س ، ج ... كل الاستفسارات المتعلقة بالتنسيق ، مهم لجميع الطلبة

[واحد من مصـــــــــــــــر]

معلش يا مصطفى تعبناك معانا ..
هل دلوقتى خلاص مينفعش احول لاى كليه تانية داخل الجامعه اللى انا فيها جامعة اسكندريه وانا اصلا فى اسكندريه يعنى مفيش اغتراب ولا حاجة وانا كنت مرحلة اولى وجتلى كلية اداب ؟؟
هل مينفعش احول لكلية تربيه دلوقتى فى نفس الجامعه ؟؟
هل قسم انجليزى فى كلية تربية جامعة اسكندرية(لو عندك معلومات) هل بيحتاجوا درجة الانجليزى ؟؟
يعنى ايه التنسيق الداخلى للكليه (مكتوب على موقع كلية الاداب جامعة الاسكندرية ترقبوا بدء التنسيق الداخلى) ؟؟
انت بقى كلية اداب قسم ايه؟؟
وتنصحنى ادخل ايه فى كلية اداب غير اللغات ؟؟
شكـــــــــــــــــــــــــــــــــراً

[today_2011]

لو سمحت كنت عايز اعرف ازاى احول من تجارة انجليزي اقاليم لتجارة القاهرة مع العلم ان فارق المجموع بيني وبين قاهرة(7%)

ولو منفعش الاغتراب فيه طرق تانية !! او على الاقل اقدر احول تجارة عربي قاهرة

[لوجينا م]

شكرااا اوى على الرد يامصطفى بس انا عايزه اسأل هو بيكون فى تحويل فى بدايه الدراسه هو بيكون بفلوس ولا ايه اصل اناسمعت كده بس مش بيكون على النت هو بيكون بالورق فعلا ده ولا ايه

[etheghost]

انا كنت كاتب تجارة انجلش وانا من ادارة العمرانية وجايب 402 مجموع تجارة انجلش قاهرة بس جتلي تجارة انجلش حلوان عندي استفسار لما دخلت اعمل تقليل اغتراب كتبلي الرسالة دي عزيزي الطالب لقد تم قبلولك في المنطقة الجغرافية (أ) المخصصة لك حد يفهمني اصده ان حلوان اقرب مكان ليا ولا اقصده اني كدة هروح القاهرة

[سمير سليم]

لو سمحتم عندى استفسار فى حاجه؟؟؟؟
ازاى طالب يبقى جايب مثلا 324 (79فى الميه) فى النتيجه وفى التنسيق يلاقى نفسه جايب 271(90فى الميه) ودخل كليه عاليه انا لقيت مجاميع زى كده كتير لو سمحتوا اللى عنده اى فكرة عن الموضوع ده يتفضل يرد

[جروحى اقرب أصحابى]

والنبى يامصطفى رد عليا ضرورى وعرفنى المرحلة التالتة هتطلع امتى وعرفنى اول باول اى حاجة تعرفها عن المرحلة التالتة معلش تعباك معايا

[المستر مستر]

سؤالى عن نسبة القبول فى الجامعات المصرية للطلبه القادمين من الخارج وما هى نسبة الأماكن المخصصه لهم فى الجامعات المصريه والدرجات التى من خلالها القبول فى كليات القمة - Hotmail.com* alalmasri

[eslam alsenosi]

لو سمحت يا أستاذ مصطفى انا من المنيا وإن شاء الله هقدم تعليم مفتوح
بس انا مش عايز جامعة المنيا وعايز جامعة القاهرة
هل هينفع ولا لازم التوزيع الجغرافى
ولو جتلى المنيا اقدر بعدين احول للقاهرة ولا لأ ؟؟؟؟
ارجو الرد بالله عليك
وشكرا مقدما

[MOSTAFA093]

المشاركة الأصلية كتبت بواسطة hossamhos

لوسمحت انا جايب 331 فى تالته ثانوى عام وجالى معهد فنى تجارى بالمطرية ممكن احول من داخل المعهد الى فنى صناعى بالمطرية ولا لازم اعمله تحويل من على النت ولما جيت اعمله تحويل ملقتهوش

هو على حد علمى إن ده معهد والتانى معهد وهما الاتنين تخصص مختلف خالص ، وممكن يكون مجموعهم كمان مختلف
لو عايز تحوله شوف من على النت ، لأن التحويل الكترونى وليس ورقى

[MOSTAFA093]

المشاركة الأصلية كتبت بواسطة نورالهدي2

ممكن اعرف المرحلة التالته امتي

مش عارف والله بس هى كمان كام يوم يعنى الأحد ، الاثنين ، فى هذا الوقت يعنى بس مش هتتأخر عن كده

[MOSTAFA093]

