امتحان المدرسين للتعين فى المدارس التجريبية

[mrmr26]

انا لسه متعينه فى دفعه 2012 وعايزه احول مدارس تجريبى فلازم ادخل امتحان فى science علشان اقدر احول ليها
فبليييييز لو حد يعرف اى نماذج امتحنات او عنده خلفيه عنها يساعدنى
فى انتظار مساعدتكم

[أيمن البدري]

ليس هناك نماذج معينة وإنما الامتحان يتم بمعرفة الموجه المختص ويمكن ان يكون هذا الامتحان تحريريا أو شفويا أو الاثنان معا

[العدوى1]

طيب ممكن حضرتك تقوليلنا الواحد يقدم فى الامتحانات دى ازاى وفين بعد اذنك عشان انا نفسى اعمل كده من زمان بس معرفش التقديم فين وازاى ارجو الافادة

[عمرمحمدعلى]

انا أعمل في مدرسة تجريبية حضرتك تقدمى الطلب للتوجيه المختص في المديرية التابعة لكى وتتنظري لما يبعتولك علشان الاختبار والاختبار عادة يكون شفويا

[خالد نصار]

المشاركة الأصلية كتبت بواسطة mrmr26

انا لسه متعينه فى دفعه 2012 وعايزه احول مدارس تجريبى فلازم ادخل امتحان فى science علشان اقدر احول ليها
فبليييييز لو حد يعرف اى نماذج امتحنات او عنده خلفيه عنها يساعدنى
فى انتظار مساعدتكم

ممكن افهم يعني ايه متعينة في دفعة 2012 هو كان فيه تعيين قريب ومحدش يعرف وللا ايه ؟؟؟

[mrmr26]

ايوه انا متعينه بعقد ومسابقه تعيين كانت 2012 فى مديريه الجيزة

[mrmr26]

بس انا سالت والتقديم بيبقى فى شهر 5 والامتحانات بتبقى فى شهر 7 وبتبقى تحريرى محدش قالى شفوى خالص دا بالنسبه للجيزه لو حد امتحن الامتحانت دى ياريت يفدنا
ميرسى جدا لكل الناس اللى اهتمت بالموضوع وردت

[doodydrhazem]

المشاركة الأصلية كتبت بواسطة mrmr26

بس انا سالت والتقديم بيبقى فى شهر 5 والامتحانات بتبقى فى شهر 7 وبتبقى تحريرى محدش قالى شفوى خالص دا بالنسبه للجيزه لو حد امتحن الامتحانت دى ياريت يفدنا
ميرسى جدا لكل الناس اللى اهتمت بالموضوع وردت

مساء الخير

هو فيه دروة للاعداد للختبارد ا فعلا وهي بتم في مكانين في مصر ام االجامعه الامريكية ودي عاليه شويا والثانيه في علوم طنطا فقط

والان الدورة بدات من يوم 5 يناير ان شاء الله تخلص يوم 6فبراير قبل الاختبار بيوم في التوجيه

ممكن تقدمي فيها وبيعملو دورة في مايو كمان دي على مستوى الجمهورية
اما بالنسبة للمادة العلمية فدي موجودة فعلا معايا لكن كثير شويا لانها دورة 140 ساعه
كيمياء وفيزياء ونبات وجيولوجيا وحيوان و انجليزي وكمبيوتر
ممكن نرتب وابعثها لك او لو هتحضر يالدورة يبقى هتاخديها من مكتب المسئول عن الدورة
عموما هتحتاجي فلاشة 8 جيجا وانقلهالك كلها وربنا يوفقك لكن اعتقد وانا محاضر يف الدورة دي
ان حضورك مهم عشان الجراه على الاداء نفسه انا كنت زيك على فكرة لكن سافرت بعثة سنة 2000 لامريكا
المهم مش هاطول عليكي شوفي هترتبي الزاي وتاخدي المادة يا ريت يكون بعد انتهاءا لدورة لان فعلا مشغول فيها الايام دي تحياتي

[mrmr26]

المشاركة الأصلية كتبت بواسطة doodydrhazem

مساء الخير

هو فيه دروة للاعداد للختبارد ا فعلا وهي بتم في مكانين في مصر ام االجامعه الامريكية ودي عاليه شويا والثانيه في علوم طنطا فقط

