واحد بالمعارف دى كلها عملوا فيه كده امال احنا يتعمل فينا ايه !!! لك الله يا شعب مصر

[محمد محمود بدر]

د. تقادم الخطيب -أستاذ جامعي وناشط سياسي- عبر تويتر:

1-كنت استقل أتوبيس السوبر جيت لقضاء إجازة العيد مع أهلي في الصعيد بمحافظة الأقصر وعند مدخل مدينة نقادة بمحافظة قنا تم إيقاف الأتوبيس.

2-صعد إلي الأتوبيس ضابط شرطة برتبة ملازم أول أحمد فتحي عرفت اسمه بعد كده وكان معاه 2أمناء شرطة وكان بيطلب البطاقات الشخصية وانا لم اكن منتبه

3-توجه نحوي وقال لي طلع بطاقتك فقلت له ماشي وانا بأطلع البطاقة رفع صوته وقال خلص بسرعة يالا.رفضت أسلوبه وقلت له لا تكلمني بهذه الطريقة

4-انت مش من حقك تكلمني بهذه الطريقة لا يوجد قانون طوارئ يبرر هذا الأمر والدنيا التغيرات فيه ثورة حصلت في البلد ضد التعامل بالطريقة دي

5-رد وقال لي جيب البطاقة وأعطيته البطاقة وبعدها قال لي انت مش عامل نفسك راجل كمل لحد الآخر وشوف اللي حيحصل لك ايه ورفضت النزول معاه

6-بعدها مباشرة كلمت مساعد وزير العدل أمين لجنة تقصي الحقائق اللي انا عضو فيها وشرحت له الموقف فقال لي حدد لي مكانك بالضبط وانا حاتصرف

7-بعدها مباشرة صعد الأتوبيس عسكري وقال لي انزل ضروري وانا باكلمك بالذوق لأنك لو مانزلتش بالذوق حتنزل بالعافية والذنب حيكبرعليك جداًرفضت انزل

8-بعدها على طول طلع ضابط امن مركزي وقال لي انزل يا حيوان فرفضت النزول وقلت له خليك محترم،فيه واحد راكب جنبي قال له ده دكتور في الجامعة

9-رد ضابط الأمن المركزي وقال له طظ فيه وفي الجامعة ولازم ينزل، رفضت النزول وكلمت على طول مستشار الرئيس المهندس محمد سيف الدولة ابلغه بالأمر

10-وانا باكلم مستشار الرئيس صعد الأتوبيس ملازم اول محمد عمر عرفت اسمه بعد كده وخطف التليفون من ايدي وشدني من ذراعي وضربني في بطني بالبوكس

11-الخط كان مفتوح ومستشار الرئيس سمع كل حاجة وسمع الشتيمة القبيحة من الضابط ولما شدني الضابط دفعني ناحية سلم الأتوبيس والجنود بعدها استلموني

12-كل واحد من الجنود كان ماسكني من ناحية والضابط كان بيضربني في اللحظة دي بإيديه ورجليه وشدوني ناحية الضابط الأول أحمد فتحي ولما شافني قال

13-الضابط لما شافني قال لي اديك نزلت بالعافية يا ابن الوسـ** وحط إيده في جيبه وطلع قطعة حشيش من جيبه وقال لي انا حلبسك قضية المخدرات دي

14-وحاكتب في المحضر أني ضبطتها معاك يامعـ** وخلي حد يطلعك من الناس اللي بتكلمها،فقلت له وضميرك فين قال لي ضميري عند أمك ياابن المرة.......

15-بعدها مباشرة الضرب اشتغل فيه تاني وأخذوا يضربوني ويدفعوني على عربية البوكس ويمارسوا أسلوب القهر ضدي وشتائم لا يمكن وصفها

16-الناس اللي راكبة في الأتوبيس شافت الكلام ده فصعبت عليها فنزلوا يترجوا الضباط فقالوا ليهم ده كلب ولازم نعلمه الأدب ويبقي حد يطلعوامن عندنا

17- الضباط مشوا الأتوبيس وكنت لوحدي واخدوا التليفون مني وجاني الضابط أحمد فتحي وقال لي الثورة في التليفزيون بس مش هنا، هنا مافيش ثورة

