حملة الدفاع عن النادي الأهلى

[فداك الروح يا رسول الله]

ما ينفعش يا جماعة نقف نتفرج على عمايل حسام وابراهيم لازم نرد وبقوة
كل الناس اتكلمت على الحكم انه ظلم الزمالك ومحدش اتكلم انه ظلم المقاصة فى تالت دقيقة كارت أصفر لترهيب احمد عبد الرؤوف اللى ماسك شيكابالا واللعبة متستهلش كارت خااااااااااااااااالص واللى كان بيكح فى الملعب كان بيديله انذار الا لاعبى الزمالك سبلهم الحبل ع الغارب 1- عمرو زكى دخل على المدافع فرمه والحكم حسب فاول ومدلوش انذار
2- عمرو ضرب مدافع تاني فى 18 من غير كورة يعنى فيها طرد مباشرة زى حسين حمدي والحكم والمساعد ولا كأنهم شايفين
3- عرقلة عمر جابر لمهاجم المقاصة وكان هينفرد يعنى فاول وكارت احمر والحكم سابه
وغيره وغيره

[memooooooo]

والله كلامك مظبوط

[bebo_93]

كلامك كله تمام بجد تسلم ايديكوا وتسلموا يا اهلاويه
خليهم عايشين فى الوهم ومبيشوفوش الا اللى ليهم بس ضيف على ادلتك لظلم المقاصه جول المقاصه كان اصله من الاول فاول لمقاصه والحكم فى الطرواه بس ربنا عوضهلهم بجول
وكفايه ان علاء صادق غسلهم
وان شاء الله الدورى لينا
يعنى ايه كوك زيرو يعنى الحكم يجامل الزمالك وميحسبش فاول للمقاصه تروح الهجمه تكمل وتيجى جول ويكون السبب فى خسارتهم بمجاملته
ههههههههههه
نيس توبيك يا اهلاوى

[فداك الروح يا رسول الله]

كابتن هيما وحس بيقولوا ان الأهلى بيرهب الحكام
بالذمة مين اللى بيرهب الحكام
ده انتو بعمايلكم دى بتخلوا الحكام مرعوبين

[فداك الروح يا رسول الله]

كل الحرب دي على الحكم ياسر محمود
ربنا ينتقم منكم
والحكم قدورة البندورة ملااااااااااااااك
هههههههههههههههههههههههههههه

[عاشق البلانكو الابيض]

ههههههههههههههههههههههه ايه الكلام ده
انتو اتفرجتوا على الماتش ولا على ماتش تانى
هههههههههههههههههههههههههههههههه

[Eng.Karamullah]

ملحوظة : أدار مباراة الزمالك مع المقاصة في الدور الثاني الحكم ياسر محمود ، وهو ذات الحكم الذي كان معينا ً لإدارة مباراة الجونة في الدور الثاني والذى اعترض عليه الجونة وطلب حكم أجنبي .
وعندها قال ابراهيم حسن تعليقا على استبعاد ياسر محمود انه قد نجحت مؤامرة الأهلي لإرهاب الحكام ، وهو نفس الحكم الذي قال عنه ابراهيم حسن انه ظالم مفتري بعد ان ادار مباراة الزمالك مع المقاصة وانهزم فيها الزمالك .

[فداك الروح يا رسول الله]

والله محدش بيعمل ارهاب للحكام غير ابراهيم وحسام
حسوا ان الدوري هيضيع بعد ما كان الفرق 9 نقط خاصةً بعد ما جه جوزيه المرعب المرعش

[فداك الروح يا رسول الله]

