تقبلى تكونى زوجه تانيه؟!

[نورة أ]

اجابة سؤالك " لا ابدا فى اى حال من الاحوال "

[مرموور]

المشاركة الأصلية كتبت بواسطة أبوبسملة ياسر خليفة الطحاوى

موضوع جميل وممتاز
يستحق الشكر
وبالفعل سوف أرد عليه

الاجمل هو مرور حضرتك
وحضرتك تنور الموضوع فى اى وقت..

[مرموور]

المشاركة الأصلية كتبت بواسطة هاوى إبداع

للللاسف مش هقدر اجاوب

بس حضرتك اثرت سؤال لابد منه ولابد من كل شخص ان يضعه ف الاعتبار

وانا للأسف مش هقدر ارد..
نعم يجب على الجميع ان يأخذه فى الاعتبار
اسعدنى مرورك كثيرا

[مرموور]

المشاركة الأصلية كتبت بواسطة gamal elnaggar

"وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا"

اعلم ان الله احل للرجل الزواج حتى اربع
ولكن هل العدل المقصود فى الايه هو العدل فى النفقه فقط
ام فى المشاعر ايضا؟
مستنيه حضرتك تجاوبنى على سؤالى..
وشكرا لمرور حضرتك

[مرموور]

المشاركة الأصلية كتبت بواسطة الصمت الحزين

ايه الموضوع اللى كله جواز ده مفيش فترة خطوبة عشان يدرسوا بعض الاول

احنا قولنا جواز على طول خلينا نخلص..
وبعدين لسه هيدرسوا بعض..
ما اللى ذاكر ذاكر من زمان..
شكرا للمرور...

[مرموور]

المشاركة الأصلية كتبت بواسطة العقبى1010

الزواج الثانى أمر أقرته الشريعة الإسلامية ومن يعارض ذلك ينكر ما هو معلوم من الدين بالضرورة
ويعرض نفسه للوقوع فى الكفر
وللأسف هذه الأفكار المسمومة من صناعة الإعلام المصرى الفاسد
فمثلا إذا تزوج الرجل زوجة أخرى فالزوجة الأولى تعتبر ذلك إهانة
أما إن زنا مثلا فعليها أن تسامحة وكلنا بنغلط
حرب واضحة على الدين من هؤلاء الفاسقين
أرجو أن تلاحظ ذلك كل الزوجات المسلمات ، وأن حقها على زوجها هو العدل ، وليس من حقها أن تُحَرم ما أحله الله

اكيد طبعا انا عارفه ان الله احل للرجل الزواج حتى اربع
ولم اعارض ذلك والعياذ بالله
ولكن ما اريد ان اعرفه هل يحق للمرأه ان تطلب الطلاق اذا تزوج عليها زوجها؟ّ!
فأرى انه من حقها ان تكمل معه او لا..
اسعدنى مرور حضرتك كثيرا

[مرموور]

المشاركة الأصلية كتبت بواسطة عابر سبيل

السبب اللى يخلى الزوج يتزج بثانية وتالتة ورابعة
ممكن يكون اسباب الحمل
وده بتبقى بين الزوجين يعنى
عاوز يتزوج تانى او لا
ولو الزوج شايف ان زوجته كويسة يعنى معاه بس نصيبها انها مابتخلفش
وحاسس انه لو تزوج هياثر عليها
فلافضل ان مايزعلهاش طالما كويسة وبنت ناس زى مابيقولوا

لحد هنا هرفع لحضرتك القبعه...

ولو تزوج ماتقدرش تمنعه
لانه حقه
وفيه ناس بتخلف وكله تمام
بس زوجته مطهقاه
بيحاول يدور على واحدة تانية تفهمه
اعتقد ان دول اقرب الاسباب يعنى
شكرا على الموضوع

وهنا بردو هرفعها..
نعم من حقه ان يتزوج..
وليس من حقها ان تمنعه..
ولكن من حقها ايضا ان تطلب الطلاق..
الشكر لله..
شكرا لمرور حضرتك..
الموضوع نور

[مرموور]

المشاركة الأصلية كتبت بواسطة banzer

اي موقف بيحصل للواحد

رد الفعل فيه بيعتمد على الظروف المحيطة وقتها
عند حضرتك حق
زى ما بيقولو اللى ايده فى المياه مش زى اللى ايده فى النار..

فمثلاً ... كرجل متزوج

ان لم تستطع زوجتي الحمل ، فقد تطلب هي مني ان اتزوج بأخرى
وانا من يرفض لمشكلة معينة
سواء مادية او معنوية او كدا

وقد اوافق انا وهي من ترفض
لإنها ستشعر ان هذا سوف ينقص من حقها
احترم رأى حضرتك جدا
فهو رد منطقى يناسب جميع الحالات

ثم إن كان رقم الزوجة اهانة لها
فقد اهان الرسول معظم زوجاته !

لم اقل ان رقم الزوجه اهانه لها
ولكنى اتسأل حول مسأله القبول او الرفض عند المرأه؟!
ان كانت ستقبل الحصول على لقب الزوجه الثانيه ام لا؟!
اسعدنى مرور حضرتك
شكرا للمرور..

[Observer]

المشاركة الأصلية كتبت بواسطة banzer

ياريت حضرتك لو شايف في مخالفة في الموضوع تبلغ عنها
اما علاقة الموضوع بالقسم ده يحدده مشرفي القسم

كلام حضرتك متناقض ازاى تقول اعمل مخالفة وبعدها ترجع تقول علاقة الموضوع يحدده المشرف
يبقى ايه لازمة المخالفة اصلا طالما لن ينظر لها؟!!!!!!!!!!

