ممكن نصيحة؟ (علوم - هندسة - علوم حاسب)

[*Ahmed*]

السلام عليكم ورحمة الله وبركاته

الحمد لله أنا اترشحت لمعهد العاشر لعلوم الحاسب وأنا مقتنع بيه .. لكن فيه ناس كتير بتقول أحول لمعهد العاشر للهندسة .. لكن اللي أعرفه إن الهندسة قسم الحاسب بتبقى زي الكهرباء ولكن بتطبق على الكمبيوتر .. لكن عرفت كمان إن ممكن يشتغل أو خريج علوم الحاسب نفس الوظيفة فهل الكلام ده صحيح؟ .. كمان أنا ممكن أفكر في كلية العلوم عشان فيها قسم حاسب برده .. لكن سمعت إنها بتبقى نظري ومش فيها عملي .. وفيه احتمال لو رفعت قضية تطلعلي درجات بمجموع الحاسبات والمعلومات الحكومي .. لكن بيقولوا بتضيع سنة! أنا أهم حاجة عندي عشان أقدر أحدد إن شاء الله هعمل إيه هو إيه هي الكلية اللي بتدي مادة علمية (في تخصص الحاسب والبرمجيات) أشمل أو بيبقى خريجها كفاءته أكبر في تخصصه:
1- معهد هندسة قسم حاسبات
2- معهد علوم حاسب
3- كلية علوم قسم علوم حاسب
4- كلية الحاسبات والمعلومات
5- كلية الهندسة قسم حاسبات

وشكرا ,,