نظام الدراسة بكلية طب قصر العيني – الفرقة الأولى

[%medo%]

اه نويت وحجزت من زمان

يا عم ميدو فينك انت ومازن

كل سنة وانتم طيبين الدراسة بدات
والحمد لله مشيين 100 %
وانا والمحب لرسول الله ومازن بنشوف بعض دايما فى الكلية
والحمد لله

[المحترف @]

شكرا علي التوضيح يا دكتور انا لسه في اولي ثانوي بس امنيتي ادخل طب وانت حببتني اكتر فيه

[atazar]

ممكن اى محاضرات باوربينت autonomic nervous system

[عبد العال شافعى عبد الله]

انا خفت مووووت

[%medo%]

انا خفت مووووت

ليه كدا بس

[superlover]

انا الحمد لله رايح اولي طب القاهره والف شكر علي الموضوع الرائع جدا جدا جدا يا دك

[Dr.Cheetah]

اخوي الكريم الجامد جدا محب لرسول الله اشكرك من كل قلبي علي المجهود الفظيع ده ...... انا مش ف القصر العيني انا داخل جامعة m.u.s.t و اللي عرفتو ان عظم الاساتذة من عين شمس والقصر العيني ..... زي دكتور فوزي جاب الله ودكتور صلاح عيد فانا عاوز اسألك اية المكتبات اللي بتبيع الكتب بتاعت الكلية عشان اجيبها و اذاكر منها ويا ريت العنوان باتفصيل عشان انا اسيوطي ..

[فاروق الباز]

وانا ان شاء الله رايح اولى طب القاهرة وبجد عجبني الموضوع جعله الله في ميزان حسناتك

[dr/a.a.a.h]

الموضوع دة بجد شيق جدا وافادنا وغير وجهة النظر عن الكلية

[dr/a.a.a.h]

شكرا بجد مكنش هنقدر نواصل الحماس من غير الموضوع دة

[dr.only hope]

يعنى انا كدا افرح ولا ايه بيدينى ايهاب اناتومى الحمد لله بس بجد كلهم زى الفل
وحسن عيسى فسيولوجى رئيس القسم الحمد لله وزكريا عبد الحميد هستولوجى وم فاكرة بتاع البايو بس كلهم الحمد لله كزيسين
بس سؤال ممكن يكون عبيط
انا اعرف دكاترة المجموعات التانية منييييييييييين
يعنى انا مثلا مدرج أ اعرف باقى الدكاترة ازاى لانى معرفش حد خالص ف الكلية دى
شكرا ع الموضوع جدا

[hyoma92]

المشاركة الأصلية كتبت بواسطة المحب لرسول الله

نظام الدراسة بكلية طب قصر العيني – الفرقة الأولى

-------------------------

كلية طب قصر العيني هي إحدى كليات الطب العريقة والشهيرة في جمهورية مصر العربية ، ولعلها أيضا أكبر وأشهر مدرسة للطب في العالم العربي والأفريقي..

فعلا يا جماعة ، دي حقيقة ، وهتكتشفوها بنفسكم لما تدخلوا الكلية..

أول ما تروحوا الكلية إن شاء الله بعد موال مكتب التنسيق دة ، هيدوكو دليل الكلية ، ودة بقى بيحتوي على كل المعلومات اللي انتو عايزينها واللي مش عايزينها عن جامعة القاهرة عموما وعن كلية طب قصر العيني خصوصا..

المهم..

أحب أقولكم إن نظام الكلية فعلا رائع ولو فهمتوه صح قبل ما تبدأوا ، دة هيسهل عليكم كتيييييير..

احنا هنا هنتكلم عن الفرقة الأولى..

هتدرس إن شاء الله أربعة مواد أساسية وهي:

الفسيولوجي: (علم وظائف الأعضاء) ودة عليه 250 درجة

الأناتومي: (علم التشريح) ودة عليه برضه 250 درجة

الهستولوجي: (علم دراسة الأنسجة) ودة عليه 150 درجة

البيو كمستري: (علم الكيمياء الحيوية الطبية) ودة عليه 150 درجة

يعني المجموع كله على بعضه 800 درجة

أقولكو حاجة.. بلاش الأسامي الجامدة دي تخضكو.. الموضوع صدقوني لو جهزتوله صح وفهمتوه هيمشي زي الشعرة في العجين..

على فكرة.. الترم الأول لازم تحصل شوية لخبطة كدة عشان نظام الكلية مختلف أوي عن ثانوي.. يعني اتنقلتوا من الاعتماد على الغير إلى الاعتماد على النفس..

الشاطر بقى اللي يتجاوز المرحلة دي بسرعة ويعرف يتكيف مع الوضع..

بس افرحوا دة فيه خبر حلو أوي..

مش قلتلكوا إن مجموع الدرجات كلها 800 درجة؟

أهو الترم الأول كوووووووووووله عليه 115 درجة بس..

يعني اللي موزعين الدرجات – جزاهم الله خيرا – راعوا حكاية التخبط دي وركزوا معظم الدرجات في الترم الثاني..

بالنسبة للسكاشن (المعامل) فدي حكاية حلوة أوي ونظامها هيعجبكم جدا وهتحبوها جدا جدا..

