لكل اللي جالهم علوم ولسه زعلانين

[الرياضيات عذاب .]

السلام عليكم ورحمة الله وبركاته
انا اختكم
الرياضيات عذاب
بالظبط زيكو
كان نفسي صيدله او حاسبات ومعلومات لاني بحب الحاسب جدا بس مجموعي جابني هنا لعلوم رغم ان مجموعي مش شويه ابدا بس هنعمل ايه
المهم عايزه اقولكو حاجه
انا من طلاب الشهادات المعادله ( السعوديه )
امبارح اللي هو يوم الاثنين طلعت نتيجتنا
واول ماشفت ع الشاشه

علـــــــــــــــــــــــــــــــــــــــــــوم طــــــنطــــــــــا

بجد اول ماشفت الكلام دا
علوم طنطا
انا معرفش حصللي ايه
حسيت بشعور غريب
كنت دايما بقول يارب صبرني لما اشوف نتيجتي
واول ماشفتها
انا تننننننحححت شويه للشاشه بتاع اللاب
ومكتومه متكلمتش ولا ربع كلمه
وشويه مابقتش اقول غير قدر الله وماشا فعل
انا لله وانا ايه راجعون
اللهم اجرني في مصيبتي واخلفلي خيرا منها
واتذكرت كلام الرسول صلى الله عليه وسلم
المؤمن امره كله خير ان اصابته ضراء صبر فكان خيرا له وان اصابته سراء شكر فكان خيرا له
وتذكرت كلام الله عز وجل في القران
انما يوفى الصابرون اجرهم بغير حساب
ان الله مع الصابرين
وبشر الصابرين اللذين اذا اصابتهم مصيبه قالو انا لله وانا اليه راجعون
بجد حسيت اني ارتحت شويه وفقت من اللي انا فيه
طبعا مااقولوكمش وقتها جالي صداع شديد من هول النتيجه ودوخه وتعبت جدا شويه كدا ع مااستوعبت وقلت الحمد لله
كل دا كان ع الصامت من غير مااتكلم مع اي حد
رحت قلت لماما وبابا واخواتي
ان لنتيجه ظهرت وطلعلي علوم وكدا
المهم ردة الفعل منهم كانت متوقعه
اخواتي : ربنا يعينك دي صعبه جدا دا بيقولو اصعب من طب بكتييييييير
ماما : الحمد لله ع كل حال
بابا : الف مبروك يابنتي ماتزعليش انتي عملتي اللي تقدري عليه وشدي حيلك في الكليه وان شالله تبقي حاجه كبيره وماتفقديش الامل وماتنسيش الكليه دي خرجت لنا علماء زي احد زويل و مصطفى مشرفه و .. و.. و.. غيرهم من العلماء
وقعد بابا يقولي ان كل واحد يقدر يتميز ويبقى حاجه كبيره جدا في شغله مهما كانت كليته حتى لو اقل كليه في الجمهوريه وشديتي حيلك فيها هتبقى احسن من اللي دخل احسن كليه ونام ماشدش حيله
المهم
اناا بعدها رحت كلمت صاحباتي وكدا
كلهم زعلانين ع التنسيق وكدا وانه عالي وظلم وحسبي الله ونعم الوكيل و..و..و....الخ زي ماانتو عارفين الكلام المعروف بعد النتايج دا
المهم
بعد كدا دخلت ع النت وقعدت اقرا اكتر عن علوم واتعرف اكتر ع اقسامها وقررت مادام حابه الحاسب ادخل علوم قسم رياضيات ومنه هبقى اتخصص حاسب ان شاء الله
وان شالله اذاكر ع قد مااقدر ويكون هدفي اني اطلع ( الاولــــــــــى ) باذن الله
مافيش حاجه بعيده ع ربنا سبحانه وتعالي
بس كل اللي مطلوب اننا نجتهد ونشد حينا
وقرات وشوفت اجات حلوه عن علوم
بس للاسف هي مش واخده حقها في مصر
لكن برا مصر عند الغرب
