افتكر ليك ايه يا بصله وانت كل قطمة بدمعة

[ahmed_comp77]

انا شايف الناس مركزة على الفلوس والزيادات ياخبر النهاردة بفلوس شهر 7 هيبقى ببلاش - عاويزكو تفتكروا
منظر المدرس و هو قاعد امن و هو متشحطط من الصبح فى المواصلات و هو علية اشراف و عليه نصاب و ماسك دفتر التحضير و هو ماسك البورتفوليو و هو ماسك وحدة التدريب وهو اللى بيبيع عسلية فى الكانتين و هو اللى بتوع المتابعة بيبيعوا و يشتروا فيه و هو اللى بيتبعت فى اقصى حته فى الامتحانات ويقعد فى استراحات الكلاب متقعدش فيها و هو اللى الادارة بتقسم معاة المجموعة وهو اللى وزيره دايما جاى علية من دكتور العيال لخيشة اللى لابيحل و لايربط وهو اللى محروم من رصيد الاجازات و هو اللى شايل حمل مايشلوش حمار
وهو اللى نقابته نهباه و معاشه مياكلش عيش حاف و مرتبه بلاش فى بلاش انتوا نسيتوا كل ده و بتدوروا على شوية ملاطيش متكفيش و احنا فى 2011 .....اين ما تكونوا يولى عليكم - خايفين من ايه - الدكتاتور غار وراح و معاه كلابه من امن دوله وقاطعين الارزاق - بدل ما كل واحد قاعد يدور هياخد كام - يدور هو ايه و بقى ايه
أغضب - أغضب _ أغضب- أغضب- خلى عندك شويه من الاحمر ده الزبال بقى احسن من المعلم
سيب الطباشيرة وقاطع الفصل واقعد فى الحوش ده احنا فى زمن حلق حوش اوعى تنسوا المدرس اللى القاضى ضربه بالجزمة فى قلب المدرسة السنة الماضية - اعملوا لنفسكوا كرامة ولومعرفتوش اشتروها مش عيب - اللهم اننى بلغت اللهم فاشهد

[سامي حجاب حجاب]

عندك حق في كل اللي قلته

[هيما2010]

والله معاك عندك حق في كل اللي قلته وزيادة كمان

[احمد_عصمت]

كلام رصاص في جتة نحاس ......... يا بني اللي اتعود علي اكل مال الدروس خلاص كل حاجة ماتت فيه

[احمد_عصمت]

دلوقتي هيطلع واحد يقولك بلاش ترويج اشاعات وبلاش بث الفتنة ........... زي ما نكون يا اخي شغالين في القرية الذكية او البترول واحنا مش عارفين

[mahmoud zaid]

لا جديد تحت الشمس

نفس التصريحات المطاطية

مثل التعليم أمن قومي لمصر ...

لا تحسين للتعليم إلا بتحسين حال المعلم ...

و تجد في النهاية المحصلة صفر .

هذا الوزير ـ الذي خيب أمالنا فيه ـ مثل غيره ممن سبقوه في كل شيء

هو في وادي المعلمون في وادي أخر ...

النقابة ماتت أصلا و العجيب رغم موتها هذا قادرة على نهب أموال المعلمين وهذا للأسف كل دورها

هل فعلا قامت في مصر ثورة

غير تنحي الرئيس ...

[محمد عياط]

والله أن مش عارف أكتب لكم أيه غير " حسبي الله ونعم الوكيل في كل واحد بهدل المعلم في مصر وكل واحد ضيع التعليم في مصر "

[Super Teacher]

المشاركة الأصلية كتبت بواسطة محمد عياط

والله أن مش عارف أكتب لكم أيه غير " حسبي الله ونعم الوكيل في كل واحد بهدل المعلم في مصر وكل واحد ضيع التعليم في مصر "

أنا مش راضي اكتب