اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > المجموعة العلمية > كلية العلاج الطبيعي

إضافة رد
 
أدوات الموضوع انواع عرض الموضوع
  #1  
قديم 16-09-2015, 09:04 PM
DPT-Blue Phoenix DPT-Blue Phoenix غير متواجد حالياً
عضو ممتاز
 
تاريخ التسجيل: Jul 2014
المشاركات: 253
معدل تقييم المستوى: 10
DPT-Blue Phoenix is on a distinguished road
Cool التمارين العلاجية والعلاج اليدوى ( للدفعة الثانية )


#‏سنة_تانية‬
‫#‏التمارين_العلاجية‬ Therapeutic Exercises
#‏العلاج_اليدوى‬
Manual Therapy



-- الاول تعالوا نفتكر مع بعض كدا سنة أولى اخدنا فيها ايه ؟! فيزياء - علاج كهربى - علاج مائى .. كان كل الشغل بالاجهزة والقوى الطبيعية المحيطة بيك بتستخدمها فى العلاج عشان كدا هنقسم بقى الطرق الى بنستعملها فى العلاج الطبيعى لحاجتين :-

1- العلاج اليدوى والتمارين العلاجية Therapeutic Exercises and Manual Therapy .. العلاج اليدوى هو طرق العلاج الى بتستعمل فيها مهاراتك اليدوية فى العلاج بناءا على علوم كتير منها علم التشريح والفسيولوجى والحركة والميكانيكا وغيرها .. والتمارين العلاجية هى حركات بيعملها المريض او بتتعمله برده بناءا على العلوم الاساسية الى قلناها .. فى أجهزة بنقدر نستعين بيها فى بعض التمارين للمساعدة على عمل تمرين علاجى معين ..



2- العلاج بالاجهزة او الوسائل الفيزيائية Therapeutic agents or Therapeutic Modalities وممكن نقول عليهم برده Physical Agents or physical modalities الى احنا بنسميها العلاج الكهربى لكن الحقيقة ان كلمة العلاج الكهربى مش دقيقة أو لان ساعة ما بتقول كلمة علاج كهربى تفكر انها الكهرباء بس عشان كدا الاسم الادق الى نستعمله لوصف الاجهزة هو Electrophysical Agents كلمة Physical كلمة عامة لكل الوسائل الى بنستعملها فى العلاج من حرارة وتبريد وضغط وقوة مغناطيسة وليزر واشعاعات كهرومغناطيسية وكهرباء وماء وغيرها ..

--------------------------------------------------

-- دائما بنستعمل كلمة العلاج اليدوى والتمارين العلاجية مع بعض بس ايه الفرق يا ترى ؟!

1- العلاج اليدوى Manual Therapy تعريفه : "Skilled hand movements intended to produce any or all of the following effects: improve tissue extensibility; increase range of motion of the joint complex; mobilize or manipulate soft tissues and joints; induce relaxation; change muscle function; modulate pain; and reduce soft tissue swelling, inflammation or movement restriction."

ايوه يعنى ايه برده ؟! هو عبارة عن حركات دقيقة ومعينة ‫#‏انت_بتعملها_بايدك‬ للمريض
يعنى العلاج اليدوى مهاراتك اليدوية الى بتعملها بايدك انت والمريض مبيعملش حاجة لكن انت الى شغال ..

2- التمارين العلاجية Therapeutic Exercises : " systematic planned performance of body movements , postures , or physical activity

طيب ايه معنى الكلام الى فوق دا .. كلمة تمرين ساعة ما نسمعها يبقى نتخيل ‫#‏حركة‬ او ‫#‏نشاط‬ معين او ‫#‏وضع‬ معين .. يبقى هى مختلفة عن كلمة العلاج اليدوى الى ان قاعد شغال بايدى والمريض بيتلقى العلاج .. التمرين بقى المريض بيتحرك فيه او بياخد وضع معين او بيؤدى نشاط معين ..

المعنى متداخل وعلى العموم مش لازمنا اننا نفرق بينهم
-- فى الترم الأول هتلاقى كل الدروس عن التمارين العلاجية اما الترم التانى هتلاقي معظم الدروس عن العلاج اليدوى طيب تعالى بقى نوضح الدنيا أكتر ..

