اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > كليات المجموعة الرياضية > كلية التجارة

كلية التجارة ما يخص كليات التجارة لجميع الجامعات المصر ية

إضافة رد
 
أدوات الموضوع انواع عرض الموضوع
  #1  
قديم 07-10-2011, 02:15 PM
الصورة الرمزية vampire1188
vampire1188 vampire1188 غير متواجد حالياً
مشرف قسم كلية التجارة والجامعات والمعاهد الخاصة
خريج - كلية تجارة جامعة القاهرة
 
تاريخ التسجيل: Jul 2008
المشاركات: 2,173
معدل تقييم المستوى: 18
vampire1188 is on a distinguished road
New الموضوع الشامل للكورسات والبرامج التدريبية لكلية التجارة


السلام عليكم ورحمة الله وبركاته
النهارده موضوعنا مهم جدا جدا جدا لاقصي درجة

بس قبل ما ابدأ احب انوه عن شئ بس كدا
اولا أأسف على التأخير فى وضع الموضوع
ثانياً انا كنت هاحط الموضوع داخل الموضوع الخاص بجامعة القاهرة بس رجعت في رأيي وقولت اخليه فى موضوع منفصل لوحده عشان الخطاب يبقى موجه لكل الناس فى كل جامعات مصر وعشان كلنا نستفيد منه
طبعاً كلنا دخلنا الكلية فيه مننا اللى اتخرج ومننا اللى لسه بيدرس ومننا اللى لسه داخل الكلية جديد مايعرفش حاجة
في موضوع النهارده انا باذن الله هاركز على الناس اللى بتدرس والناس اللى لسه داخلين الكلية جديد
ودا معناه اني هاقسم الموضوع على مرحلتين
1- مرحلة ما اسميه "المبتدئين جامعياً"
2- مرحلة "طلاب الجامعة"

النهارده هانتكلم عن شئ مهم جدا وانا اعتبره مهم لدرجة انه ممكن يفوق اهمية انك تجيب تقديرات فى الكلية
موضوعنا النهارده هــو

الكورســـــــــــــات

وكالعادة عشان بقى نبقى منظمين وحلوين كدا مع بعض ومانتوهش انا هاقسم الموضوع على كذا بوست

واللى عنده اى اسئلة فى جزئية معينة او حتى معلومة يتفضل يشاركنا بيها ويبقى مشكور جدا

سمو باسم الله ويالا بينا نبدأ الرحلة

رد مع اقتباس
  #2  
قديم 07-10-2011, 02:19 PM
الصورة الرمزية vampire1188
vampire1188 vampire1188 غير متواجد حالياً
مشرف قسم كلية التجارة والجامعات والمعاهد الخاصة
خريج - كلية تجارة جامعة القاهرة
 
تاريخ التسجيل: Jul 2008
المشاركات: 2,173
معدل تقييم المستوى: 18
vampire1188 is on a distinguished road
Impp تمهيـــد

- مرحلة المبتدئين جامعياً -

خلصت الثانوية العامة بتاعتك .. دخلت الكلية

بطيـــخ مش عارف اي حاجة في اي حاجة وابيض يا ورد
بتبص للناس اللى اكبر منك في الكلية بتحس انك قد ايه جاهل

كل دا عااااااادي .. شعور طبيعى بيراود اى شخص داخل الكلية جديد
ومش عيب انك تكون جاهل في مرحلة زي اللى انت فيها دي
لكن العيب انك تعدي المرحلة دي وتخش فى مرحلة تانية وتبقى لسه جاهل

مرحلة المبتدئين جامعياً دى بتبدأ من اول ما رجليك بتخطى عتبة باب الجامعة وبتنتهى مع نهاية سنة اولي كلية
ودا مش تعريفي انا .. دا المتعارف عليه في جميع جامعات العالم
ومعلومة ليكو وللزمن برده .. اكاديميا الطلبة بتتقسم لرتب بناءا على السنة الدراسية الملتحق بيها الطالب
طالب السنة الاولى بيبقى اسمه freshman
طالب السنة التانية بيبقى اسمه
sophomore
طالب السنة التالته بيبقى اسمه
junior
واخيرا طالب السنة الرابعة بيبقى اسمه
senior

