|
#1
26-10-2008, 02:53 PM
|
||||
|
||||
قبل أي إمتحان شفوي....لازم تدخلوا
السلام عليكم ورحمة الله أول مواضيعي في القسم الرائع دا هو الحقيقة مش موضوع مدروس قوي لكن عندي ليكم مجموعة نصايح من تجربة شخصية يعني قبل ما تدخل اي امتحان شفوي أولاً: الإمتحان الشفوي دا نتيجته بتتوقف على مهارات الإتصال مع الممتحن بمعنى إنك تكون عارف إزاي تحسس الممتحن إنك فاهم حتى لو إنت مش فاهم نوضح أكتر عندنا 2 طلاب.....أحمد و كريم أحمد ما شاء الله مذاكر ومقفل المادة ومية مية لكن معندهوش مهارة الإقناع والإتصال ...أو بمعنى تاني منطوي أو بيتكسف كريم بقى يا دوب واخد فكرة سريعة عن المادة ومش مذاكر قوي يعني لكن عنده مهارة الإتصال وبيعرف إزاي يقنع الممتحن إنه فاهم....من الآخر كدا حلنجي الإتنين دخلوا الإمتحان مع نفس الممتحن سأل احمد....احمد عارف الإجابة كويس جدا وممكن يكتبها كاملة لكن للأسف معرفش يوصل انه فاهم للممتحن وبالتالي الممتحن أخد عنه فكرة إنه مش عارف أما كريم بقى حلنجي زي ما عرفنا فدخل ع الممتحن وقعد يتكلم معاه بكل ثقة مع انه مش عارف نص السؤال والنتيجة في الآخر أحمد جيد ......وكريم جيد جدا وممكن إمتياز اللي حصل إن الشفوي دا غير التحريري تماماً....النسبة الكبرى بتاخدها على توصيل المعلومة مش المعلومة في حد ذاتها يبقى وإنت بتذاكر قبل الشفوي تخيل إن قدامك ممتحن وإنك بتتكلم أدامه وحاول تبقى ثابت وتقدر توصله انك عارف....بس برضه تذاكر كويس مش علشان الاخ كريم محظوظ يبقى كلنا كدا. __________________________________________________ _____________ ثانياً:الإمتحان الشفوي بيبقى مهم جداً إنك تثبت فيه إن أخلاقك عالية لانك لو دخلت ع الدكتور وحس انك مستهتر هيبقى ليلتك ملونة مهما كنت مذاكر ومجاوب صح....برضه المشاعر هتحكم ومتنسوش ان الممتحن دا بشر بتحكمه العواطف تعمل ايه بقى؟؟ أول ما تدخل طبعاً لابس لبس مناسب ومافيش داعي للحظاظات والشعر المتكهرب والكلام دا...معلش تعالوا على نفسكوا يوم وروحوا الكلية من غير روشنة طبعاً داخل تسلم على الدكتور بكل ذوق ومتقعدش غير لما يقولك.....وتسمع السؤال وتفكر 10 ثواني كدا وتستوعبه وبعدين تبتدي تتكلم بهدوء ومن غير توتر لانه لو لاحظ انك متوتر ممكن دا يأثر على تجميعك للمعلومة او على تقديرك اللي هيحطهولك. ومتقومش غير لما يقولك اتفضل قوم. __________________________________________________ ______________ ثالثاً: ودي أهم نقطة أوعى تقول للممتحن إنك مش عارف الإجابة على سؤال كلمة مش عارف دي ممكن تبوظ الدنيا قول أي حاجة تعرفها عن السؤال ولو قفلت معاك اوي قول إنك مش فاكر والدكتور هتلاقيه بيساعدك لان مش عارف دي يبقى كدا خلاص قفلت وننقل ع السؤال اللي بعده أما مش فاكر يعني فيه أمل إن الدكتور يساعدك وإنك تفتكر أي شئ متعلق بالسؤال ودا أرحم من الزيرو. دي شوية نصايح من أختكم المجربة ويا ريت تفيدكم ولو حد عنده إضافة يقول سبحانك اللهم وبحمدك أشهد أن لا إله ألا أنت أستغفرك وأتوب إليك 
|
|
#2
27-10-2008, 12:41 AM
|
|||
|
|||
|
جزاكم اللة خيرا
|
|
#5
28-10-2008, 05:01 PM
|
||||
|
||||
|
موضوع مهم بالفعل
سلمت اناملك على الموضوع الرائع  وربنا يستر ..... 
__________________
تحـــــــلو مرارة عيــــــش في رضــــــاكـــــ ولا أطـــيق سخطا ً على عيش من الرغد رحمـــــــــــــــاك الهي !
|
|
#7
29-10-2008, 10:39 AM
|
||||
|
||||
|
اقتباس:
احنا عندنا فى الجامعة يوم امتحان الشفوى تلاقى كل الولاد جايين ببدل ونظام نضارات واحترام وكدة  كأن البدل دى عليها درجات  بس بعد كدة عرفت انها مهمة.........بس الحمد لله البنات بتلبس كاجوال عادى....مش سوارية ولاحاجة كتر خيرك للفت النظر  اقتباس:
معلش أنا بس هزود الحتة دى  ودى مش كلامى دة كوبى وبست من منتدى تانى  لأنى الى الان لسة مش امتحنت شفوى:abdoog8: اقتباس:
اقتباس:
جزاكى الله خيرا وبارك فيكى
__________________
أحببتكم فى الله فائق احترامى للجميع،،،،،،،، بالتوفيق
|
...فبالتالىالدكتور هيفتكر انك مش بتحضر المحاضرة
|
#11
01-11-2008, 05:54 PM
|
||||
|
||||
|
جزاكم الله كل خير
__________________
لا تحسبن الابتسامة على وجهى فرحا فالطير المذبوح يرقص ألما
|
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 06:18 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
