طلب ضروري جدا .... ( استغاثة )

Hima Ryan · #1 12-10-2011, 09:24 PM

السلام عليكم
طبعا بلا شك كلنا قضينا أول أسبوع في الجامعة كله توهاااااااااااااان
و مش عارف تعمل ايه و تسأل بتوع سنه تالته او رابعة يقولك ده الطبيعي ... و تيجي الاسر الطلابيه دي كل اسره تقولك قصيدة عشان تبقي معاهم !
عامة أول جزء ده جزء اجتماعي يعني و طبيعي يحصل و هتتأقلم مع الوقت

الأهم بقي الدكاترة و الدراسة و كده
فيه دكاترة بيقولوا احنا منزلناش كتب و المفروض اروح المكتبة ادور علي كتب بتتكلم عن مادته و انت و حظك بقي لو ده المقرر او الكتاب بيتكلم بتوسع في المادة .... و مش عارف اتصرف ازاي
و ازاي مفيش كتب للدكاترة
يعني في حالة توهاااان عامة
بإختصار عشان طولت عليكم

يارييييت بعض التفاعل و رفع مذكرات للمواد ... زي التقسيمة بتاعة المواضيع المثبتة لكن للأسف كل روابطها قديمة و مش شغالة
و مثلا نصايح لطريقة المذاكرة .... إلخ

ياريت الناس الكبيرة هنا و الدكاترة يهتموا بينا حبتين

اسف عالإطالة
و شكرا مقدما

Ahmed Magdy Beshr · #2 12-10-2011, 09:59 PM

احنا عندنا فى المنصورة اشترينا كتب الدكاتره خلاص
ولو عايز تشترى انزل عندنا و هتلاقى كل حاجه تمام .... انا حتى الان اشتريت كيمياء و فيزياء و رياضيات و لسه الجيولوجيا و بعدين الكتب عندنا مبيعملهاش الدكاترة ده اعضاء كل قسم بيشتركوا فى عمل الكتاب يعنى هتلاقى كل حاجه تمام و مش هتبقى مرتبط بدكتور المادة عندنا .... ربنا يوفقك..........سلام

Hima Ryan · #3 12-10-2011, 10:13 PM

طيب تمام اوي
اشرحلي بقي بتعمل ايه ..... بتذاكر ازاي ؟
و خصوصا انك جيوفيزيا زيي فا ياريت لو عرفت ترفع اي مذكرات او لو عرفت تتصرف في امتحانات قديمة تحاول ترفعها
عشان بيقولوا مهمة ... و شكرا لردك