|
#61
17-02-2011, 01:04 PM
|
|||
|
|||
اقتباس:
طبعاً ما ينفعش إن البنت تقعد جنب الولد حتى لو هى وضعت الشنطة بينهم وحتى لو الاتنين اخلاقهم كويسة لأسباب كتير
أولها - ايه اللى يضمن للبنت اللى هتضع الشنطة إن الولد أخلاقه كويسة ؟؟ وإن ضمنت وكانت عارفاه مثلا يعنى جارهم وهى عارفة إنه ولد كويس وإنه متربى معاه مثلا وأهلها بيعتبروه زى ابنهم وانها بتعتبره زى اخوها لكن ياترى هى هتضمن الشيطان ؟؟؟ والنبى صلى الله عليه وسلم بيقول (إن الشيطان يجري من ابن أدم مجرى الدم ) يعنى الموضوع صعب جداً خصوصاً مع الفتن اللى بيتعرض لها الشباب والبنات وطبعاً الكلام ده مش تشدد ولا حاجة لكن بجد الدين السلامى كرم المرأة تكريم لم يكرمه لها أى دين المرأة يا أختنا قبل الإسلام كانت تباع وتشترى وفى الإسلام كرمها الله وجعلها كالدرة بجد يا أختنا فى الإسلام البنت بتبقى عبارة عن درة زى أغلى قطعة مجوهرات تفتكرى إنت لو عندك جوهرة غالية جداً هتعملى فيها ايه ؟ ممكن تعرضيها لكل الناس ولا تحافظى عليها وتعطيها لأغلى الناس ؟؟؟ أكيد هتعطيها لأغلى الناس وأغلى الناس اللى يستحق الجوهرة اللى يستحق انه يقعد جنب الفتاة فعلاً هو اللى يتزوجها كما شرع الله علشان كده يا أختنا مش ينفع ان البنت تقعد جنب الولد كده عادى لأن كده هى بتقلل كتير من قيمتها ربنا يحفظ كل بنات وشباب المسلمين من الفتن
__________________
مسلسل من نوع خاص
لن تجد له مثيل ..... بل لن تجد له ندُ فى عالم المسلسلات إذا أردت أن تعرف ما هو ذاك المسلسل فما عليك إلا أن تضغط هنا يوميات شاب عادى 
|
|
#62
17-02-2011, 01:06 PM
|
|||
|
|||
|
اقتباس:
اقتباس:
اقتباس:
بارك الله فيكما ومعذرة لتأخري ولكن كانت لدي بعض الظروف
__________________
مسلسل من نوع خاص
لن تجد له مثيل ..... بل لن تجد له ندُ فى عالم المسلسلات إذا أردت أن تعرف ما هو ذاك المسلسل فما عليك إلا أن تضغط هنا يوميات شاب عادى
|
|
#63
17-02-2011, 01:07 PM
|
|||
|
|||
|
الحلقة التاسعة عشر إنها الاخُوّه.. وصل الجميع بسلامة الله ..وكان عبد الله واقفا فى انتظارهم.. عبد الله..انه صديق معاذ الوفى .. ورفيق دربه فى طاعة الله.. التقى به فى احدى الدروس الدينيه ..وتعرف عليه .. ومن يومها ويجمعهما رباط الاخوة والمحبه فى الله.. كان عبد الله لا يختلف فى مظهره كثيرا عن معاذ.. لحيته تزين وجهه الى تشعر بالنور يشع منه.. يبدو عليه الوقار والسكينه..غير ان ما يميزه هو روحه المرحه الجميله..وابتسامته التى لا تفارق وجهه.. لم يتعجب عبد الرحمن كثيرا من مظهر عبد الله ..