[Observer]

المشاركة الأصلية كتبت بواسطة مرموور

والله انا داخله مخصوص عشان ارد على حضرتك
ماله المنتدى؟!
هو حضرتك جديد فى المنتدى عمر حضرتك ما شوفت مواضيع
مثل هذه المواضيع؟!
ام ان موضوعى وبصريح العباره لم يعجب سيادتكم؟!
وبصراحه انا شايفه ان موضوعى نقاش ىمن الدرجه الاولى
وان هذا القسم هو القسم المناسب لموضوعى
وشكرا للمرور..

طبعا احترامى لرايك ووجهة نظرك وكل حاجة بس موضوع حضرتك بيناقش شئ مينفعش انه يتناقش اصلا وهو تعدد الزوجات لانه شرع ودين ومينفعش نيجى نقول لا انا مش عاجبنى التعدد عشان معرفش ايه خلاص بقى قولى لربنا انا مش عاجبنى شرعك يارب حاشا لله طبعا عشان كدة انا قلت الموضوع مش مناسب ولا يناسب طبيعة المنتدى بمفهومه التعليمى الشامل مش بس منتدى النقاش، وصلت الفكرة؟

[nadaelgayar]

نووووووووووووووووووووووووووووووووووووووووو تحت اى ظروف

[مرموور]

المشاركة الأصلية كتبت بواسطة mohamad fawzy

طبعا احترامى لرايك ووجهة نظرك وكل حاجة بس موضوع حضرتك بيناقش شئ مينفعش انه يتناقش اصلا وهو تعدد الزوجات لانه شرع ودين ومينفعش نيجى نقول لا انا مش عاجبنى التعدد عشان معرفش ايه خلاص بقى قولى لربنا انا مش عاجبنى شرعك يارب حاشا لله طبعا عشان كدة انا قلت الموضوع مش مناسب ولا يناسب طبيعة المنتدى بمفهومه التعليمى الشامل مش بس منتدى النقاش، وصلت الفكرة؟

ياريت حضرتك متقولنيش كلام انا مقولتوش
موضوعى يتحدث عن نقطين
الاولى للمرأه ان كانت تقبل ان تحصل على لقب الزوجه الثانيه ام لا
يعنى ان تقدم لها شخص متزوج يحق لها ان تقبل او ترفض
وهذا لا يخالف الشرع فى شئ
اما ان كانت المرأه متزوجه وتزوج عليها زوجها فهذا حقه فأنا اعلم واعى جيدا ان الله احل للرجل الزواج حتى اربع ولكن يحق لها ان تخلعه على سبيل المثال او ان تبقى معه فهذا يعود اليها
والنقطه الثانيه كان يجب ان اوجها للرجل بصفه عامه وليس للشباب فقط
فاتسأل هل ان تزوجت ولم تنجب زوجتك هل ستتركها ام لا؟!
وهذا لايخالف الشرع فى شئ
فأنا لم اطلب من الاعضاء ان يدخلو ويقولوا هل يعجبهم الذى يتزوج على امرأته ام لا ؟!
مستنيه رد حضرتك

[نورالسماء]

انا شخصيا لن اقبل بموقف مماثل على الاطلاق
ثم في الاغلب الاعم الزوجة تكمل مع زوجها اذا كان لاينجب فلماذا يتركها في موقف مماثل ويتزوج باخرى؟
كما ان الزوج لايستطيع العدل بين زوجتيه في كل شيء لانه في النهاية بشر

[منه الله(منمن)]

لالالالالالالالالالا طبعا مش ارضى لاسباب كتير اوى

[Sief39]

المشاركة الأصلية كتبت بواسطة habiba hamdy

حسب شرع الله
للزوج الحق فى الزواج من اتنين وتلاته واربعة

واكيد من الاسباب الرئيسية اللى تخلى البنت تقبل بان تكون زوجة تانية هو تأخر سن الزواج
واحساسهاا بانها غير مرغوب فيهاا
اما حديثك عن ان زواج الرجل باخرى مشروط بوجود عيب ما بزوجته انها لاتنجب مثلاا
فهذا ماكنت اظنه ايضا
لكن ماعرفته مؤخرا انه ليس بالضرورة وجود عيب بالزوجة كى يتزوج زوجها باخرى..!!


أشكرك

السلام عليكم
نشكر الأستاذة صاحبة الموضوع
ولكن اسمحي لي لقد لفت نظري تعليق حبيبة أوي
بنت بتقول التعليق ده ماشاء الله بجد
و فعلا في الواقع الذي نعيشه الآن قد يكون هناك زواج ثاني بدون أسباب حقيقية أو كما يقال عيوب
ولكن دائما هناك سبب وهو الحب
لو استحال الحب بين الزوجين يسعى الطرف الآخر للبحث عن زوج ثاني مهما اختلفت الأسباب و المسميات فهو الحب وحده ولا شيء آخر
و الدليل قد يكون هناك من العيوب ما يجعل الحياة بين الزوجين مستحيلة و سبحان الله لو هناك حب تجد الطرف المظلوم متمسك بالطرف الآخر رغم عنه بسبب حبه له
تقبلي مروري و شكرا لحبيبة