"العلميين" تدرس زيادة سنوات الدراسة في كليات العلوم

[كيميائي طبي2011]

كتب- أحمد مرسي:

أعلنت نقابة المهن العلمية أنها بصدد تقديم دراسة إلى الجهات المختصة لزيادة سنوات الدراسة في كليات العلوم إلى خمس سنوات على أن تكون السنة الخامسة في إطار التدريب العملي.

وقال د. علاء عيد أمين عام النقابة لـ"إخوان أون لاين": النقابة تعد دراسة حول مقترح زيادة عدد سنوات كليات العلوم، وسنقدمه إلى وزارة التعليم العالي والبحث العلمي والصناعة، مؤكدًا أن هذه السنة الإضافية ستكون تكليفًا عمليًّا بالعمل في أحد مراكز الأبحاث أو أحد المصانع أو غيرها من المنشآت والمؤسسات التي يمكن أن يجد العلمي فيها مجالاً لتخصصه.

وأشار إلى أن هذا المقترح يهدف إلى فتح مجالات عمل للعلميين؛ لأن السنة الخامسة ستكون بتكليف أي بأجر، ويهدف أيضًا إلى توجيه العلميين لسوق العمل وصقل خبراتهم ومساعدتهم في تحديد المسار العملي الذي يمكن أن يسلكوه.

وأوضح أن العديد من العلميين لدى تخرجه لا تكون لديه الرؤية عن المجال الذي يمكن أن يعمل من خلاله، فهذا التكليف يساعده في تحديد هذا المجال.

وأضاف عيد أن مجلس النقابة سيجتمع السبت القادم لبحث رؤية النقابة في تطوير البحث العلمي ووضع آليات لتفعيل برنامج النهضة وإسهامات النقابة في تحقيق أهداف برنامج الرئيس، مشيرًا إلى أن النقابة ستعقد الأسبوع القادم ورشة ومؤتمرًا خاصًّا بمناقشة آخر ما وصل إليه البحث العلمي في مجال مياه الشرب والصرف الصحي.

http://www.ikhwanonline.com/new/Arti...116020&SecID=0

[جمــ الروح ـال]

ده بجد؟
افتكر ان دى حاجه كويسه يلا ربنا يقدم اللى فيه الخير
معلش هو معنى كدا ان علوم هيكون لهال تكليف ولا ايه؟
ربنا يسهل للجميع يااارب

[كيميائي طبي2011]

المشاركة الأصلية كتبت بواسطة جمــ الروح ـال

ده بجد؟
افتكر ان دى حاجه كويسه يلا ربنا يقدم اللى فيه الخير
معلش هو معنى كدا ان علوم هيكون لهال تكليف ولا ايه؟
ربنا يسهل للجميع يااارب

اها الخبر مذكور ع اخوان اونلاين

وكنا عملنا مظاهرات قبل كده كان دي احدي مطالبنا

ولازم نضغط اكتر عشان يتحقق الموضوع
لان للي في ايده الموضوع هو المجلس الاعلي للجامعات

[جمــ الروح ـال]

اه انا سمعت عن المظاهرات دى مره كانت موجوده فى المنصورة بس سمعت عن طلب لدراسه مادة معينه من صيدله وان بتوع صيدله رفضوا

عمتا ادينى معاكم بالدعاء وربنا يقدم اللى فيه الخير ياااارب

[كيميائي طبي2011]

المشاركة الأصلية كتبت بواسطة جمــ الروح ـال

اه انا سمعت عن المظاهرات دى مره كانت موجوده فى المنصورة بس سمعت عن طلب لدراسه مادة معينه من صيدله وان بتوع صيدله رفضوا

عمتا ادينى معاكم بالدعاء وربنا يقدم اللى فيه الخير ياااارب

كانت ماده الفارما وتم اقرارها في بعض كليات العلوم مثل كليه علوم اسكندريه
للي حاليا بقيت بتدرس مواد فارما لطلبتها

ولما طلبه وخريجي صيدله عرفو قامو بعمل مظاهرات مضاده

واشتكو لمجلس الجامعات لكن مجلس الجامعات رد عليهم ان من حقنا ندرس فارما مع مواد الكيمياء والكيمياء الحيوي والبيولوجي

[جمــ الروح ـال]

اه كويس
عمتا ربنا يجازيك خير على اهتمامك وردك عليا

[dr/nor pt]

انا ان شاء الله علاج طببيعى لكن انا شايفة ان كلية علوم اصعب مية مرة منة طب وصيدلة واسنان وبيطرى وعلاج طبيعى كمان وتستحق الكثير وانا بعتبركوا دكاترة وعلماء لان دة حقكوا انا كنت حابة يا علاج طبيعى يا علوم وكلية علوم احق طبعا من صيدلة فى مجال التحاليل الطبية وبرا انتوا اطباء تحاليل لكن احنا عندنا نص ضارب كتير مبيحبوش الخير لبعض ربنا يهدى ويفقكوا يا دكاترة وعلماء المستقبل ان شاء الله

[comboy]

ياريت فعلا الكلام ده يتنفد ويبقى لطلبة علوم تكليف ده هيبقى كويس اوووى

[جمــ الروح ـال]

والله معنديش فكره اوى عن علوم لكن بسمع نفس الرأى انها اهم واصعب لكن ربنا يقدم اللى فيه الخير

[bondosh]

ياريت الكلام يتنفذ لانها فكرة حلوة جدا وهتساعدنا اكتر

[dr/nor pt]

ان شاء الله تتنفذ

[حب الاسلام]

لسلام عليكم
ياة حاجة كويسة اوى انا ان شاء الله اولى هل الموضوع دة ممكن يتنفذ عالية
علشان انا عارفة ان الاقتراح عقبال لما بيتنفذ بيحتاج سنين طويلة وربنا يوفق الجميع ويبارك فى مشروع النهضة ويعين الرئيس محمد مرسى واللى يساعدوة على تنفيذة
اللهم اميين