عنوان وميعاد اللجنة العمانية للتعاقدات

[ابو ميزو11]

انا هكلم بصراحه فى واحد عارض على ان ادفع مبلغ وقدره27000 الف جنيه مقابل انه هيجيب لى الامتحان ويقف جانبى حتى اسافر علشان هو عارف ناس فى اللجنه العمانيه طبعا فى ناس غيرى دفعو له وجاب لهم الامتحان انا خائف من النصب المبلغ كبير بس كل عام بقدم عن طريق النت ولم يتصلو بى انا محتار الرجاء انصحونى اعمل ايه وفق الله الجميع

[ادم بيسو]

المشاركة الأصلية كتبت بواسطة ابو ميزو11

انا هكلم بصراحه فى واحد عارض على ان ادفع مبلغ وقدره27000 الف جنيه مقابل انه هيجيب لى الامتحان ويقف جانبى حتى اسافر علشان هو عارف ناس فى اللجنه العمانيه طبعا فى ناس غيرى دفعو له وجاب لهم الامتحان انا خائف من النصب المبلغ كبير بس كل عام بقدم عن طريق النت ولم يتصلو بى انا محتار الرجاء انصحونى اعمل ايه وفق الله الجميع

بس ده للامانة مبلغ كبير بس يا ترى المرتب كام وبصراحة لان فيه واحدة زميلتى برضو دافعة لواحد بس مبلغ اقل فيمكنم الراتب بتاعك اعلى

[ابو ميزو11]

بالله عليكم يا أساتذه اللى يعرف حاجه عن امتحان الجغرافيا يعرفنى 01010046564

[مصطفى إسماعيل أحمد]

المشاركة الأصلية كتبت بواسطة ابو ميزو11

بالله عليكم يا أساتذه اللى يعرف حاجه عن امتحان الجغرافيا يعرفنى 01010046564

السلام عليكم ورحمة الله وبركاته ... أبو ميزو ..أولا كل سنة وحضرتك طيب وعيد سعيد علينا وعليكم إن شآء الله ... المبلغ الذى سوف تقوم بدفعه لصاحب المكتب 27000 كبيييير جدااااااا وبعدين حكاية أنه يجيب الأسئلة ده بالفعل آخره معظم المكاتب بتاخد فلوس من الناس وهى التى تقوم بالتقديم لها إذا نجح يبقى من مجهود الفرد وتقله انا سبب نجاحك وإذا لم ينجح تعطيه فلوسه اذا لم يكن صاحب المكتب نصاب لانه فيه مكاتب مش بترجع اى حاجة أما حكاية الاسئلة وفيه ناس صحابك عطاهم الاسئلة الكلام ده السنة دى ولا السنة ايلي فاتت ؟ اصلى السنة دى مشددين على حكاية المكاتب لما كثر الكلام عن نصب المكاتب على الناااس فى مصر .. والله المستعان

[مصطفى إسماعيل أحمد]

بسم الله الرحمن الرحيم
السلام عليكم ورحمة الله وبركاته
القرار الوزاري بتشكيل لجنتي الاعارات و التعاقدات لجمهورية مصر العربية و الجمهورية التونسية و اختصاصهما.
و اختيارات موفقة إن شآء الله و ينتهي تدخل مكاتب التوظيف و الواسطة في الاختيار و تكون هناك عدالة الاختيار من كافة المحافظات حتى يتم اختيار افضل المعلمين للارتقاء بطلاب و طالبات السلطنة في ظل في الفلسفة الجديدة للتعليم بالسلطنة .
هذه الأسمآء منقولة من صفحة رابطة المعلمين الوافدين بسلطنة عمان على الفيس بوك وهذا هو رابط الصفحة
https://www.facebook.com/teachersinoman?fref=ts

[مصطفى إسماعيل أحمد]

اصدرت وزارة التربية والتعليم بسلطنة عمان قرارا بتشكيل لجنة الاعارات والتعاقدات لاعضاء هيئة التدريس من جمهورية مصر العربية للعام الدراسي 2015\2016 برئاسة الدكتور \ سعيد بن سالم بن حمد الحارثي مستشار وزيرة التربية والتعليم بسلطنة عمان، وستبدأ اللجنة عملها من يوم الاحد الموافق 26\7\2015 وتنتهي يوم الجمعة الموافق 14\8\2015.

وستقوم اللجنة باجراء المقابلات الفنية اللازمة مع المرشحين للوظائف لمعرفة مدى صلاحية كل منهم لشغل الوظيفة المرشح لها وفحص المستندات الخاصة بكل مرشح والشروط اللازم توافرها للتخصصات المطلوبة.

رحب حاتم السعيد عليوه مؤسس رابطة المعلمين الوافدين بلجنة الاعارات في القاهرة و تونس ، مؤكدا ان اختيارات اللجنة جاءت موفقة و نشعر بالطمأنينة من الاسماء المختارة بعناية و حان الآن ان ينتهي تدخل مكاتب التوظيف في و الواسطة في الاختيار و ان تكون هناك عدالة الاختيار من كافة المحافظات حتى يتم اختيار افضل المعلمين للارتقاء بطلاب و طالبات السلطنة في ظل في الفلسفة الجديدة للتعليم بالسلطنة .

[said_88]

السلام عليكم

[مصطفى إسماعيل أحمد]

المشاركة الأصلية كتبت بواسطة said_88

السلام عليكم

و عليكم السلام ورحمة الله وبركاته

[على عارف]

ان شاء الله تكون السنة دى احسن من السنة اللى فاتت بكتيررررررررررر

[مصطفى إسماعيل أحمد]

المشاركة الأصلية كتبت بواسطة على عارف

ان شاء الله تكون السنة دى احسن من السنة اللى فاتت بكتيررررررررررر

إن شآء الله وربنا ييسر الحال

[agile]

كم الرواتب للتعاقد الحكومي وزارة التربية العمانية استاذ مصطفى؟

[مصطفى إسماعيل أحمد]

المشاركة الأصلية كتبت بواسطة agile

كم الرواتب للتعاقد الحكومي وزارة التربية العمانية استاذ مصطفى؟

الرواتب بالنسبة للتعاقد الحكومي وزارة التربية والتعليم العمانية حوالي 425 ريال عماني

[صفوت حمادة]

كيف اتقدم للمقابلة وايه الاوراق المطلوبة لو سمحت الاجراءات من البداية حتى النتيجة بتاعة المقابلة

[agile]

شكر استاذ مصطفى على التجاوب معنا وبارك الله فيك

[أزهرية وأفتخر]

يا ترى ايه التخصصات المطلوبه
عالعموم ليه اتنين زميلاتى واحده مكملتش للاخر وقدمت استقالتها وواحده كملت للاخر علشان تجيب اسعار تذاكر الطيران لاولادها وجوزها لانها استقدمتهم وزمايلى كانو سافروا عمان السنه اللى فاتت المسابقه اللى عدت بيعيطوا دم رموهم فى الجبال ولادهم كانو بيحتاجو دكاتره كانو مسكنينهم فى اماكن مقطوعه بيدفعوا كهربا فى الشهر ما يعادل 650ج مصرى ومفيش اى توفيييبر وعيشه قرف الحمدلله ربنا نجانا من عمان