تعليم كيفية قياس ضغط الدم في الصيدليه

[Dr.Atropine]

تعليم كيفية قياس ضغط الدم

السلام عليكم

اخوانى الكرام

طبعا و انتا واقف فى الصيدلية - بيعدى عليك على الاقل كل يوم حالة عايزه تقيس الضغط - دا لو انتا واقف فى صيدلية فى الصحراء مثلا يعنى -

و طبعا عيب اوى تكون صيدلى و مش عارف تقيس ضغط او بردوا مش عارف ميكانزم الموضوع

طيب منعا للاحراج - ركز معايا

1- قلب الأنسان عبارة عن مضخه تدفع الدم القادم من الرئه الى الجسم عبر الشرايين و تسحب الدم من الجسم و تدفعه للرئه عبر الأوردة بشكل منتظم على شكل دورة متتابعه ما بين انقباض و انبساط وتسمى بالنبضات - " كلام طبيعى " - دا حتى فران المعامل عارفين الكلام دا

2- يطلق على قوة دفع القلب للدم في الشرايين بضغط الدم و يتم قياسه مقدار الضغط بعدد من الطرق و سنشرح اشهرها وهي استخدام حزام الضغط. Sphygmomanometer

3- يتكون الجهاز من حزام داخله كيس يتم تعبئته بالهواء بواسطه مضخه هوائيه يدويه و يتصل بالكيس جهاز قياس (سواء كان سائل او على شكل عداد). كما تستخدم سماعه الأذن لسماع صوت جريان الدم اثناء القياس.

طريقة عمل الجهاز :

يتم ربط الحزام على اليد (فوق المرفق) بشكل جيد - يعنى على المرفق علطول و طبعا لازم تكون مفرغه من الهواء تماما بالضغط عليه بقوة قبل استخدامه - ثم يتم تعبئته بالهواء فيضغط الحزام على اليد مانعا مرور الدم في الشريان للجزء المتبقي من اليد و هنا سيضغط الشريان على سطح الحزام بمقدار الضغط المتولد فيه نتيجة لدفع القلب للدم - وبذلك يمكن قياس التغير في ضغط الهواء داخل الكيس حسب تغير الضغط داخل الشريان.

(A) بعد ربط الحزام يتم وضع السماعه على - سطح اليد امام الحزام - فوق الشريان و يتم نفخ الحزام حتى يتوقف الدم من الجريان و هنا لا يسمع للدم اي صوت في السماعه.

( يتم تفريغ الحزام من الهواء بالتدريج و بمجرد بدا الدم في الجريان سيمكن سمعا صوته في السماعه في حينها يتم قراءه الضغط على جهاز القياس و يكون هذا اعلى قرائه للضغط او الضغط العالي او ما يسمى ضغط الأنقباض. systolic pressure

(C) يتم الأستمرار في تفريغ الحزام تدريجا و سينخفض صوت جريان الدم كذلك في السماعه حتى يتم الوصول الى مرحله يختفي فيها صوت جريان الدم في السماعه - ركز اوى هنا - انت بتاخد قراءه الضغط في جهاز القياس عند تغير صوت الضغط فى اذنك يعنى متستناش الى ان يختفى الصوت و كن عند اول تغير و سيكون هذا الضغط المنخفض او ما يسمى ضغط الأنبساط Diastolic Pressure

السؤال اللي غالبا لازم يتسأل

انا دلوقتي اتعلمت ازاي قياس ضغط الدم طيب ايه هيا بقي حدود ضغط الدم الطبيعيه ؟؟

المعدل الطبيعي لضغط الدم 100_140/60_90 (mmhg مليميتر زئبق)

[د. رغد]

جزاك الله خيرا علي الافادة

[Drsara]

شكرااااااااااااااااااااااااااااااا وجزاك الله خيراا

[* dr.sara*]

جزاك الله خيرا يا دكتور بس انا شايفة ان 140 عالى مقدرش اقول عليه طبيعى
هوا طبيعى بالنسبة لكبار السن او اللى عندهم امراض بتسبب ارتفاع ضغط الدم
لكن لو شاب طبيعى معافى يبقى 140 بالنسبة له عاليه
ولا ايه راى حضرتك يا دكتور ؟؟؟؟؟

[Dr.Atropine]

المشاركة الأصلية كتبت بواسطة kindgirl

جزاك الله خيرا علي الافادة

شكراا لمرورك

[Dr.Atropine]

المشاركة الأصلية كتبت بواسطة drsara

شكرااااااااااااااااااااااااااااااا وجزاك الله خيراا

شكراا لمرورك

[Dr.Atropine]

المشاركة الأصلية كتبت بواسطة * dr.sara*

جزاك الله خيرا يا دكتور بس انا شايفة ان 140 عالى مقدرش اقول عليه طبيعى
هوا طبيعى بالنسبة لكبار السن او اللى عندهم امراض بتسبب ارتفاع ضغط الدم
لكن لو شاب طبيعى معافى يبقى 140 بالنسبة له عاليه
ولا ايه راى حضرتك يا دكتور ؟؟؟؟؟

* dr.sara* لو ركزتي انا قولت الــ Limit من 100 الي 140 يعني الــ Maximum عندنا 140 لحد كده معقول للــ Adult ابتدي يزيد عنه يبقي كده في مشكله

[dr/eagle]

شكرا وبارك الله فيك على الموضوع الاكثر من رائع ده