طالبه في تانيه اسنان تحت امركم للي عايزا اي استفسار بشان الكليه

[ماما ميا ميا]

المشاركة الأصلية كتبت بواسطة hendam

يعني إيه سنة امتياز؟؟؟

يعني اخر سنه في الكليه بنشتغل زي تدريب كده و ناخد مرتب بسيط اوي بتتدربي في الكليه و في مستشفيات حكوميه و بيبقي فيها امتحانات عملي و كده

المشاركة الأصلية كتبت بواسطة rashadbasha

انا باذن الله داخل كلية طب اسنان جامعة الدلتا اي خاصة و انا مسوايا في التعليم متوسط ازاي امهد للكليو و استعد ليها مع العلم اني مش متصور اني هذاكر من كلام انجليزي اعمل ايه بالظبط و اشتري كتب ايه و منين ؟؟؟؟؟

الانجليزي بتاع الكليه مختلف و بعدين الدكاتره هيبدؤا معاك بالراحه مش عارفه افيد حضرتك اوي يصراحه بس لو حضرتك بتحب الكليه هتمشي فيها الدكاتره هما اللي حيحددوا الكتب اللي تشتريها و منين كماااان

المشاركة الأصلية كتبت بواسطة ahmedawny

بجد موضوع رائع شكرا يا دكتورة انا كنت محتاج المعلومات دى وربنا يوفقنا جميعا .

شكرا و ربنا يوفقكوا كلكوا يارب

المشاركة الأصلية كتبت بواسطة baasha

فى البداية احب اشكر حضرتك على المساعدة انا جبت مجموع 100.4 فى المية كان نفسى ادخل اسنان ومكنتش اتخيل بصراحة انى اجيب المجموع ده بس دلوقتى انا محتار بين بشرى و اسنان انا ميل لاسنان بس الناس بتقولى انتا عبيط حد يرفص النعمة (قصدهم ادخل بشرى) انا نفسى حد فاهم زى حضرتك يقولى نهو الاحسن خاصة انى ولد والناس بتقول اسنان للبنات احسن ياااااااااااااريت حضرتك تقولى الافضل وايه الافضل فى الدخل و فى العمل و فى العمر و فى المستقبل مع العلم طبعا ان المستقبل فى يد الغيب (ااااسف على الاطااااااالة).

بص هو اسنان مستقبلا اقصر طبعا ده غير انك بتخلص بتشتغل بس الرزق ه انت و شطارتك بشري سكتها اطول شويه بس لو حاببها هتتفوق فيها صلي استخاره كده و ادعي ربنا يوفقك للاصلح بس طب يعني لو هتخشها عشان كلام الناس و بس يبقي بلاش لانها كليه مش سهله و عايزه صبر طويل و مذاكره و حفظ كتييير اوي اما لو بتحب تعمل حاجات بايديك و تشتغل عملي يبقي عليك و علي كليتنا

المشاركة الأصلية كتبت بواسطة شمس الكون

ربنا يكرمك يارب بجد دى حاجة حلوة اوى منك
معلش ايه موضوع الاقسام ده يعنى انا هدرس كل حاجة
ولا لا وكمان لما اتخرج هشتغل مثلا دكتورة اسنان شاملة اعمل كل حاجة
ولا هتخصص ف حاجة معينة ونظام الدراسة ايه
المواد سهلة صعبة والعملى بيبقى ايه معلش بقى هتعبك معايا

عشان نبقي متفقين مافيش حاجه اسمها كليه عمليه سهله بس مافيش حاجه صعبه علي المجتهد و اللي بيدجتهد ربنا عمره ما بيضيع تعبه علي الارض ابدا ايوه طبعا بتتخرجي اسنان شامله بس لو عايزه تتخصي في قسم معين دي حاجه ترجعلك هو بس زراعه الاسنان اللي بتحتاج دبلومه و كورسات بعد الكليه عشان مش بيعلموهلنا

المشاركة الأصلية كتبت بواسطة kawkap

السلام عليكم

كنت عايز اعرف اية احسن كلية اسنان فى مصر
واية الاقسام و التخصصات اللى فى طب الاسنان و المواد الدراسية و جهات العمل المتحاحة بعد التخرج