18-وقال لي انت حتقعد معانا أسبوع اتنين ثلاثة لحد ما نشوف مين اللي حيقدر يطلعك ومركبين عربية البوكس وركب معايا عسكري فقلت له عاوز اعمل مكالمة

19-العسكري قال لي مش حاقدرأعطيك التليفون قدامهم فقلت له حاعطيك فلوس فوافق وقال لما يمشوا بعيد عن العربية لأنك لو ماكلمتش حد حيموتوك في القسم

20-الضابط رجع البوكس وقال لي انت بقي بتاع الثورة وتباع لجنة تقصي الحقائق طاب ابقي جيب حقك الأول علشان تعرف تجيب حق اللي راحوا لأنك حتحصلهم

21-وبعدها نزلوني من العربية وركبوني عربية تانية وكان راكب فيها 4شباب غلابة جداً وسمعت الضابط بيقول العيال دي معاهم حشيش كمان ولازم محضر ليهم

22-وصلنا قسم شرطة نقادة وهناك كان رئيس المباحث منتظرني اول مانزلت من العربية وقال لي أتفضل معاي على مكتبي وكنت وقتها منهك تماماً

23- كنت ماسك بطني من الضرب وطلبت منه انه يجيب لي تليفوني من الضابط فجاب لي التليفون وعملت اتصالاتي بناس كتير علشان أقول لهم انا فين بالضبط

24-كلمني بعدها مساعد وزير العدل وقال لي الدنيا كلها عرفت بموضوعك وماتخافش وبعدها بشوية جاءني 3عمداء وعقيد أحدهم رئيس شعبة واعتذروا لي فرفضت

25- بعدها كلمني مساعد وزير الداخلية مدير الأمن واعتذر لي فرفضت اعتذاره وقلت له انا عاوز حقي ومش حسيب حقي أبدا لو حصل ايه وانا مش حاسكت أبدا

26-فجأة لقيت اتصال من المستشار العظيم زكريا عبد العزيز وقال لي انا حالا سامع باللي حصل ليك اوعي تنتنازل عن حقك يا تقادم وكلنا معاك

27-كلمت بعدها وائل قنديل وكلمت ناس كتيير علشان الأمر يتحول لقضية رأي عام وكلمت مستشار الرئيس مرة تانية وقلت له بلغ الرئيس باللي حصل معايا

28-بعدها انتقل مدير الأمن للقسم وجاءني وقال لي انا باعتذر بشدة عن اللي حصل والعيال دي حنعرف نؤدبهارفضت اعتذاره وقلت له انا عاوز حقي مش حسيبه

29-في الفترة دي كانت زميلتنا العزيزة حياة اليماني بتتابعني أولا بأول وكانت ناس كتير جداً بتتابعني أيضاً ومدير الأمن كان عاوز يرضيني فرفضت

30-مدير الأمن تركني وقعد مع ضباطه على انفراد وحرروا محضر ضدي أني قمت بالاعتداء على الضباط الثلاثة وعلى القوة وعددها 17عسكري معاهم!

31-مدير الأمن كان بيتظاهر انه معايا بس هو الحقيقة كان في صف الضباط بتوعه..كنت اتكلمت مع صديقي مالك عدلي وهو اول واحد عرفته بالموضوع

32-مالك قال لي لازم تعمل محضر في القسم وتذكر فيه كل الوقائع وفعلا عملت كده وحررت المحضر في وجود مدير الأمن ووجهت الاتهامات صريحة ومباشرة

33-مستشار الرئيس كلم وزير الداخلية فرد عليه و وقال له اصله وجدوا معاه حشيش فقال له مستشارا الرئيس ده اكاديمي وعيب أنتوعاوزين خالد سعيد تاني

34- بعدها رجع وزير الداخلية وأخبر مستشار الرئيس أني واقعة الحشيش مش معايا مع حد تاني وطبعا هم العيال الغلابة اللي لفقوا لهم القضية

35- وصل عندي شباب الجمعية الوطنية في قنا والمحامين معاهم وحضروا كتابة المحضرضد الضباط ومالك عدلي كان بعت 3تلغراف لوزيرالداخلية والنائب العام

36-د.هبةرؤوف كانت كلمتني وقالت ماتسيبش الشباب الغلابة فكلمت مدير الأمن وقلت له لازم الناس دي تخرج وفعلا تم إطلاق سراحهم الساعة 7الصبح