فهو صديق معاذ.. ولكنه آثر ان يقف بعيدا حتى ينتهى معاذ من حديثه.. معاذ: السلام عليكم ورحمة الله وبركاته.. عبد الله: وعليكم السلام ورحمة الله وبركاته.. ينفع كده...؟؟ هى دى مسافة السكه؟؟ انتو كنتوا راكبين ايه ؟؟ سلحفه؟؟ معاذ: معلش يا عبد الله..المواصلات كانت زحمه جداااا انهارده .. صحيح..عبد الرحمن..اخ معايا فى الكليه.. عبد الله: تشرفنا يا اخ عبد الرحمن..عامل ايه؟؟ عبد الرحمن: الحمد لله..كويس.. عبد الله: شكلك اخ محترم وطيب ...فرصه سعيده انى شوفتك.. عبد الرحمن: ده بس من ذوقك.. معاذ: جبت الكتب يا عبد الله..؟؟ عبد الله: اه..اتفضل .. معاذ: جزاكم الله خيرااااا.. ربنا يكرمك يا عبد الله ويجعله فى ميزان حسناتك.. لاحظ عبد الرحمن احد الكتب الظاهره من الحقيبه مكتوبا عليه (مدارج السالكين) عبد الرحمن: هو كتاب مدارج السالكين ده بتاع الشيخ يعقوب؟؟ معاذ: لا..ده بتاع الامام ابن القيم.. عبد الرحمن: اصل انا كنت سمعت الشيخ يعقوب بيشرحه فى مره.. معاذ: اه هو بيشرحه ..بس الكتاب مش بتاعه..الكتاب ده راااااااائع جداااااااااا.. عبد الله: ما شاء الله.. انت بتسمع الشيخ يعقوب؟؟ عبد الرحمن: يعنى..ساعات بشوفه فى التليفزيون.. عبد الله: وبتسمع مين تانى من الشيوخ؟؟ عبد الرحمن: مش بسمع حد..بس ساعات بيصادف انى بكون قاعد قدام التليفزيون.. بس انا عارف شيوخ كتيييير..زى الشيخ مصطفى الحوينى ..والشيخ محمود حسان ..وغيرهم.. لم يتمالك عبد الله ومعاذ نفسيهما من الضحك.. عبد الرحمن: بتضحكوا على ايه؟؟ هو انا قولت حاجه بتضحك اوى كده؟؟ عبد الله: قصدك الشيخ ابو اسحاق الحوينى..والشيخ محمد حسان.. عبد الرحمن: اه..معلش..اصلى بنسى بسرعه اليومين دول.. امال مش فيه شيخ اسمى مصطفى ..؟؟ عبد الله: ايوه..اسمه الشيخ مصطفى العدوى.. عبد الرحمن : تمام..انا كده افتكرت.. عبد الله: والله يا عبد الرحمن انا حبيتك فى الله.. وشكلنا هنبقى اصحاب باذن الله.. عبد الرحمن: انا ليا الشرف.. معاذ: خلاص..امشى انا بقى..ما انا مبقاش ليا لازمه ..! عبد الله: مين قال كده بس؟؟ ده انت حبيب الكل يا معاذ.. معاذ: هو صحيح الشيخ ابراهيم هيدى درس انهارده؟؟ عبد الله: ان شاء الله..والدرس هيبقى بعد صلاة المغرب فى مسجد عمر ابن الخطاب.. معاذ: خلاص..باذن الله اشوفك عند الشيخ انهارده .. هنمشى بقى علشان انا اتاخرت جامد..الساعة بقت 3 !!! يلا يا عبد الرحمن.. عبد الله: ماشى ..بس متحرمناش من اننا نشوف الاخ عبد الرحمن.. معاذ: باذن الله.. السلام عليكم ورحمة الله وبركاته.. عبد الله: وعليكم السلام ورحمة الله وبركاته.. فى حفظ الرحمن.. وانطلق معاذ وعبد الرحمن مسرعين فى طريق العوده.. ترى ماذا سيحدث لمعاذ حين عودته؟؟ تابعونا..
