ايه اكتر حاجة بضيقك؟؟؟؟؟؟؟؟؟؟

[اللهم ادخلني الفردوس]

انا بقي اكتر حاجه بتدايقني تصرف معظم المشرفين في المنتدي في حكايه حذف المشاركه او نقل الموضوع ....المفروض يعني يقولوا الاول مش يدونا خبر انه اتنقل او اتحذف بعديها ......

[فيفا]

ان انا اكتر حاجة بتضايقنى الصوت العالى والعصبية

[أسيل رزق]

فى حاجات كتير جدا بدايقنى

أولهم إنى اشوف حد بيكرهنى او مخنوق منى

وكمان امشى فى مكان زحمة بكره الزحمة جداا

و كلام المنحرفين اللى فى الشوارع أى بنت ماشية يرموا بالكلام والله حتى لو منتقبة.. حاجة تخنق

وعندى عقدة من صوت اى باب لما يتقفل مش عارفة ليه

وأى صوت عالى

ههههه كفاية كده لحسن تتخنقوا منى

شكراً على السؤال

[شهدالجنة]

شكرااا لمشاركتكم الجميلة فعلا كلها حاجات تضايق جداااااااااااااااااا

[mR . mOstafa Fathi]

ان حد يلف ويدور عليا
وميجبش من الاخر
وحاجات كتير
شكراً للموضوع

[شهدالجنة]

شكرا لمرورك ممكن دى فعلا حاجة تنرفز جدتتتتتتتتتتتتتت

[*ساسُّو*]

انا لما باسمع اغنية بحبك وحشتينى باحس انى مخنوقة وروحى فى اخرها وعايزة اموت اى حد عايز يغيظنى ويشغلها قدامى

[ملكة زمانى]

انا اكتر حاجة اكرهها انى اكون عايزة انام فعلا وحد يصحينى بتحول لوحش كاسر
المدرس بتاعى كان بيتصل بيا وانا نايمة الحمد للة مسكت نفسى ومش زعقت دا المدرس برضو
المهم صوتى كان باين علية انى نايمة اساسا انا قولتلة السلام عليكم ........ وتقريبا نمت بقيت المكالمة
روحت اسالة هو شتمت او زعقت قالى لا قولتة كويس الحمد للة

[REHAM_00]

اكتر حاجة بتضايقني الحشرية والتوقيع بين الناس و بعضها
وشكرا على الموضوع

[شهدالجنة]

ههههههههههههههه
حلوة انك بتضايقى من اغنية

شكراااااااا للمرور

[abdelRhman772007]

الغرور و الكذب و الضحك من غير سبب
حاجة تجنن لو حصل و شفتهم

[شهدالجنة]

فعلا حاجة تنرفز

[فنكوشه المنكوشه]

ياااااااااااااه
دا انا بضايق من حاجات كتير جدا مثلا عندك
1-لو ابويا او امي تعبوا او زعلوا مني
2- الشخصيات الرغايه والزنانه علي وجهه الخصوص
3-مياصه البنات او مياعتهم يعني زي البنات اللي ترد في التليفون وتقولك اليو بتحسسني اني عاوزه ادخل جوا التليفون اديها بالجذمه
4- اللي بيدخل في اللي ملوش فيه ويعد يديك نصايح واوامر وهو لايعرفك ولا تعرفه
5-الصوت العالي عمتا
6-محمدسعد
7-هيفاءوهبي وتامر حسني
8-مسلسل قضيه فشر عام
9- اي حد يرن علي الموبايل وانا نايمه
10 -الستات الكبار اللي بيئامنوا بالخرافات (زي ما واحده تقولك اوعي تفتحي المقص بليل او متجبيش سيره التعبان علي لسانك بييجي علي السيره قال يعني انا عيناه في جيبي اول ما اقوله افتح يا سمسم بيطلع عالطول)
دي حاجات مبدئيه وفي برضه حاجات تانيه بس مش بتنرفز اوي يعني

[LA STELLA]

بتحسسني اني عاوزه ادخل جوا التليفون اديها بالجذمه:

انا بجد كنت هفطس من الضحك وانا عمالة اقرا ردك يا عروبة خصوصا الجملة اللى فاتت دى بس ليكى حق يعنى :D

6-محمدسعد
7-هيفاءوهبي وتامر حسني

ههههههههههه

(زي ما واحده تقولك اوعي تفتحي المقص بليل او متجبيش سيره التعبان علي لسانك بييجي علي السيره قال يعني انا عيناه في جيبي اول ما اقوله افتح يا سمسم بيطلع عالطول

انا الحمدلله يا ماشاء الله حصل لى الشرف وقابلت تعابين قبل كدة ،،
ليا واحدة اعرفها ادى تقريبا
مرة اطفال رموا المقص كدة ع الارض قالمقص وقف ع وضع مفتوح فيه
البت صرخت وصوتت جامد بقى مقولكيش وقالت ياخرابى ويالهوى الحقوا اقفلوا المقص بسرعة وكلام غريب من دا
وانا ولا فاهمة حاجة
بعدها عرفت انه فيه اعتقاد عند بعض الاشخاص انه فتح المقص بيجيب الفقر
دا الرزق بايد ربنا يا عالم
ع كدة بقى الترزى اللى عمال يفتح ويقف ليل نهار فى المقص بقى اكثر الناس فقرا ؟
تخاريف تخاريف

ضيفى كمان لليست دى النميمة
خصوصا نميمة الستات الكبار
يقعدوا يقولوا فلانة عملت وفلان عمل وكلام فاضى من بتاعهم دا

ربنا يهدى

[فنكوشه المنكوشه]

المشاركة الأصلية كتبت بواسطة hkk-happy

انا بجد كنت هفطس من الضحك وانا عمالة اقرا ردك يا عروبة خصوصا الجملة اللى فاتت دى بس ليكى حق يعنى :D


ههههههههههه




انا الحمدلله يا ماشاء الله حصل لى الشرف وقابلت تعابين قبل كدة ،،
ليا واحدة اعرفها ادى تقريبا
مرة اطفال رموا المقص كدة ع الارض قالمقص وقف ع وضع مفتوح فيه
البت صرخت وصوتت جامد بقى مقولكيش وقالت ياخرابى ويالهوى الحقوا اقفلوا المقص بسرعة وكلام غريب من دا
وانا ولا فاهمة حاجة
بعدها عرفت انه فيه اعتقاد عند بعض الاشخاص انه فتح المقص بيجيب الفقر
دا الرزق بايد ربنا يا عالم
ع كدة بقى الترزى اللى عمال يفتح ويقف ليل نهار فى المقص بقى اكثر الناس فقرا ؟
تخاريف تخاريف

ضيفى كمان لليست دى النميمة
خصوصا نميمة الستات الكبار
يقعدوا يقولوا فلانة عملت وفلان عمل وكلام فاضى من بتاعهم دا

ربنا يهدى

بيني وبينك انا عارفه ان النميمه حرام
لكن بحب اوي اعد اتفرج علي الستات النمامه وهي بتتكلم يا لهوي هههههههههه
مره كنت اعده وعماتي عمالين يتكلموا علي مرات عمي مفيش 5 دقايق ومرات عمي جت وازيك يا حبيبتي وانتي فين وحشتيني هههههههههههههههه
لا ويموتوا الستات الكبار في الرغي تقدري تقولي هوايه انا خايفه ياختي الواحد لما يكبر يبقي عامل زي الستات الحيزبونات دي :Dشعورك هيبقي ايه يا حابي :D