يلا إحصاء ( ولو عندك سؤال أكتبه هنا )

[kalefam]

نبدأ بعون الله معكم منهج الاحصاء لهذا العام 2008 / 2009
أملين من المولى عز وجل أن يوفقنا وإياكم
أولا : أحب أن الفت نظر جميع الطلاب إلى أن
منهج الاحصاء يتكون من
الباب الأول : الاحتمالات وهذا الدرس يجى فى الامحان فى السؤالاول ( أ ) الاجبارى وعليه 4.5 درجة وكمان فى جزء ( ب ) فى السؤال الأخير وعلية 4 درجات يعنى الدرس ده مهم جدا عليه 8.5 درجة من 25 درجة الامتحان
الباب الثانى : المتغيرات العشوائية : وده ينقسم إلى متغير عشوائى متقطع و متغير عشوائى متصل وكل واحد منهم بيجى جزء من السؤال الثانى بـ 4 درجات وجزء من السؤال الثالث بـ 4 درجات
الباب الثلث : التوزيع الطبيعى وده مهم جدا لأنه بيجى فى السؤال الاول ( ب ) وعليه 4.5 درجة
الباب الرابع : الارتباط و الباب الخامس الانحدار ودول بيجوا فى سؤال واحد عليه 8 درجات كاملة
حيث أن الامتحان
يتكون من 4 أسئلة نختار منهم 3 والسؤال الاول اجبارى
السؤال الاجبارى علية 9 درجات والسؤالين الباقيين عليهم 16 درجة كل واحد منهم 8 درجات
هذه مقدمة بسيطة علشان نعرف احنا بندرس ايه
الدرس الاول فى المرفقات

[الاستاذ محمد سرور]

وسع للباشا الكبير
الشاطر يرفع ايده فى قسم الاحصاء
مع الاستاذ محمد خليفة

بداية طيبة ان شاء الله

[Nemo_92]

شكرا جزيلا

[♥έĻ-мΰšŧâρèdâ♥]

مستر // خــــليفه

شكرا لك على الملف

وانا بحمله دلووقتى

وان شاء الله اكون معاكم اول باول

بس ايه الدرجات دى كلها شوال واتفتح

ههههههههههههه

تحيااااتى الخالصة لشخصك الكريم

[عادل مجاهدمصطفى]

شكرا أستاذنا الكريم وجزاكم الله خيرا

[محمد كامل فوده]

شكرا مستر خليفه ، وجزاك الله خيرا

[kalefam]

أشكر كل كتب ردا فى الموضوع
أولا الاستاذ الموجه الكبير / محمد سرور . كلمات كبيرة على اللى انت قلتها احنا مش كدك
كذلك Mona معرفش اذاكانت طالبة أو طالب مدرسة أم مدرس
أية على . اللى باعتبار 90 % من شغلى على المنتدى بسبها . ياريت تشبكى الـ خ فى ليفة
استاذنا الكبير عادل مجاهد اللى عامل شغل جميل جدا للصف الأول
ومنساش عمنا الكبير الاستاذ / محمد فودة . اللى باستفيد جدا من كتباته فى المنتدى
وربنا يقدرنا ونكون عند حسن ظن الجميع

[♥έĻ-мΰšŧâρèdâ♥]

استاذنا الكبير :: أ / خليفــــــه

ايه بس الدرس ده ده درس ولا ولا لعب عيال

لا لا اول درس الاحصاء ده طلع مايه بس يجيب مجموعه اللى اسمها ( ف ) واطلع المطلوب يقبل القسمة على كذا وميقبلش على كذا وعدد زوجى ولا عدد اولى

يارب يطلع الباقى سهل وجميل كده

شكرااا لحضرتك على الدرس

وشاكرة لجهودك

وان شاء الله اتابع اول بااول

وياريت لو يكون فيه واجب شديد ادرب عليه

[kalefam]

المشاركة الأصلية كتبت بواسطة آيه على

استاذنا الكبير :: أ / خليفــــــه

ايه بس الدرس ده ده درس ولا ولا لعب عيال

لا لا اول درس الاحصاء ده طلع مايه بس يجيب مجموعه اللى اسمها ( ف ) واطلع المطلوب يقبل القسمة على كذا وميقبلش على كذا وعدد زوجى ولا عدد اولى