__________________
مسلسل من نوع خاص
لن تجد له مثيل ..... بل لن تجد له ندُ فى عالم المسلسلات إذا أردت أن تعرف ما هو ذاك المسلسل فما عليك إلا أن تضغط هنا يوميات شاب عادى
|
|
#64
17-02-2011, 01:08 PM
|
|||
|
|||
|
الحلقة العشرون لك الله يا معاذ.. ما أن علم معاذ أن الساعة 3 والعصر أوشك على الأذان وهو مازال لم يَعُد إلى بيته حتى أصابه الهلع وأسرع هو وعبد الرحمن عائدين وما أن اقترب من البيت حتى أذن العصر بحث عن أقرب مسجد وصلى الفريضة ثم هرول عائداً إلى البيت وهو يتمتم بدعاء " اللهم إنى أجعلك فى نحره وأعوذ بك من شره " " اللهم اكفنيه بما شئت " وكأنه مُقبل على الأهوال وقبل وصوله أشترى طعاماً للغداء واتجه عن فوره للبيت بعد أن أصبحت الساعة 30 : 4 وفتح الباب لم يدر ِ معاذ ماذا حدث؟؟ ماذا جرى؟؟؟ لم ينتبه..!!! لم يدرك حقيقة الموقف..!!! إلا وقد تبعثر الطعام من يده على الأرض بعد أن ترنح جسده وكاد يقع هو أيضاً نتيجة ً لِما تلقاه من صفعةٍ على وجهه كادت تفقده صوابه مازال معاذ فى غمرة المفاجأة حتى أنتبه على صوت أبيه يقول: هتفضل تتصرمح على الجوامع لحد امتى؟؟؟ هاااااااا؟؟؟؟؟؟ هتفضل تتسكع من الشيخ دا للشيخ دا لحد أمتى .... ما ترد ؟؟؟ عاملى فيها شيخ .....! ولا هىَ الجنة أتخلقت لكم أنتو وبس؟؟؟ فأجاب معاذ : بابا أنا ......... الوالد : أنتَ إيه وزفت إيه يا أخى طول النهار قرآن قرآن ولف ودوران على الجوامع لما أرفتنى بكرة نشوف هينفعك بإيه القرآن؟؟ ثارَ الدم بعروق الشاب بعد أن فاق من صدمة تلك اللطمة على خده الأيسر بكف والده وما عقبها من استهزاء لم يدر ِ ماذا يفعل وإذا به فجأة يرفع يده ثم أمسك يد أباه بعد أن ضغط عليها بقوة ثم دنا منها وإذا به يُقبِلها .... لكنه لم يكتفى بذلك فإذا به يرفعها ثم يلطم نفسه بها على خده الأيمن وقال : أنا آسف إنى أتأخرت والله مكان قصدى معلش أنا آسف وما كان منه بعد ذلك إلا أن طأطأ رأسه ثم أنحرف عن أبيه يُخفى دمعه وراح يلملم الطعام المبعثر على الأرض وقال : مش هتاكل الوالد : هو إللى يشوفك يجيله نفس ياكل مش متنيل معاذ : طب مش عايز أى حاجة ...... أنا هدخل جوة الوالد - بصوتٍ عال ٍ - : فى ستين داهية دخل معاذ وأغلق على نفسه فى صمت وخرج والده من الشقة بعد أغلق الباب خلفه بشدة وفى نفس اللحظة كانت أخت معاذ - سارة - تراقب حديثهما من خلف باب حجرتها لكنها لم تخرج خوفا من والدها وما أن سمعت صوت غلق الباب حتى خرجت وطرقت الباب على معاذ سارة : معاذ ... معاذ ...... معاذ : فى إيييييه ؟؟؟؟ عايزة حاجة ؟؟؟ سارة : ممكن أدخل ؟؟؟؟ معاذ : لأ مش ممكن ...... ممكن أنتى بأى تسبينى فى حالى سارة : طب ......... معاذ : لا طب ولا مطبش سبينى دلوقتى وفعلا تركته سارة وحده كما أراد وجلس معاذ يُحدث نفسه لماذا يضربنى ؟؟؟ لأنى لا أستطيع الرد عليه !!!! لستُ ضعيفا ؟؟؟؟ لا أستحق هذا !!! أهذا جزاء بِرِى به !!!! أستغفرُ الله ..... استغفر الله وظل يبكى وما وجد ما يخفف عنه سوى القرآن أنيس عمره فظل يقرأ ويبكى[IMG]http://1aim.net/fourm/images/smilies/*****_pleur1.gif[/IMG] حتى مر اليوم ...... وحلّ اليوم التالى تابعونا..
