الزيادة الفعلية للاداريون 40% فقط

[johnadams]

على فكرة
كده الاداريون هيزيدوا 40% فقط أقولكم ليه؟
لأنهم بياخدوا 85% نسبة المكافأة
و كمان 25% حافز شهرى مثل المعلمين
و كمان 50% حوافز شهرية من صناديق المحافظات
يبقى المجموع كده 160% حوافز
يبقى الباقى اللى الوزارة هتصرفه لهم يكون 40% فقط
و ليس 90% زى ما الجرايد بتقول

[alneseem]

الاداريين مظلومين والمعلمين مظلومين ولازم الكل ياخد 200 % كاملة بدون المساس بالمكافئة

[توفيق رفعت عجيز]

لا الزيادة 90 علشان موضوع الخمسين بتاعت المحافظات لم تكن منطبقة علي الجميع هي كانت في كام محافظة بس

[malakdarsh]

مش قلتلك بتوع الثانوى باعوا القضية ومحدش بيدور على حد

[توفيق رفعت عجيز]

هما بتوع الثانوي هيضحوا بفلوس الانتداب؟

[waelfarouk]

لشرقية بتاخد 100 حوافز يا اخي

[حاتم تاج الدين]

لازم نعمل حاجة

[forsanmasr]

دعوة لعام دراسى بلا معلمين واداريين الوزارة نصبت علينا

[abonazara]

لا نكره الخير للاخوة الاداريين نحن نريد 200 % لنا جميعا ولا مساس بالكادر اوغيره
ولدي يا ولدي لا مساس

[johnadams]

اللى فهمته من الردود هو
ان الاداريون فى محافظة القليوبية بياخدوا 75% حوافز
أما فى محافظة الشرقية فهم بياخدوا 100% حوافز
و باقى المحافظات .. الله أعلم

[فنى مخضرم]

بسم الله الرحمن الرحيم

تصحيح خاص بمحافظة القليوبية

الاداريون بمحافظة القليوبية تم صرف 50% لهم خلال شهور 4 و5 و6 / 2011
فقط وفى بداية العام المالى الجديد يعنى من بداية شهر 7 /2011 توقف صرف ال50%
وتم عمل نشرة بالصرف فى شهر 8 وتم اعتمادها من وكيل الوزارة ولكن لم ترسل لديوان الادارة
بطوخ وتم تسريب هذة النشرة فقامت الادارة بصرف ال50% للعاملين بديوان الادارة ولم تصرف للمدارس التابعة
لادارة طوخ وعلمت ان المسئولين بادارة طوخ تم تحويلهم للتحقيق بسبب الصرف لان النشرة لم ترسل لهم رسميا" ولكن تم تسريبها يعنى الاداريين بمحافظة القليوبية يصرف لهم 25% فقط

[باحث مالى]

ولا صرفنا خمسين من المحافظه ولا من غيرها

همه خمسه وعشرين فقط لا غير

حسبى الله ونعم الوكيل فى جتتهم

[راهب الصمت]

المشاركة الأصلية كتبت بواسطة توفيق رفعت عجيز

لا الزيادة 90 علشان موضوع الخمسين بتاعت المحافظات لم تكن منطبقة علي الجميع هي كانت في كام محافظة بس

تمام كلامك يا استاذ رفعت احنا في اسكندرية اتعملت الكشوف علي 90 % النهاردة وراحت الادارة ومكناش بناخد الخمسين في المية

بس علي فكرة انا امين معمل
الدرجة الثالثة
الاساسي 250.24
اجمالي المرتب قبل الزيادة 368

بعد زياد ال 90 % ممكن يوصل ل 610 يعني بردك مكملناش الحد الادني يبقا اضحك علينا بردك

حسبي الله ونعم الوكيل

واللي يضحك بقا رايح اشتري لبنتي البمبرز النهاردة كنت بجيب مقاس 3 الشهر اللي فات 58 لاقيته ب 65 جنيه بقول للراجل زاد كل ده
يقلي يا استاذ ما انتوا زدتوا بردك

حسبي الله ونعم الوكيل في كل واحد بياكل الحرام وبياكل حق الناس في البلد دي وياريت بقا منقولش عجلة الانتاج والكلام الفاضي ده البلد مليانة فلوس والدليل علي كدا ان الاطباء والصيادلة واي حد اتسمع صوته اتنفذت مطالبه لكن الاداريين والمدرسين بيرمولهم حبة حبة كانهم عالة علي المجتمع ونسوا او تناسوا ان الوزير اللي مخرجوا مدرس وان اللي كان ماسك ملفاته اداري
حسبنا الله ونعم الوكيل

[القليوبى21]

اين الاداريين من الوقفات الاحتجاجية التى يقوم بها المدرسين ؟
المدرسين يحتجون على حساب الكادر ضمن 200% يجب علينا نحن الاداريين ان نحتج معهم على حساب المكافاه ضمن حوافز 200%

[توفيق رفعت عجيز]

المشاركة الأصلية كتبت بواسطة القليوبى21

اين الاداريين من الوقفات الاحتجاجية التى يقوم بها المدرسين ؟
المدرسين يحتجون على حساب الكادر ضمن 200% يجب علينا نحن الاداريين ان نحتج معهم على حساب المكافاه ضمن حوافز 200%

كلام تمام المفروض الكل يتحد من اجل اخذ الحافز كامل بعيد عن المكافأة