احسن اسنان في مصر هي اسنان اسكندريه بس حاليا مبانيها مكسره بس عندنا اقسام مش موجوده في كليات تانيه جهات العمل هتشتغل دكتور سنان سمعت اننا ممكن نشتغل في شركات الادويه بس مش متاكده المواد الدراسيه زي ما قلت قبل كده سنه اعدادي في علوم عباره عن ثانويه عامه لغات و المواد اللي بعد كده بتبقي مزيج بين مواد اسنان و مواد بشري و دي الاقسام بتاعتها معلش خدتها كوبي و بيست عشان مكسله اكتبها
أ. جراحة الوجه والفكين وعلوم التشخيص( عاس )
1. جراحة الفم والوجه والفكين.
2. أشعة الفم والوجه والفكين.
3. ميكروبيولوجيا الفم.
4. بيولوجيا الفم.
5. أمراض الفم.
6. طب الفم.
7. تشخيص أمراض الفم.


ب. الإستعاضة الصناعية( ساس )
1. الإستعاضة المتحركة.
2. الإستعاضة الثابتة.


ج. إصلاح الأسنان ( لاس )
1. حشو الأسنان.
2. علاج الجذور.
3. مواد طب الأسنان.
4. تشريح الأسنان.


د.وقاية الأسنان( واس )
1. أمراض ما حول الأسنان.
2. طب أسنان الأطفال.
3. تقويم الأسنان.
4. علوم صحة ووقاية الأسنان.

المشاركة الأصلية كتبت بواسطة mariam attef

hiii ya Dr awlan merci gdn 3l mwdoo3
ana m7tara gdn ben asnan w sydala bs 7assa eni mayalaa aktar lel sho3'l el 3amali eli f asnan
bs f nafs el w2t 7assa eno 3adi y3ni msh 7abba el koleya awi fa 5aifa la7ssan y2atahr 3lya f el derasa w kdaa
mn klamek 7asset en sho3'lha momte3 fa hal m3 el tadrib h2dar at2aklam m3ahaa wla sa3b??
l2eni 5aifa ad5ol el koleya w ma7ebhash :D
merciii mokdaman

انا كنت زيك بس حبتها اكتر لما دخلتها علفكره اسنان من اكتر الكليات اللي هتحبيها بعد ما تدخليها بكتير اوي لانو شغلها فعلا ممتع انا مش موهوبه اوي في شغل ايدي بس الحمد لله عوضت الموهبه بالاجتهاد و الحمد لله الحال ماشي اهو توكلي علي الله و اي استفسار تاني انا في الخدمه
[QUOTE=po11122;4660402]

المشاركة الأصلية كتبت بواسطة امواج الفرح

مساء الخير يا دكتورة انا ثانوية عامه والحمدلله جت98.3 ونفسي فى طب اسنان بس كنت عايزة اسال ايه افضل تخصص للشغل بعد كدا بالنسبه للبنت وهل التخصص يكون من سنه اولى ولا لا؟

لاء انتي مش بتخصصي في الكليه اساسا بتاخدي ماجستر في التخصص اللي انتي حاباه و انا مش من مؤيدين الكلام بتاع التخصص ده للبنات و التخصص ده للولاد شوفي انتي بتحبي انهي تخصص لما تدخلي الكليه و علي اساسه تعملي فيه ماجستير

المشاركة الأصلية كتبت بواسطة mahmod21593

لو سمحت يا دكتورة ممكن اعرف الادوات المطلوبه فى اولى اسنان مش اعدادى عشان خلصناها والحمد لله . انا جامعه القاهرة

انا هقولك اللي فكراه منهم
carver
wax knife
blue wax
pink wax
articulator
سبرتايه او تورش
rubber bowel
spatula
acrylic resin

[اسراء فرج الله]

طيب متعرفيش اسنان بتاخد من كام حد ادنى
\

[اسراء صقر]