يارب يطلع الباقى سهل وجميل كده

شكرااا لحضرتك على الدرس

وشاكرة لجهودك

وان شاء الله اتابع اول بااول

وياريت لو يكون فيه واجب شديد ادرب عليه

الواجب داخل الدرس ( الاكمال ) ابعتى لى الاجابة اللى انت كتبتيها وأنا اصحح لو كان هناك أخطاء
ولو انى متأكد انك حلتيها صح

[FBI]

انا الحمد لله صحابى قالولى خدى علم نفس اسهل وعقدونى فى الاحصاء والاقتصاد وطلعولى فيها القطط الفاطسة من قبل م اخدها فغيرت ورحت لعلم النفس بس شكلى هندم على التحويلة السودا دى

[السيدحمدى]

شكرا ياباشا على المجهود
ولكنى اتمنى فى القادم ان تزيد جرعة التمارين
وفقك الله اخدمة ابناؤنا
ولك جزيل الشكر ياأخى الغالى

[♥έĻ-мΰšŧâρèdâ♥]

صندوق به 10 بطاقات متماثلة ومرقمة من 1 إلى 10
فضاء التجربة ف = { 1 ، 2 ، 3 ، 4 ، 5 ، 6 ، 7، 8 ، 9 ، 10}
حدث ظهور عدد يقبل القسمة على 3 = { 3 ، 6 ،9}
حدث ظهور عدد آولى = { 1، 3 ، 5، 7 }
حدث ظهور عدد آولى و يقبل القسمة على 3 = { 3 }
حدث ظهور عدد آولى أو يقبل القسمة على 3 = {1، 3 ، 5، 6 ، 7، 9 }
حدث ظهور عدد 4 < س < 5 = فاى

-------------------------------------

حدث مجموع العددين 8 = { ( 2 ، 6) ، ( 3 ، 5 ) ،( 4 ، 4 ) ،( 5 ، 3) ( 6، 2) }
حدث الفرق المطلق بين العددين 4 = { ( 6 ،2) ، ( 5، 1 ) ،(1 ، 5 ) ،( 2 ، 6 ) }
حدث العددين متساويين = { ( 1، 1) ، ( 2، 2) ،( 3، 3) ،( 4، 4) ( 5، 5) ، ( 6، 6) }
المثال التانى معرفتش احله هفكر فيه واحله تانى

[kalefam]

أقولها لـ FBI ولـ السيد حمدى
بالنسبة لـ FBI احنا لسة فى بداية الدراسة ممكن تشوف معانا الاحصاء وتقرر بنفسك مش برأى أصحابك
وبالنسبة لـ السيد حمدى . احنا لسة فى البداية . وإن شاء الله إقتراحك سينفذ بإذن الله خطوة خطوة
مرة أخرى أشكركم على اهتمامكم
وكل عام وحضراتكم بخير

[kalefam]

برافووووووووووووو أية على . حلك جميل بس هناك خطأ فى الأعداد الأولية
هى { 2 ، 3 ، 5 ، 7 } الواحد ليس بعدد آولى
والخطأ ده تسبب معك فى
حدث أن يكون العدد الأولى أو يقبل القسمة على 3 = { 2 ، 3 ، 5 ، 7 ، 6 ، 9 }
مرة أخرى برافووووووووووو عليكى والخطأ كثير من الطلبة يقع فيه بس مش آية هى اللى تخطأ ؟
شد حيلك فى الباقى
ربنا يوفقك

[♥έĻ-мΰšŧâρèdâ♥]

المشاركة الأصلية كتبت بواسطة kalefam

برافووووووووووووو أية على . حلك جميل بس هناك خطأ فى الأعداد الأولية

المشاركة الأصلية كتبت بواسطة kalefam

هى { 2 ، 3 ، 5 ، 7 } الواحد ليس بعدد آولى
والخطأ ده تسبب معك فى
حدث أن يكون العدد الأولى أو يقبل القسمة على 3 = { 2 ، 3 ، 5 ، 7 ، 6 ، 9 }
مرة أخرى برافووووووووووو عليكى والخطأ كثير من الطلبة يقع فيه بس مش آية هى اللى تخطأ ؟
شد حيلك فى الباقى
ربنا يوفقك

مستر // خليفــــه

شكرا لحضرتك على التصحيح

خلاص اتحفرت فى نافوخى ان الواحد مش عدد اولى

بارك الله فيكـ يا استاذنا

وكل سنة وحضرتك طيب