الكليه القمه الاولى عندهم هي كلية العلوم وبيهتمو بيها اهتمام مش طبيعي
لكن مصر .. للاسف
فانا جيت هنا
مش عشان ارغي واتكلم
لا لا خالص
انا جيت اقولكو
خلينا ايد وحدا
وشدو حيلكو
زاكرو واجتهدو
لازم نرجع لكليتنا كرامتها واحترامها تاني
تعرفو لو اهتمينا
خصوصا بعد الثوره كمان بقه فيه امل كبيييييييييييييييييييييييييييييير في التغيير
صدقوني صدقوني والله لو كل واحد اهتم بمذاكرته بجد بجد واتعلم كويس عشان( علم ) مش بس عشان شهاده ونجاح وكدا
لا عشان
1- مصر بلدنا احنا اللي نقومها توقف ع رجليها من تاني
2- عشان تبقى كلية العلوم فعلا هي الكليه الاهم في مصر
3- لو اهتمينا ومسكتناش ع السمعه بتاع علوم دي شويه شويه مع الوقت هتلاقو علوم بقت فوق الطب وبقت هي كلية القمه رقم1
صدقوني انا كلهم قالولي صعبه
لكن انا ناويه اكون شجاعه وشطوره وهذاكر كويس ومع المذاكره مفييييييييييييش حاجه صعبه
مفيش حاجه صعبه والله
تعرفو بقه اللي بيقولونا
علوم صعبه دااحنا دخلناها وطلعت عينا وياليتنا مادخلنا دا احنا واحنا ...........الخ من كلام التحطيم اللي بنسمعه كتير
تعرفو بقه
انا دول قرايبي
كانو في علوم بس كلامهم ابببببدا ماكنش بيشجع نهائي كانو بالعكس بيحيطو الواحد
بس انا لما سالت كل واحد منهم ع حده
انت كنت بتذاكر كم ساعه في اليوم ؟؟؟
تعرفو كان ايه الجواب
؟
كان الجواب كالتالي
هههههههههههه لااااا داانا ماكنش بيبقالي خلق اذاكر
داانا كنت برجع من الكليه اكل وشوفلي فيلم وانام
او اخرج او او او
قلتلها
بجد
؟!!!!!!!!!!!!
طب ازاي نجحتي ؟؟؟
قالت لي يابنتي
دااحنا جينا قبل الامتحانات بشهر ونص ومسكنا الكتب ذاكرناها ودخلنا الامتحان ونجحنا
ع فكره دا كان غالبا ردهم كلهم
يعني ايه؟
يعني كلهم ماكانوش بيذاكرو اصلا !!
لا وجايين بكل جراءه يحكمو ع الكليه انها صعبه
طب ازااايي يعني
؟!!
بالعقل واحد مش بيذاكر طول السنه وبييجي في الاخر يتزنق وقت الامتحانات في المذاكره
هيكون كلامه
اكيد هيقول دا صععععبه جدا >>> لان حضرته الشاطر مااكنش بيذاكر اصلا وعايزها تكون سهله عليه ههههههههههه
المهم
انا عايزه الجميع يطلع من راسه فكرة انها صعبه نهااااااااااائي
وعايزاكو تشدو حيلكو
عشان نقدر نحسن نظرة الناس لكليتنا
ودي يوتيوبات عجبتني وحمستني
اليوتيوب 1 دا بدايته محبطه ومضحكه في نفس الوقت لكن نهايته حلوه ومشجعه\
(علوم بنها | قصه حياه طالب في كليه العلوم)
اليوتيوب 2 دا ادني دافع لقدام اننا لازم نشد حيلنا عشان نرفع اسم كلينا فووووووووووووووق
(كلية العلوم )
يلا يا علماااااااااااء علوم بالتوفييييييييييييييييييييق يرب وشدو حيلكو
واتمنى اشوف ردودكو المشجعه واللي كلها امل في بكرا واللي كلها حمااااااااااااس
واتمنى خلاص مايكونش لسه فيه حد فيكو زعلان الى الان
بالتوفيق يارب للجميع

بس ليا طلب .. اي بنوته في علوم طنطا تقولي بليز لاني معرفش حد ههناك ونفسي اتعرف ع حد نكون مع بعض ..

