ملتقى طب الأسنان 2014

[nada.dolly]

يا جماعة مش هينفع كده أحنا اقل مشاركة عموما يا ريت نتكلم مع بعض و انا عندى تفاصيل كتير عن طب الاسنان و اى حد عنده سؤال هجاوب عليه ان شاء الله و عندى حاجات مهمة اكيد متعرفوهاش عن طب الاسنان بس لما يبقى عددنا كتير هنتكلم عن كل حاجة بالتفصيل

[harker]

هل الغاء سنة اﻻعدادي فى القاهرة تقليص لعدد سنوات الدراسة ام تغيير للمناهج فقط

[nada.dolly]

تقليص لعدد سنوات الدراسة هى نفس المناهج و لكن تم توزيعها على خمس سنوات

[harker]

يعني افهم من كدا ان طب الاسنان فى القاهرة 4 سنين + سنة امتياز = 5 سنوات ؟

و هل لو هو كدا اقدر احول للقاهرة من الاسماعيلية و انا مجموعي جايبها و بطاقتي الفيوم ؟

[nada.dolly]

لا طب القاهرة 5 سنوات + سنة امتياز و لكن انت بتتخرج بعد 5 سنوات يعنى سنة الامتياز دى شغل فقط
ان شاء الله اكتبها فى رغبتك فى تقليل الاغتراب و ان شاء الله يتقبل و على فكرة حتى لو متقبلش انا اعرف ان الاسماعيلية كويسة جدا

[harker]

طيب على كدا هي زي باقي الكليات لان اسماعيلية بسنة الامتياز 6 بردو و انا مقتنع بيها الا ان مسألة اللائحة الجديدة قلقتني شوية

و انا متشكر جدا جدا على الافادة بس كنت عايز استفسر بردو عما اذا كانت القضية ممكن تجيبلي اى درجات حتى ولو نص درجة لان الطب البشري راح مني عشان نص درجة

[nada.dolly]

لا متقلقش كل الكليات تقريبا اتطبق عليها اللائحة دى فمش هتفرق
شكرا على ايه بس احنا اخوات , بص انا كمان زيك الطب راح منى على نص درجة للأسف بردو و عاملة تظلم و ربنا يسهل بس موضوع القضية ده بيطول أوى فيارب تجيلك من غير قضية و لو مجتش اعرف ان ده الخير ليك صدقنى و ربنا معاك

[harker]

الحمد لله على كل حال ، و ربنا يكتبلك التوفيق و التفوق دايما

[Only Forward]

هو ليه القسم هنا مش نشيط ؟؟
وايه المناهج اللى هندرسها ؟؟؟

[nada.dolly]

المشاركة الأصلية كتبت بواسطة harker

الحمد لله على كل حال ، و ربنا يكتبلك التوفيق و التفوق دايما

يا رب لينا كلنا

[Only Forward]

يا جماعة ؟
حد يعرف ايه هى مميزات الكلية دى و عيوبها ؟؟

[nada.dolly]

المشاركة الأصلية كتبت بواسطة ياقوتة1

هو ليه القسم هنا مش نشيط ؟؟
وايه المناهج اللى هندرسها ؟؟؟

والله مش عارفة بس يمكن علشان الاعداد قليلة مقارنة بطب و صيدلة
هندرس فى أولى 4 مواد من بشرى و مادة لغة فسيولوجى و هستولوجى و اناتومى و كيمياء حيوية و الترمنولوجى و لو عاوزين اوضحلكوا كل مادة معنديش مانع

[nada.dolly]

المشاركة الأصلية كتبت بواسطة ياقوتة1

يا جماعة ؟
حد يعرف ايه هى مميزات الكلية دى و عيوبها ؟؟

أقولك مميزاتها وعيوبها

مميزاتها انها 5 سنين بس بالاضافة لسنة امتياز
ثانياً اسمك دكتور وبريستيج وحركات

ثالثاً الحمد لله شغلك مضمون سواء تتعين في الكلية لو أوائل أو تبدأ في مستوصف صغير لحد ما ربنا يكرمك وتفتح عيادة
رابعاً المناهج سهلة -نسبياً- بالنسبة لبشري وصيدلة


انا بقول نسبياً ... عشان المناهج برضه رخمة في أسنان بس مش زي بشري
يعني مثلاً احنا عندنا مواد من طب بشري بندرسها في اسنان
بس بندرس بطريقة مختصرة جدا ، بندرس اللي يفيدنا في حياتنا وفي تخصصنا ده