__________________
مسلسل من نوع خاص
لن تجد له مثيل ..... بل لن تجد له ندُ فى عالم المسلسلات إذا أردت أن تعرف ما هو ذاك المسلسل فما عليك إلا أن تضغط هنا يوميات شاب عادى
|
|
#65
17-02-2011, 04:53 PM
|
|||
|
|||
|
بجد ربنا يبارك فيك
القصة رائعة جداً وفيه نقط مهمة أوى عجبتنى فى الحلقتين النقطة الأولى فعلاً من هو الصديق يعنى عبد الله ومعاذ اتعرفوا فى المسجد وربط بينهم الحب فى الله وصداقة طيبة والنقطة التانية اللى مهمة جداً هى البر بالوالدين يعنى ابو معاذ ضربه وأساء إليه لكنه لم ينفعل على الرغم من قدرته أنه ينفعل ويثور عليه وفيه نقطة اتمنى انها توجه لكل الأباء والأمهات ان لو الأبناء ملتزمين ياريت تساعدوهم ومش تكونوا عقبة فى طريقهم يعنى بجد حاجة غريبة ان لو الابن بيشرب مخدرات وبيعمل كل حاجة غلط الأهل ممكن يسيبوه ومش يمنعوه أما لو بيصلى وبيتردد على المساجد وبيحضر درس مثلاً بيواجه انتقادات شديدة ومنع من أهله مع إنهم لو تركوه بجد هيتعلم فى المسجد ازاى يكون مطيع لهم وازاى انه يخدمهم ويرعاهم سامحنى يا أخى انى علقت على الحلقات بدون إذنك لكن أتمنى بعد كل حلقة إن كل واحد بيتابع الحلقات يكتب الحاجات اللى استفدها من الحلقة يمكن نقدر نفيد بعض ربنا يبارك فيك ويحفظك
__________________
|
|
#66
02-03-2011, 07:08 AM
|
|||
|
|||
|
جزاكم الله عنا كل خير
موضوع قيم ومفيد جدا
|
|
#67
07-03-2011, 06:36 PM
|
|||
|
|||
|
جزاك الله خيراً أخي أبي خديجة على تعليقاتك الجميلة التي أرجوا أن تتحفنا بها دائما
وبارك الله فيك أخي صقر الثانوية ومعذرة لتأخري عن وضع الحلقات نظراً لظروف عسيرة مررت بها
__________________
مسلسل من نوع خاص
لن تجد له مثيل ..... بل لن تجد له ندُ فى عالم المسلسلات إذا أردت أن تعرف ما هو ذاك المسلسل فما عليك إلا أن تضغط هنا يوميات شاب عادى
|
|
#68
07-03-2011, 06:38 PM
|
|||
|
|||
|
الحلقة الحاديه والعشرون يا ترى انت منهم؟؟؟ وفى صباح اليوم التالى.. ذهب معاذ الى الكليه .. وبعد ان انهى محاضراته.. اذا بهاتفه المحمول يرن .. انه عبد الله.. معاذ: السلام عليكم ورحمة الله وبركاته.. عبد الله: وعليكم السلام ورحمة الله وبركاته.. ازيك يا معاذ؟ عامل ايه؟ معاذ : الحمد لله.. عبد الله: تقدر تقولى مجيتش الدرس امبارح ليه؟؟؟ انت مش كنت قايل انك هتيجى ..وانا قايلك المعاد..؟! معاذ: معلش يا عبد الله..كان عندى شوية ظروف.. عبد الله: نفسى اعرف ظروف ايه دى بس يا معاذ..؟؟ فيه ايه بالظبط؟؟ دى خامس مره تغيب عن السلسة الجديده اللى بداها الشيخ ابراهيم..!! انت مخبى حاجه عليا يا معاذ؟؟؟!! معاذ: انا كويس والحمد لله يا عبد الله..زى ما بقولك ..