وسامحوني ع الاطاله ..
اختكم
الرياضيات عذاب . ^_*

[مدحت زيان]

موضوعك جميل جدا بشكرك عليه وان شاء الله هنبدأ التغيير على ايدك لان الكلام أثر فيا ويارب التوفيق للجميع
أنا فى علوم المنصورة قسم فيزياء حيوى

[الرياضيات عذاب .]

المشاركة الأصلية كتبت بواسطة مدحت زيان

موضوعك جميل جدا
والله الجميل تواجد حضرتك في الموضوع واهتمامك بالرد
بشكرك عليه
العفوووووووو ^^
وان شاء الله هنبدأ التغيير على ايدك لان الكلام أثر فيا
الحمد لله لسه شباب وبنات مصر بخييييير وشدو حيلكو فعلا لازم نبدء نغير والتغيير بيبدء من فكره فخطوه ف.......... الى مانوصل للهدف
ويارب التوفيق للجميع
آآآآآآآآآآآآآآآآآآمين يارب
أنا فى علوم المنصورة قسم فيزياء حيوى

ربنا يوفقك يااااااارب

[zahraa ali]

الف مبرووك عليكي الكلية
وبجد كلامك مشجع كدا
ويارب كلنا نبقي متحمسين كده
وربنا يوفقك ويوفقنا...

[user22]

مبروك عليكى الكلية وربنا يوفقك ويوفقنا فيها إن شاء الله , أنا اللى حصل معايا فى التنسيق زيك بالحرف , بس بعدها على طول بدأت ابحث عن الكلية واعرف مواد دراستها وفرص العمل بعد التخرج واقتنعت بيها بصراحة .

أكتر حاجة حلوة فى كلية العلوم تعدد وتنوع الأقسام ومواد الدراسة , وكل واحد يقدر يدرس المجال اللى بيميل إليه وبالتالى يقدر يتفوق ويتميز فيه بإذن الله ))

سؤال محيرنى , أنتى سجلتى فى المنتدى باسم " الرياضيات عذاب " وفى نفس الوقت مختارة شعبة علوم طبيعية - رياضيات - تخصص الحاسب الآلى , أكيد عرفتى مواد الدراسة فى سنة أول وإن الشعبة معظمها رياضيات بحتة يعنى عذاب

بالتوفيق إن شاء الله .

[الرياضيات عذاب .]

المشاركة الأصلية كتبت بواسطة zahraa ali

الف مبرووك عليكي الكلية
الله يبارك في حضرتكـ ومبروك لينا كلنا ^^
وبجد كلامك مشجع كدا
تسلم والله .. انا اتمنى بجد ان كلنا ندخل علوم واحنا مبسوطين ومتحمسين عشان نقدر نذاكر ونتخرج بتقديرات عاليه ونبقى حاجه كبيره في المستقبل باذن الله
ويارب كلنا نبقي متحمسين كده
آآآآمين يارب
وربنا يوفقك ويوفقنا...

آآآآآآآآآآآآآآآآآآآآآآآآمين يارب ويوفق الجميع
وأشكرحضرتك ع المرور العطر

[الرياضيات عذاب .]

المشاركة الأصلية كتبت بواسطة user22

مبروك عليكى الكلية
الله يبارك فيك يارب
وربنا يوفقك ويوفقنا فيها إن شاء الله ,
آآآآآآآآآآآآآمين ياااااااااااااارب
أنا اللى حصل معايا فى التنسيق زيك بالحرف , بس بعدها على طول بدأت ابحث عن الكلية واعرف مواد دراستها وفرص العمل بعد التخرج واقتنعت بيها بصراحة .
الحمد لله .. اهم حاجه انك اقتنعت عشان تقدر تذاكر وتتفوق باذن الله ..

