شويه استفسارات

[jazzsonic]

السلام عليكم ورحمه الله وبركاته

انا جديد هنا فى المنتدى و كان عندى شويه استفسارت كده

اولا انا كنت فى ثانيه ثانوى و جايب 91.95% يعنى 92% قسم علمى

و رايح على ثالثه علمى رياضه ان شاء الله وانا كان نفسى من زمان وانا

صغير اخش فنون جميله قسم ديكور و مش عايز اخش غيرها فياترى

هى الكليه عامه بتاخد مجموع كام و قسم ديكور بياخد من كام

و امتحان القدرات ده بمتحنه فين ؟ فى المدرسه مع امتحانات الثانويه

ولا ايه بالضبط و ايه نظام الامتحان ده لانى سمعت ان فى امتحان فنون

و عماره . و ناس قالتلى انى امتحن الاثنين فايه نظامهم يعنى ايه المفروض

اعمله و ارسم ايه و كده و بردوا شوفت موضوع هنا بيقول انى لازم اخد كورسات

عشان اتدرب على الامتحان هل ده صحيح ولو صح بيبقى فين ؟

وانا اسف على كتر الاسئله بس عشان تبقى الصوره واضحه قدامى

وشكرا ومنتظر ردودكم

[..: Pink rose :..]

عندك فرصة كبيرة قوي انك تلحق فنون جميلة و مجموعك كويس
و بالتوفيق

[el senyorita]

انا كمان في 3ث وعلمى رياضه وعاوزة فنون جميله ديكور
بس سالت ودورت في النت وعرفت معلومات كتير
انت بتاخد كورس في الترم التانى ان شاء الله ده بيبقي موجود في الكليه ولو مش حابب تاخد في الكليه في مدرسين بيدو الكورس والمدرسين بيدربوك اكتر من الكليه لو عاوز مدرس اسال حد تعرفه دخل فنون وشوفه اخد كورس مع مين او اسال مدرسين التربية الفنيه في مدرستك احتمال يكون حد منهم بيدي الكورس او يعرف حد يقولك تاخد معاه
قبل ما بتطلع نتيجة الثانوية العامة بتقدم في الكليه لامتحان القدرات وتاخد استمارة وبتابع لحد ما تعرف معاد الامتحان وبتمتحن وتطلع النتيجة قبل ما نتيجة الثانوي تظهر لو انت جبت لائق تكتبها في الرغبات ولو جبت غير لائق مش هينفع تدخلها حتى لو مجموعك عالي
شوف انت ايه اقرب كليه فنون جميله بالنسبه لمحافظتك وشوف تنسيق السنين اللي فاتت

[jazzsonic]

المشاركة الأصلية كتبت بواسطة ..: Pink rose :..

عندك فرصة كبيرة قوي انك تلحق فنون جميلة و مجموعك كويس
و بالتوفيق

اولا شكرا لردك الكريم

وانا فعلا نفسى غعلا مجموعى ده يساعدنى فى ثالثه ثانوى وشكرا انك طمنتنى
بس انا عايز اعرف هى بتقبل من كام

[jazzsonic]

انا كمان في 3ث وعلمى رياضه وعاوزة فنون جميله ديكور
بس سالت ودورت في النت وعرفت معلومات كتير
انت بتاخد كورس في الترم التانى ان شاء الله ده بيبقي موجود في الكليه ولو مش حابب تاخد في الكليه في مدرسين بيدو الكورس والمدرسين بيدربوك اكتر من الكليه لو عاوز مدرس اسال حد تعرفه دخل فنون وشوفه اخد كورس مع مين او اسال مدرسين التربية الفنيه في مدرستك احتمال يكون حد منهم بيدي الكورس او يعرف حد يقولك تاخد معاه
قبل ما بتطلع نتيجة الثانوية العامة بتقدم في الكليه لامتحان القدرات وتاخد استمارة وبتابع لحد ما تعرف معاد الامتحان وبتمتحن وتطلع النتيجة قبل ما نتيجة الثانوي تظهر لو انت جبت لائق تكتبها في الرغبات ولو جبت غير لائق مش هينفع تدخلها حتى لو مجموعك عالي
شوف انت ايه اقرب كليه فنون جميله بالنسبه لمحافظتك وشوف تنسيق السنين اللي فاتت

و الله انا بشكرك على مساعدتك بس كلامك ملخبط شويه مش عارف اجمع انتى بتقولى اخد كورس فى ترم ثانى . الترم الثانى ده بتاع ايه بالضبط لان ثالثه ترم واحد قياريت توضحى . ولو الكورس فى الكليه مفيش مشكله خالص عادى بالنسبه لى المهم يعنى انى لازم اخد كورس . دلوقتى انتى بتقولى انى بقدم فى القدرات بعد نتيجه الثانويه . طب ازاى ؟ لانى انا سمعت ان استماره القدرات بتتكتب فى المدرسه نفسها . انا فى القاهره و بيتهيالى ان فى فنون جميله فى جامعه القاهره

[el senyorita]

اه معلش اسفة كتبتلك شويه حاجات غلط
بص هرتبلك الموضوع
*الكورس بتاخده ع شهر فبراير مثلا يعنى اقصد الترم التانى بالنسبه للكليه عشان احنا بس اللي معندناش ترم وعندنا سنة كامله
*اول ما بتخلص امتحانات الثانوى بتروح تقدم في الكليه وتاخد الاستمارة من الكليه اللي هتقدم فيها للامتحان وبعدها الكليه بتعلن عن معاد الامتحان هتمتحن ونتيجة الامتحان بتاعه القدرات تظهر قبل نتيجة وتنسيق الثانوى
*بالنسبه للكليات بتاعه فنون جميله فهو مفيش في القاهره هما 4 كليات بس في اسكندرية وحلوان والاقصر والمنيا .وانت الاقرب ليك حلوان واسكندريه بس ده بيبقي ع حسب التوزيع الاقليمي انت اسال المفروض تروح لانهى كليه
ده تنسيق السنة اللي فاتت في علمى :
اسكندريه 385.5 (94%)
حلوان 380.5 (92.8%)
المنيا 378 (92.2%)
الاقصر 376.5 (91.8%)

[el senyorita]

بس بصراحة مش عارفه موضوع الاستمارة ده ممكن يكون مختلف في القاهرة
انا بالنسبالي من الاسكندرية والكليه موجودة وقريبه والمفروض عندنا سحب الاستمارة من الكليه
ولو انت ملقتش حد تاخد معاه الكورس اكيد هتلاقي شرح في النت واكيد بردو هتلاقي هنا ع المنتدي