عندى شوية ظروف وان شاء الله كل شئ هيبقى كويس .. متشلش همى ..ركز انت بس فى دراستك وتابع مع الشيخ ابراهيم واعتذرله على ما اقابله ان شاء الله.. عبد الله: بقى هى دى حقوق الاخوه يا شيخ؟؟!! فى حاجه اسمها خليك فى نفسك؟؟!! لو مكنتش هقلقك عليك واشيل همك ..هشيل هم مين؟؟!! انت عارف ان معنديش هموم..ههههههه معاذ: ربنا يديم عليك نعمه..ويرزقك شكرها.. عبد الله: اللهم امين.. ان شاء الله الدرس الجاى فى معاده يوم الخميس .. هستناك باذن الله.. ربنا يفرج همك وييسر لك .. معاذ: اللهم امين ..باذن الله.. اهم حاجه متنسيش من دعائك فى قيام الليل يا عبد الله.. عبد الله: انسى ازاى بس؟؟ يابنى ده انا الكسبان لما ادعيلك..ههههههه معاذ: يلا بقى علشان مطولش عليك..شكلك لسه شاحن..هههه عبد الله: عيب عليك..انت عارف انى موبايلى مليان على طول..هو احنا هنكلم مين يعنى علشان الرصيد يخلص..؟؟! ال girl friend ؟؟ ههههههه معاذ: برده عايز تخلص الرصيد..ههههه ربنا يبارك فيك ويجازيك كل خير على سؤالك .. عبد الله: ربنا يديم الموده..مش عاوز اى حاجه؟؟ معاذ: جزاكم الله خيرااا.. عبد الله: السلام عليكم ورحمة الله وبركاته.. معاذ: وعليكم السلام ورحمة الله وبركاته.. وما ان انتهى معاذ من المكالمه والتفت..حتى وجد عبد الرحمن يلقى عليه السلام.. عبد الرحمن : السلام عليكم ورحمة الله وبركاته.. كنت ناوى تزوغ ولا ايه؟؟ معاذ: ازوغ من ايه بس؟؟ عبد الرحمن : منّي ..انت مكملتليش مضووع العتق من النار ..فاكر؟؟ معاذ: ياااااااه.. ده احنا بجد مكملناش..!! طيب تعالى نكمل فى المسجد.. عبد الرحمن: ماشى.. طلب عبد الرحمن من معاذ أن يعيد عليه صفات الذين هم عبيد للنار معاذ : طيب قبل ما نعيدهم عايزك تقيس كل صفة على نفسك موجودة فيك ولا لأ ماشى عبد الرحمن : ماشى .. أتفضل قول بأى معاذ : أول صفة " فَتَنْتُمْ أَنْفُسَكُمْ "ومعلش خلى أول صفة دى معانا للآخر عشان محتاجة شغل جامد عبد الرحمن : أنتَ هتكروتنى من أولها ما هو يا تدينى البيعة على بعضها يا اقوم امشى أحسن معاذ : بيعة إيه يا بنى أحنا فى وكالة البلح ركزززز معايا عبد الرحمن : يا عم معاك بس أمشى بالترتيب معاذ : معلش خلينا ننقذ ما يمكن إنقاذه دلوقتى ندخل على الصفة التانية والتالتة " وَتَرَبَّصْتُمْ وَارْتَبْتُمْ " ودول بأى لازم يتشرحوا مع بعض عبد الرحمن : أيوة كروتلى الأولنية وهتدينى الباقى بالجملة قول .... قول أمرى لله معاذ - مبتسما - : عارف يعنى إيه واحد متربص مرتاب ؟؟ يعنى كل واحد بيشك فى وعود الله ورسوله صلى الله عليه وسلم معندوش يقين فى ربنا عبد الرحمن : الحمد لله مين يقدر يشك فى ربنا أهو إن شاء الله دى مش فيّه معاذ : أحنا قلنا إيه .... بلاش سربعة أصبر كدا وخد مثال وبعد كدا أحكم عبد الرحمن : ماشى ... خليك كدا مقفلها فى وشى على طول قول .. أما نشوف أخرتها معاذ : يعنى مثلا تقول للبنت بلاش مكياج وبلاش اللبس الضيق تقولك حسن المظهر لازم فى أى شغل تقول لها أو تقول لأى حد بيشتغل شغله حرام أو فيها شبهه سيب الشغل دا وربنا هيرزقك شغل أحسن منه . يقول لك لأ .. ألاقى شغلانة غيرها الأول وبعد كدا أسيبها عبد الرحمن : طب ما هوَ طبعا معاه حق على كلامك دا البلد كلها هتسيب أشغالها معاذ : أنتَ عارف يا عبد الرحمن دا عامل زىّ إيه ؟؟ زى إللى بيقلب الآية ربنا بيقول " وَمَن يَتَّقِ اللَّهَ يَجْعَل لَّهُ مَخْرَجاً " الطلاق2 لأ هوَ بأى بيقول له أجعل لى مخرج الأول وأنا أتقيك ربنا بيشترط التقوى عشان ينجيه وهوَ بيشترط على ربنا أدينى الأول وبعد كدا أعمل معندوش ثقة فى وعود الله ورسوله طب خد منّى الحديث دا كدا على موضوع الوعود دا قال رسول الله صلى الله عليه وسلم " ثلاثة أقسم عليها ما نقص مال من صدقة وما ظلم عبد ظلامة فصبر عليها إلا زاده الله بها عزة وما فتح عبدٌ على نفسه باب مسألة إلا فتح الله عليه باب فقر " الرسول هنا بيحلف لكن المشكلة إننا مبنصدقش لازم نشوف قدامنا الأول عشان نصدق وخد القصة دى دليل على إللى أنا بقوله عبد الرحمن : هااااااااات معاذ : " كان فى واحد اسمه عثمان النهدى كان بياخد من بيت مال المسلمين 15 دينار كل يوم -مرتب يعنى- المهم أنه كان كل يوم وهو راجع البيت يتصدق بخمسة دنانير ويخلى العشرة معاه ... وأول ما يرّوح البيت يحط العشرة الباقين تحت المخدة ... وينام فكان أول ما يقوم الصبح يلاقيهم 15 زى ما همّا وفى يوم قال لابن أخوه : يا ابن أخى لِمَا لا تصنع مثل ما أصنع فتتصدق ببعض مالك وتجده فى الصباح كما هو ولا ينقص فقال له : إن ضمنت لى ألا ينقص فعلت !!! يعنى أضمن لى الأول وأنا أعمل زيك شوف بأى الراجل دا قاله إيه قال : يا بُنىّ إنى لا أشترطُ على ربى " فهمت بأى هيَّ دى ... أحنا مترددين ... بنرتاب فى وعود الله عبد الرحمن : بس هىَّ فين المخدة المُباركة دى إللى نحط تحتها الفلوس 10 تبقى 15 إيه يا معاذ ما تقول حاجة تتعقل ... معاذ : أنا مش بقول لك الكلام دا عشان تتريق عليه أسأل أى واحد تصدق بمال ، المال رجعله أضعاف أضعاف ولا لأ دا الرسول أقسم ... مش بقولك أحنا مش بنصدق وعود ربنا لو كنا واثقين فى وعود الله كنا سبنا الأغانى والأفلام مكناش نقطع فى الصلاة أو نأخرها مكناش نضيع وقت هاااااااا أنتَ من إللى أرتابوا ولا إيه سكت عبد الرحمن بعض الوقت ثم قال : أنتَ مستنى منى إجابة ولا إيه ؟؟ خش على الصفة التانية شكل العملية خربانة من الأول..!!! === تابعونا..
