعني زي ماحضرتك بتقول


ااما بالنسبه لدكتور شريف

فالواضح فعلا انه عنده حق طنش تعش تنتعش