خلصونى منهم .......بس مش للأبد

[basmala]

السلام عليكم ورحمه الله وبركاته

ازيكو انا فكرت اكتب المشكله دى بأسم عضويه تانيه بس مافيش داعى ...على العموم انا قرفتكوا معايا

انا اصحابى زهقونى وكل شويه يكلمونى فى التليفون ويفضلوا يتكلموا بالنص ساعه وبالساعه الا

والمشكله انهم بيتكلموا فى مواضيع تافهااا.. وكمان كل ماواحده تكلمنى تجبلى احباط يعنى واحده بتقولى انتى
مسافره فى شم النسيم قولتلها تقريبا لا ..قالتى ليه قولتلها عشان انا مش مخلصه مزاكرتى ...قالتى لا انا هسافر يومين او يوم ..طيب وانا مالى ماتسفرى ولا ماتسفريش ..المهم عارفين البنت دى جايبه كام السنه اللى فاتت
جايبه 98 وكسور ماشاء الله
و
واحد تكلمنى فى التليفون تقعد تكلمنى على الاضراب طبيب انا مالى

وواحده بتقولى على فكره مست الفنون بيقولك انك هتندمى عشان مش هتكملى درس الفنون قولتلها بثقه شويه لا

ان شاء الله ...والله ابقى ارحله بعد النتيجه واثبتله انى مش ندمانه ...قالتى بثقه ((بس ماتحلفيش بس

انا زهقت من اصحابى نفسى فى الشهرين دول ماكلمش حد فيهم ...قولولى اعمل ايه فى اللى بيكلمونى فى تليفون

خصوصا انهم بيتكلموا على خط مافهوش اظهار رقم ..وكمان ماينفش حد يكدب من البيت ويقولهم ساره مش موجوده

[ahmed_asran2020]

من الاخر قليلهم انا مش فاضيه علشان عندى مذاكرة
زعلوا مازعلوش مصلحتك فوق كل شئ
الحمد لله انا مش بنت
البنات فيهم لمسة الغيرةمن بعض
اما الصبيان بنحب الخير لبعض
مثلا لما بنتقابل فى الجامع ونصلى بنسال بعض ذاكرت ولا لأ والصدق فى المعاملة
وبنشجع بعض علشانربنايسهل لنا
مصلحتك فوق كل شئ

[بهار]

السلام عليكم اختى ساره الموضوع ده كان بيحصل معايا انا كمان
بس مش لازم تكذبى انتى ممكن تطلعى بره المكان اللى فيه التليفون ومامتك او اى حد يرد ويقول انك مش موجوده كده مش هيبقى كذب واريح حل انك تقوللهم ميتصلوش الا اما تكون فى حاجه مهمه علشان الى فى البيت بيضايقوا ...................... هما مش بيضايقوا من كثره الكلام؟

[احمد رضا]

السلام عليكم ورحمة الله وبركاته
ازيك ياسارة
عامله ايه ؟
ندخل في الموضوع
انا اعرف ان المصلحه والمستقبل مفيهومش اي مصطلح من مصطلحات الصداقه و الصحوبيه والكلام ده
هيا اصلا سنه ولا سنتين وبعدين اعملي اللي انتي عيزاه
ساعه ما تكلمك بنوته
قوليلها ازيك عامله ايه
وبس
وقوليلها طب سلام بقي عشان ماما بتنادي عليا وهبقي اكلمك تاني
افتكر انها مش كدبه اوي يعني
وافتكر انها في نفس الوقت متزعلش
وافتكر ان ده الصح ودي مصلحتك
لو بقي حازز في نفسيتك انك هتكدبي
قوليلها معلش هكلمك في وقت تاني ألا انا ورايا مذاكرة متلتله
ودي حاجة متزعلش بصراحة
ولو زعلت عندنا بحر احمر وابيض
وعشان يبقي الحل متوفر
فأقرب حيطه في الشقه وعلي اد ما فيهم من قوة بقي
ده مستقبل
مش بليادردو