__________________
مسلسل من نوع خاص
لن تجد له مثيل ..... بل لن تجد له ندُ فى عالم المسلسلات إذا أردت أن تعرف ما هو ذاك المسلسل فما عليك إلا أن تضغط هنا يوميات شاب عادى
|
|
#70
08-03-2011, 02:00 PM
|
||||
|
||||
__________________
 .................................................. ....................
|
|
#71
08-03-2011, 03:36 PM
|
|||
|
|||
|
وبارك الله فيكم
وشكراً على المرور الذي أسعدني جداً حياكم الله تعالى
__________________
مسلسل من نوع خاص
لن تجد له مثيل ..... بل لن تجد له ندُ فى عالم المسلسلات إذا أردت أن تعرف ما هو ذاك المسلسل فما عليك إلا أن تضغط هنا يوميات شاب عادى
|
|
#72
08-03-2011, 03:41 PM
|
|||
|
|||
|
الحلقة الثانيه والعشرون وغرتكم الأمانيّ.. مازال معاذ وعبد الرحمن مستمرين فى حديثهما عن العتق من النار.. معاذ : طيب هسيبك تحاسب نفسك ركزززززز معايااااااا بأى فى الصفة إللى بعد كدا " وَغَرَّتْكُمْ الأَمَانِيُّ " ودى بأى مأساة المسلمين أنهارده الحسن البصرى قال إيه قال " ليس الإيمانُ بالتمنى ولا بالتحلى ولكن ما وقرَ فى القلبِ وصدقه العمل ، وإنَّ قوماً خرجوا من الدنيا ولا حسنة لهم وغرتهم الأمانىّ وقالوا نحسن الظن بالله وكذبوا لو أحسنوا الظن لأحسنوا العمل " عبد الرحمن : طب إزاى يعنى الواحد تغره الأمانى دى معاذ : زىّ إللى بنسمعه كل يوم -يا عم دا ربنا غفور رحيم - دى رحمة ربنا واسعة - الدين يسر - يسروا ولا تعسروا - وكل ابن آدم خطّاء كل دى أمانىّ عبد الرحمن : بس ياعم معاذ ربنا غفور رحيم فعلا والدين بردو يسر أنتَ هتعقدها ليه بس معاذ : ما هىَ المشكلة أن الكلام دا صح ، لو أحنا مؤمنين بيه بجد كنا عملنا بيه لكن أحنا بنقوله عشان نركن جنبه ونام عبد الرحمن : الحمد لله أنا مبسبش صلاة دلوقتى معاذ : مااااشى بس أنتَ بتشوفها دايما من جانب واحد ليه ؟؟ ما تقيسها على الجانب التانى لذنوبك ومعاصيك هتلاقى نفسك محتاج كتير عشان تعوض عبد الرحمن : يا عم أنتَ محسيسنى أنى بعمل معاصى متعملتش قبل كدا .. فيه إيه يا عم أحنا بنعمل إيه يعنى ؟؟ معاذ - مبتسما - : يعنى أنتَ مش عارف أنتَ بتعمل إيه أصل دى فى حد ذاتها مصيبه إن أنتَ ممكن تكون بتعمل ذنوب وأنتَ مش حاسس أو بتعملها وفاكر أنك بيها بطيع ربنا عبد الرحمن : أنا مقدرش أقولك أنى مبعملش معاصى بعمل آه لكن مش للدرجة يعنى .. أنتَ مكبرها أوى معاذ : عارف يا عبد الرحمن أول سبب يخليك تعمل الذنب أنك تستحقر الذنب وتفتكره صغير يعنى أنت مش عارف المرأة إللى دخلت النار فى قطة لا أطعمتها ولا تركتها وواحد تانى دخل الجنة فى كلب سقاه من البير وبعدين يا عبد الرحمن ما هو ربنا ممكن يشوف من العبد استهتاره بالذنوب فيحاسبه بأى بالعدل ويا سلام علينا وقتها هندخل النار من غير عزومه لأنك لو قضيت عمرك كله فى عبادة وصلاة وصوم متكفيش لشكر