ياريت حد يحاول يحل المشكلة معلمين مساعدين فرنساوى كفرالشيخ

[mostafa_basha]

احنا واقعين فى مشكلة كبيرة انهم مارضيوش يدخلونا امتحان الكادر اللى فات لان احنا غيرنا العقد من مكتبات ومدرس فصل للغة فرنسية وقالوا اننا ما قضيناش سنة فى التخصص الجديد دلوقت بيقولوا اننا هندخل لسة فى شهر 10 اللى جاى ودلوقت معلمى العقد اتثبتوا وزمايلنا اللى دخلوا امتحان شهر 4 هيتعينوا والمحافظ بيقولنا اننا مش تبعة واننا تبع الوزارة حد يساعدنى فى ارقام تليفونت مسئولين فى الوزارة او الاكاديمية او ايميلات بحيث اننا نخش امتحان نص الشهر الجاى او اى طريقة لان عددنا 24 مدرس

[مى الامورة]

احنا ادارة مطوبس تبع كفر الشيخ وعندنا 6 مدرسين نفس المشكلة ومش عارفين نعمل اية ياريت ننسق ونكون ايد واحدة علشان نعرف ناخذ حقنا وعلى فكرة انتبهوووووووووو ان عقدنا لو ماسبتناش قبل 10 مدتة هتنتهى نرجو رقم تليفون حد منكم علشان نشوف هنعمل اية

[مى الامورة]

اية ياجماعة محدش عاوز يرد علشان نتجمع ونشوف هنعمل اية وياريت لو حد عندة فكرة او حل يفيدنا افادكم اللة

[marwa noor]

ربنا ييسر الحال.

[مى الامورة]

يارب يارب يارب

[mostafa_basha]

للاسف لسة ماوصناش لحل

[heronet2500]

لازم من وقفة رجاله وسفر الى الوزارة ومقابلة الوزير أو مسئول كبير في الوزراة وشرح المشكلة عن قرب لحلها ان شاء الله

[مى الامورة]

انا شايفة ان لازم نتحرك لازم الذهاب للوزارة ونشوف حل ولا اية رايكم

[mostafa_basha]

احنا احتمال نروح اليومين وكل م الواحد يتصل بالاكاديمية ولا تليفون بيرد العالم دى الثورة لسة ماوصلتهمش

[مى الامورة]

ياريت تقولن لماتنوى الاتصال لا ينفع فى هذة الظروف احنا محتاجين نتحرك انتو شوفتو لما الاجر وقفوا مع بعض اتعينوا من غير اى شى انتو تبع ادارة اية

[mostafa_basha]

مافيش حل غير اننا نروح للوزير وخلال ايام يمكن نروح

[هيثم عبدالله]

علي فكرة انا من ادارة الرياض ونفس المشكلة معايا . وذهبت الي مدير الاكاديمية يوم الاربعاء الماضي لانني وجدت احد زملائي تم تعيينة في دفعة 1-4-2011 واسمة السيد شعيب محمد شعيب . فذهبت للاستفسار . كيف يتم تعيينه علي الرغم من ان اوراقه كانت ضمن اوراق المجموعة كاملة , وعندما عادت الاوراق من المفترض ان تكون اوراقه معنا . فكيف ياتي اسمه من ضمن المعينين . فاكد لي مدير الاكاديمية انه لا يوجد معلم فرنساوي واحد دخل كادر 1-4-2011 وعندما اكدت له الامر طلب الرقم الكودي للزميل السيد وعندما احضرته له فوجىء انه دخل امتحان كادر 1-4-2011 واجتازه...... وعندما راي ذلك الامر قال انه سيسحب نتيجته مرة اخري لانه دخل دون وجة حق ..........
لكن بصراحة انا لا اثق في كلامه
فماذا نحن فاعلون؟؟؟؟؟؟؟؟؟؟؟؟؟؟؟
نحن لا نكره الخير لاحد ولكن نريد عدالة وشفافية في تطبيق القانون مش اللي عنده وسطة يعدي واللي معندوش يموت . ولا ايههههههههه؟؟؟؟؟؟؟؟؟؟

[mostafa_basha]

طيب يا استاذ هيثم قاللك اية تانى وقال المفروض ندخل الامتحان امتى واية المشكلة اننا مادخلناش معاهم

[هيثم عبدالله]

قال اننا لم ندخل لان تغيير العقد تم بنفس تاريخ العقد القديم ولكن نشرة تغييره من تخصص مكتبات الي فرنسي كانت بتاريخ 1-9-2010 و لابد من مرور عام في التخصص الذي نريد ان نتمتحن فيه. وعندما سالته عن موعد دخولنا قال في شهر اكتوبر القادم ولكن قال ان اسلوب الامتحان سيكون مختلف حيث سيتم حوسبته مثل الـicdl وقال انه ستجري تجربة مرتين او ثلاثة قبل انعقاد الاختبار بهذة الطريقة. وعند سؤاله عن الاوراق المطلوبة قال نفس الاوراق التي طلبت من الدفعة السابقة( تقرير الموجة - مدير المدرسة - خطاب ترشيح من مدير المدرسة - شهادة التربوي....)
المشكلة يا استاذ مصطفي في اللي اتعين قبلنا دون وجة حق ؟
فسيكون اقدم منا في كل شيء

[mostafa_basha]

ياسيدى مش مشكلة بس المشكلة انة عقدنا هيكون انتهى ال 3 سنين وهنكون لسة م امتحناش الكادر طيب دلوقت احنا المفروض نروح بكرة للوزير هل هيكون من غير فايدة؟ وهل دة كان مدير اكاديمية كفرالشيخ ولا القاهرة