---------------------------------------

فى عندنا اكتر من نوع للحركة الى هما :-

1- Physiological Movements : دى حركة ارادية المريض او الانسان يعنى بيقدر يعملها الى هى يعنى مدى الحركة ROM زى Flexion - Extension والكلام الى احنا عارفينه دا ممكن نقسمها لنوعين :-

أ- Angular movement : ودا ان الزاوية بين العظام الى بيتحرك بتزيد او تقل زى Flexion Extension Abduction Adduction


ب- Rotation or Rotational Movement : ودا عبارة عن انى بتحرك حوالين محور معين زى مثلا internal and external rotations
وزى ما احنا عارفين الحركات دى هى الى الانسان يقدر يعملها ارادى وبمزاجه ودا الى بتتركز عليه التمارين ال physiological movements


2- Accessory movements : ودى الى بتتعمل داخل المفصل نفسه والانسجة المحيطة ودى بتنقسم لنوعين :-

أ- Component Movements or motions : ودى حركة لا ارادية بتصاحب ال physiological movements يعنى مثلا انا بعمل
Shoulder flexion هل مثلا الاقى ان ال humerus الى اتحركت بس ؟! مستحيل طبعا
دا انا بلاقى كل ال Shoulder girdle بيتحرك منها ال Scapula and clavicle والانسجة المحيطة بتتحرك بدرجة ما والا هاجى اكمل ال Flexion مش هقدر لازم كل الحاجات دى تتحرك مع بعضها ..


ب- Joint play : دى حركة لا ارادية برده بتحصل بين سطح العظام وبعضه bone surfaces زى مثلا distraction ان سطح العظمتين يبعد عن بعضه او Compression ان سطح العظام يقرب من بعضه او ان سطح العظام يتحرك على بعضه زى Gliding and Rolling ..

----------------------------

طيب دلوقت ايه الى عندنا فى المناهج بقى وايه فايدة الكلام دا ؟!


1- ‫#‏الترم_الأول‬ كله تمارين زى ما قلنا نقدر نقسم التمارين دى الاول من حيث اذا كنت انا الى هعمل التمرين دا للمريض ولا المريض هيعمله بنفسه ولا المريض هيجاول يعمله وانا اساعده ولا المريض هيعمل حركة معينة وانا محتاج اقاومه عشان اقويله العضلات بتاعته مثلا ؟! التمارين الى هنقول عليها دى كلها عبارة عن Physiological Movements وهى عبارة عن :-

1- Passive ROM or Exercises الحركة السالبة : دا انا الى بعملها للمريض مثلا الى عنده شلل الى داخل فى غيبوبة الى مش قادر يتحرك الى مش قادر يعمل حركة معينة بسبب شدة الالم فانا الى بعمله التمارين دى بنفسى بمسك الطرف بتاعه وليكن دراعه مثلا واعمله بيه flexion extension والحركات دى كلها .. لأن لو اطراف المريض فضلت متتحركش لمدة طويلة هتبدا تعمله مشاكل بعد كدا


2- Active ROM الحركة الموجبة : دا لو لقيت المريض قادر يعمل الحركة بنفسه فخلاص بيعملها بنفسه دا ..

3- Active-assisted Exercises : دا لو المريض بيقدر يجيب الحركة بنفسه بس محتاج حد يساعده


4- Active-resisted exercises : دا لو انا محتاج مثلا اعمل تقوية لعضلات معينة فالمريض بيعمل حركة معينة وانا بديله مقاومة فى عكس اتجاه الحركة الى بيعملها بهدف تقوية العضلات بشكل خاص ..

----------------------------------------------------------------
عندنا برده فى باقى المنهج ..

5- Postures : ودى الاوضاع الصحيحة والاوضاع الخاطئة مع دراستك للميكانيكا والحركة هتبدأ تفهم ان الوضع ممكن يكون سبب لآلام وامراض كتير وعلى العكس ممكن وضع معين اعمله بالاضافة لبعض التمارين دا يكون مفيد .. والاوضاع الخاطئة دى بتسبب كتير جدا من المشاكل منها آلام الرقبة وآلام اسفل الظهر وغيرها ... وهتفهم برده عن بعض الأجهزة الى بنستعملها فى العلاج الطبيعى لتقييم الوضع والجسم هل طبيعى ولا فيه مشكلة ؟!

6- Relaxation exercises : دى غالبا بتكون جزء من البرنامج ازاى اساعد المريض على انه يرتاح ويسترخى جسديا ونفسيا وذهنيا اثناء الجلسة او بعدها من خلال تمارينات الاسترخاء دى برده ليها اساس علمى وهتاخدوا أمثلة ليها ..

7- Stretching Exercises : ودى اكتر حاجة بيركزوا عليها فى العملى فكرة التمارين دى انى عاوز اعمل استطالة فى عضلة اما فيها شد او العضلة دى حصل فيها قصر فانا باخد الاعضلة فى اتجاه ‫#‏عكس_الاكشن_بتاعها‬ عشان اعملها استطالة ممكن انا اعملها للمريض ممكن المريض يعملها بنفسه وفى منها انواع كتير ودى مهمة جدا جدا جدا


8- Balance and coordination : تمارينات التوازن والتناسق ودول درسين خاصين بمشاكل الجهاز العصبى والمشاكل دى ممكن تكون ناتجة اما بسبب مرض عصبى وليكن الشلل الرعاش مثلا او الشلل الدماغى او غيره او مثلا حالات التسمم وشرب الكحوليات او غيرها ..