[فتاة الاسلام]

سارة يا جميل
انتى حاليا فى فترة تكاد تكون عصيبة ومش مستحملة اى تفكير فى اى شئ سوى المذاكرة فحاولى بقدر الامكان انك تتجنبى الكلام معاهم خالص وزى ما احمد قالك اعملى ومش هتكون كدبة اوى زى ما قال احمد
وبجد بجد والله يا سارة الفترة دى اهم فترة ومن اقل كلمة الاحباط بيجى يعنى ممكن جدا تقولك انا مخلصة مذاكرة وحليت اسئلة اية وحاجات من دى كتير وانتى تقولى هى عملت دة كلة وانا لسة ... والكلام دة
حاولى تتجنبى الكلام معاهم باى طريقة حتى وان حصل واضطريتى تكلميهم حاولى متتكلموش فى المذاكرة وبعدين حرام تطولى معاهم فى الكلام كدة انتى اولى بالوقت دة دلوقتى .... اقولك على شئ افضل
مترديش على التليفون خالص وخلى حد من البيت يرد ومش شرط يقول مش موجودة يقول نايمة وخلاص
واستهدى بالله كدة يا جميل
وربنا يوفقك ان شاء الله ويبعد عنك اى شئ يوترك

[basmala]

المشاركة الأصلية كتبت بواسطة ahmed_asran2020

من الاخر قليلهم انا مش فاضيه علشان عندى مذاكرة
زعلوا مازعلوش مصلحتك فوق كل شئ

ايوه عندك حق البنات فيهم لمسه الغيره هى مش لمسه بس هى غيره كتير

وايوه صح ..متشكره يا احمد

[basmala]

المشاركة الأصلية كتبت بواسطة بهار

السلام عليكم اختى ساره الموضوع ده كان بيحصل معايا انا كمان
بس مش لازم تكذبى انتى ممكن تطلعى بره المكان اللى فيه التليفون ومامتك او اى حد يرد ويقول انك مش موجوده كده مش هيبقى كذب واريح حل انك تقوللهم ميتصلوش الا اما تكون فى حاجه مهمه علشان الى فى البيت بيضايقوا ...................... هما مش بيضايقوا من كثره الكلام؟

يابنتى انا اصحابى بيقعدوا يتكلموا فى مواضيع تحت درجه الصفر اللى بيقيس التفاها
وانا مستمره فى قوله اه ها ايوه وبعدين ام ها ...:Dمافيش فايده...انا هاخليهم يقولو ا

والمشكله انهم بيتكلموا بليل يعنى مثلا لو انا خرجت ورحت درس مش هفضل برده لحد الساعه عشره بليل
...متشكره بها بس هو انتى اسمك بهار ..؟؟

[basmala]

المشاركة الأصلية كتبت بواسطة احمد رضا

السلام عليكم ورحمة الله وبركاته

ازيك ياسارةالحمد لله ازيك يا احمد
عامله ايه ؟
ندخل في الموضوع
انا اعرف ان المصلحه والمستقبل مفيهومش اي مصطلح من مصطلحات الصداقه و الصحوبيه والكلام ده
هيا اصلا سنه ولا سنتين وبعدين اعملي اللي انتي عيزاه
ساعه ما تكلمك بنوته
قوليلها ازيك عامله ايه
وبس
وقوليلها طب سلام بقي عشان ماما بتنادي عليا هو كل مكالمه ماما بتنادينىوهبقي اكلمك تاني..طيب مانا كده لازم اكلمهم تانى
افتكر انها مش كدبه اوي يعني
وافتكر انها في نفس الوقت متزعلش
وافتكر ان ده الصح ودي مصلحتك
لو بقي حازز في نفسيتك انك هتكدبي
قوليلها معلش هكلمك في وقت تاني ألا انا ورايا مذاكرة متلتله
ودي حاجة متزعلش بصراحة...ايوه صح
ولو زعلت عندنا بحر احمر وابيض ههههه
وعشان يبقي الحل متوفر
فأقرب حيطه في الشقه وعلي اد ما فيهم من قوة بقي..لا البحر احلى
ده مستقبل
مش بليادردو

