صيدلة القاهرة دفعة 2017 :) كل اللى عايز تعرفه عن الكلية :)

[A7med Negm]

بسم الله الرحمن الرحيم

ازيكوا يا دكاترة عاملين ايه ؟؟ مبروك على النتيجه ودخولكوا كلية من اعظم الكليات فى مصر

اعرفكوا بنفسى تانى . .

انا احمد نجم . . صيدلة القاهرة بس رايح سنه تانيه ان شاء الله . .

انا وناس من صحابى قررنا اننا نساعد الدفعة بتاعتكوا . . زى مــ فى دفعة اكبر مننا ساعدتنا اول اما دخلنا الكلية

هنعرفكوا على كل حاجه فى الكلية . . اى حاجه عايزين تسألوا فيها هنبقى موجودين

الكل دلوقتى طبعا بيسأل عن الادوات والتقديم امتى وفين وازاى ومعرفش ايه . .

هكلمكوا الاول عن الادوات . . الادوات دى انت بتشتريها قبل الدراسه عشان تساعدك فى المعامل وكده . .

هتقولى طب اشتريها منين . . هقولك اصبر دلوقتى عشان انت بتشترى الادوات دى من محلات جنب الكلية . . ومعظمكوا مايعرفش عنوان الكليه اصلا :D

التقديم بقى . . هو بيبقى فى الكلية مش فى الجامعة

بس امتى !! لسه موقع الكلية ماقلش

فــ ان شاء الله اول اما يقول الكل هيعرف قبلها

والتوبيك ده هيبقى موجود ان شاء الله لاى استفسارات ليكوا

او اى معلومات انتوا عايزنها . .

بالنسبه بقى لدفعتكوا . . زى اى دفعه جديدة بيتعملها جروب على الفيس
عشان يخدمكوا فى الدراسة واى استفسارات انتوا عايزنها
وانا بفضل الفيس احسن عشان انا عن نفسى كل شويه بنسى الــ pass بتاع المنتدى هنا

فــ الفيس افضل من هنا بكتير

بس كده انا خلصت . .

وده لينك الجروب

http://www.facebook.com/groups/270828579690065/