حنيت

[هاوى إبداع]

حنيت لوقت ما كنت عيل
كنت عايش مش بفكر
ومش مضطر اخد قرار
حنيت لضحكة صافية بيني
وبين صحابي ف الهزار
لسهرة طول الليل معاهم
وانام قتيل طول النهار
حنيت لوقت كانت فيه
اكبر همومي ازاي
ما اروحش المدرسة
واكبر مخاوفي إزاي هزعّل
امي لو مجموعي
مجابش طب و هندسة
وازاي هلم المادة .. ليلة الامتحان
وازاي مشاعري تحسها بنت الجيران
وازاي مخفش واقولها كل القوايل
كانت همومي في طقم عيد
وساعة روشة ونوع موبايل
مكنش لسة القلب داق
طعم الوجع والاشتياق
مكنش فيه غياب وموت
وحرقة قلب على الفراق
حنيت لوقت ماكنت اخاف
من حقنة في روشتة علاج
وقت مش مميز فيه
يعني ايه الصحة تاج
الصحة كانت مش أهم من المزاج
كبرت ليه ؟!!
وليه حياتي اتغيرت واتطورت واتكدرت
والمفاهيم الثابتة عندي اتكسرت
بقيت بخاف على ناس معايا ان يسيبوني
بقيت بخاف من القدر من البشر من الزمان
بقيت بخاف الناس يلوموا ويعيبوني
بقيت جماد من جوا .. واللقب انسان

[Mr. Hatem Ahmed]

حلوة يا دُك .. ورجوعك للمنتدى أحلى

[الأستاذة ام فيصل]

واحنا حنينا الى مواضيك المبدعة
ربنا يوفقك ويرعاك
تحياتي

[aymaan noor]

فى انتظار المزيد

[مادوكا]

جميلة ����

[هاوى إبداع]

مستر حاتم
استاذتنا ام فيصل
مستر ايمن
خلود
سعيد جدا برؤيتكم مره اخري وانتم ف صحه وسلامه
وسعيد جدا انكم لسه فاكرني
كل الحب والتقدير لحضراتكم

[أبوبسملة ياسر خليفة الطحاوى]

بسم الله ما شاء الله
منور كعادتك يا دكتور والله
ربنا يبارك فيك و سلمت يداك

[هاوى إبداع]

المشاركة الأصلية كتبت بواسطة أبوبسملة ياسر خليفة الطحاوى

بسم الله ما شاء الله
منور كعادتك يا دكتور والله
ربنا يبارك فيك و سلمت يداك

ويبارك ف حضرتك يا ا.ياسر حضرتك ال نورت والله

[smsmzeros]

كلنا حنين لتلك الايام وتلك السنين والناس الطيبين
تحياتي لك ي دكتور ولكل الناس إللى هنا والذكرى خير ✌ï¸ڈâ‌¤ï¸ڈ

[هاوى إبداع]

المشاركة الأصلية كتبت بواسطة smsmzeros

كلنا حنين لتلك الايام وتلك السنين والناس الطيبين
تحياتي لك ي دكتور ولكل الناس إللى هنا والذكرى خير ✌ï¸ڈâ‌¤ï¸ڈ

كااانت ايام جميله والله ياصالح اتمني انك بخير اينما كنت يا صديقي