المشاركة الأصلية كتبت بواسطة واحد من مصـــــــــــــــر

معلش يا مصطفى تعبناك معانا ..
هل دلوقتى خلاص مينفعش احول لاى كليه تانية داخل الجامعه اللى انا فيها جامعة اسكندريه وانا اصلا فى اسكندريه يعنى مفيش اغتراب ولا حاجة وانا كنت مرحلة اولى وجتلى كلية اداب ؟؟
هل مينفعش احول لكلية تربيه دلوقتى فى نفس الجامعه ؟؟
هل قسم انجليزى فى كلية تربية جامعة اسكندرية(لو عندك معلومات) هل بيحتاجوا درجة الانجليزى ؟؟
يعنى ايه التنسيق الداخلى للكليه (مكتوب على موقع كلية الاداب جامعة الاسكندرية ترقبوا بدء التنسيق الداخلى) ؟؟
انت بقى كلية اداب قسم ايه؟؟
وتنصحنى ادخل ايه فى كلية اداب غير اللغات ؟؟
شكـــــــــــــــــــــــــــــــــراً

أهلا بيك ، مفيش تعب ولا حاجة
بالنسبة للتحويل تقدر تحول الآن قبل ما يقفل باب التحويل من على النت لأن مفيش تحويل ورقى ، كله الكترونى
تقدر تحول من كلية لكلية فى نفس الجامعة من على الموقع وآخر ميعاد بكرة السبت الساعة 7 مساءاً
وبالنبة لقسم انجلش فى آداب أكيد بيحتاجوا درجة الانجلش بس هى على العموم مش بتقل عن 40 من 50 وبتتغير كل سنة على حسب عدد الطلاب والمتقدمين
والتنسيق الداخلى ده هو الخاص بالأقسام فى الكلية عشان تختار قسم معين فى آداب
وأنا إن شاء الله لسه مقررتش بس ناوى على ( فرنسى أو إعلام ) وإن شاء الله يجينى واحد منهم
واقسام اللغات فى آداب أفضل شىء طبعاً لمستقبلها الكويس ، لكن غير اللغات ممكن تدخل إعلام أو آثار أو علم نفس
بس ابعد عن اقسام جغرافيا وتاريخ وفلسفة لأن مستقبلهم مش حلو أوى
وأى خدمة

[MOSTAFA093]

المشاركة الأصلية كتبت بواسطة today_2011

لو سمحت كنت عايز اعرف ازاى احول من تجارة انجليزي اقاليم لتجارة القاهرة مع العلم ان فارق المجموع بيني وبين قاهرة(7%)

ولو منفعش الاغتراب فيه طرق تانية !! او على الاقل اقدر احول تجارة عربي قاهرة

على حد علمى إنه مش ينفع تحول لأن الفارق كبير جداً جداً
بس انت ادخل وجرب انك تحول من على النت لربما تتقبل لأنى مش عارف بالظبط كام الفارق المقبول للتحويل
أو حول على الأقل لأقرب منطقة ليك يكون فرقها قليل شوية
ولو عايز تحول لكلية تانية من على النت برضو بس للمنطقة ( أ ) فقط

[MOSTAFA093]

المشاركة الأصلية كتبت بواسطة لوجينا م

شكرااا اوى على الرد يامصطفى بس انا عايزه اسأل هو بيكون فى تحويل فى بدايه الدراسه هو بيكون بفلوس ولا ايه اصل اناسمعت كده بس مش بيكون على النت هو بيكون بالورق فعلا ده ولا ايه

لا ، التحويل من كلية لكلية من على النت عادى من موقع التنسيق وآخره بكرة السبت الساعة 7 مساءاً
ومفيش تحويل ورقى خالص ، كله إلكترونى
بس للمنطقة ( أ ) فقط من التوزيع الجغرافى

[MOSTAFA093]

المشاركة الأصلية كتبت بواسطة etheghost

انا كنت كاتب تجارة انجلش وانا من ادارة العمرانية وجايب 402 مجموع تجارة انجلش قاهرة بس جتلي تجارة انجلش حلوان عندي استفسار لما دخلت اعمل تقليل اغتراب كتبلي الرسالة دي عزيزي الطالب لقد تم قبلولك في المنطقة الجغرافية (أ) المخصصة لك حد يفهمني اصده ان حلوان اقرب مكان ليا ولا اقصده اني كدة هروح القاهرة

تقريباً معناه إن حلوان والقاهرة فى نفس النطاق الجغرافى ( أ )
والله أعلم . مش متأكد يقصد إيه بالظبط

[MOSTAFA093]

المشاركة الأصلية كتبت بواسطة سمير سليم

لو سمحتم عندى استفسار فى حاجه؟؟؟؟
ازاى طالب يبقى جايب مثلا 324 (79فى الميه) فى النتيجه وفى التنسيق يلاقى نفسه جايب 271(90فى الميه) ودخل كليه عاليه انا لقيت مجاميع زى كده كتير لو سمحتوا اللى عنده اى فكرة عن الموضوع ده يتفضل يرد

والله مش عارف دى حصلت إزاى ، مستحيل حاجة زى كده تحصل إن واحد يجيب مجموع أقل من الكلية اللى داخلها
أرجو توضيح بعد المجاميع اللى زى كده للتأكد منها