وبالتالى تركيزنا فى البوست دا هايبقى منصب فقط على الناس الـ freshman

طب دلوقتى انت عايز تبتدي طريقك هاتبتدي ازااااى ؟؟

بص ياسيدي .. تخيل انك واقف في ميدان كبير والميدان دا متفرع منه 6 طرق وكل طريق منهم طوله 200 كيلو
(يعنى زي المسافة بين القاهرة واسكندرية تقريبا)

بالسينس كدا .. هل هاتقدر تمشي في طريق طوله 20 كيلو وانت مش معاك مايه ولا اكل ولا هدوم ؟

أكيد لاء طبعا .. ودا معناه انك قبل ما تخش في الطريق اللى انت عايزه من الـ 6 طرق دول انت محتاج تحضر نفسك كويس عشان تبتدي الرحلة .. صح ؟؟

- الميدان اللى انت واقف فيه دلوقتى دا هوا نقطة الصفر الى هاتبتدأ منها كل حاجة
- الـ 6 طرق دول بيمثلو 6 انواع من التخصصات اللى انت تقدر تتخصص فيها من خلال الكورسات (وهانعرفهم بعدين)
- المايه بتمثل الانجليش او اى لغة تانية غير العربى
- الاكل بيمثل الكمبيوتر
- الهدوم بتمثل السوفت سكيلز بتاعتك (وهانعرف يعنى ايه سوفت سكيلز في وقتها)

لو انت ظبطت مايتك واكلك وهدومك يبقى انت كدا جاهز انك تختار طريق من الـ 6 طرق عشان تمشي فيه وتوصل لآخره بنجاح

اذن نستنتج من دا ان احنا دلوقتى هانركز على المايه والاكل والهدوم

ازااااااااى ؟؟؟
هانعرف ازاى ان شاء الله فى البوست القادم

يتبـــع ،،،
رد مع اقتباس
  #3  
قديم 07-10-2011, 09:01 PM
الصورة الرمزية vampire1188
vampire1188 vampire1188 غير متواجد حالياً
مشرف قسم كلية التجارة والجامعات والمعاهد الخاصة
خريج - كلية تجارة جامعة القاهرة
 
تاريخ التسجيل: Jul 2008
المشاركات: 2,173
معدل تقييم المستوى: 18
vampire1188 is on a distinguished road
افتراضي تمهيد 2

خلونا نبعد ولو لدقيقة كدا عن تفسير المايه والاكل والهدوم ونبص للموضوع بشكل مختلف

احنا قعدنا 6 سنين في ابتدائى و 3 سنين في اعدادي و 3 سنين في ثانوي بندرس
يعنى لو جمعتهم على بعض هاتلاقي نفسك مر عليك 12 سنة بتتعلم
ماسألتش نفسك في يوم من الايام انا بتعلم ليه ؟؟!

هل عشان انا مجبر على كدا ؟
هل عشان ابقى زي ابن خالتى الدكتور ولا ابن عمتى المهندس ؟
هل عشان لما ابقى متعلم الناس هاتحترمنى ؟
هل عشان ابقى متأهل كفاية لانى اشتغل شغل كويس واقبض كويس واتجوز ؟

لو كانت اجابتك واحده من الاسئلة اللى فوق دي فايؤسفنى القول بان تفكيرك في النقطة دي محدود

ليــــه ؟؟

لان الانسان بطبيعته بيبقى تواق لانه يوصل للحاجة اللى هوا عايزها .. وبمجرد مابيوصل بيمل ومابيعجبوش الوضع وبيبقى عايز حاجة احسن واكبر

وبما ان دي طبيعة بشرية حقيقية موجودة فى كل انسان وربنا خلقها فى كل واحد فينا ليه احنا بقى مانستغلهاش الاستغلال الصح ؟

ليه بتحط سقف لطموحك ؟ ليه بتقول انا مش هاقدر ؟
مع انك في قرارة نفسك من جوا واثق تماما انك لو شديت على نفسك وتعبت شوية هاتعمل النتيجة اللى ترضيك