متشكره يا احمد رضا

[basmala]

المشاركة الأصلية كتبت بواسطة فتاة الاسلام

سارة يا جميلا
انتى حاليا فى فترة تكاد تكون عصيبة ومش مستحملة اى تفكير فى اى شئ سوى المذاكرة فحاولى بقدر الامكان انك تتجنبى الكلام معاهم خالص وزى ما احمد قالك اعملى ومش هتكون كدبة اوى زى ما قال احمد
وبجد بجد والله يا سارة الفترة دى اهم فترة ومن اقل كلمة الاحباط بيجى يعنى ممكن جدا تقولك انا مخلصة مذاكرة وحليت اسئلة اية وحاجات من دى كتير وانتى تقولى هى عملت دة كلة وانا لسة ... والكلام دة ايوه ايوه بيحصل
حاولى تتجنبى الكلام معاهم باى طريقة حتى وان حصل واضطريتى تكلميهم حاولى متتكلموش فى المذاكرة وبعدين حرام تطولى معاهم فى الكلام كدة انتى اولى بالوقت دة دلوقتى .... اقولك على شئ افضل
مترديش على التليفون خالص وخلى حد من البيت يرد ومش شرط يقول مش موجودة يقول نايمة وخلاص
واستهدى بالله كدة يا جميل (حاضر)
وربنا يوفقك ان شاء الله ويبعد عنك اى شئ يوترك

ايوه عندك حق مره واحده صحبتى بتكلمنى بتقولى بت>اكرى ايه وبتاع المهم كنا بنتكلم عن العربى ..فقولتلها انا النهارده زكرت نص كزا ...قالتى بس قولتلها اه

قالتلى لا انا بأه النهارده زاكرت تلات نصوص ...استغربت اوى وجالى احباط منها ..ازاى هى بتزاكر تلات نصوص فى اليوم مع باقى المواد ...بعدها بكام اسبوع اكتشفت ان
هى قصدها انا زاكرت فقره واحده بس من كل نص ....:D...احبططتنى على الفاضى

[LA STELLA]

السلام عليكم ورحمة الله وبركاته

اولا دول زميلاتك ولا اصحابك ؟ :D
بتفرق اصلها الصراحة
انا بقى ولله الحمدلله لو حصل يعنى وكلمت واحدة من زميلاتى دول فى التليفون مش بيكلمونى اكتر من دقيقتين وساعات المكالمة كلها نص دقيقة عشان ميعاد درس او ماشابه مش اكتر يعنى

لو دول زميلاتك هيبقى الموضوع اسهل فى انك تتخلصى منهم الصراحة
والواحد اصلا مش بيحب الرغى فى التليفون فى مواضيع تافهة كدة سواء دراسة ولا اجازة اصلا :D
اولا طبعا انتى لو كلمتيهم فى التليفون حسسيهم فعلا انك عاوزة تقفلى واول لما تكلميهم ايوة ازيك عاملة ايه ؟ هو فيه حاجة جديدة بخصوص الدرس الفلانى ؟ هتقول لك لاء قولى لها اومال فى ايه ؟
لو قالت لك هنسلم وكلمتين من دول قولى لها ربنا يكرمك ،، ومعلش انا مضطرة اقفل دلوقتى " مش شرط يعنى تبينى لهم سبب تفصيلى ،، هما مالهم اصلا " وقومى قايلة فى نفس التو و اللحظة : سلاام عليكم
واقفلى السماعة :D
انا بقى وزميلاتى عادى ،، بنقول ازيك دى مجاملة كمان وساعات بنخش فى الموضوع ع طووووووووول ،،
وبعد اما نخلص الكلمتين المهمين بنقول سلاام بردو كدة ع طول
قلت لك هتفرق اذا كانوا زميلاتك او اصحابك
ومفتكرش ان لو انتم اصحاب اصلا هيضيعوا وقتك كدة او هيغيروا منك كدة
تفرق كتير بردو ولا ايه ؟