لو سمحت انا كنت عوزة اعرف هو سنة اعدادى دى لسة موجودة ولا ايه ؟؟ لانى سمعت انها اتغلغت فى بعض الجامعات؟؟ ول سمحت لو تعرفى حاجة عن اسنان اسماعيليىة هى كويسة لولا ايه ؟؟

[درة مكنونة]

جزاكى الله خيرا .. بجد فكرة ممتازة ربنا يباركلك ياااااااااارب ...
أنا لسه مخلصة ثانوى وبإذن الله ناوية على أسنان وكنت عاوزة أسألك عن المواد اللى بندرسها ف أول سنة وطبيعة المذاكرة ف الكلية يعنى محتاجة ايه أكتر حفظ ولا فهم ولا تطبيقات عملية ولا رسومات ولا ايه ؟؟
وشكراً لكِ بجد .. انا عندى أسئلة كتيييير مكنتش عارفة اسأل مين فيها ...

انا عايزه اسال علي حاجه .... انا محتاره بين اسنان وعلاج طبيعي !!!!! ايه رايك؟؟؟

[ماما ميا ميا]

المشاركة الأصلية كتبت بواسطة اسراء فرج الله

طيب متعرفيش اسنان بتاخد من كام حد ادنى
\

و الله يا قمر ما اعرف انا ما ببحبش افتي في التنسيق لو عايزاها اكتبيها جت جت ما جاتش يبقي ربنا مش رايد و اكيد ربنا كتبلك حاجه احسن منها

المشاركة الأصلية كتبت بواسطة اسراء صقر

لو سمحت انا كنت عوزة اعرف هو سنة اعدادى دى لسة موجودة ولا ايه ؟؟ لانى سمعت انها اتغلغت فى بعض الجامعات؟؟ ول سمحت لو تعرفى حاجة عن اسنان اسماعيليىة هى كويسة لولا ايه ؟؟

ايوه فعلا في كليات اتلغت فيها و الله معرفش حاجه عن اسنان اسماعيليه اسفه بجد

المشاركة الأصلية كتبت بواسطة درة مكنونة

جزاكى الله خيرا .. بجد فكرة ممتازة ربنا يباركلك ياااااااااارب ...
أنا لسه مخلصة ثانوى وبإذن الله ناوية على أسنان وكنت عاوزة أسألك عن المواد اللى بندرسها ف أول سنة وطبيعة المذاكرة ف الكلية يعنى محتاجة ايه أكتر حفظ ولا فهم ولا تطبيقات عملية ولا رسومات ولا ايه ؟؟
وشكراً لكِ بجد .. انا عندى أسئلة كتيييير مكنتش عارفة اسأل مين فيها ...

و اياكم يا قمر بصي اي كليه عمليه محتاجه حفظ و فهم الاتنين مع بعض العملي في كليتنا اكتر بس النظري كتير برضوا بس اغلبوا بيبقي تطبيق للعملي فبيبقي سهل في الحفظ لو فهمتيه كويس و كنتي حايه الشغل او سنه اعدادي في بعض الكليات بتتاخد في علوم و بتبقي نفس مواد ثانويه عامه تقريبا بس بالانجليزي زي الكمياء و فيزياء و علم نبات و علم حيوان و غيره بعض الكليات لغت اعدادي معرفش بقي بياخدوا ايه بالضبط في سنه اولي بس لو كتبتي في جوجل هتلاقي المواد اللي هتاخدوها بالضبط لو انتي داخله اسكندريه اقولهالك بالضبط غير كده معرفش و اي استفسار تاني انا تحت امرك يا جميل

المشاركة الأصلية كتبت بواسطة "roqaia"

انا عايزه اسال علي حاجه .... انا محتاره بين اسنان وعلاج طبيعي !!!!! ايه رايك؟؟؟

و دي عايزه كلام برضوا اسنااااان طبعا من غير تفكير افضل بكتير من علاج طبيعي حد يجيب مجوموع اسنان و يخش علاج طبيعي برضوا

[درة مكنونة]

ربنا يخليكى يا دكتورة بجد أفدتينى ..
أنا بإذن الله داخلة أسنان المنصورة ..
عشان هيا أقرب وانا مش عايزة أسافر بعيدوكدا
فهى فيها اعدادى يبقى هيطبق عليها المواد دى أكيد ..
انا بس خايفة شوية م الكلية عشان اسمع ان تكاليفها كتييير شوية والدراسة فيها صعبة ..
رغم انى حابة الدارسة ف المجال دا جدااااا بس مقلقة شوية ..
بإذن الله لما ادخل كدا
والاقى نفسى مش فاهمة حاجة فى اى حاجة هارجعلك أكيد هههههههههههه ...
تسلميلى بجد ....