37-الساعة9الصبح جاءني مساعد وزير العدل لقطاع الجنوب وحاول بكل الطرق والوسائل انه يخليني أتنازل رفضت بشدة وقلت له عاوز حقي مش حأسيب حقي

38-مورست علي ضغوط كبيرة جداً للتنازل فقط عن المحضر رفضت تماماً وحينها أدركت أني محتجز في القسم علشان كده فرفضت وطالبت بعرضي على النيابة

39-كلمت مستشار الرئيس وقلت له انا محتجز وانت مش قادر تطلعني من القسم دول بيضغطوا على علشان أتنازل وكمان بيهددوني فقال لي إياك تتنازل

40-مدير الأمن ومساعد الوزير لقطاع الجنوب كان عندهم رعب ان الضباط يتعرضوا على النيابة ويتحقق معاهم وانا كنت رافض لأي محاولة تهدئة او تنازل

41-مع إصراري على انه لازم يتم عرضي على النيابة والضباط لازم يتعرضوا معايا واني مش حاتنازل عن شيء وكم عرفت ان مستشار الرئيس مغلوب على أمره

42-فعلا تم عرضي على النيابة والضباط أتحقق معاهم لمدة 6ساعات واللي حقق معايا كان مساعد المحامي العام وكان رجلا في غاية التهذيب والاحترام

43-أثناء عرضي على النيابة مستشارين للرئيس احدهما القانوني والآخر للأمن القومي فكانت جملتي لهم طهروا الداخلية وقولوا لمرسي طهر الداخلية

44- تم إخلاء سبيلي بضمان محل إقامتي وكذلك الضابطين والقضية مستمرة والشهود متواجدين ولن أتراجع أبدا واحمل مرسي المسئولية الكاملة لما حدث معي

[darch_99]

مع احترامي وتقديري للسيد / د. تقادم الخطيب -أستاذ جامعي وناشط سياسي- عبر تويتر:

اينا كانت توجهاتك الفكرية والسياسية لا تتنازل عن حقك وكلنا معاك
ولابد للداخلية من التطهير من القذارات وتلك مسؤلية الرئيس ونتمني ان تتحول القضية ةالي قضية راي عام حتي تكون سببا في بداية التغيير ولان لو حدث مع اي انسان هذا وتكرر نفس التمسك بالحق الدنيا هتتعدل وهتمشي صح والضابط هيعرف انه مش فوق البشر لكن ربما يكون هو اقل في المنزلة من بعض الناس زي اللي كان في الاتوبيس دكتور او مهندس او ايما كان يجب عليه احترامة وليس له حق العبوس في وجة احد الا في حالة التلبس بجريمة
ونشكر السيد صاحب القضية علي تمسكة ونشكر ناقل الخبر
وشكرا

[أشرف عبد الشافى]

هذا مايحدث منذ عشرات السنين وكثيرا ماتعرضنا لهذا وعندما يصعد اى شرطى الى اى وسيله نقل سرعان ماننتبه نحن الركاب ونكون على استعداد لخروج البطاقات حتى لانعطل الشرطى عن اداء واجبه بسرعه ومش المفروض انه يعلم هويه كل الركاب من غير بطاقه وكذلك لسنا الوحيديين على الطريق من وسائل مواصلات والعامل النفسى للشرطى واقول وبكل صراحه وفى كثير من المواقف يتعمد البعض عدم الانتباه لذلك لغرض فى نفس يعقوب (غرور -عيب اطلع بطاقه- هو مين ده اصلا-هو مش عارف انا مين - الاطه لحد مايجى عندى- واحيانا خوف وبكابر) ولكن هذا حق الشرطى ولكن البعض منا مستفز ويقول حقى واساس هذا الاشكال البسيط بند 2 فى الروايه صحيح الشرطه لم تكن فى افضل احوالها ونريد حسم اكثر من ذلك ولاانكر ان هناك تجاوزات للشرطه لكن حبه حبه مش كل ماحد يتكلم مع موظف نقوله ثوره وكان الثوره اصبحت طريق للفوضى

[محمد محمود بدر]

