ضرورى لو سمحتم بخصوص المدينة الجامعية

[Mo7ammed Elshaf3y]

السلام عليكم ورحمة الله وبركاته
لو سمحتم يا جماعة انا قدمت للمدينة الكترونى
فلما جيت النهاردة اشوف نتيجة الطلب لقيت الكلام ده
عايز افهم معناه ضرورى لو سمحتم


تم مراجعة طلب الالتحاق وقبول الطلب مبدئياً مع اعتبار ان هذا القبول غير نهائى من فضلك انتظر نتيجة التنسيق

[Mo7ammed Elshaf3y]

ما فيش حد عايز يرد ؟؟!!!!

[Nihal !]

افتكر حضرتك انه نتيجه المدينه الجامعيه اصلا مش ظهرت !!
لكن للامانه مش اعرف حكايه التقديم الالكتروني دي ...
انا اعرف بنات داخلين مدينه بس بيقدموا كده ملف وورق وكده وبيملو املف ده بيانات وكده وف الاخر بيرجعوه لاداره المدينه ... وبينتظروا النتيجه ... واللي هي تقريبا بتظهر بعد الدراسه باسبوع او انتين !!!
اما حكايه التنسيق دي مممم يعني افتكر انها لها علاقه بالاولويات اللي علي اساسها بيتم قبول الطلبه ف المدينه يعني المغتربين بيقبلوا طلباتهم اولا وبعدين يفكروا في ابناء المحافظه نفسها ...........!!
وفي حاجه كمان افتكر بياخدوا بيها وهي المجموع يعني لو قدامهم اعداد كبيره متقدمه بيصفوهم يعني بمعني اصح !
يعني زي ما في تنسيق ثانويه . في تنسيق مدينه !
والله اعلم !

[Mo7ammed Elshaf3y]

ما هو انا لما كنت بقدم فى الكلية سألت على التقديم للمدينة قالوا لى استنى نتيجة التقديم الالكترونى اللى على النت الاول
ولما تتقبل ابقى تعالى هنا المدينة بعد ما تملى الورقتين اللى انت نزلتهم من على النت اللى هما ( اقرار الضامن الاجتماعى واقرار مكتب التضامن الاجتماعى ) واقدم الورقتين دول وكمل بقى مشوار التقديم هناك
انا كنت بسأل بس على مضمون الكلام اللى مكتوب اصل مش فاهم معناه ايه

[. Nour eleman]

انا كمان حصل معايا كده كتبلي نفس الجملة دي
تم مراجعة طلب الالتحاق وقبول الطلب مبدئياً مع اعتبار ان هذا القبول غير نهائى من فضلك انتظر نتيجة التنسيق
بس لما سالت قالولي ان النتيجة دي غير نهائية و لابد من القبول النهائي والمبدئي لا يكفي
فحضرتك هتستني لحد ما يتكتب تم القبول نهائيا علي نفس الموقع
بعد القبول النهائي هتقدم اوراقك عادي جدا

[نبيل العيسوي]

التقديم الالكتروني ده مالوش اي لازمة واصلا الداتا بيز تلاقيها مش شغالة، المهم تقدم ورقك وحلاص