[ماما ميا ميا]

المشاركة الأصلية كتبت بواسطة درة مكنونة

ربنا يخليكى يا دكتورة بجد أفدتينى ..
أنا بإذن الله داخلة أسنان المنصورة ..
عشان هيا أقرب وانا مش عايزة أسافر بعيدوكدا
فهى فيها اعدادى يبقى هيطبق عليها المواد دى أكيد ..
انا بس خايفة شوية م الكلية عشان اسمع ان تكاليفها كتييير شوية والدراسة فيها صعبة ..
رغم انى حابة الدارسة ف المجال دا جدااااا بس مقلقة شوية ..
بإذن الله لما ادخل كدا
والاقى نفسى مش فاهمة حاجة فى اى حاجة هارجعلك أكيد هههههههههههه ...
تسلميلى بجد ....

ميرسي يا قمر لاشكر علي واجب
التكاليف مهياش كتير بالدرجه علي فكره كلو بيمشي و الله
و الدراسه ل بتحبيها يبقي مافيش اسهل منها
و انا موجوده تحت امرك في اي حاجه تعوزيها

[ahmed mallah]

لو سمحتى هو ازاى احول من علوم لأسنان يعنى اجيب امتياز فى اعدادى و سنة اولى ولا اعمل ايه بالظبط



و شكرا لحضرتك

[ماما ميا ميا]

المشاركة الأصلية كتبت بواسطة ahmed mallah

لو سمحتى هو ازاى احول من علوم لأسنان يعنى اجيب امتياز فى اعدادى و سنة اولى ولا اعمل ايه بالظبط



و شكرا لحضرتك

• انا اللي اعرفه انو لما تخلص علوم من حقك تخش ايه كليه انت عايزها حتي طب بشري بس بمصاريف بس حكايه التحويل دي اول مره اسمع عنها ياريت لو حضرتك عرفت حاجه تبقي تقولي عشان انا محتاجه المعلومه دي
  

[ahmed mallah]

هو فى حد اعرفه عملها من حوالى 4 سنين كدا بس انا مش عارف النظام ده لسه قائم حتى الان ولا اتلغى


و شكرا لحضرتك

[school]

هل السفر للخارج بعد التخرج يحتاج لعمل ماجستير ارجو الرد ضرولاى

[ماما ميا ميا]

المشاركة الأصلية كتبت بواسطة school

هل السفر للخارج بعد التخرج يحتاج لعمل ماجستير ارجو الرد ضرولاى

1. اعتقد يفضل طبعا انك تعمل ماجستير غير كده بيبقي في امتحانات كده عشان تسافر عشان تعادل شهادتك و السفر للدول العربيه اسهل طبعا من الدول الاجنبيه بس يعني مش مستحيل اعتقد ممكن السفر الي الدول العربيه من غير ماجستير بس لو سافرت بيه هتاخد فلوس اكتر طبعا
2. 
   

[*مسلمة مصرية*]

أنا مجموعى 98,0 % ممكن ألحق طب أسنان اسكندرية......؟
وهو فعلا المواد سهلة و مفيدة فى المذاكرة...؟ ويا ريت أعرف المواعيد سواء الذهاب لللكلية أو الرجوع منها.................على فكرة أنا كتبتها رغبة أولى بس حاسة انى مترددة.......

[دعاء السيد كامل]

أنا كمان جايبه 98 % و محتارة اكتب اسنان و لا لأ ... بس ممكن حد يفيدني بخصوص المصاريف ... ضروري بالله عليكو آخر ميعاد لتعديل الرغبات بكره