نقل للعقد

[لمياء منصف]

أنا من سوهاج وتجوز إن شاء الله فى محافظة تانية ومش عارفة أعمل ايه هيثبتونا وإلا لا أسيب التعاقد ولا فيه نقل للعقد مش عارفة أعمل ايه حد يعرف حد حول عقده من محافظة لمحافظة تانية أرجو الرد قبل فوات الأوان

[استاذ رفعت]

لا طبعا لا لتحويل لاللتثبيت هنفضل كدة

[المعلم الحزين]

والله ياختي انا اسمع ان التحويل ممكن في حالة النقل من ادارة لادارة داخل المديريه الواحده داخل المحافظة في المراكز لكن بالنسبه من محافظه لمحافظة اعتقد انك تستني سويه ومتسرعيس لانه لو سبتي العقد ممكن ميرجعس تاني وانتي عارفه العقود غاليه اليومين دول اهدي باقي السنه دي مس هيحصل حاجه ولا العريس مستعجل

[miss_emy]

مفيش نقل وكل اللى حصلهم نفس ظروفك سابوا العقد

[sarah hany]

على فكرة يا اختى انا من محافظة كفر الشيخ ومتزوجة من 6 شهور فى القاهرة وطبعا مشكلتك دى فكرتنى بنفسى وبمعاناتى

ولا تتخيلى مدى معاناة السفر خاصة انا فى شهور حملى الاولى ويعلم ربنا مدى معاناتى انا وزوجى بس انا مش قادرة اخد قرار ان

اسيب العقد بعد سنين العذاب دى وخاصة ان احنا كل يوم بيعشمونا بموضوع التعيين وحاولت بكل الطرق ان انا انقل او حتى انتداب بس

للاسف مفيش فايدة انتى ممكن حضرتك تستنى شوية لغاية الصيف لما نشوف اخرتها ايه جايز يحسوا على دمهم ويعينونا وربنا

معاكى ومعايا ويسرلنا امورنا ........................... امين يا رب

[علي عضاضلي]

والله ما اكون منكو لاختار الجــــــــــواز..
الدنيا متاع وخير متاعها الزوجة الصالحة(حديث شريف)

[ammhhe]

شكرا اخى على


والله انا اسمع ان التحويل ممكن في حالة النقل من ادارة لادارة داخل المديريه الواحده

[جارةالوادى]

مفيش يااختى للاسف فى التربية والتعليم نقل للعقود محافظات ده ممكن فى الازهر بس هى مشكلة صعبة جدا بس منهم لله مش حاسين بظروفنا عموما ربك ييسرها عليكى وعلينا ويفتح لنا ابواب رحمته ونتعين وتنقلى ان شاء الله
ربنا يفرج كربك وييسرلك امرك اللهم امين