المشاركة الأصلية كتبت بواسطة أشرف عبد الشافى

هذا مايحدث منذ عشرات السنين وكثيرا ماتعرضنا لهذا وعندما يصعد اى شرطى الى اى وسيله نقل سرعان ماننتبه نحن الركاب ونكون على استعداد لخروج البطاقات حتى لانعطل الشرطى عن اداء واجبه بسرعه ومش المفروض انه يعلم هويه كل الركاب من غير بطاقه وكذلك لسنا الوحيديين على الطريق من وسائل مواصلات والعامل النفسى للشرطى واقول وبكل صراحه وفى كثير من المواقف يتعمد البعض عدم الانتباه لذلك لغرض فى نفس يعقوب (غرور -عيب اطلع بطاقه- هو مين ده اصلا-هو مش عارف انا مين - الاطه لحد مايجى عندى- واحيانا خوف وبكابر) ولكن هذا حق الشرطى ولكن البعض منا مستفز ويقول حقى واساس هذا الاشكال البسيط بند 2 فى الروايه صحيح الشرطه لم تكن فى افضل احوالها ونريد حسم اكثر من ذلك ولاانكر ان هناك تجاوزات للشرطه لكن حبه حبه مش كل ماحد يتكلم مع موظف نقوله ثوره وكان الثوره اصبحت طريق للفوضى

ازاى يا استاذى الكرم ده
يعنى ايه حبه حبه
الراجل لنضرب واتهان ولبس قضية مخدرات وما اتردش له اعتباره
ولبس قضية بيقولك خرج بضمان محل اقامته
ناقص تقولى هو اللى غلطان ان ما كنتش قلتها
انا مش معاك خالص ده رجل له حق وان سكت على حقه يكون غلطان
وبعدين حبه حبه ايه
دا الراجل كلم لحد مستشار الرئيس
لو حضرتك مكانه كان عليك العوض
شكرا لمرورك

[محمد محمود بدر]

المشاركة الأصلية كتبت بواسطة darch_99

مع احترامي وتقديري للسيد / د. تقادم الخطيب -أستاذ جامعي وناشط سياسي- عبر تويتر:

اينا كانت توجهاتك الفكرية والسياسية لا تتنازل عن حقك وكلنا معاك
ولابد للداخلية من التطهير من القذارات وتلك مسؤلية الرئيس ونتمني ان تتحول القضية ةالي قضية راي عام حتي تكون سببا في بداية التغيير ولان لو حدث مع اي انسان هذا وتكرر نفس التمسك بالحق الدنيا هتتعدل وهتمشي صح والضابط هيعرف انه مش فوق البشر لكن ربما يكون هو اقل في المنزلة من بعض الناس زي اللي كان في الاتوبيس دكتور او مهندس او ايما كان يجب عليه احترامة وليس له حق العبوس في وجة احد الا في حالة التلبس بجريمة
ونشكر السيد صاحب القضية علي تمسكة ونشكر ناقل الخبر
وشكرا

شكرا لمرورك الكريم

[darch_99]

بالرغم من ان العنوان مثيير وكان ينفع عنوان لموضوع حقيقي ومهم الا انني فضلت ادراجه هنا لعلاقته المباشرة بالموضوع

مستشار الرئيس: النظام السابق لم يسقط حتى الآن

انتقد الدكتور أيمن الصياد، مستشار رئيس الجمهورية، تلفيق قضية للناشط تقادم الخطيب، واحتجازه، وتوجيه تهم مزيفة له بتعاطى المخدرات، واصفاً ما حدث بأنه "سلوك النظام السابق وأن النظام لم يسقط حتى الآن".

وأوضح "الصياد" فى تغريدة له عبر حسابه الشخصى "تويتر" أن الدكتور تقادم الخطيب مدرس جامعى، وعضو لجنة تقصى الحقائق المعينة من قبل الرئيس، وتابع "الصياد" أن "تقادم" شخصية عامة، وله اتصالاته ومعارفه التى لم تنجح فى إنقاذه من براثن "نظام" مازالت قائمة.. تذكروا عندما خرج الناس يطالبون بإسقاط النظام، كان ما جرى مع "الخطيب" أحد مظاهر نظام طالبوا بإسقاطه، وتساءل "الصياد": "هل حقا، بعد عامين من الثورة ورئيس منتخب وجلسات ماراثونية للدستور ـ سقط النظام؟".

