مـنـحـة الـ iTi - برنامج تطوير مهارات خريجى الجامعات + كورس معهد بيرلتز للغات كامل

[ahmed610]

المشاركة الأصلية كتبت بواسطة vampire1188

اذا كنت انتا شايفه سهل وناس كتيرة هاتحله صح .. يبقى المفروض تخاف



غير كدا ماتنساش ان فيه انترفيو انتا هاتخشه ..

ودا بقى اؤكدلك ان فيه امم مش هاتتقبل بسببه

انا كنت شايف انا اغلب الاسئلة بأستثناء تلاتة اربعة يتحلو بس محتاجين وقت ودماغ رايقة بس انا للاسف فى اليوم دة كنت نايم اقل من تلات ساعات يعنى مكنش فيا دماغ وكمان اكتشفت ان فى الة ممكن نستعملها متأخر دة طبعا ضيع منى اسئلة كتير .. الحمد للة على كل شئ


انا كنت فاكر موضوع الانترفيو دة عشان تحديد المستوى الى هنبدأ بية يعنى كل الى هيخشو هيتقبلو انت كدة خوفتنى اكتر

عموما انا ابتديت احس ان فرصة القبول مش كبيرة عشان العدد الى دخل الامتحان كبير قوى ياريت لوعندك خلفية عن العدد الى هيتقبل تقولى علية.... ربنا يستر

[vampire1188]

عموما انا ابتديت احس ان فرصة القبول مش كبيرة عشان العدد الى دخل الامتحان كبير قوى

على فكرة انا مش بحبطك والله .. بس بقولك اللى بيحصل فعلا عشان تبقى على دراية

مافيش حد دخل الكورس دا بالهبل .. كله بالاختبار والامتحان

ومافيش حد هاياخد شهادة المنحة فى الاخر الا اللى طلع عينه فيها وذاكر

لان أى اهمال او تقصير او سقوط فى امتحان معين اثناء الكورس ماهو شغال بتبقى اوت على طول

عشان كدا تقدر تقول ان دخول المنحة مش مستحيل .. وفى نفس الوقت مش سهل

ياريت لوعندك خلفية عن العدد الى هيتقبل تقولى علية.... ربنا يستر

غااااالبا هايتراوح بين 1000 : 1200 طالب .. لانك راعى ان فيه كليات تانية برده بيتخش معاكوا

فانتا تخيل بقى لما حوالى 600 من تجارة انجليزى .. و 6000 من تجارة عربى

يعنى لو حسبتها هاتلاقي ان واحد من كل سبعة هوا اللى هايخشها

وكل العدد دا هايتقبل منه 1000 واحد .. يبقى دخولها سهل ولا صعب ؟؟؟؟

[Mohamed Salama241]

كدة فل اووووى , ربنا يستر لان امتحانى يوم الاحد 9/5 ان شاء الله , و ربنا يستر من موضوع ال ICDL دة بالزات ....
بس انا كنت عايز اسال هو ممكن اخد معايا ورقة و قلم ؟؟ لان كدة حيكووووون اسهلييى ؟؟؟؟؟؟؟

[Mohamed Salama241]

و كمان فى سؤال مهم , لو اتدرب على اسئلة it . هل دة كافى لاسئلة ال icdl ؟ يعنى اعرف احل فيها ؟؟ ولا اسئلة ال it بتبقى مختلفة عن اسئلة ال icdl اللى جت فى الامتحان ؟؟
اررررجووا الرد لللا همية :*

[vampire1188]

بس انا كنت عايز اسال هو ممكن اخد معايا ورقة و قلم ؟؟ لان كدة حيكووووون اسهلييى ؟؟؟؟؟؟؟

انتا لو ترجع وتقرا الموضوع تانى هاتلاقينى منبه وقايل يا جماعة كل واحد ماينساش ياخد قلم وورقة معاه

و كمان فى سؤال مهم , لو اتدرب على اسئلة it . هل دة كافى لاسئلة ال icdl ؟ يعنى اعرف احل فيها ؟؟ ولا اسئلة ال it بتبقى مختلفة عن اسئلة ال icdl اللى جت فى الامتحان ؟؟

هيا مش اسئلة icdl .. هيا شبيهة ليها مش اكتر .. لكن الامتحان مش icdl خالص

ومع ذلك اللى خد الـ icdl وكان فاهم هوا بياخد ايه مش بيحفظ وخلاص هايحل تمام ان شاء الله

[realman0129]

انا سألت علي ميعاد نتيجه الامتحان في الجامعه
ان شاء الله هتكون يوم 10 او 11 علي الموقع

[no_more]

الله اكبر
ربنا يستررررررررررررررررررر

[**KENZY**]

