ساعدونى

[مكاريوس عبيد]

مش عارف ازاكر فيزياء ساعدونى

[~ Smile 4 Life ~]

أنا في الاول كنت مش عارفة أذاكرها برضه بس دلوقتي الحمدلله ماشية كويس..خاصة بعدما سمعت لتعليقات طلبة هنا ساعدوني فيها
أهم شئ انك تذاكر اللي أخدته في نفس اليوم وأنا دلوقتي بقيت بحاول أفهم الدرس اللي لسه هناخده قبل الحصة يعني بحضره عشان أكون فاهمة الاستاذ بيشرح ايه ,وصدقني دي طريقة كويسة جدا حتي لو مكنتش فاهم أي حاجة قبل الحصة عالاقل هتبقي عندك فكرة عن اللي هيشرحه الاستاذ..
وكمان لازم تحل كتير ومتضايقش لو غلطت لاننا كلنا بنغلط في الاول وبعد كده بتبقي الاسئلة سهلة جدا مع التكرار ..والاهم انك تذاكرها يوميا
ربنا معاك ومعانا ان شاء الله

[مكاريوس عبيد]

شكرا اختى اسراء

[~ Smile 4 Life ~]

المشاركة الأصلية كتبت بواسطة مكاريوس عبيد

شكرا اختى اسراء

الشكرلله وللطلبة الافاضل اللي هنا في المنتدي لانهم بجد ساعدوني كتير..

وبالتوفيق ان شاء الله

[طالبة حالمة]

1/ اقرأ كل جزئية بفهم اولا وبعد كده كررها على مهلك
2/ لخص فى ورقة اللى انت ذاكرته من دماغك من غير ما تبص فى الكتاب خالص حتى لو مش فاكر حاجة عدى واكتب كل اللى انت فهمته بس وبعد كده ارجع للكتاب بعد ما اتخلص وشوف اللى انت نسيته وعيد عليه(ما اتملش من حكايةالتلخيص دى جربها وهتشوف النتيجة فى الاخر)
3/ هات كتاب خارجى طبق اسئلة نظرى وحل المسائل وقبل ماتروح الدرس اقرا ع السريع وبكده هتثبت الدرس فى دماغك بس نصيحة كل نهاية اسبوع هات من الاول الا وهتتعب فى المراجعة
بالتوفيق

[د/نداء الجنة المصرية]

طبيعى جدا تلاقى صعوبة فى بداية الفيزيا لكن المهم تصمم تذاكر وتحل اكبر كم ممكن من المسائل وترسم الرسومات كمان اللى فى كتاب المدرسة انا عارفة ان ناس كتييييرجدابتقول ان كتاب المدرسة فى الفيزيا مالوش لازمة لكن لالازم تقرا كتاب المدرسة كويس وهو ليه لازمة واهمية كبيره كمان ودايما يفضل انك تحل مسائل من اكتر من كتاب وعلى فكرة لو مافهمتش من مرة والتانية والتالتة برده اقرا الدرس تانى ووصمم تفهمه بالكتابة بالقراءة باى طريقة المهم يبقى عندك تصميم انك هتتقن الدرس ده كويس وبالعكس لما تلاقى صعوبة اكتر المعلومة هتفضل معاك تماام

[Engineer ..]

أنا مستغرب منك خاااااااااالص !!!!!!