ارجع بذاكرتك لورا وافتكر انت كام مرة تعبت فيها وذاكرت وجيبت درجات عالية ؟
ارجع بذاكرتك لورا وافتكر انت كام مرة تعبت في نشاط معين وخدت شهادة تقدير ؟
ارجع بذاكرتك لورا وافتكر كام مرة اتعلمت حاجة وتعبت فيها والناس صقفتلك وقالتلك برافو وكنت مبسوط ؟
اذا العملية واضحة اهي .. شوية تعب مع شوية تركيز مع شوية اجتهاد والنتيجة بتكون شئ كويس يرضينى ويرضي طموحى

وكنتيجة للكلام اللى فات دا لازم مانحطش حدود لطموحنا
خلي طموحك مفتوح وبلا نهاية
بس في سبيل دا لازم تبقى منظم في افكارك وترتيبك للطموح دا
بمعنى ان العملية ماتبقاش ملخبطة
ودي مشكلة كبيرة للاسف بيقع فيها اغلبية الطلبة والخريجين
وانا نفسي كنت بقع فيها لغاية ما عيدت ترتيب اوراقي من جديد

اللخبطة دي بقى بتيجي ازاى ؟؟

الواحد بيخش الكلية جديد .. اول حاجة بيسأل عليها انا لما اتخرج هاشتغل ايه ؟
صيغة السؤال ذات نفسه غلط ومستفزة
الصيغة الصح انك تقول ايه الامكانيات اللى المفروض تتوافر فيا عشان اشتغل في وظيفة معينة انا عايزها

وهيا دي احد المشاكل اللى بتواجه الاف الخريجين سنوياً
بيتخرج وهوا اصلا ماعندوش اى مهارات ولا اي حاجة ويقولك انا مش لاقى شغل او لاقيت شغل بس مش عاجبنى

طب وهوا انت ايه امكانياتك اصلا ؟!
كلنا نفسنا نشتغل في مايكروسوفت واوراكل وحازم حسن .. الخ الخ
بس هل انت قادر على انك تشتغل فى شركات زي دي ؟

المشكلة الحقيقية هنا بتبقى فيك انت مش في الشركات
الشركة عايزة شخص يكون متوافر فيه واحد اتنين تلاته
وانت قدمت واترفضت .. ليه ؟ لانك ماعندكش لا واحد ولا اتنين ولا تلاته

اذا دائما المشكلة بتبقى فيك انت مش فى الشركة

الوضع بالظبط زيه زي لعبة برو ايفليوشن اللى كلنا عارفينها
كل سنة بتنزل نسخة احدث من اللى قبلها .. طب افرض انك جيبت نسخة السنة دي وماشتغلتش على جهازك عشان امكانيات جهازك ضعيفة .. بالله عليك المشكلة هنا فين ؟
هل في الشركة اللى عملت اللعبة عشان نزلت لعبة مابتشغلش الا على اجهزة امكانياتها عالية ؟ ولا عشان انت جهازك امكانياته ضعيفة ؟

وعشان كدا زي ما قولت مافيش داعي لانك تلخبط نفسك او تحتار وتبقى مشتت .. العملية ابسط مما تتخيل بس محتاجة تعب

التاجر لما بيبقى عايز يبيع منتج معين بيحاول يقنع المشتري بكافة الوسائل انه يشترى المنتج دا
ولو المنتج حلو العميل بيشتري .. ولو المنتج مضروب العميل بيرفضه .. صح ؟؟

وكذلك انت نفس النظام .. انت ذات نفسك عبارة عن سلعة ولازم تكون سلعة كويسة مش مضروبة وتكون بكواليتي عالية عشان لما تيجي تسوق لنفسك عند الشركات من خلال السي في والانترفيوهات تبقى ساعتها الشركات تقبلك
وعشان كدا احنا دلوقتى هانبدأ نعرف ازاى تحضر نفسك خلال الاربع سنين بتوع الكلية بحيث ان باذن الله لما تتخرج تبقى سلعة كويسة ولما تيجي تقدم لشركات ساعتها الشركات ممكن تقبلك

