صبرا يا متعاقدين التثبيت قادم

[ا حسن]

انا متابع جيد للمنتدى من ما يقرب السنة لكن عمرى ما كتبت موضوع او حتى فكرت انى اسجل نفسى فى المنتدى لكن بعد ما وجدت انى بلغت النفوس الحناجر وظننا بالمسئولين الظنون حبيت اشارك بموضوعى الاول انا حابب اوكد فى بداية موضوعى على ان التعيين قادم باذن للة لا محالة وان هناك قانون ينظم امورنا وان شاء اللة هيطبق اما الامر الثانى لابد ان نتخذ الاسباب نعم اتخذنا اسباب كتير لكن لازم نتخذ اسباب اكثر فلابد ان ننبة الرأى العام على قضيتنا وان لينا حق فى التعيين وسيادة المسئولين متاخرين على هذا التعيين حتى يتم التعجيل بهذا التعيين و لابد ايضا ان نكون متاكدين من داخل قلوبنا انا حقنا التعيين ودا امر مفرغ منة ومش عايز اى حد يقتنع باى حاجة تانية فلابد ان نؤمن بحقنا ثم نقول لكل انسان فى مصر اننا مظلومين وحقنا مهضوم عن طريق وسائل الاعلام وكل وحد فينا يقوم بيدور منرميش القضية عل بعض وحقنا فى الاخر هيضيع واخيرا حابب حاجة مهمة ان ما اسير فى الاونة الاخيرة حول مقال اليوم السابع ان التعيين هيكون فى شهر نوفمبر دا ا امر خاطئ ودى لاعبة من سيادة المسئولين حتى يغطوا على كلامات الرجل الشهم الذى اهتم بنا حتى وهو مغادر و هو الاستاذ عابدين وقال ان احنا لينا حق فى التعيين و الحكومة متاخرة فى تعيينا فخرج المسئولين يظهروا للراى العام انى هما ولا متاخرين ولا حاجة دا لسة فضلهم لغايت شهر نوفمبر ودا مش حقيقى طبعا وظهر كلامهم نفسة متناقض لانة سيادة المسئول قال التعيين هيتم بعد النجاح بسنة وقال هيتم فى شهر نوفمبر ودا كلام خاطئ طبعا لاننا احنا امتحنا فى شهر نوفمبر والنتيجة كانت فى فبراير اى طبقا لكلامة المتناقض المفروض التعيين هيكون فى شهر فبراير مش نوفمبر اى بعد النجاح بسنة اما شهر نوفمبر فدا بعد الامتحان بسنة ودا الدليل اللى اظهر انى هما عايزين يظهروا للراى العام انى هما مش متاخريين فى التعيين ولا حاجة واحنا لابد ان نظهر للراى العام العكس وانى احنا مظلومين انا اسف انى طولت فى الكلام وشكرا لكل من قرء موضوعى

[amirahmed]

شكرا ا/ حسن

[loverdido]

الأستاذ حسن بيتكلم 100 / 100 .
أحنا لازم نكون إيجابين وليس جبناء.
ومن هنا انا بدعى جميع زمايلى والناس العاقلة مش الجبانة الى التهديد من اليوم لوزارة التربية والتعليم :
باننا سوف نقوم بالاضراب عن العمل اعتبار من بداية العام الدراسى الجديد اذا لم يتم تعيننا وجربوا وهتشوفوا النتيجة .
يااخوانى احنا بنتكلم عن حق مشروع لينا هو احنا اللى قولنالهم عينونا ، ولا هما اللى قالوا لازم نعينكم بس امتحنوا كادر ، وخدوا icdl

[mak2007]

يا جماعة أنا من رأى بلاش عملية الإضراب ودا لأنهم ممكن يجيبوا بدل الواحد 10 وفى دقيقة واحدة صدقونى أنا فى الادارة عندنا كانوا عاوزين 300 معلم صدقونى بالكوسة والواسطة أشتغل 3000 معلم وصدقونى دا مش كلام مبالغ فيه والى كشف الحكاية دى واحد كان فى الجيش وكان بيطلع له مرتب من مدرسة ما ودا طبعاً بالكوسة والخيار وباقى أنواع الخضراوات فبلاش موضوع الاضراب بدل ما تندموا
وشكراً

[سعيد عسكر]

بس لو احنا ايد واحده كنا رحنا الوزاره وعملنا حاجه وده محتاج عدد كبير مننا يلفت لنا الانظار

[mratwa7]

المشاركة الأصلية كتبت بواسطة mak2007

يا جماعة أنا من رأى بلاش عملية الإضراب ودا لأنهم ممكن يجيبوا بدل الواحد 10 وفى دقيقة واحدة صدقونى أنا فى الادارة عندنا كانوا عاوزين 300 معلم صدقونى بالكوسة والواسطة أشتغل 3000 معلم وصدقونى دا مش كلام مبالغ فيه والى كشف الحكاية دى واحد كان فى الجيش وكان بيطلع له مرتب من مدرسة ما ودا طبعاً بالكوسة والخيار وباقى أنواع الخضراوات فبلاش موضوع الاضراب بدل ما تندموا
وشكراً

هيرفدوا اكثر من70 الف مدرس متعاقد علشان عاوزين حقهم القانونى ؟.
تصريحات عابدين و مساعد الوزير و المقالين بتوع اليوم السابع دليل ان الوزارة متاكده ان ده حقنا قانونا . بس التضارب و عدم تحديد ميعاد محدد حاجة تقلق . و مننساش ان الحكومه ليها اولويات فيجب ان نضع انفسنا كاصحاب حق و كمواطنين صالحين على اولويات الحكومه .... بالشكاوى ,و مراسلة الجرائد و البرامج التليفزيونيه ،وصولا الى الوقفات الاحتجاجيه ثم الاعتصامات و الاضراب.

[Mr.AI]

أنا أوافقك بس
لو إحنا إيد واحدة

[ركن الدين]

اللهم انى فوضت امرى اليك والجأت ظهرى اليك لامنجى ولا ملجأ الا اليك
يا كريم