محتاجه ردودكم جدا هام جدا

[صفاء الجمل]

انا فى مشكله كبيره قوى من فتره طلبت منى الموجهه ان اسجل فى عهدتى مكتبات الفصول ولكن انا اعتذرت ورفضت عشان معنديش مكان ليهم والمكتبه مشتركه يعنى لو حطيتهم9 مكتبات بكراتينهم داخل المكتبه من غير دولاب يتقفل عليهم هايتسرقوا وهاروح فى مصايب النهارده قالتلى لو ما سجلتيهمش مش هانمضيلك ورق تعيينك وهانفسخ عقدك عشان مدير عام المكتبات بيلف على المدارس عشان الموضوع ده وحاولت كذا مره اشترى دولاب لكن مش نافع كده خالص وباءت المحاولات بالفشل وانا مش عارفه اعمل ايه دلوقتى كده مشكله وكده مشكله
ارجو المساعده فى وضع الحلول

[صفاء الجمل]

هاموت من التفكير مش عارفه اعمل ايه شايفين الظلم

[roma pasha]

خلى امين المكتبة المشتركة يمضيلك على العهدة اللى هتحطيها وبكده هتضمنى انه هيحافظ عليها

[صفاء الجمل]

عرضت عليه قبل كده ومما لا شك فيه رفض بشده

[sakhawey2]

استفساران:
1- المعروف أن مكتبات الفصول تكون داخل الفصول وليس داخل المكتبة، فكيف يطلب من حضرتك وضعها في المكتبة؟
2- ومعلوم أيضاً أن مكتبات الفصول تستعار كتبها من مكتبة المدرسة، فكيف لم تسجل كتب مكتبات الفصول في عهدة المكتبة من قبل؟
-----------
أمر آخر أختي الفاضلة : وهو أنه يجب أن يكون هناك تضامن في عهدة المكتبة بينك وبين جميع من يعملون في المكتبة، بحيث لو ضاع شيء يكون مسئولية الجميع وليس مسئوليتك وحدك.

أخوكم / السيد السخاوي - موجه مكتبات

[zaky zaky]

جزاك الله خيرا يا استاذ سيد على هذا الرد والذى استفدنا منه كثيرا

[مستر محمد العفيفى2]

لو ضاع 100 كتاب حطيهم فى الجرد

[whitehatem]

المشاركة الأصلية كتبت بواسطة صفاء الجمل

انا فى مشكله كبيره قوى من فتره طلبت منى الموجهه ان اسجل فى عهدتى مكتبات الفصول ولكن انا اعتذرت ورفضت عشان معنديش مكان ليهم والمكتبه مشتركه يعنى لو حطيتهم9 مكتبات بكراتينهم داخل المكتبه من غير دولاب يتقفل عليهم هايتسرقوا وهاروح فى مصايب النهارده قالتلى لو ما سجلتيهمش مش هانمضيلك ورق تعيينك وهانفسخ عقدك عشان مدير عام المكتبات بيلف على المدارس عشان الموضوع ده وحاولت كذا مره اشترى دولاب لكن مش نافع كده خالص وباءت المحاولات بالفشل وانا مش عارفه اعمل ايه دلوقتى كده مشكله وكده مشكله
ارجو المساعده فى وضع الحلول

يوجد حل أخر
شراء سجل مكتبات الفصول او تصميمه علي الورد أن أمكن لك ذلك
ويقوم السادة المدرسين رواد الفصول بالتوقيع علي الكتب المستلمة من حضرتك
كل فصل علي حدة
ولو مش عايزين الكتب في الفصول تفضل عند حضرتك في المكتبة
ولكي في الجرد صلاحية 1000 جنيه مصري حسب النشرة الأخيرة
بنسبة 3% تالف و 3% فاقد من قيمة العدد الأجمالي للكتب المسجلة في دفتر اليومية الخاص بمكتبتك

[w3w3w3]

المشاركة الأصلية كتبت بواسطة مستر محمد العفيفى2

لو ضاع 100 كتاب حطيهم فى الجرد

طبعا كلام حضرتك استاذ محمد غير صحيح المسموح به 3%فاقد و3% تالف فى حدود 1000 جنيه وهذا طبعا كلام على ورق فقط لايطبقه أحد ولايسمح به .
الحل فى هذه المشكلة ان تسجل الكتب فى دفتر يوميةالمكتبة وتكون مسئولية الجميع متضامنين ثاني اقترح على الاخت صنع دولاب خشبى اوشراء دولاب ايديال على حسابها وتضع فيه الكتب وامرها إلى الله . مرتب شهرين ولاخراب مالطة