أطلق إبراهيم حسن مدير الكرة فى نادي الزمالك تصريحات نارية ضد لجنة المسابقات بإتحاد الكرة والنادي الأهلي ووكالة الأهرام للإعلان عقب انتهاء مباراة فريقه الودية أمام منتخب الشباب مساء السبت والتي حسمها النادي الأبيض برباعية نظيفة.
وقال ابراهيم فى تصريحات لمراسل "جود نيوز فور مي" تعليقا على إيقافه لمباراة واحدة إثر اعتراضه على حكم مباراة فريقه أمام المقاصة: " طالما إن مفيش ثورة حصلت وان مفيش حاجة اتغيرت فى مصر و إن الرياضة تحولت للأسوأ، فأى حكم أو أى مراقب أو أى حد هيكلمني ومش هعرف أخد حقي منه فأنا هضرب أي حد بالجزمة".
وتابع غاضبا: "يعني أنا أتعاقب زى سيد عبد الحفيظ اللي نزل ضرب الحكم وكمان يسيبوا ابو تريكة اللي نزل شتم الحكم وهو مش فى قائمة المباراة ولما سألوه عملت كده ليه فقال انا كنت بعاتبه عشان شتم الجمهور ويقولك فى الآخر أصله متدين وأخلاق".
وأضاف: "مفيش أخلاق فى النادي ده أصلا".
واستنكر ابراهيم العقوبة المالية الموقعة ضد جمهور نادي الزمالك أيضا رغم الإشادة به من الجميع على حد قوله حيث غرمت اللجنة النادي مبلغ 20 ألف جنيه بسبب إلقاء الجمهور للحجارة.
وأوضح ظهير منتخب مصر السابق: "أنا معرفش جمهور الزمالك هيكون رد فعله ايه يوم الاثنين فى الوقفة اللي هيعمولها أمام اتحاد الكرة لأننا بنتظلم في الوقت اللي كل الناس بتشيد بينا وبتقول جمهورنا كان نضيف".
وتابع: "هاتوا الفيديوهات اللي أشاد فيها لاعبو المقاصة بجمهورنا وقالوا انهم ندهوا عليهم بعد المباراة وهتفوا لهم. أنا مش فاهم عقوبة الجمهور جت منين".
وانتقل شقيق المدير الفني للحديث عن النادي الأهلي الغريم التقليدي لناديه منتقدا من جديد المبلغ الخيالي الذى وقعه النادي الأحمر مع وكالة الأهرام للإعلان (141 مليون جنيه) مقابل رعايته لمدة 3 سنوات.
"ازاي وكالة الأهرام تفتح آبار الفلوس للأهلي واحنا مدفعناش للعيبة مرتب الشهرين اللي فاتوا والأهلي دلوقتي بيتعاقد مع عبد الله السعيد ومحمد زيدان. هيا فين المنافسة دي؟!! في لعيبة مستريحة وواخدة مستحقاتها ولعيبة مش لاقية مرتبات".
وتابع: " دي بقى مش مشكلة الزمالك ولا فهلوة من الأهلي وانما دي الوكالة اللي فاتحة لهم آبار الفلوس. وبعدين قاعدين يعملوا لوبي للأهلي فى اعلامهم وزعلانين انهم خدوا المبلغ القليل ده".
وأضاف: "فى الوقت اللي الأهلي عنده شوقي وغالي وابو السعود مثلا بيكونوا خارج تشكيلة المباراة وثمنهم لوحدهم معدي الـ 15 مليون جنيه بينما فريقنا كله مش مكمل 10 مليون جنيه ومعندناش بدائل فى كل المراكز زيهم".

[LoOoLy El Treikawya]

الحكاية بكل بساطة ان الحكم دة مش بيفهم مع الفرقتين

وهو ظلم المقصة قبل ما يظلم الزمالك ودة دليل انه مكنش متحيز

وبعدين المقصة كتر خيرهم عشان لعبه ناقصين المدة دى كلها يأثر على نفسية اللعيبة وثقتهم لكن رغم كدة المقصة لعب حلو اوى وانا شايفة انه يستحق الفوز

وبعدين اى فرقة متعرضة للظلم من الحكام ودى مش حاجة غريبة يعنى

ياما الأهلى اتظلم

ومش محتاجين ندافع عن الأهلى لانه مش متهم اصلا

شكرا على التوبيك

[LoOoLy El Treikawya]

يا ريت مناخدش على كلام التوأم بالذات ابراهيم طول عمره بيقول كلام هو مش قده اصلا ودة مش جديد عليه ودة مش اول اتهام منه

اتهم اتحاد الكورة المصرية قبل كدة بالفشل عشان موقفوش بركات باتهام زائف منهم وغيرو وغيرو

[MR : ABO BATTA]

المشاركة الأصلية كتبت بواسطة loooly el treikawya

يا ريت مناخدش على كلام التوأم بالذات ابراهيم طول عمره بيقول كلام هو مش قده اصلا ودة مش جديد عليه ودة مش اول اتهام منه

اتهم اتحاد الكورة المصرية قبل كدة بالفشل عشان موقفوش بركات باتهام زائف منهم وغيرو وغيرو

ازيك يا لولي
والله زمان .. مسير الحي يتلاقى
انا كرهت الثانوية العامة اللي اخدت مننا الناس الحلوة

[LoOoLy El Treikawya]

المشاركة الأصلية كتبت بواسطة أبــو بطــــــــــة

ازيك يا لولي
والله زمان .. مسير الحي يتلاقى
انا كرهت الثانوية العامة اللي اخدت مننا الناس الحلوة

وانا كرهتها بردو يا مستر عشان بتغيبنى عن الاسرة الجميلة دى
بس فى الحقيقة مش الثانوية اللى غيبتنى المرادى دة كارت الشاشا اتحرق وبعد ما جبنا واحد النت فصل
ههههه وبعدها الويندوز وقع ههههههه
الظاهر ماما مش مسامحة انى اقعد نت

[فداك الروح يا رسول الله]

إلى لووولى
مشكلة التوأم أنهم بيحبوا الأهلي جداااااااااااااااااااااااااااااااااااااااااااااااا
ومش مصدقين إن الأهلى سابهم فإنقلب الحب غلى كره واضح

[LoOoLy El Treikawya]

آه عارفة قد اى كان عز حسام حسن ومجده مع الأهلى .. لكن فعلا ممكن اللى يزيد عن حده يتقلب لضده وممكن حسام من كتر حبه للأهلى عاوز يثبت نفسه للاهلى باى طريقة

مامته زمان كانت بتقول لو حد من ولادى ساب الاهلى دة ولا ابنى ولا اعرفه