|
#1
05-10-2008, 03:14 AM
|
||||
|
||||
تشريح الضفدعه...لطلبه علوم وصيدله واسنان
 الصراحه...انا ملقتش حاجه احسن من الموضوع ده أقدمها لأعضاء المنتدي والطلبه في بدايه العام...وهي تشريح الضفدعه....المقرر علي طلبه (أولي علوم- اعدادي اسنان- صيدله..)...طبعا في معمل التشريح أول حاجه لازم الأدوات الأتيه اجباررررري علي كل الكليات: 1-البالطو 2-ادوات التشريح... وطبعا انا ياما أيام سنه أولي مدخلتش المعمل بسبب اني مكنتش بجيب الباطو ((طبعا كنت بتحجج علشان مدخلش المعمل وانزل السنتر))...المهم ...دلوقتي هنبدأ بشرح الضفدعه علي 3 أجزاء تقريبا وانا هنزل دلوقتي الجزء الأول ...وياااااارب تعجبكم ...وياريت بردو تقولولي ارائكم...ودي مجرد بدايه صغيره ليا في القسم .....معلش طولت عليكم...يـــــــــــــــــــــللا نبدأ... الأدوات المطلوبه: 1- البالطو الأبيض ((لو احمر ماشي شغال  )) 2- أدوات التشريح  وطبعا احنا مش محتاجين من أدوات التشريح دي غير الجفت والمقص والملقاط يعتبر. 3- طبق التشريح وهو عباره عن طبق ملئ بالشمع ...لتثبيت الضفدعه عليه.وده هنستخدمه في البيت عندنا بس...لأن في المعمل انت بتستلم طبق تشريح تشتغل عليه .. 4- دبابيس التثبيت كدا تمام...يللا نبدأ بالخطوات الأساسيه والأولي في التشريح.... ملحوظه: علشان تاخد درجه العملي كامله ...لازم لازم لازم وخليك فاكر كويس...انك تنفذ الخطوات الأساسيه الأولي بالحرف ولو غلطت في حاجه واحده أو نسيت خطوه بتنقص درجات حتي لو كان تشريحك 10/10. بسم الله نبدأ: 1- تخدير الضفدعه طبعا ده علشان تشريحك في البيت...انما في المعمل بتستلم ضفدعه متخدره جاهزه. بتجيب كحول محول وتغمس فيه قطعه من القطن...وتضعها أمام فم الضفدعه الي ان يتم تخديرها...  2- خطوات ماقبل التشريح: 1- ضع الضفدعة على ظهرها في طبق التشريح  2- ثبت أطرافها بدبابيس مائلة إلى الخارج ...ثم ضع كميه مناسبه من الماء في طبق التشريح ..وذلك لسهوله التشريح...كما ان الماء يذوب فيه الدم الخارج من الضفدعه...  3- أمسك الجلد بالملقط أو بالمقص بين الفخذين في منطقة الارتفاق العاني وأعمل فتحة صغيرة فيه بالمقص . لاحظ خروج سائل رائق شفاف من تحت الجلد هو اللمف .  4- اقطع الجلد على طول الخط المنصف حتى الارتفاق الذقني ، ثم قصه بحذاء كل طرف واجذبه إلى الخارج وثبته بالدبابيس ما أن تقص الجلد حتى يتكشف لك الجدار العضلي للجسم وهو يتركب من عدد كبير من العضلات الإرادية التي تتصل بالهيكل وتحرك أجزاؤه المختلفة .      5-افتح التجويف البطني وذلك بان تمسك الملقط بالعضلة المستقيمة البطنية اليمنى عند النقطة ( a ) إلى اليسار قليلاً من الخط الأبيض الذي تستطيع أن ترى من خلاله الوريد البطني الأمامي .  6- اقطع بالمقص جدار البطن في اتجاه السهم ( 1 ) حتى تصل إلى الغضروف السيفي ، ثم أكمل القطع ماراً بالخط المنصف البطني في هذا الغضروف والحزام الصدري حتى تصل إلى النقطة ( b ) وكن حذراً فلا تلحق ضرراً بالقلب .   7- أدر طبق التشريح 180 درجة بحيث يقع الرأس أمامك ، ثم أقطع الجزء الأيمن من جدار البطن في اتجاه السهم ( 2 ) حتى تتخلص منه تماماً ، واتبع ذلك بقطع الجزء الأيسر من جدار البطن في اتجاه السهم ( 3 ) ينبغي أن تراعي في أثناء عمل هذا القطع الأخير أن الوريد البطني الأمامي يتصل بجدار البطن على طول الخط الأبيض بغشاء رقيق.  8- اقطع هذا الغشاء بطرف المقص بحذر شديد . 9- اربط الوريد البطني الأمامي بخيط رفيع بالقرب من الفخذين وكذلك بالقرب من مصبه في الكبد ، ثم اقطعه بالمقص بين العقدتين. ياما نقصت درجات بسببه....ولو طلب منك الجهاز الشرياني أو الوريدي في التشريح...سيبه زي ماهو واوعك تقطعه.....    ياريت المشرفين يثبتو الموضوع....ولو عجبكم قولولي علشان اكمله ان شاء الله...
