امتحانات الأزهر بتتسرب والله

[ღ ღDr.MoustafaSofaღ ღ]

والله والله والله امتحانات الأزهر بتتسرب فى معهد ههيا الثانوى بنين وده من أول السنة

وحرام كده والله

الطلبة بتاخد الامتحان قبل مايبدأ ب 35 دقيقة

وطبعا فى مقابل
أقول ولا بلاش؟ هقول الامتحان الواحد فى مقابل 1000 جنيه والله

وياريت حد يعمل حاجة علشان كده ظلم وافترى ومعرفش انا الحاجات دى والرشاوى بتحصل فى الأزهر ازاى

اسم المحافظة : الشرقية

البلد : ههيا

اسم المعهد : معهد ههيا الثانوى بنين

وياريت حد يعمل حاجة قبل مالامتحانات تخلص

وطبعا ده مش معهدى بس واحد صاحبى فيه هو اللى قلى وانا اتاكد لما اتصل بيه يوم امتحان التوحيد وقالى على الدروس اللى جاى منها الامتحان .

ياريت ياريت حد يعمل حاجة وهيكون ليه ثواب كبير عند ربنا

والله لو مش الامتحانات كنت رحت لشيخ الأزهر بنفسى

[atia130]

إذا كنت صادق فلماذا لا ترسل فاكس لمكتب شيخ الأزهر وستري ماذا سيفعل أو إلي مدير المنطقة تليفون

[محمد محمد ابراهيم رزق]

وانت زعلان ليه اعمل زيهم

[Eng.Rasha]

ويعنى انت معهدك مش فيه غش؟
الغش يساوى التسريب
لو معهدك مظبوط اوى ولا غش ولا موبايلات
اعمل زيينا احنا بلغنا ف بعض المدرسين اللى بيغششوا عندنا وبعتنا فاكسات
واللجن من بعدها اتظبطتت حتى معهد البنين اللى جمبنا اتظبط

[FOX41]

احنا مدرستنا اتبعت فيها اكتر من 7 فكسات و محصلش حاجا

[ساندي2010]

لا احنا من فاس واحد اتبعت بقي في موجهين مرابطين في المعهد
معهد فتيات الزقازيق

يلا هااااااااااااانت

[نفرتاري2]

طب ايه رايكوا فى رئيس لجنة اخد من بعض الطالبات مبلغ 5000 جنيه ووعدهم انه يدخلهم طب وهيدخلوا وكمان عمل كدا السنة الى فاتت وطلع من بعض الطلبة الى دفعوا اوائل على الجمهورية

[لولو الصغيره 115]

حسبى الله ونعم الوكيل فى الغش والغشاشين ومشجعى الغش وللعلم معروف دايما عن الا زهر كل سنه ان الاوائل ليسوا هم من يستحق ان يكونوا من الاواخر اصلا

[nana92]

يا جماعة الغش تلوقتى بقى علنى بيساوى اللى زاكر طول السنة وتعب باللى مزكرش وقاعد يلعب
بجد الواحد بيزعل لما بيلاقى تعبو بيروح ع الفاضى

بس بردو يا جماعة لازم نبقى على يقين ان ربنا سبحانه وتعالى مش هيساوى اللى زاكر وتعب باللى مزكرش
وربنا يوفقنا جمييييييييييييييييعا ونجيب اعلى المجاميع ان شاااااء الله

[حاتم سعيد]

على فكره موضوع الفاكس بيغطو عليه عشان مش عايزين دوشه اعلاميه لانهم هم اللى هيروحو فيها رئيس القطاع وغيره فبيكتمو انت عايز تظبط ابعت الاسئله بفاكس على اى جريده وشوف ايه اللى هيحصل الدنيا كلها تظبط

[مؤمن العمدة]

انا هنقل نفسى المعهد دة ههههههههههههههههه هذا هو منارة الاسلام

[emeywalid]

اصل الغش في كل حته

وبيكون اكتر في معاهد البنين

وانا اعرف انهم بيطلعو الموبيلات ويغشوا علني

ومحدش بيقدر يكلمهم

[queen_msa]

ياجماعة الغش هيظل موجود لان فى مراقبين كتير معندهمش ضمير وكمان في طلبه معندهاش ضمير ودخلة الامتحان وعاملة حسابها انها هتغش اخر السنة انا في معهد فتيات الزقازيق كان فيه غش حتى بعد لما بعض البنات اشتكت كان معايا بنتين فى اللجنة . الاولى كانت بتغش وبتاخد اجابة من البنات وياريت على اد كدة لادى كمان بتجيب ورق ومذكرات يعنى برشام وكانت بتدنها تعيط وتوتر فى اللى حوليها لانها عاوزة تجيب اكتر منهم فى المجموع وبالغش ومن سوء حظى ان انا كنت فى الديسك اللى امامها وهى السبب فى ضياع درجاتى ربنا ينتقم منها ويوم المستوى جابت مذكرة معاها وورق كتير انا معرفش دخلت بيه اذاى ولما المراقب شافهاواخد منها الورق والمذكرة مخفتش منه لا دى كمان والله قالتلة(يااستاذ استنه لما اكمل اجابة السؤال كل المعاهد بتدخل ب الكتب ودنتها اتعيط علشان يديلها البرشام بتاعها )اما بقى المراقب التانى كان معاه اجابة الترجمة واداها للبنات من غيرماالمراقب زميله ياخد باله ربنا يسامحه. البنت الثانية كانت بتغش عن طريق الواسطة كانت تعرف مراقب كان كل يوم يجيلها ويديللها ورقة فيها الاجابة دة كلة كان بيحصلوالبنات شايفاه وللاسف مكنش حد بيقول حاجة بسبب ضيق الوقت الغريب ان البنت دى منقبة يعنى المفروض انها تحترم النقاب اللى لبساه . ادعو للبنات دي ولكل اللى مثلهم ربنا يهديهم وادعوا للجميع ربنا ينجحنا بمجاميع حلوة ان شاء الله ويارب التنسيق ينزل السنادى

[محمد صلاح الدين سعد]

يا جماعة اما مش عارف انتم متضايقين من اية
مليش دعوة بحد
قى ورقة اسئلتى وخلاص
وربنا هيكرمنى

[queen_msa]

من الصعب ان الواحد يركز في الامتحان ما دام الغش موجود لانه بيكون متوتر لان كمان في طلبة بتكون متعمدة توتر اللى حولها