اولآ .. السلام عليكم ورحمه الله وبركات
عندنا فيه طلاب بتقول فى مذكرات فى المكتبه خاصه بالمنحه دى لاجتياز امتحان القبول
هى مهمه يعنى هتساعدنى صح؟
ولا ابحث على النت ....... وادور...... ويطلع عنيه.... وحمل مواقع وفى الاخر النسخه تقع كالعاده مش هتساعدنى فى حاجه
فانا مش عارفه اعمل ايه لانى امتحانى يوووووووم
الثلاثاء؟؟؟؟؟؟وللعلم انا فى الانجليزى متوسطه وفى الit حفظه شويه اسئله واكييييييييد فى الiqمييييييييح على الاخر الواحد عنده استعداد يجتهد ويذاكر فيها بس مش عارفه اذاكر منين ولا منين ده موال
والدكاتره بيقولوا هنمتحن المنحه فى المدرجات
معنى كده انه هيكون امتحان ورقى مش على الكمبيوتر؟ وانتوا بتقولوا ده بيكون على الكمبيوتر

[realman0129]

بصي يا كنزي
انا اللي اعرفه ان اخر يوم بلامتحانات كان يوم
5/4
يعني الامتحانات المفروض خلصت
الانجلش بيعتمد علي الكلمات والقواعد
it اسئلته زي icdl بالضبط بس هي اختياري
iq مش مستحيل يعني الاسئله كانت كويسه فيه
ادخلي علي الموقع ده هتلاقي امتحانات كتيره انجلش واي كيو ....... الخ
www.allthetests.com

[Mohamed Salama241]

الحمد لله الامتحان كان عندى النهارده و كان معقول بصراحة !!
بس ياريييت الناس اللى امتحنت يقولوا النتيجة حيعرفوها ازااااااى , لانهم مقالووووش ان فية انترفيوا ولا حااااااجة !!!!!
و شكرررراااااا كتيييير ل Vampire , لان الموضوع دة فعلا ساعدنى , جزااك الله خيرا

[**KENZY**]

مرسى يا realman على ردك .والموقع بجد تحفة اوى
وربنا يوفق الجميع يااااااااارب
طيب هو حضرتك ذاكرت من الموقع ودخلت الامتحان اعتمادا على الاسئلة بتعتوا بس ولا كان فيه مذكرات مثلا ولا اى موقع تانى انزل منه؟؟؟؟؟؟
طيب اخر حاجة وخلاص بكرة اخر يوم ليا يا نااااااااس يا ترا يا هل ترا هلاقى اسئلة زيها ولالانا لالمنحة دى فى البلد والله ادمر الكلية بالى فيها:abdoog8 يا هووووووووو)
انا شكلى والله هتجنن قريب

[realman0129]

حضرتك مين يا بنتي انا معاكي في سنه تانيه
انا كنت داخل الامتحان ده معتمد علي ربنا وان شاء الله هننجح يعني فامبير احسن مننا في ايه

[**KENZY**]

واخيرااااااااااااا خلصت من المنحه

[vampire1188]

انا كنت داخل الامتحان ده معتمد علي ربنا وان شاء الله هننجح يعني فامبير احسن مننا في ايه

ههههههههههههههههه .. ياعم دانتا اللى احسن منى ..

على الاقل انتا لحقت تسجل فى تدريب فى فودافون وانا مالحقتش

بس ياريييت الناس اللى امتحنت يقولوا النتيجة حيعرفوها ازااااااى , لانهم مقالووووش ان فية انترفيوا ولا حااااااجة !!!!!

بص يا ريس .. هوا ممكن فعلا مايكونش فيه انترفيو ..

بس لو مافيش انترفيو يبقى كدا بجد هما كارمينكوا اخر حاجة

بس انا عن نفسى اتعمل معايا انترفيو .. وكتير من الناس اللى اتقبلت كان بسبب الانترفيو دا

بس ماعلينا .. ممكن يكونوا غيروا النظام لانهم كل امتحان بيغيروا حاجة ويضيفوا حاجة ويشيلوا حاجة

يعنى انا مثلا الدفعة اللى قبليا تقريبا كانوا ضايفين لامتحانهم معلومات عامة

انا فى امتحانى اتشال الجزء دا وحطوا مكانوا الـ typing .. وهكذا يعنى

اما بالنسبة لمعرفة النتيجة فانا نفسى ماقدرش اديك رد حاسم فى الموضوع دا

على دفعتى انا كان معرفة النتيجة من خلال انهم بيتصلوا بكل اللى اتقبلوا ويقولولهم على مواعيدهم

بس 90% انتوا تقريبا ماديتهومش بيانات عن العنوان ورقم الموبايل والكلام دا (عشان مافيش انترفيو)

عشان كدا غالبا معرفة النتيجة هاتبقى من خلال الموقع

او من خلال كشوفات المقبولين اللى هاتنزل فى جامعتك

[بروف انس]

موضوع جامد يا فامبير وهيفيد ناس كتير وياريت كان فيه برنامج زي ده لكليات الهندسه