__________________
https://www.facebook.com/islam.nasr.7 
|
|
#2
05-10-2008, 07:05 AM
|
||||
|
||||
|
الجزء الثاني....
يللا نبتدي مع بعض الجزء التاني....وهو تشريح طبيعي للتعرف علي الأجهزه الحيويه بداخل جسم الضفدعه(الجهاز الهيكلي skeleton of frog,,الجهاز الهضميdigestive,,والجهاز البولي urinary genetal system...)...وده الشغل بتاعنا ان شاء الله طوال التيرم في المعمل...وهو ده اللي هيتم فيه الأمتحان العملي بتاع الحيوان...والجزء الثالث لينا هيكون مع كتاب التشريح والرسومات التوضيحيه للتشريح بالصور المرسومه...وكمان هيكون فيه شكل جهاز هيكلي لعظام الضفدعه الحقيقيه...
يـــــــللا نبدأ(((محدش يقولي انا بقرف أو شكلها وحش  )))....بعد ماقمنا بخطوات ماقبل التشريح والتخدير نبتدي نتعرف بقي علي الأجهزه بتاعتها واحده واحده....والصور اهه...                         :STRUCTURES   الي اللقاء في الجزء الثالث بأذن الله....
__________________
https://www.facebook.com/islam.nasr.7
|
|
#3
05-10-2008, 03:23 PM
|
||||
|
||||
شكرا يا اسلام باشا
على الموضوع الرائع والجميل ده وتم التثبيت يا باشا كنت قولي على طول ..مش لازم تتعب ا/عصام
|
|
#4
05-10-2008, 04:40 PM
|
||||
|
||||
|
ليه بس كده
قلبى وجعنى اصل الحيوانات بتصعب عليا اكتر من البنى ادمين بس لازم نعمل كده غصب عننا شكرا عالموضوع
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#5
05-10-2008, 07:13 PM
|
||||
|
||||
|
هو ده هنعمله فى صيدله؟؟ فى سنه كام ده بقى؟؟؟
|
|
#6
05-10-2008, 07:46 PM
|
||||
|
||||
|
اقتباس:
بالنسبة لاسكندرية الاسبوع الجاي ان شاء الله
|
|
#7
05-10-2008, 07:59 PM
|
||||
|
||||
|
اقتباس:
شكرا يادوكتور علي تثبيت المواضيع...جزاك الله كل خير
__________________
https://www.facebook.com/islam.nasr.7
|
|
#8
05-10-2008, 09:06 PM
|
||||
|
||||
|
شكرا ليك علي المعلومات
__________________
 ماتت قلوب الناس ...ماتت بينا االنخوة
|
|
#9
05-10-2008, 09:30 PM
|
||||
|
||||
|
شكرا جزيلا يا ستار وربنا يخليك ستار ونجم دائما تنظر الى اعلى من اجل الطموح مفيش تشريح للجثث ولا كفاية الضفدعة
__________________
سبحان الله وبحمده سبحان الله العظيم 
|
بجد بكيت من القلب
|
#12
05-10-2008, 10:24 PM
|
||||
|
||||
|
اقتباس:
ليه بس كده لازم تجمدي كده ولا انتم بس عايزين تقعدوا في الاول في المحاضرات وخلاص وننسى العملي بقى انا شكلي اساسا اول واحد حسيب الضفدعة واجري 
|
|
#13
06-10-2008, 01:37 AM
|
||||
|
||||
|
اقتباس:
مانا بقول كده برده ربنا يستر بس هى بتعيش ازاى بعد اللى بيعملوه فيها ده
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#14
06-10-2008, 08:52 AM
|
||||
|
||||
|
هههههههههه
الحمد لله  الواحد طب كده شرح الضفدعه النهارده بس صراحه هو مش تشريح تشريح يعنى احنا مش عايزين كل الكلام ده كل اللى خدناه منها حته عصب و العضله بتاعتها بس  بس كان منظر مقرف و هو بيطلع الاحشاء يتاعتها بعد ما قصها من النص و خبطها على طماغها  يلا يا مسهل المفروض اننا نعملها عملى بايدينا بقى الاسبوع الجاى  بس بردوا انتوا مقرفين اكتر مستحملتش اشوف الصور كلها  فى رعايه الله
__________________
 In God's care HaPpiLy eVeR aFtEr
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:00 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