9- Kinesio Taping : ودى عبارة عن نوع معين من اللاصقات مش زى الحاجات الى اى كلام الى بيتم الاعلان عنها لا دى حاجات قائمة على اساس علمى وبتتعمل بطرق معينة وعليها مراجع ودى غالبا بنستعملها فى تقليل الآلام الى فى المفاصل والعضلات والاصابات بتاعتهم وال edema and swelling وبعد الجراحة وحاجات تانية كتير ..

-------------------------

من دا نسنتج ايه بقى ؟!


انى لازم افهم كويس جدا جدا جدا ميكانيكا لانها هتساعدنى فى حاجات زى ال postures ولازم اراجع ‫#‏تشريح‬ كويس جدا جدا جدا وخاصة ال ‪#‎Actions‬ بالعقل كدا هعمل ازاى استرتش لعضلة انا مش فاهم الاكشن بتاعها ؟! انت لو فاهم الاساس وفاهم الاكشن الى بتعمله العضلة ولازم تعرف الاكشنز الاساسية هتقدر تعمل استرتش بمنتهى السهولة ..

طيب مثلا انا عاوز اعمل تقوية لعضلة معينة لازم ابقى فاهم الاكشن الى بتعمله العضلة دى وبرده ابقى عارف هى طالعة منين ورايحة فين كدا مش لازم تفصيلى اوى اوى يعنى وابقى عارف surface anatomy بتاعها ..


لازم ابقى عارف اتجاه الحركات يعنى ابقى متخيل ال shoulder flexion - Exetnsion- internal and external rotation دول بيبقوا عاملين ازاى والا هعمل اكشن ازاى انا مش متخيله ..

#‏الجاذبية_الأرضية‬ Gravity لازم افهم من الميكانيكا كويس ان الجاذبية دى قوة ‫#‏عمودية يعنى لما انا اتحرك لفوق انا كدا الجاذبية بتشدنى وتقاومنى بشكل قوى ولما احرك دراعى لتحت انا كدا نازل مع الجاذبية طيب لو انا عاوز اقلل تاثير الجاذبية اتحرك بشكل بالعرض يعنى موازى للجاذبية فى الحالة دى بتكون الجاذبية اقل ما يمكن ودا يفرق معايا لو المريض مش قادر يعمل حاجة اصلا فلازم يكون تاثير الجاذبية اقل ما يمكن وهكذا ..

- هتفهم اكتر فى المادة دى ازاى انت بتقف Therapist position لان وضعك انت يفرق لو انت واقف غلط مع مريض 2 3 هتلاقى ايدك وجعتك وظهرك ومشاكل فلازم بتقف فى وضع مظبوط ميكانيكا جسمك مظبوطة .. لازم تعرف وضع المريض بيكون عامل ازاى هل الحركة دى بتتم فى اتجاه الجاذبية ولا لا .. عشان كدا افهموا ميكانيكا وحكاية انا مع الجاذبية او لا دى بتفرق فى نوع الانقباض سواء concentric or eccentric واى مجموع عضلات بالظبط بتنقبض ..

هتفهم اكتر من الميكانيكا ازاى اركز تمارين معين على عضلة معينة لان مثلا انا عندى اكتر من عضلة بتعمل Shoulder flexion طيب ازاى مثلا اقوى بشكل خاص عضلة Biceps brachii دى برده هتاخدوها فى الميكانيكا ..
يبقى التشريح مهم والميكانيكا مهمة فى التمارين العلاجية ..

--------------------------------------------

‫#‏الترم_التانى‬




هيكون كله علاج يدوى تقريبا .. ودا متمثل فى 3 اشكال
Mobilization - Manipulation - Myofascial release and medical massage


هنا بقى انت بتستعمل ال joint play الى قلنا عليها فى الاول فى اما عن طريق حاجة اسمها mobilization وحاجة اسمها manipulation .. الفرق ان ال mobilization بتبقى حركة بسرعة قليلة والقوة الى انت شغال بيها قليلة على عكس
ال Manipulation بقى بيبقى بسرعة عالية ودا بتسمع فيه صوت طرقعة فى المفصل بعدها ودا محتاج مهارة اكبر وتدريب كتير اكتر من النوع الأول ..