والان الدورة بدات من يوم 5 يناير ان شاء الله تخلص يوم 6فبراير قبل الاختبار بيوم في التوجيه

ممكن تقدمي فيها وبيعملو دورة في مايو كمان دي على مستوى الجمهورية
اما بالنسبة للمادة العلمية فدي موجودة فعلا معايا لكن كثير شويا لانها دورة 140 ساعه
كيمياء وفيزياء ونبات وجيولوجيا وحيوان و انجليزي وكمبيوتر
ممكن نرتب وابعثها لك او لو هتحضر يالدورة يبقى هتاخديها من مكتب المسئول عن الدورة
عموما هتحتاجي فلاشة 8 جيجا وانقلهالك كلها وربنا يوفقك لكن اعتقد وانا محاضر يف الدورة دي
ان حضورك مهم عشان الجراه على الاداء نفسه انا كنت زيك على فكرة لكن سافرت بعثة سنة 2000 لامريكا
المهم مش هاطول عليكي شوفي هترتبي الزاي وتاخدي المادة يا ريت يكون بعد انتهاءا لدورة لان فعلا مشغول فيها الايام دي تحياتي

انا اول مره اعرف ان الامتحان دا ليه دوره تدريبية عموما ممكن حضرتك تقولى فين مكتب المسئول عن الدوره وانا اخد الحجات دى
وميرسى لحضرتك واهتمامك وردك جدا

[بابادودو]

جزاكم الله خيراً
انا أريد أيضاً فيديوهات أو دروس أو محاضرات لتساعدني في تدريس science وياريت تتواصلوا معي في أسرع وقت ممكن حتى أتمكن من التقديم للإختبار في شهر 5 ولكم خالص الشكر والتقدير

[teatcher 2011]

انا مدرس علوم فى مدرسة تجريبية واخذت الدورة وامتحنت تحريرى وامتحان الشفوى كان عبارة عن درس تحضره وتشرحه امام الموجهين والزملاء
اشتغلت فى مدرسة تجريبية 4 سنوات حتى الان الشغل ممتع والطلبة متميزين علميا وكنت باخذ حافز 75 % من الاساسى حتى شهر 12 الماضى يقال انه جت فتوى من وزارة المالية بوقف صرف حافز التجريبيات وتم الوقف على الجميع
بدون ابداء اسباب
ويظهر كده ان دى اول خطوة لمنع وتدمير التجريبيات والله اعلم

[مصطفى جابر راشد]

معلومات عامة عن المادة

[aposlama2011]

رَبيّ ♥
آعطني [ آبتسآمَۃ ] لآ تغيبَ
ۉَحُزنَ لآ يدۉمَ ..
أنَا وَڳل مِنْ قال آمين ♥ !

[mrmr26]

المشاركة الأصلية كتبت بواسطة teatcher 2011

انا مدرس علوم فى مدرسة تجريبية واخذت الدورة وامتحنت تحريرى وامتحان الشفوى كان عبارة عن درس تحضره وتشرحه امام الموجهين والزملاء
اشتغلت فى مدرسة تجريبية 4 سنوات حتى الان الشغل ممتع والطلبة متميزين علميا وكنت باخذ حافز 75 % من الاساسى حتى شهر 12 الماضى يقال انه جت فتوى من وزارة المالية بوقف صرف حافز التجريبيات وتم الوقف على الجميع
بدون ابداء اسباب
ويظهر كده ان دى اول خطوة لمنع وتدمير التجريبيات والله اعلم

طيب ياريت تساعدنى وتقولى اخدت الدوره دى فين والامتحان التحريرى كان عباره عن ايه ؟

وربنا يوفقك

[teatcher 2011]

الدورة كانت فى العاشر من رمضان واعلن عنها توجيه العلوم والامتحان كان اسئلة فى منهج علوم ابتدائى لانى مدرس ابتدائى وكان فى اسئلة بسيطة فى قواعد اللغة الانجليزية وايضا جه سؤال واحد تربوى كان عنوان درس وطلب وضع اهداف معرفية ومهارية ووجدانية للدرس ياريت تطلعى على منهج وكتب المرحلة الى بدرسى لها وملخصات كتب اللغات متوفرة