ساعدونى ارجوكوا

[سيرة الايام]

يا حماعة ازيكوا يارب تكونوا بخير
انا ان شاء الله داخلة طب ومش عارفة المفروض ايه اللى يتعمل فترة الاجازة وايه اللى المفروض اعرفه عن الكلية بالظبط حاسه انى متلخبطة جامد ياريت حد يدخل يساعدنى ويوجهنى للصح علشان مقعش وادخل صح من البداية ياريت تساعدونى لو حد من طب اسيوط يساعدنى لو عنده فيديوهات او لينكات او اى حاجة تساعدنى علشان امشى صح ف الكلية يبقى ربنا يجازيه خير ارجوكوا

[DPT-Blue Phoenix]

هههههههههه انا علاج طبيعى يعنى متحيز لعلاج طبيعى بس ربنا يسهل و افيدك لأننا بندرس ال4 مواد بتوع طب

[DPT-Blue Phoenix]

طبعا انت هتدرسى فى اولى 4 مواد ..
1-التشريح Anatomy ...... 250 درجة ...على حسب القصر العينى فى اولى درسوا Upper - lower-thorax-basis
و شوية radiology علم الاشعة و كمان شوية علم الاجنة
2-علم وضائف الأعضاء.... Physiology 250درجة ... Autonomic - blood-cardiovascular-nerve and muscle -respiration
3-علم الانسجة Histology ..... و دول فى حدود سبع شباتر او 8 تقريبا فى سنة اولى ... 150 درجة
4-الكيمياء الحيوية ... Biochemistry .... 150 درجة

لو عايزة تعرفى كل مادة بتتذاكر ازاى و كدا ادخلى على فيس بوك على جروب بتاع ((فرسان القصر)) بس هنا مينفعش نحط بنكات هتلاقى حاجات تحمليها من هناك ...

و طريقة مذاكرة كل مادة ... بس افضل طريقة لمذاكرة التشريح انك تشوفى فديوهات كتير خاصة فديوهات اكلاند و تشترى او تأجرى عظام و تشوفى على الطبيعة يكونى معاكى الاطلس ((و بصراحة لازم حفظ)) لأن الامتحان بيجى فيه كتابة

و الفسيولوجى تسجيلات للدكاترة تسمعيها و تفهمى منها و تذاكرى ((قايمة على الفهم بدرجة كبيرة)) و ممكن بيكون فى ملازم شرحها مبسط شوية بس انا مش بحب الملخص

الكيمياء ((بتتفهم مع الحفظ طبعا لازم تحفظ اسامى مركبات و كدا ))

الهستولوجى ( برد حاول تفهمى فيها و الاطلس يكون معاكى و ذاكرى عليه )

بالنسبة للاجازة حاولى ترتاحى دلوقت لأنك هتتبهدلى لسه فى أولى فلازم تكونى داخلة سنة اولى مرتاحة دلوقت ممكن تنقلى فديوهات و حاجات من على الفيس (فرسان القصر مثلا) و تشوفى فديوهات التشريح و كدا و تسألى هناك هتمشى ازاى و ربنا يوفقك

123esaaf.com دا موسوعة كدا هتوريكى جسم الانسان و كدا و لو بحثتى عل يوتيوب هتلاقى فديوهات كتير جدا للتشريح و المواد عندكم ممكن تنزليها و تشوفى ... و ربنا يوفقك

[الاولى ان شاء الله]

مدام طب اسيوط يبقى انا لازم اشارك
ولو بكلمة
ان شاء ربنا يكرمنى ادخل طب اسيوط
وافيد الناس كلها
اميييييييييين

[هاوى إبداع]

المشاركة الأصلية كتبت بواسطة سيرة الايام

يا حماعة ازيكوا يارب تكونوا بخير
انا ان شاء الله داخلة طب ومش عارفة المفروض ايه اللى يتعمل فترة الاجازة وايه اللى المفروض اعرفه عن الكلية بالظبط حاسه انى متلخبطة جامد ياريت حد يدخل يساعدنى ويوجهنى للصح علشان مقعش وادخل صح من البداية ياريت تساعدونى لو حد من طب اسيوط يساعدنى لو عنده فيديوهات او لينكات او اى حاجة تساعدنى علشان امشى صح ف الكلية يبقى ربنا يجازيه خير ارجوكوا

كل اللي عليكي تعمليه انك ترتاحي ف الاجازه وتريحي شويه م الثانويه
ومترهقيش نفسك كل حاجه هتيجي ف وقتها وهتروحي الكليه وصحابك هيدوكي الداتا بتاعة اولي كلها وصحابك اللي اكبر منك هيقولولك ع كل حاجه من غير متسالي وسنه اولي سهله وهتكون سهله عليكي ان شاء الله
بس وانت قاعده ف الاجازه فيه موضوعين او تلاته بصي فيهم كل شويه واتسلي فيهم هما هيفهموكي كل حاجه
اولا نصائح جميله جدا جدا هتفيدك
http://thanwya.com/vb/showthread.php?t=451334
ثانيا موضوع هفهمك الدنيا ماشيه ازاي وايه اللي المفروض تعرفيه
http://thanwya.com/vb/showthread.php?t=140915
ثالثا موضوع مهم لازم تبصي عليه برضه شويه
http://thanwya.com/vb/showthread.php?t=534122

لو انت قريتي المواضيع دي كويس مش هتحتاجي حاجه
ملحوظه :
معظم كليات الطب ف مصر كلها بتاخد نفس المنهج ونفس المواد ونفس الدرجات
في حمي الرحمن

[سيرة الايام]

متشكرة جدا بجد

[كاريمان]

استمتعى بوقتك ومتعمليش حاجه
انتى خارجه من ثانوى
اتفسحى واخرجى واعملى اللى كنت ماجلاه بسبب ثانوى