اما حكاية الاحباط دى فسيبك منهم
دول ناس بتحب تحبط غيرهم
انا مثلا ليا واحدة زميلتى فى الكورس فى حقوق ،،، رغم انها لا شافتنى بذاكر ولا غيره
بس حقد وغيرة بقى انى اصغر واحدة معاهم فى الكورس واشطر منهم كلهم ولله الحمد :D
مرة تقول لى كورس ايه وبتاع ايه دا خليكى فى الثانو ية بتاعتك دى ،، بتقول لها بطريقة غلسة
حتى انا بقيت مش بديها وش وواحدة زميلتى تانية لاحظت فقمت قايلة لها ع غلاستها
ومرة تقعد تقول مجموع ايه وبتاع ايه انتوا لا هتجيبوا مجموع ولا غيره اصلا ولا هتدخلى فنون بتاعتك دى ولا هتبقى اى حاجة اسألينى اانا كنت علمى
هى اصلا فى حقوق وكانت علمى علوم و كانت اصلا جايبة لها مجموع قليل جدا بس ولا بسمع لهم
حتى المستر قال لى اصلا واحدة زى دى مش جايبة مجموعك فهتحبطك وهى اصلا دخلت الكلية خلاص

نصيحة بقى :
اى حد يحاول يحبطك ،، متسمعيش له اطلاقا واعرفى انك كدة ماشية صح عشان كدة شغل الغيرة اشتغل وخلى محاولة الاحباط دى دافع انك تستمرى وتكونى احسن
والنصيحة خديها من أهلك مش من زمايلك لان الاهل هيكونوا حريصين ع مستقبلك اكتر

سلاام عليكم

[بهار]

السلام عليكم ورحمه الله وبركاته
حبيبتى ساره انا مش عارفه ابعتلك رساله لان فى مشكله عندك
تقريبا عدد الرسائل بتاعتك تجاوزت الحد المسموح ابقى امسحيها علشان ابعتلك سلام يا قمر

[basmala]

المشاركة الأصلية كتبت بواسطة hkk-happy

السلام عليكم ورحمة الله وبركاته

اولا دول زميلاتك ولا اصحابك ؟ :D لا اصحابى:D منوره
بتفرق اصلها الصراحة
انا بقى ولله الحمدلله لو حصل يعنى وكلمت واحدة من زميلاتى دول فى التليفون مش بيكلمونى اكتر من دقيقتين وساعات المكالمة كلها نص دقيقة عشان ميعاد درس او ماشابه مش اكتر يعنى لا مانا البنات اللى معايا فى الدروس اقصى حاجه دقيقتين

لو دول زميلاتك هيبقى الموضوع اسهل فى انك تتخلصى منهم الصراحة
والواحد اصلا مش بيحب الرغى فى التليفون فى مواضيع تافهة كدة سواء دراسة ولا اجازة اصلا :D
اولا طبعا انتى لو كلمتيهم فى التليفون حسسيهم فعلا انك عاوزة تقفلى واول لما تكلميهم ايوة ازيك عاملة ايه ؟ هو فيه حاجة جديدة بخصوص الدرس الفلانى ؟ هتقول لك لاء قولى لها اومال فى ايه ؟
لو قالت لك هنسلم وكلمتين من دول قولى لها ربنا يكرمك ،، ومعلش انا مضطرة اقفل دلوقتى " مش شرط يعنى تبينى لهم سبب تفصيلى ،، هما مالهم اصلا " وقومى قايلة فى نفس التو و اللحظة : سلاام عليكم واللهى لو وحده صحبتى عملتها معايا ازعل
واقفلى السماعة :Dهههههههه
انا بقى وزميلاتى عادى ،، بنقول ازيك دى مجاملة كمان وساعات بنخش فى الموضوع ع طووووووووول ،،
وبعد اما نخلص الكلمتين المهمين بنقول سلاام بردو كدة ع طول
قلت لك هتفرق اذا كانوا زميلاتك او اصحابك
ومفتكرش ان لو انتم اصحاب اصلا هيضيعوا وقتك كدة او هيغيروا منك كدة
تفرق كتير بردو ولا ايه ؟