.........................................وهنا انتهي الخبر ولكن

من منكم الذي لا ينكر علي لميس الحديدي وخيري رمضان والابراشي ما يفعلوه يوميا في الفضائيات واهتمامهم بكل ساقطة ولاقطة للرئيس او لحزبه اتجه وفكر وقال لهؤلاء انيتبنوا قضية هذا الشاب المظلوم ونشره اعلاميا وفضح النظام السابق متمثل او متجسد اكثر في وزراة الداخلية واااه
شكرا

[modym2020]

انا لله وانا اليه راجعون

كارثة فعلا

لكن حنقول ايه

لو كان لهم فى عقاب من سبقهم عبرة ما كان هذا حالهم

[أ/رضا عطيه]

هيكلة الشرطة!!!!!!! مدخل من له صالح

الجزيرة أعطت له فرصة كاملة ليعرض قضيته

فهل حاولت الاتصال بمدير الأمن أو وزير الداخلية ليعرض الرأى الأخر أو حقيقة ماحدث ؟

الدكتور الخطيب - دكتور جامعى - رجل علم - لو فى دولة أخرى لعظم له هذا الضابط

وعضو فى تقصى الحقائق - وهذا يعطيه حصانة أكبر لاحدود لها

وشخصية شهيرة ومشهورة وعضو بارز فى حقوق الإنسان

ومن الحوار يروى الدكتور أن الضابط إختاره من دون الناس كلها ليخرج بطاقته !

بالله عليكم لو هذا الدكتور دخل على الوزير الداخلية لعظم له

فهل يفعل معه هذا ملازم أول ؟؟؟؟!!!

وكمان خرج باتصال تليفونى وأصر على إخراج غيره معه

عيدية مباركة لوزارة الداخلية !

ويجعله عامر

وشكلنا كدا هنبدأ من أول السطر

وستجد مستشارى الهيكلة المزعومة سيرفعون شعار الهيكلة غدا

طالما لايوجد شفافية

فالحكم المسبق على الطرفين ظلم بين

ربنا يهدى لنا خالتى شفافية وما تحصّل هى كمان طنط حرية

ربنا يظهر الحقيقة قبل أن ندخل النفق المظلم مرة أخرى قد لانخرج منه أبدا

وربنا يسترها على مصر كلها

مجهولون يحاصرون قسم شرطة دهب.. ويطلقون النيران لتهريب أحد المحتجزين

http://gate.ahram.org.eg/


هنا ضابط ربما يكون أخطأ -- الله أعلم

وهناك ضابط تحت الحصار يدافع عن دولة القانون

فلاتضعوا الكل فى سلة واحدة

وإلا فليتحمل المعلمون إساءة فرد واحد منهم

هذه هى الدولة التى نريدها

فمن أساء فلينال عقابه ومن أحسن فله كل التقدير والتكريم

بلاش نعمم



شكرا جزيلا

[أشرف عبد الشافى]

ياسيدى العزيز مع احترامى وتقديرى وتضامنى مع د / تقادم ومعه الف حق ولكن ماأقصده لاداعى للتصادم مع من يقوم بواجبه وخاصه من الناحيه الامنيه التى نحن فى حاجه ماسه اليها وخاصه الموقف بسيط ونحن نعلم جيدا رد فعل الشرَطى ومااعتاد عليه الشرَطى من سنوات فانه يتعامل مع كل فئات المجتمع والانسان المثقف يستطيع تجنب هذا بكياسه وفطنه ويتخطى هذه المواقف مما لايؤدى الى تتطور الامر اما السلوك الشرطى وتغيره لن يتأتى بعمل فردى

[محمد محمود بدر]

المشاركة الأصلية كتبت بواسطة أشرف عبد الشافى

ياسيدى العزيز مع احترامى وتقديرى وتضامنى مع د / تقادم ومعه الف حق ولكن ماأقصده لاداعى للتصادم مع من يقوم بواجبه وخاصه من الناحيه الامنيه التى نحن فى حاجه ماسه اليها وخاصه الموقف بسيط ونحن نعلم جيدا رد فعل الشرَطى ومااعتاد عليه الشرَطى من سنوات فانه يتعامل مع كل فئات المجتمع والانسان المثقف يستطيع تجنب هذا بكياسه وفطنه ويتخطى هذه المواقف مما لايؤدى الى تتطور الامر اما السلوك الشرطى وتغيره لن يتأتى بعمل فردى

شكرا لشجاعتك وتوضيح وجهة نظرك