وعشان تبقى سلعة كويسة ومنتج نضيف وتبقى قادر تمشي في رحلة الـ 200 كيلو اللى قولنا عليهم في البوست اللى فات
لازم يبقى معاك مايتك واكلك وهدومك

يتبع ،،،
رد مع اقتباس
  #4  
قديم 08-10-2011, 12:52 AM
مرموور مرموور غير متواجد حالياً
عضو قدير
 
تاريخ التسجيل: Aug 2011
المشاركات: 407
معدل تقييم المستوى: 13
مرموور will become famous soon enough
افتراضي

والله انا فعلا مش لاقيه كلام اقوله على المجهود الخرافى ده
ماشاءالله بجد حضرتك عندك خبره وطريقه فى الكلام روعه جدا
الله اكبر.. الله اكبر.. الله اكبر.. الله اكبر.. الله اكبر
خمسه الله اكبر
موضوع مميز تسلم الايادى
ومستيه الكلام عن الJUNIOR
ربنا يقدر حضرتك
وكمان حضرتك كنت وعدتنى انك تعمل موضوع عن التخصصات
ومزايا وعيوب كل قسم
شكرا على الموضوع الرائع
__________________
حياتي التي أعيشها .. كالقهوة التي أشربها .. على كثر ما هي مرة فيها حلاوة ..
متغيبه
رد مع اقتباس
  #5  
قديم 08-10-2011, 09:34 AM
الصورة الرمزية Analyzer.Mn3m55
Analyzer.Mn3m55 Analyzer.Mn3m55 غير متواجد حالياً
Student at Business Admenistration-MIS
 
تاريخ التسجيل: Oct 2008
المشاركات: 602
معدل تقييم المستوى: 16
Analyzer.Mn3m55 is on a distinguished road
افتراضي

رووووووووووعه استمر .. و لو مش يضايق حضرتك احب اضيف بعض الحاجات كده قريب
__________________
I`ll thank Allah for open my eyes..Now and forever I`ll be there for you..And I ask Allah to bless all we do..You`re my friend..and my strength



رد مع اقتباس
  #6  
قديم 08-10-2011, 09:56 AM
الصورة الرمزية اينشتاين العرب
اينشتاين العرب اينشتاين العرب غير متواجد حالياً
عضو نشيط
 
تاريخ التسجيل: May 2010
المشاركات: 206
معدل تقييم المستوى: 14
اينشتاين العرب is on a distinguished road
افتراضي

طب والله كده كتير
والله يا فامبير مش عارفين من غيرك كنا هنعمل ايه ؟؟
بجد انت عرفتنا حاجات لو كنا اتشقلبنا مكناش هنعرفها قبل ما نخلص جامعه
رد مع اقتباس
  #7  
قديم 08-10-2011, 10:38 AM
بنت الشاطئ1 بنت الشاطئ1 غير متواجد حالياً
عضو متواصل
 
تاريخ التسجيل: Jul 2010
المشاركات: 824
معدل تقييم المستوى: 14
بنت الشاطئ1 is on a distinguished road
افتراضي

نو كومنت
الكلام جميل جدا و يعجز الكلام عن الشكر و الله معلش على المداخلة مع انى مش تجارة خالص بس بصراحة انا بحب الكلية دى اوى و نفسى ادخلها و جايبه مجموعها و كل حاجة بس للاسف اوامر عليا بقى
بس بجد موضوعك جميل و يا ريت تكمل عشان نستفيد من خبرتك العالية
شكرااااااااااااااااااااااااااا
رد مع اقتباس
  #8  
قديم 08-10-2011, 01:48 PM
ali 2 ali 2 غير متواجد حالياً
عضو مجتهد
 
تاريخ التسجيل: Jun 2011
المشاركات: 86
معدل تقييم المستوى: 13
ali 2 is on a distinguished road
افتراضي