اما حكاية الاحباط دى فسيبك منهم
دول ناس بتحب تحبط غيرهم
انا مثلا ليا واحدة زميلتى فى الكورس فى حقوق ،،، رغم انها لا شافتنى بذاكر ولا غيره
بس حقد وغيرة بقى انى اصغر واحدة معاهم فى الكورس واشطر منهم كلهم ولله الحمد :D
مرة تقول لى كورس ايه وبتاع ايه دا خليكى فى الثانو ية بتاعتك دى ،، بتقول لها بطريقة غلسة
حتى انا بقيت مش بديها وش وواحدة زميلتى تانية لاحظت فقمت قايلة لها ع غلاستها
ومرة تقعد تقول مجموع ايه وبتاع ايه انتوا لا هتجيبوا مجموع ولا غيره اصلا ولا هتدخلى فنون بتاعتك دى ولا هتبقى اى حاجة اسألينى اانا كنت علمى
هى اصلا فى حقوق وكانت علمى علوم و كانت اصلا جايبة لها مجموع قليل جدا بس ولا بسمع لهم
حتى المستر قال لى اصلا واحدة زى دى مش جايبة مجموعك فهتحبطك وهى اصلا دخلت الكلية خلاص
هههههههههه عندى حاجات كده حصلت معايا هبقى احكيلك
نصيحة بقى :
اى حد يحاول يحبطك ،، متسمعيش له اطلاقا واعرفى انك كدة ماشية صح عشان كدة شغل الغيرة اشتغل وخلى محاولة الاحباط دى دافع انك تستمرى وتكونى احسن ماهو فعلا ده اللى بيحصل
والنصيحة خديها من أهلك مش من زمايلك لان الاهل هيكونوا حريصين ع مستقبلك اكتر

سلاام عليكم وعليكم السلام ورحمه الله وبركاته يا هابى

مرسيه يا هابى دايما كده بتشرفينى

[basmala]

المشاركة الأصلية كتبت بواسطة بهار

السلام عليكم ورحمه الله وبركاته
حبيبتى ساره انا مش عارفه ابعتلك رساله لان فى مشكله عندك
تقريبا عدد الرسائل بتاعتك تجاوزت الحد المسموح ابقى امسحيها علشان ابعتلك سلام يا قمر

يلا يا ستى مسحت رسالتين عشان خطرك دلوقتى تقدرى تبعتى

[فنكوشه المنكوشه]

بص يا ساره بعيدا عن الرغي الكتير لان انا عندي زغته
شوفي يا بنت الحلال خليكي دبلوماسيه وصريحه ولا تلفي ولا تدوري ولا تخلي حد يكذب
حد اتصل بيكي في التليفون لو سمحت يا جماعه انا ورايا مذاكره ومش هينفع نتكلم دلوقت والزعل مرفوع واللي تزعل براحتها ههتتعود ومهها حد اعد يقولك في حلول مفيش في النهايه غير الحل دا لان انا جربته شخصياغالبيه البنات قمه التفاهه بس ياريت واحده فيهم تتكلم معايا عن الاضراب دا انا كنت هتبسط بيعدوا يتكلموا عن الشباب هيموتوا ويتتنيلوا علي عينهم طب انا مالي

[LA STELLA]

بس ياريت واحده فيهم تتكلم معايا عن الاضراب دا انا كنت هتبسط بيعدوا يتكلموا عن الشباب هيموتوا ويتتنيلوا علي عينهم طب انا مالي

هههههههه اه بسمعهم لما بيتكلموا مع بعض كدة
بس طبعا مافيش واحدة تجرؤ انها تتكلم معايا فى كدة اصلا :D عارفينى هديهم ع دماغهم عدل