أصل انتو في ثانوي ما كنتوش بتشوفوا حاجة عملي أدامكم إلا نادرا وكانت كل دراستكم نظرية بحتة.. صح؟

لأ هنا بقى فيه جانب كبير عملي وكل حاجة بتشوفوها.. وبتعملوها..

وطبعا بتمتحنوا فيها..

كل يوم فيه سكشن واحد الساعة 8 صباحا لكن فيه يوم واحد بس بيكون فيه سكشنين واحد الساعة 8 صباحا والتاني الساعة 3 عصرا..

بيني وبينكم السكاشن ما بتبدأش غير الساعة 8 ونص لكن لازم تيجي بدري عشان تكون ملتزم وعشان تضمن مكان كويس..

وأهم حاجة عشان الباب بيتقفل الساعة 8 ونص!

المحاضرات بتبدأ الساعة 12 ظهرا وبتنتهي 3 عصرا..

يعني كل يوم 3 محاضرات كل محاضرة منهم ساعة..

كل واحد هيكون ليه رقم جلوس محدد.. وعلى أساسه هيكون ليك مدرج انت تابع ليه..

والمدرجات كلها (باستثناء مدرج أ ومدرج ب) موجودة في مركز تطوير التعليم الطبي ودة مبنى كبير وجميل (حقيقة يعني)..

مدرج أ ومدرج ب موجودين برة المركز وهما أكثر المدرجات اتساعا..

طبعا برضه على حسب رقم جلوسك هتكون تبع مجموعة محددة..

يعني على سبيل المثال: من 849 إلى 950 دول بيمثلوا مجموعة 7

يبقى لو انت 849 أو 950 أو بين الرقمين دول تبقى ضمن مجموعة 7

طبعا لازم تعرف كويس انت تبع مجموعة إيه عشان دة مهم في تحديد المدرج والسكشن اللي انت تبعهم..

جدول المحاضرات ما تقلقش خالص هتلاقي نفسك ماسكه أول ما تدخل الكلية ما تعرفش جالك منين.. فيه مليون مصدر هيديهولك..

حاجة بقى بيني وبينكم..

حكاية انك تبع مجموعة معينة دي تفرض عليك السكشن بس لكن ما تفرضش عليك المدرج..

بمعنى إنك لازم تحضر في السكشن اللي انت تبعه لأن فيه غياب وبيتاخد علطول (مفيش هزار ف الموضوع دة).. فيه ناس اتحرمت من امتحاناتهم أدامي عشان تجاوزوا نسبة الغياب عن السكاشن..

لكن جوة المدرجات مفيش غياب بيتاخد.. وبالتالي انت حر تحضر مع الدكتور اللي انت عاوزه في المدرج اللي انت عاوزه..

كلامي لحد دلوقت مفهوم؟

طب كويس...

فيه حركة بقى الدكاترة بيعملوها عشان يجبروك انك تحضر معاهم في المدرج بتاعهم..

مش بياخدوا الغياب لأن الأعداد كبيييييييييرة جدا طبعا..

لكن بيعملوا حاجة تانية..

هقولكوا على الحركة دي بعدين..

لسة يا جماعة الكلام ما خلصش..

أنا لسة عندي كلام كتييييييييير..

أنا بس عايز مشاركات معايا عشان نكمل بحماس كدة........

فهل من مجيب؟؟؟؟؟؟؟؟

وحكاية تنظيم الوقت والدروس

[Mahmoud_Nassar]

هانى وقع فى البير
قصدى
شادى نام على السرير
يوووووووه
قصدى
هابى نيو يير
ههههههههههههههه
كل سنه وانتو طيبين جميعا
وان شاء الله يكون عام سعيد علينا
ان شاء الله
يارب يكون وش السعد والنجاح السنة دى
بأذن الله
ياريت اكون احسن صديق ليكو بأذن الله
وكل سنه وانتو طيبين

مستشار محمود نصار

[قمر الشرقيه]

جميل اوى انا للاسف مش فى القصر العينى السنه دى بس ان شاء الله هحول من الزقازيق فى سنه تانيه وادخل القصر العينى

[seniorZoro0]

السلام عليكم يا د/محمد....
اولا انا فى ثانوى حاليا.. وكنت مره كده بدردش مع دكتور اعرفه فقال كلام..نصه الاتى:
(بص يا احمد انتا بتدرس 6 سنين و يبقا اسمك مشروع دكتور اما تنجح او لا قدر الله......
و السنه السابعه بتبقا كعب داير على معظم الاقسام ::باختصار مرمطه:: و السنه السابعه دى هى المهم لو معلمتش نفسك بنفسك يبقى عمرك مهتتعلم حاجه)
و اضاف لكده ان الواحد لو ربنا كرمه وبقا معيد ده بقا بيشوف الويييييييييييييل و الذل اللى محدش شافه لدرجه انه مبيبقاش فاضى ياكل لكن بعد ميخلص الماستر بتاعه يبقا ابواب الحظ اتفتحتله(ولكن هذا ليس سهل المنال) ايه بقا نصائح حضرتك الاول علشان ادخل طب ؟؟؟؟
وثانيا علشان اتخرج منها جراح قلب جامد كده زى د/مجدى يعقوب؟؟؟