بجد مش لاقى كلام اقولة يا فامبير غير بجد تسلم ايدك وماوسك وكيبوردك

ومعلومات قيمة جدااا


ومستنى اكيد انا وكل طلبة التجارة البوست الجاى

ربنا يوفقك ويوفقنا كلنا يارب سنة سعيدة ان شاء الله

__________________


iam a live..... so... i can!!!
رد مع اقتباس
  #9  
قديم 08-10-2011, 09:26 PM
الصورة الرمزية Saifallah
Saifallah Saifallah غير متواجد حالياً
عضو نشيط
 
تاريخ التسجيل: Mar 2011
المشاركات: 178
معدل تقييم المستوى: 14
Saifallah is on a distinguished road
افتراضي

بجد احنا المفروض نفتخر ان عندنا مشرف على قسم تجارة زيك
__________________
لا اله الا الله عدد ما كان و عدد ما يكون وعدد الحركات والسكون
رد مع اقتباس
  #10  
قديم 09-10-2011, 10:11 AM
الصورة الرمزية ahmed mostafa ragb
ahmed mostafa ragb ahmed mostafa ragb غير متواجد حالياً
عضو جديد
 
تاريخ التسجيل: Aug 2011
المشاركات: 26
معدل تقييم المستوى: 0
ahmed mostafa ragb is on a distinguished road
افتراضي

جزاك الله خيرا يا محمود .......
رد مع اقتباس
  #11  
قديم 10-10-2011, 01:22 AM
الصورة الرمزية ملك عاشقة الرياضيات
ملك عاشقة الرياضيات ملك عاشقة الرياضيات غير متواجد حالياً
طالبه جامعيه(اولى تجاره جامعه القاهره)
 
تاريخ التسجيل: Sep 2010
المشاركات: 142
معدل تقييم المستوى: 14
ملك عاشقة الرياضيات is on a distinguished road
افتراضي

واللهى بدخل المنتدى علشانك ربنا يكرمك على فكره النهارده كانت اول محاضره لدكتور محمد شوقى بشادى انا اقعدت مركزه جدااااااااااااااااااااااااا الى اقصى حد والحمد لله فهمت كل المحاضره امال ايه بقى ولا الصدمه لسه بعدين بس انا بأذن الله لا استسلم ايه رايك يا فمبير فاللجنه الفنيه انا روحتلهم هما ناحيه باب مترو كده وقلتلهم دا انا عمله معرض فقطى وكده يعنى فقالولى هاتى حجتك واحنا نعرضهالك بس انا متردده مش عارفه ليه بصراحه
__________________
ارجع يا زمااان حن ياماضى .......ايام الحب مكااااان مكاان عاادى ولكان الشوق للناس تهمه ولا نظره عين وحنين ازمه ولا عقل الناس خاوى وفاضى ........حن يا ماااااااضى
رد مع اقتباس
  #12  
قديم 11-10-2011, 02:08 AM
bloodyman bloodyman غير متواجد حالياً
عضو جديد
 
تاريخ التسجيل: May 2011
المشاركات: 35
معدل تقييم المستوى: 0
bloodyman is on a distinguished road
افتراضي

موضوع اكتر من رااااااائع بجد مجهود خرافى
احنا مستنين باقى الموضوع بقى عان نستفاد اكتر ....
رد مع اقتباس
  #13  
قديم 11-10-2011, 07:30 PM
الصورة الرمزية vampire1188
vampire1188 vampire1188 غير متواجد حالياً
مشرف قسم كلية التجارة والجامعات والمعاهد الخاصة
خريج - كلية تجارة جامعة القاهرة
 
تاريخ التسجيل: Jul 2008
المشاركات: 2,173
معدل تقييم المستوى: 18
vampire1188 is on a distinguished road
افتراضي تمهيــد للانجليش

أولا احب اشكر كل الناس اللى شاركو معايا وربنا يوفقكو ان شاء الله
ثانيا نخش بقى في الموضوع على طول
آخر حاجة توصلنا ليها في البوست اللى فات اننا لازم نبقى بنفكر بايجابية ونفكنا من الكلام السلبي بتاع هاشتغل ايه ومافيش شغل والبلد بايظة والكلام الفكسان اللى لا بيودي ولا يجيب دا
ووصلنا كمان لان المشكلة الاولى والاخيرة بتبقى في السلعة البايظة مش فى التاجر .. يعنى هاتلف تلف والمشكلة هاتبقى فيك مش في الشركة
تمـــام اوي لحد كدا ؟؟