اما بقى ال Myofascial release and medical massage دا هنا بيكون غالبا شغلنا على ال Fascia الى هى بتكون طبقة كدا فوق العضلات الفاشيا دى عاملة زى كانك لابس قميص بالظبط نتيجة الاوضاع الغلط او اسباب تانية كتير ممكن تتشد من ناحية معينة تخيل كدا لو انا ماسكك وقمت شادد القميص بتاعك من ناحية معينة هتلاقيه كله اتشد وبدا يحصل تجمع فى منطقة معينة دا الى اسمه Trigger points
مشكلة الفاشيا دى بقى انها لما بتتشد بتاثر على العضلات وتعمل muscle spasm وغيرها واكتر من كدا انها بتعمل نوع من الالم اسمه referred pain يعنى الم فى منطقة تانية غير المنطقة الى فيها المشكلة ودى اساسى فيها شغل العلاج اليدوى مع بعض الحاجات التانية لو المرحلة متاخرة شوية زى بعض انواع الحقن وغيرها ..

منهجك كله تقريبا عبارة عن Mobilization ودا عبارة عن انك اما بتبعد سطح العظام عن بعضه traction او بتحرك سطح العظام على بعضه Gliding .. وهتدرس مدارس مختلفة
منها الى واخدة نص المنهج لواحدها Maitland وهتاخد حاجة اسمها Mulligan الراجل دا دمج ال mobilization مع الحركات الى فى الاول passive and active ROMs يعنى يبقى انت شغال والمريض يعمل حركة او انك تعمل mobilization with movement

هتاخد برده اسلوب مشهور اسمه ماكينزى Mckenzie دا حكاية لواحده ازاى تقيم المريض وازاى تعالجه وازاى تعمله وقاية وكله عبارة عن علاج بان المريض يعمل وضع معين ويثبت فيه فترة معينة .. وهتاخد شوية اختبارات للاعصاب ازاى تختبر الاعصاب المختلفة وازاى انك لما بتتحرك الاعصاب بتتحرك بدرجة ما مع حركة الجسم والدرس دا اسمه Neurodynamic tension tests





هتاخد حاجة اسمها Muscle energy techniques ودا لعبنا كله على الافعال المنعكسة reflexes ودا ممكن يساعدك انك تعمل استرتش للعضلة او يعنى تخلص على الشد الى فيها وهتفهم الافعال المنعكسة دى بشكل اكبر فى النيورو Neurosciences ..

واخيرا فى درس اسمه Plyometric Training .. دى مخصصة للرياضيين ازاى انى اخليه يعمل حركة معينة بسرعة عالية وقوة عالية يعنى عشان يبقى اعلى اداء من حيث السرعة والقوة ..

-------------------------------

-- العلاج اليدوى والتمارين العلاجية بوجه عام فوايدهم بتتمثل فى :-

1- مشاكل الالتصاقات Adhesions وان الشخص مش قادر يكمل مدى الحركة بتاعخ
2- التوازن بتاع الججسم
3- انى ازود ال Joint flexibility
4- ازود ال Cardiopulmonary strength and endurance
5- Edema and swelling بقلل الحاجات دى
6-بقلل الآلام وبرده بتساعد فى فقدان الوزن
7- مشاكل القصر فى العضلات والشد العضلى
8- الاربطة ومشاكلها وهكذا يعنى ..



--------------------------------------------------



فى طبعا استخدامات تانية كتير لكل نوع من الحاجات الى قولناها وفى انواع تانية غير دى كتير برده



__________________



http://ask.fm/Elsareih

Hope + Faith + Love = Change
رد مع اقتباس
  #2  
قديم 18-09-2015, 05:33 AM
DPT-Blue Phoenix DPT-Blue Phoenix غير متواجد حالياً
عضو ممتاز
 
تاريخ التسجيل: Jul 2014
المشاركات: 253
معدل تقييم المستوى: 10
DPT-Blue Phoenix is on a distinguished road
افتراضي

التمارينات العلاجية الموحبة Active Exercises دى الى بيكون فيها انقباض ارادى من المريض يعنى المريض بيعمل فيها مجهود وممكن تكون :-

1- Active free .. دى المريض بيعملها لواحده بدون ما اساعده او اقاومه
2- Active Assisted .. دى انا بساعد المريض فيها وبتكون المساعدة فى نفس اتجاه الحركة
3- Active - Resisted .. دى انا بقاوم المريض والمقاومة بتكون فى عكس اتجاه الحركة
__________________



http://ask.fm/Elsareih

Hope + Faith + Love = Change
رد مع اقتباس
  #3  
قديم 24-09-2015, 09:23 AM
DPT-Blue Phoenix DPT-Blue Phoenix غير متواجد حالياً
عضو ممتاز
 
تاريخ التسجيل: Jul 2014
المشاركات: 253
معدل تقييم المستوى: 10
DPT-Blue Phoenix is on a distinguished road
افتراضي

نقصد بكلمة انك تتحرك بشكل بالعرض انك تكون موازى للأرض (( وبالتالى بيكون اقل تاثير للجاذبية الأرضية ))
__________________



http://ask.fm/Elsareih

Hope + Faith + Love = Change
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 11:49 AM.