أكتر حاجة حلوة فى كلية العلوم تعدد وتنوع الأقسام ومواد الدراسة
صحيح
, وكل واحد يقدر يدرس المجال اللى بيميل إليه وبالتالى يقدر يتفوق ويتميز فيه بإذن الله ))
ان شالله ربنا يوفقنا كلنا ياااااااارب ^^

سؤال محيرنى , أنتى سجلتى فى المنتدى باسم " الرياضيات عذاب " وفى نفس الوقت مختارة شعبة علوم طبيعية - رياضيات - تخصص الحاسب الآلى , أكيد عرفتى مواد الدراسة فى سنة أول وإن الشعبة معظمها رياضيات بحتة يعنى عذاب
ههههههههههههههههههههههههههههه لا أنا هقولك قصة ( الرياضيات عذاب )
أنا كان عليا في 3 ثانوي (رياضيات ) امتحان نهائي الرم الاول ( كانت دروس النهايات والاتصال وكدا ) وكنت طالعه عيني فيه وخايفه ومرعوبه
فدخلت ع احد المنتديات عشان استفسر عن سؤال في الرياضيات
ف جيت اسجل
مكتوب
الاسم .................
قلت ممممممممممم ( طبعا انا كنت مرعوبه وتعبت من كتر الخوف والرياضيات وكدا ) فكتبت اسم ( الرياضيات عذاآاب )
هههههههههههههه بس ومن يومها بسجل في معظم المنتديات بلاسم دا وتوته توته خلصت الحدوته ههههههههههههه
××××××× ***********
للمعلوميه ::::
انا غيرت رايي
وان شالله استقريت اني هدخل ( ميكروبيولوجي )
وقلت بعد التخرج ان شالله
هبقى اخد علوم حاسب من ( كلية حاسبات ومعلومات خاصه )
او من ( المعهد البريطاني )
ممممممم
وفكرت كمان ان يكون عندي
1- معمل تحاليل
2- ماجستير + دكتوراه >>> بعد انهاء البكالوريوس من كلية العلوم ان شالله
3- معهد للتدريب ع اللغات والحاسب ان شالله
ادعوووووووووووووووولي بالله عليكووو

بالتوفيق إن شاء الله .

آآآآآآآآآآآآآآآآآآآآآآآآآآآآآآآآآآآمين يااااااااااااارب والجميع

[أناآآمل مبدعهـ]

وعليكم السلام ورحمة الله وبركااااته ...

كلاآآآمك مش بببس راااائع ده أرروووووووع من الرااااااااااااااائع ...

بإذن الله هتتغير نظره المجتممع لينا ... وهيكون لينا أثثثر .....

ربنا يباااارك فيكي يا عسسسل ... وبإذن الله هنووووصل سوا للي احنا عاااااااوزيييينه

وهنكووون عاااااااااااااالمااااااااااااااااااااااااااااااات تفتخخخخر بينا مصصصصصر

انا علوم قنا : ) << دعواآآتك أحوول

[alea2009]

جزاكى الله خيرآ .
ربنا يوفقك ويوفق الجميع .
وانا الحمد لله فى كلية علوم وعلى فكرة كلية العلوم ممتعة.
والصعوبة ليست فى الدراسة ولكن فى طول ساعات السكاشن والمحاضرات.
وإذا ذاكرتى فيها ربع مذاكرة ثانوية عامة هتكونى من الأوائل بإذن الله.
وتذكرى قول الله تعالى "إنا لانضيع أجر من أحسن عملآ" صدق الله العظيم.

[ASERMAN]

ربنا معانا ومعاكى

أنا أولى علوم حلوان

قسم علوم فيزيائية

ونفسى أكمل وأدخل علوم فضاء

ادعوا لى

[ناصر ريفا]

جزاكى الله خيرآ .
ربنا يوفقك ويوفق الجميع

[ولاء عبدالمحسن]

يااااااااااااه ع الايام ..
ولا دخلت حاسب ولا ميكرو هههههههههههههه
دخلت نبات .. سبحان الله
#الرياضيات_عذاب