اهلا وسهلا بك فى بوابة الثانوية العامة ... سجل الان

Prev المشاركة السابقة   المشاركة التالية Next
  #1  
قديم 08-09-2011, 02:02 PM
الصورة الرمزية eng.ahmed55
eng.ahmed55 eng.ahmed55 غير متواجد حالياً
طالب جامعى ( كلية حاسبات ومعلومات )
 
تاريخ التسجيل: Jul 2009
المشاركات: 537
معدل تقييم المستوى: 15
eng.ahmed55 is on a distinguished road
افتراضي التعرف على شركتى cisco&comptia

شهادات سيسكو CISCO ::::

سيسكو تعتبر اكبر مزود لتقنية الشبكات في العالم
وهى شركة عملاقة قى كل شىء ... بتعتمد على الكفاءة والانتشار
ماعتقدشى ان حد ماسمعشى عنها ... الشركة مش ابدعت بس ..لا كملت ابداعها بانها قدرت تسوق منتجاتها لكل بقاع العالم ... على عكس شركات كتير ابدعت بس ماقدرتشى تسوق منتجاتها ... واكيد احنا عارفين ان سر نجاح مايكروسوفت هو انها احسن شركة فى تسويق المنتجات بتاعتها .. بالرغم ان المنتجات دى تيييييت... احم احم ..يارب اجعل كلامنا خفيف على بيل جيتس واصحابة :D
المهم نيجى لشهاداتها ..
اولا قبل مانقسم كشهادات هنقسم كرتب ..

عندنا 3 رتب لشهادات سيسكو .:.

المستوى الأول --> مستوى ال associated (المبتدئيين)
المستوى الثاني--> مستوى ال professional (المحترفين )
المستوى الثالث--> مستوى ال expert (الخبراء)

المستوى الاول associated :: وده عبارة كورس CCNA وده بيكون البداية لأى مبتدأ فى سيسكو ..وممكن ادرس بدالة CCDA بس ده متخصص فى ال design بتاع الشبكة بس يعنى الشكل بتاعها وكده ...بس ccna اقوى .

لما اخلص المستوى ده ابدا اخش عالمستوى الثانى

المستوى الثانى professional :: وشهادات المستوى ده يا جماعه مطلوبة جدا جدا فى سوق العمل وده لنقص الحاصليين عليها وخاصة فى مصر والدول العربية ..
المستوى ده بيقدم مجموعه شهادات هى:

1..شهادة CCIP cisco certified Internetwork Professional
2.شهادة CCNP Cisco Certified Network Professional.
3.شهادة CCSP Cisco Certified Security Professional.
4.شهادة CCVP Cisco Certified Voice Professional.
5.شهادة CCWP Cisco Certified Wireless Professional.
6.شهادة CCDP Cisco Certified Design Professional

المستوى الثالث expert ::: وشهادة المستوى ده CCIE
الشهادة عالية اوى اوى اوى وعلى فكرة لما حد فى مصر بيحب بمتحن الشهادة دى بيسافر امريكا ... لان مفيش عندنا اجهزة بالامكانيات العالية دى ...عدد قليل اوى اوى اللى حاصل عليها ... وبيكون مرتباتهم خرافية لا يتخيلها عاقل ... بالتوفيق

.................................................. .................................................. ............................


شهادات شركة comptia ::

اولا:: شركة كومتيا هى شركة لاتهدف للربح ( عكس الباقى مايكروسوفت وسيسكو)
هى فقط شركة بتقدم شهادات ومش تحت مسمى معين
يعنى ايه الكلام ده ؟؟؟
يعنى مثلا شركة مايكروسوفت لما بتيجى تدرس شهاداتها بتدرس بناء على منتجاتها
وده واضح لما باجى ادرس مثلا mcse بدرس مثلا تراك اسمه windows xp professional
الويندوز اكس بى منتج من منتجات مايكروسوفت وهى بتدرسة فى شهاداتها..
...لا كومتيا غير كده ....
كومتيا ماعندهاش منتجات اساسا عشان تدرس عليها ... بس هى مجرد شركة بتقدم شهادات للمبتدئين فى المجالات المختلفة ... يعنى مثلا بتقدم A+ & N+ للمبتدئين فى الشبكات ..... بتقدم security+ للمبتدئين فى السكيورتى ... lunix+ للمبتدئين فى اللينكس ...وهكذا

بالنسبة لنا بنتكلم عن الشبكات ...يبقى هنتكلم عن شهادتين A+ & +N

+A ---> الشهادة دى لما بدرسها بيتقال عليا تكنشن ..وده لانها بتشرح الهاردوير بالتفصيل الممل .... وهى مهمه جدا للى ناوى يدرس شبكات مايكروسوفت .

+N --> الشهادة دى بتدرسلى ال basics بتاعه الشبكات بشكل عااااام وهنعرف بعد كده انها بتدينى فكرة عن troubleshooting .... وعن ال routing .... وعن ال switching
واخيرا حصل تنسيق بين مايكروسوفت وكومتيا بحيث يتم معادلة شهادة N+ بتراك من تراكات MCSA .... يعنى مثلا انا اخدت N+ وخلاص هبدأ اتجه لمايكروسوفت وادرش شهاداتها ... لما اوريهم شهادته N+ هيتم اعفائى من تراك من تراكات MCSA.

بالتوفيق



 

العلامات المرجعية

أدوات الموضوع ابحث في الموضوع
ابحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 09:52 PM.