طب نسأل سؤال دمه خفيف وابن ناس
انت لو قعدت يوم واحد بس ماشربتش كوباية مايه .. ايه اللى هايحصل ؟
هاتبقى حاسس انك مش عايش حياة طبيعية وممكن تتضر صحياً .. صح ؟

وكذلك الحال فى مجال العمل "المحترم" في مصر
الانجليش يساوي بالظبط كوباية المايه
ليه بقى ؟ لان الشركات دي بتعتمد اعتماد كامل على الانجليش في تعاملاتهم اليومية
وبالتالى مستحيــل انها تقبل واحد مايعرفش انجليش
كام واحد دخل فندق او بنك او شركة وشاف ناس نضيفة جوا لابسه بدل و ID فى رقبتهم وبيشتغلو بروفيشنال ؟
كام واحد شاف الناس دي وقال لنفسه ياسلاااام لو اشتغل في المكان دا ؟
كام واحد سأل نفسه يا تري الناس دي بتاخد كام في الشهر ؟
كام واحد شاف موظف منهم وهوا خارج من الشركة وبيطلع الريموت بتاع العربية وبيبص للعربية يلاقيها عربية جامدة وبيقول يااااه امتى ابقى زيه ؟
خدوها معلومة بقى منى وحطوها دايما فى الحسبان
لو عايز تشتغل في مكان محترم وشركة ليها اسمها ونفسك في دا لاااااااااااااازم تبقى بتتكلم انجليش
وحط تحت بتتكلم انجليش دي مليووووون خط
وهانوضح المعلومة دي قدام
بس المهم اننا دلوقتى توصلنا لنقطة ان الانجليش دا شئ اساسي ماينفعش تشتغل من غيره في الشركات او البنوك النضيفة اللى بتشوفها في التليفزيون دي
.
.
.
الانجليش عموما عبارة عن لغة زي اي لغة
انت حضرتك نزلت للدنيا دي مش عارف اي حاجة في اي حاجة وبالتدريج بدأت تفهم الجو اللى حواليك
وواحده واحده عرفت ان لما تشوف حاجة ليها عقارب وبتعمل صوت دي يبقى اسمها ساعة
ولما تشوف حاجة بتعكس صورتك يبقى اسمها مراية
وهكذاااااااا
ومن هنا انت اكتسبت معرفتك باللغة العربية
ازاى ؟ بالتدريب والممارسة والتعامل مع البيئة المحيطة بيك
طب غير الوضع وتخيل نفسك انك في امريكا مثلا
وبرده اتولدت هناك ولسه خام مش عارف اي حاجة
ومع الوقت برده عرفت ان لما تشوف حاجة عليها ارقام كتير وليها شاشة صغيرة كدا يبقى اسمها calculator
ولما تشوف حاجة منورة وبتعرض حاجات دي يبقى اسمها TV
مش هوا هوا برده نفس الوضع ونفس الحالة ؟
اذن ايه اللى بيخلي شخص معين بيتكلم لغة معينة ؟
عشان الشخص دا محكوم بالبيئة اللى حواليه اللى بتتكلم اللغة دي

وبالتالى الشخص اللى قاعد في مصر مش فاهم لغة اللى قاعد في امريكا
وكذلك اللى قاعد في امريكا مش فاهم لغة اللى قاعد فى اسبانيا
طب والحـــل ؟ كدا كل واحد هايلتزم باللغة بتاعته وهاينفض للغة الناس التانية عشان هوا مش فاهمها ؟
اكيد لاء طبعا
وتيجي هنا حكمة ربنا لما قال "يا ايها الناس إنا خلقناكم من ذكر وانثى وجعلناكم شعوبا وقبائل لتعارفو"
شعوبا وقبائل هنا بتدل على اختلاف اللغات والعادات والثقافات
بس عشان مانوسعش الموضوع هانتكلم في اللغة بس