العيوب بقى
1- أسنان بصفة عامة مكلفة جداً جداً جداً فوق ما تتخيل خصوصاً آخر سنتين
يعني ممكن تدفعلك في السنة آلافات عشان الأدوات
2- فيه ناس شايفة ان 5 سنين دراسة وسنة امتياز كتير بالنسبة لصيدلة
3- أسنان القصر العيني بقى بصفة خاصة عيبها إنها حكومية ومش كل حاجة الجامعة بتوفرهالك وكراسي الدكاترة بتاعة الشغل قديمة ومتهالكة (بس اليومين دول بدأوا يجددوا العيادات)
لو انت استقريت في الآخر على طب أسنان .. يا ريت تبقى القصر العيني .. لأنك مش هتلاقي دكاترة بالكفاءة دي في أي حتة ... بالإضافة إن عدد المرضي اللي بيييجوا عندنا كل يوم عدد مهوووول الجامعات التانية كلها بتحسدنا عليه وهتشوف كل الحالات المختلفة وتقدر تتعلم صح بإذن الله
آخر حاجة هقولهالك .... صلي صلاة استخارة كذا مرة واستخير ربنا وبعد كده قرر ... وأول ما نتقابل إن شاء الله في مصر أو في فاقوس هشرحلك نظام الدراسة في أسنان بالكامل وكل التفاصيل اللي انت عايز تعرفها
ربنا يهديك للي فيه الخبر إن شاء الله
.
دى منقولة من احدى الصفحات

[Only Forward]

المشاركة الأصلية كتبت بواسطة nada.dolly

والله مش عارفة بس يمكن علشان الاعداد قليلة مقارنة بطب و صيدلة
هندرس فى أولى 4 مواد من بشرى و مادة لغة فسيولوجى و هستولوجى و اناتومى و كيمياء حيوية و الترمنولوجى و لو عاوزين اوضحلكوا كل مادة معنديش مانع

يا ريت توضحى ليا من البداية و حتة حتة
براحة عليا
اختك مش تعرف اى حاجة خالص

[Only Forward]

المشاركة الأصلية كتبت بواسطة nada.dolly

أقولك مميزاتها وعيوبها

مميزاتها انها 5 سنين بس بالاضافة لسنة امتياز
ثانياً اسمك دكتور وبريستيج وحركات

ثالثاً الحمد لله شغلك مضمون سواء تتعين في الكلية لو أوائل أو تبدأ في مستوصف صغير لحد ما ربنا يكرمك وتفتح عيادة
رابعاً المناهج سهلة -نسبياً- بالنسبة لبشري وصيدلة


انا بقول نسبياً ... عشان المناهج برضه رخمة في أسنان بس مش زي بشري
يعني مثلاً احنا عندنا مواد من طب بشري بندرسها في اسنان
بس بندرس بطريقة مختصرة جدا ، بندرس اللي يفيدنا في حياتنا وفي تخصصنا ده



العيوب بقى
1- أسنان بصفة عامة مكلفة جداً جداً جداً فوق ما تتخيل خصوصاً آخر سنتين
يعني ممكن تدفعلك في السنة آلافات عشان الأدوات
2- فيه ناس شايفة ان 5 سنين دراسة وسنة امتياز كتير بالنسبة لصيدلة
3- أسنان القصر العيني بقى بصفة خاصة عيبها إنها حكومية ومش كل حاجة الجامعة بتوفرهالك وكراسي الدكاترة بتاعة الشغل قديمة ومتهالكة (بس اليومين دول بدأوا يجددوا العيادات)
لو انت استقريت في الآخر على طب أسنان .. يا ريت تبقى القصر العيني .. لأنك مش هتلاقي دكاترة بالكفاءة دي في أي حتة ... بالإضافة إن عدد المرضي اللي بيييجوا عندنا كل يوم عدد مهوووول الجامعات التانية كلها بتحسدنا عليه وهتشوف كل الحالات المختلفة وتقدر تتعلم صح بإذن الله
آخر حاجة هقولهالك .... صلي صلاة استخارة كذا مرة واستخير ربنا وبعد كده قرر ... وأول ما نتقابل إن شاء الله في مصر أو في فاقوس هشرحلك نظام الدراسة في أسنان بالكامل وكل التفاصيل اللي انت عايز تعرفها
ربنا يهديك للي فيه الخبر إن شاء الله
.
دى منقولة من احدى الصفحات

اممم
شكرا جزيلا ليكى
انا اسنان المنيا و ان شاء الله هحول طنطا
ممكن تشرحى ازاى هى مكلفة دى ؟؟!!