عايزة رد بسرعة من كل بتوع السن

[nonaaaaaa]

سلامو ليكو الاول

انا بنت عندي 16 سنة و داخلة تانية ثانوي لسة
و مشكلتي تتلخص في اني بحب المواد العلمية جدا و بموت فيها و غير كده متفوقة فيها بس المشكلة اني نفسي ادخل السن من زمان
و ماما اقنعتني اني اروحها من ادبي احسن من وجع الدماغ بتاع علمي
و كل مااقول لحد اني دخلت ادبي يقوللي ليه بس كده ده انتي شاطرة و مكن تجيبي طب و الناس بصة لادبي ده بمنظور انهم الناس الفاشلين

فياتري مغامرتي ديه صح و يا تري السن تستاهل المغامرة ديه و اني استحمل كلام الناس و لا لاءة و ادخل علمي احسن ياريت الرد بسرعة

و في حاجة كمان انا مش عايزة اخد المادة العلمية جيولوجيا و نفسي في رياضة 2 ده صح و لا جيولوجيا اسهل

[nonaaaaaa]

يا جماعة فين الردود

[dr.roodyy]

سورى انى هتدخل ف الموضوع
بس كل ال اقدر اقولهولك
اعملى ال انتى بتحبيه وبس وال انتى شايفه انك ممكن تبقى متفوقه فيه ومالكيش دعوة بكلام الناس

[nonaaaaaa]

سوري على ايه م لازم تكون السن بس محتاجة خبرة ثانوية بس

[bosy .. mostafa]

ألسن كليه جميله اوي بجد
سواءً كمبنى او في اسلوب الدراسه نفسه .. ماتحسيش انها تبع الحكومه من اصله
توكلي على ربنا .. و سيبك من اللي بيقول فاشلين و مش فاشلين ده
على فكره انا دخلتها من علمي .. و الحمد لله
ربنا يوفقك يا قمر
و مستنيينك في الكليه

[hapo2007]

وعليكم السلام ورحمه اللله وبركاته
بصى يا نونا طالما انك حابه الالسن يبقى شوفى ايه اقصر الطرق اللى تدخليها منه بمعنى هديكى مثال بيا انا كنت علمى وجبت مايقرب من التسعين فى تانيه وكان نفسي فى السن زيك كده وبحب الانجلش مووووووووووووووووووت وجبت فيه 23.5 وكنت منهاره ورافضه اى حاجه غير انى اكون علمى علشان انا بكره ادبي اولا مش بعرف احفظ ثانيا كلام ونظره الناس عن ادبي لكن لما فكرت انا وبابا بهدوء ولاقيت ان لازم اشوف انا عايزه ايه مش الناس شايفه ايه ودخلت ادبي وحاولت واستحملت كتير صحيح تعبت شويه بس كل ده هان وضاع لما لاقيت انى جبت 96.5 فى ادبي تخيلى ومجموعى وصل ل 93.5 يعنى دخلت السن مرتاااااااااااح وعلى فكره يا نونا ادبي مش وحش زى ما انتى متخيله وزى ما انا كنت فاكره واحب اقولك ان الاوله على المدرسه السنه اللى فاتت كانت ادبي يعنى هو مش شئ عار يعنى!!!!!
ومن ناحيه مين الاسهل فمفيش حاجه سهله على طول وشئ صعب على طول الخط بدليل ارجعى لامتحانات السنه دى لثالثه ثانوى الفيزياء كانت سهله مووووووووت والاحياء والعلوم بيئيه كان فيها تكات على غير العاده وكل سنه ليها ظروفها وربنا معاكى يا رب استخيري ربك وهو يدلك وانا من رائئ ادبببببببببببببببببببببببببي لالسن احسن

[nonaaaaaa]

شكرا ليكي بوسي على الرد و ان شاء الله نتقابل هناك يارب


و هابو انا فعلا عملت كتير استخارة و ارتحت للادبي و انتو كده ريحتوني اكتر ربنا يخليكو
و ان شاء الله اوفكو في السن بقه

[hapo2007]

انا مستنياكى يا حبيبتى وربنا يهديكى للخير ويوفقك للاحسن وللى فيه خير ليكى يا رب احنا وكل المسلمين

[Mr. Mohamed Atalla]

سلامو ليكو الاول

وليكو السلام