عشان نخلي الموضوع اوضح هانضرب مثال ظريف جدا
في يوم من الايام انت نمت وصحيت تانى يوم الصبح
وفجـــأة
لاقيت نفسك في جزيرة غريبة وفيها ناس بيتكلمو لغة انت اول مرة تسمعها في حياتك وعمالين يشاورو عليك وبيحاولو يتكلمو معاك بس انت للاسف مش فاهمهم ولا هما فاهمينك
وهوا يقولك مجازين وانت تقوله انا مش من شرم !!
هاتعمل ايه ؟؟
لما هاتيأس خالص هاتلجأ للاساليب البدائية فحت
الا وهى الاشارات
ومع الوقت هاتكتشف واحده واحده لغتهم
اذن نقدر نستفيد معلومة حلوة اوي من الجزئية دي
ان تعلم اي لغة لاول مرة بيبقى في منتهي الصعوبة وبيبقى حاجة خنيقة جدا
تانى معلومة نقدر نستفيدها من الكلام دا
انك عمرك مهاتبقى ضليع فى اللغة في شهر او اتنين
لا دانتا بتقعد مدة كبيرة عشان تتقنها وتبقى بتتكلم زي اهل اللغة ذات نفسها
واكبر دليل على كدا ان مثلا واحد مصري سافر السعودية وقاعد فيها بقيله سنة تقريبا
لو اتنطط ووقف على راسه مش هايتكلم زي اهل البلد
هوا ممكن يقلدهم اه بس هايتكشف
والموضوع دا مابيتمش اتقانه الا لما بتقعد فترة كبيرة هناك
بالتطبيق بقى على الانجليش كلغة ليها وضعها الخاص
هاتلاقي ان كل الكلام دا صحيح جدا جدا جدا

اولاً .. ايه اللى خلى الانجليش لغة مهمة في مصر ؟
دا بيرجع لسببيــن
1- اوائل التسعينيات الشركات الاجنبية بدأت تستثمر بصورة ملحوظة فى مصر وبطريقة مباشرة
يعنى تلاقي مايكروسوفت ذات نفسها جت فتحت لنفسها فرع هنا في مصر
قبل كدا مثلا كنت تلاقي مايكروسوفت اولريدي فاتحة في مصر بس عن طريق وكيل ليها
وبما ان الشركات دي امريكية اساسا وبيبقى فيه اتصال مباشر بينها وبين الشركة الام فى امريكا فا من الطبيعى ان الموظفين داخل الشركة يكونو على الاقل بيفهمو انجليش
2- مع اوائل الالفينات ومع افتتاح القرية الذكية ودخول مصر في مجال جديد اسمه صناعة التعهيد outsourcing
(وهابقى اشرحه بعدين مش دلوقتى خالص وانصح ان الناس تدور على النت وتفهم يعنى ايه تعهيد عشان دا عايزله موضوع لوحده)
بقت الشركات الاجنبية بتيجي مصر على اساس ان المصريين عندهم مستوي لغات عالى مش بس في الانجليش ودا بيخلي الشركات تيجي تستثمر بصورة كبيرة في مصر
واعتقد هما دول السببين الواقعيين اللى خلا الانجليش بقى ليه قيمة اكتر من العربى في مجال العمل داخل مصر
ودا عشان سبب واحد .. وهوا ارتباط فكرة المرتب العالى بالانجليش الكويس
لو انت بتتكلم انجليش تمام يبقى مرتبك عالى .. لو بطيخة يبقى مالكش فيها وتاخد فتافيت
طبعا دا للاسف المبدأ السائد حالياً .. واحنا بنتعامل مع واقع دلوقتى
والواقع دلوقتى بيقولك
المرتب العالى مع الانجليش العالى
المرتب النص نص مع الانجليش النص نص
والمرتب التعبان مع الانجليش التعبان
وسواء مؤيد او معارض للمبدأ دا عمره ماهايغير من الواقع حاجة
زي بالظبط الناس المؤيدة للثورة والرافضة ليها
سواء ايدت او رفضت كدا كدا في حقيقة ملموسة الا وهى ان الثورة حصلت واتكتبت في التاريخ خلاص

