احنا مستعجلين

[وليد فوده]

يا جماعة الخير انا قولت احنا مستعجلين تريقة لكن الامور دى مابتجيش غصب لازم الموافقة من الطرفين ازاى انا معرفش لكن انا عايز اقول حاجة حتى لو عملنا اعتصام وحتى لو عملنا قضيه وحتى لوعملنا تدخل من مجلس الشعب يعنى استنفذنا كل الوسائل مش حيصل حاجة وهذا المتبع الحكومة ودن من طين وودن من عجين انا قلت ان الامل فى الله لا فى مخلوق ايه رايكم لو احنا عملنا ودن من طين وودن من عجين هى الحياة وقفت عيشوا حياتكم كما هى وكان التعيين لم ياتىوالله كلمة حق

[جارةالوادى]

هى جوازة لازم موافقة الطرفين
ده قانون وهما اللى الزمو نفسهم بيه واحنا بنعمل اللى علينا وبنحاول نجيب حقنا
بس انا شخصيا معاك ان احنا منخليش التعيين مشكلة حياتنا كانها هتقف عليه ونحاول نتأقلم ونتكيف حتى يقضى الله امرا كان مفعولا

[وليد فوده]

قانون ايه اللى انت جاى تتكلم عليه البلد بتعاعتهم ياعم

[a7madxxx]

هو زواج قبول وايجاب

[mmagdy_81]

عندك حق يمكن مشكلتنا اننا فعلا حطين التعيين هو الحياه نفسها ولومحصلش تبقى الحياه انتهت يمكن ده هو اللى ضغطنا نفسيا اكتر من اللازم ومخلينا مشدودين ومتوترين فعلا وهو فى الاول والاخر رزق هتاخده لو مكتبلك غصبن عن اى حد والمشكله فى الاول والاخر هى عقيده ايمان الانسان منا بان رزقه لن ياخذه غيره اذا استقر ذلك فى نفوسنا وعقيدتنا هتفرق معانا كتير . وشكرا

[علي عضاضلي]

ايوووووووووووووة كدة
حسن الظن بالله ابتدى يرجع للناس.الحمدلله

[the keng]

عايز رايي بصراحة
ده اسمه عندنا جبن وتكاسل

[Abeer-55]

انا اسفة يااستاذ وليد انى أقول ان حضرتك اثبتلى ان المدرسين اكتر فئة سلبية فى المجتمع حقوقهم المادية مسلوبة والقانونية وكمان مكانتهم الاجتماعية معدومة ..........كل ده وحضرتك بتقول موافقة الطرف الثانى !!!!! وحياة اية اللى هنعيشها ؟؟وتتعاش ازاى دى؟؟؟

[احمدالفطاطرى]

هويعنى لما المدرس يتقدملو كيك وشاى فى الدرس ؟

[miss_emy]

مستعجلين؟ يا راجل قول كلام غير دا

[ابوامانى]

حرااااااااااااااااااااااااااااام عليكم انتو عايزين ايه مننا ست سنين النهارده وتقول مستعجلين وبتقول نسكت واللى يحصل يحصل ايه الراحه اللى انت فيها دى يا اخى الموضوع دا كبير خالص اللى انت مستصغره دى حياة ناس عاوزه تحس بالاستقرار والامان مش خايفه لحسن فى اى يوم يقولولها مع السلامه دا احنا ذاكرنا وتعبنا كام سنه وصرفنا كام فلوس وتعب وسفر للكليه كل دا اتنسا خلاص عشان نقول زى ما تيجى تيجى يا خى حرام عليك اتقو الله فينا

[Rofa2010]

في فرق بين التوكل و التواكل. ما هو؟؟؟
التوكل هو ان تعمل كل ما في وسعك وكل ما تستطيع عمله (يسمى هذا الاخذ بالاسباب) وتكون علي يقين ان الله هو الذي سوف يحل المشكلة وليس ما فعلته.
اما التواكل هو ان تجلس للبكاء علي اللبن المسكوب واللجوء الي الله ليحل المشكلة لان (حضرتك) مكسل ومش عايز تعمل حاجة.
ولو فتحت كتاب الله الذي يخاطبنا فيه سوف تجد ( ان الله لا يغير ما بقوم حتى يغيروا ما بانفسهم) .
التغير يجب ان يكون منا اولا.
اما عمل ودن من طين وودن من عجين بيقي لافي حد هياخد حقه ولا في حاجة هاتتغير.
(علي فكرة الدول العربية متبعة نفس الاسلوب عملت ودن من طين وودن من عجين علشان القدس والكل عاش حياته و شرفنا وعرضنا بينداس بالجزم وووو ........اكمل ولا كفاية كده)

[احمدالفطاطرى]

المشاركة الأصلية كتبت بواسطة Rofa2010

في فرق بين التوكل و التواكل. ما هو؟؟؟
التوكل هو ان تعمل كل ما في وسعك وكل ما تستطيع عمله (يسمى هذا الاخذ بالاسباب) وتكون علي يقين ان الله هو الذي سوف يحل المشكلة وليس ما فعلته.
اما التواكل هو ان تجلس للبكاء علي اللبن المسكوب واللجوء الي الله ليحل المشكلة لان (حضرتك) مكسل ومش عايز تعمل حاجة.
ولو فتحت كتاب الله الذي يخاطبنا فيه سوف تجد ( ان الله لا يغير ما بقوم حتى يغيروا ما بانفسهم) .
التغير يجب ان يكون منا اولا.
اما عمل ودن من طين وودن من عجين بيقي لافي حد هياخد حقه ولا في حاجة هاتتغير.
(علي فكرة الدول العربية متبعة نفس الاسلوب عملت ودن من طين وودن من عجين علشان القدس والكل عاش حياته و شرفنا وعرضنا بينداس بالجزم وووو ........اكمل ولا كفاية كده)

عندك حق وبس اااااا برضك عند حق

[ayman3body]

فعلا عندهم حق يلعبو بينا طالما ده حالنا حسببي الله ونعم الوكيل

[ابوامانى]

عندك كل الحق يا روفا 2010 كل مكان كدا فيه ناس دسيسه على بعض عايزه تخرب بيوتها ويمكن اصلا مش تبعنا بس نازل كدا وكدا