نعمة العين بس فما بالك بالنعم التانية عبد الرحمن : بس بردو أنا مُصِر أن رحمة ربنا واسعة معاذ : لسه بردو بتاخد الموضوع من جنب واحد ما تكمل الآية قال الله عز وجل " وَاكْتُبْ لَنَا فِي هَـذِهِ الدُّنْيَا حَسَنَةً وَفِي الآخِرَةِ إِنَّا هُدْنَـا إِلَيْكَ قَالَ عَذَابِي أُصِيبُ بِهِ مَنْ أَشَاء وَرَحْمَتِي وَسِعَتْ كُلَّ شَيْءٍ فَسَأَكْتُبُهَا لِلَّذِينَ يَتَّقُونَ وَيُؤْتُونَ الزَّكَـاةَ وَالَّذِينَ هُم بِآيَاتِنَا يُؤْمِنُونَ " الأعراف156 رحمته وسعت كل شئ لكن هيكتبها للذين يتقون طيب أنتَ من المتقين عشان يكتبهالك هاااااااا أنتَ من إللى غرتهم الأمانىّ ولا إيه عبد الرحمن : بقول لك إيه ما هىَ العملية خربانة خربانة أنا هقرف نفسى ليه ما كنت كويس من غير وجع الدماغ بتاعك دا .... ما الواحد لو مصلاش داخل النار ولو صلى مش ضامن يدخل الجنة طب هوجع دماغى ليه بأى معاذ : لأ خلى بالك أنا مش قصدى أنى أيأسك ما أنا ممكن أقولك أنك هتدخل الجنة وعشمك أوى بسيطة والأحاديث فى المواضيع دى كتيييير لكن أنا بفتحلك أبواب الرحمة لكن بفتحه صح مبضحكش عليك بكلمتين يغروك وفى الآخر تلاقى آية " وَبَدَا لَهُم مِّنَ اللَّهِ مَا لَمْ يَكُونُوا يَحْتَسِبُونَ " الزمر47 أوعى تتغر عشان دى من صفات عباد النار عبد الرحمن : طب يا سيدى مش هتغر خلصنى بأى معاذ : أخلصّك من إيه هو أنا ماسك النار فى إيدى خلص نفسك بنفسك عبد الرحمن : هتستظرف خش على الصفة إللى وراها تابعونا.. . . . .
__________________
مسلسل من نوع خاص
لن تجد له مثيل ..... بل لن تجد له ندُ فى عالم المسلسلات إذا أردت أن تعرف ما هو ذاك المسلسل فما عليك إلا أن تضغط هنا يوميات شاب عادى
|
|
#73
11-03-2011, 02:20 PM
|
|||
|
|||
|
ما شاء الله موضوع أكثر من رائع
ربنا يبارك فيك ويحفظك وتفضل هذه الهدية البسيطة منى 
__________________
|
|
#74
11-03-2011, 06:28 PM
|
||||
|
||||
|
قصة جميلة اوى ,,,,,,,يا ريت متتأخرش علينا بقى
__________________
ليتنا مثـل الطفولـه بالبرائـه..مانخـون
ماندل الاطريق الصدق مانعـرف نفـاق ليتنا مثل الامومه قلبـي وقلبـك..حنـون لاانت ترضى في فراقي ولا انا بعدك يطاق وليت شوقك لي مثل ماانا على حر اشتياق صنعـــت لنفسـى قنـاع..بعيــد عن الخـداع والـزيـف والنفـاق..قنـاع لا يرسم ســوى فرحـى وابتسامتـى وسعادتـى المصطنعـه..قنـاع يخفـى الحـزن الـدفيـن بـــــ داخلى
|
|
#75
12-03-2011, 05:15 PM
|
|||
|
|||
|
بارك الله فيكم
وآسف على التاخر دعواتكم
__________________
مسلسل من نوع خاص
لن تجد له مثيل ..... بل لن تجد له ندُ فى عالم المسلسلات إذا أردت أن تعرف ما هو ذاك المسلسل فما عليك إلا أن تضغط هنا يوميات شاب عادى
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:55 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