وبما اننا مخلوقات قادرة على التكيف مع البيئة المحيطة بيها لان الحمدلله ربنا خلقنا كدا وطبيعتنا كدا
يبقى لازم تسستم نفسك على الواقع والحقيقة دي

كدا احنا ربطنا كل النقط ببعضها عشان نكون فكرة شاملة وهى انك لازم تتعلم لغــة تانية غير لغتك الام
ناس كتيرة بتفضل الانجليش باعتباره اللغة المألوفة لينا كمصريين لان الكل درسه في المدرسة ويعرف خلفية عنه
مع ان انا شايف انه مش مقياس يعنى بس قشطة مش مشكلة
=========================
طبعا دلوقتى سيادتك حطيت ايدك على خدك وقولت في نفسك اوووووووبا
ايه الجنزبيل اللى احنا بقينا فيه دا بقى ؟ احنا ماتفقناش على كدا
دانا ماصدقت اخلص ثانوية عامية واشم نفسى شوية
ردي عليك هايبقى في سطر واحد
ناس كتيرة جدا جدااااا اتخرجت من الكلية وبيقولو ياريتنا كنا استغلينا الوقت اللى ضيعناه فى الكلية وكنا استفدنا بيه
ايه اللى خلاهم يقولو الكلام دا ؟
لانهم للاسف طلعو لسوق العمل وشافو ان فيه فرق كبير جدااا مابين اللى انت بتدرسه في الكلية وبين اللى الشغل طالبه
وعشان كدا بيتم تعويض المساحة الفاضية دي بالكورسات والتدريب
لان عمر ما كانت دراسة الكلية شئ كافى ابدا
فابعد اذنك اوعى ثم اوعى تنضم لطابور الناس دي بعد التخرج لان فعلا هايبقى حرام عليك
ومش هاتعرف قيمة الكلام دا الا لما تتخرج وتلاقي نفسك مش لاقي شغل ومافيش ولا شركة عايزة تقبلك وساعتها هاتقول ياريتنى
طب وعشان ماتقولش كلمة ياريتني دي تعمل ايــه ؟

تشد حيلك وتمشي على نفس الخطوات اللى قولتلك عليها في البوست اللى فات
1- ماتحطش سقف لطموحك وتقول انا مش هاقدر .. لاهاتقدر باذن الله بس اتعب شوية
2- ارمى حمولك على ربنا واتكل على الله وماتخافش
3- البداية دايما بتبقى خنيقة بس لما بتمشي بتلاقي نفسك تمام وبتقول ايه الحلاوة دي
4- رتب اولوياتك كويس اوي وحط اهداف ليك على المستوي البعيد والمستوي القريب وابتدي نظم نفسك على هذا الاساس
وانا ارشحلك ان اول حاجة تبتدي بيها هي الانجليش

ازاى ؟
هوا دا بقى موضوع البوست القادم ان شاء الله

يتبــــع ،،،
رد مع اقتباس
  #14  
قديم 11-10-2011, 08:53 PM
الصورة الرمزية ahmed mostafa ragb
ahmed mostafa ragb ahmed mostafa ragb غير متواجد حالياً
عضو جديد
 
تاريخ التسجيل: Aug 2011
المشاركات: 26
معدل تقييم المستوى: 0
ahmed mostafa ragb is on a distinguished road
افتراضي

جميل .............
جزاك الله خيرا ...
ياريت باقى الموضوع بسرعة شوية .......
رد مع اقتباس
  #15  
قديم 11-10-2011, 10:57 PM
bloodyman bloodyman غير متواجد حالياً
عضو جديد
 
تاريخ التسجيل: May 2011
المشاركات: 35
معدل تقييم المستوى: 0
bloodyman is on a distinguished road
افتراضي

الف شكر يا فامبير بس يريت بردو باقى الموضوع ينزل بسرعة عشان احنا مستعجلين اوووى
رد مع اقتباس
إضافة رد

العلامات المرجعية

الكلمات الدلالية (Tags)
سوفت سكيلز, كلية التجارة, كورسات, كورسات انجليزى

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 12:06 PM.