شادي محمد:شادي محمد: جوزيه خاين مثل الحضري.. ولاعبو الأهلي جبناء وبيحقدوا عليّ

[The Happy Angel]

السلام عليكم ورحمه الله وبركاته ازيكوا يااجمل مشجيعن كوره ف الدنيا

النهارده وبكره وكل يوم بيلفت نظري حجات مهمه اوي زي كدا


خرج شادي محمد ـ لاعب الأهلي السابق والاتحاد الحالي ـ علي النص وشن هجوماً عنيفاً علي لاعبي الأهلي والمدير الفني البرتغالي السابق مانويل جوزيه.

واستغل شادي إجراءه حواراً مع إحدي عضوات منتدي كورة مصرية وأطلق تصريحات نارية، ويبدو أنه كان يعتقد أنها ستكون في الخفاء، حيث أكد شادي أن جوزيه اتهم عصام الحضري بالخيانة عندما رحل عن الأهلي إلي سيون السويسري، ثم قام ـ أي جوزيه ـ
بتكرار الموقف عندما وقع علي عقود تدريبه منتخب أنجولا، ورفض الاستمرار في الأهلي رغم ارتباطه بعقد مع النادي. وأوضح شادي أن جوزيه تعمد في الموسم الماضي إهانة جميع لاعبي الفريق بشكل عام واختصه بجزء خاص من تلك المعاملة السيئة، ولم يكن باستطاعة أحد الرد عليه، لأنهم جبناء، فقد وصل الأمر بالخواجة البرتغالي إلي إهانة أبوتريكة أمام اللاعبين إذا لم يظهر بمستوي جيد في المباريات، لكن الفارق بيني وبين بقية اللاعبين أنني لم أصمت، لأنه تجاوز معي كل حدود الأدب. وأشار شادي إلي أن جوزيه لم يركز في قيادة الأهلي في المباراة الأخيرة مع سانتوس الأنجولي، وانشغل بالاحتفال بتولي تدريب منتخبها، ورغم ذلك تعامل معنا بطريقة سيئة عقب المباراة، وقال بالحرف الواحد: الأهلي مش هيكسب من غيري وهتفرج عليكو وانتو بتخسروا الموسم اللي جاي. وقال شادي: جوزيه مدرب كويس، لكني مسحته من ذاكرتي، فقد أهان كرامة اللاعبين وأصيب بالغرور بعد الإنجازات التي حققها مع الأهلي، ولا شك أن وجوده في النادي ساعده كثيراً لأنه كان مدرباً مغموراً قبل تدريب الأهلي. وأوضح شادي أن جوزيه كان يستغل حب الجماهير له، وعدم معرفتهم حقيقته الخفية، التي لا يعرفها سوي الأشخاص القريبين منه مثل اللاعبين وأعضاء الجهاز الفني. وحول علاقته بلاعبي الأهلي بعد رحيله عن النادي، أكد أن أغلبهم لم يتحدث معه، وقال: أعرف أن أكثرهم يحقد عليّ وأعلم شخصيتهم جيداً منذ وجودي بالنادي، وألمح شادي إلي أن أحمد حسن كان يسعي لارتداء شارة الكابتن في الأهلي، لكنه فشل في مخططه، لأن مسألة ارتداء الشارة في الأهلي تكون وفقاً لنظام الأقدمية، ووجه شادي اتهامات لأحمد حسن بمنح مبالغ مالية هو وأمير عبد الحميد ووائل جمعة للمواقع الإلكترونية مقابل الهجوم عليه


http://dostor.org/ar/index.php?optio...9886&Itemid=33
خبر اخر


شيكابالا يطالب المساواه مع ميدو ويذكر ان هذا الخبر قد نشر بعد يوم واحد من وجود ميدو ف الزمال

خبر اخر

أزمة داخل الأهلي
بركات يطلب‏9‏ ملايين جنيه لتجديد عقده‏..‏


http://www.ahram.org.eg/Index.asp?Cu....htm&DID=10040

وياما سمعنا عن اخبار كتير جدا وف صحائف كبيره وصغيره واصبحنا ف عصرنا هذا ولي راي خاص انه لم يعد هناك صغير وكبير كل الجرائد تصل الي الناس وبالذات جرائد المعارض احم ماعلينا

اللي عاوز اوصله ليكوا ياجماعه ان احنا منصدقش الاخبار دي بجد انا عن نفسي رغم اني زملكاوي جدا الي اني مش مصدق ك شادي محمد مش مصدق انه قال كدا دا راجل محترم وكباتن النادي وياما ساهم بشكل كبير ففوز الاهلي بالعديد من البطولات وايضا مش مصدق ان مثلا شيكابالا يطلب المساواه او عمرو زكي يشتم رئيس النادي دا كله كلام عار من الصحه وباذن الله تكون انطلاقه لينا ان احنا منصدقش الاخبار دي عن لاعيبتنا ويارب ما اكون طولت عليكوا او كنت تقيل والسلام عليكم ورحمه الله وبركاته

محمد عصمت

[The Happy Angel]

ولا ننسي صحافه جنوب افريقيا والاشاعات التي طاردت لاعبونا وصدقها اعلامي مصري من المفترض ان يكون بجانب المنتخب ويدعمه وينتظر حتي ان تثبت ادانتهم لا بل قام بنشر الواقعه وصدق عليها وقال بصراحه الفاظ لايمكن ان تصدر من اعلامي مصري محترم ابدا انا بهاجمه بكل صراحه اهو رغم انه زملكاوي الامر ليس مرتبط بالانتمائات

[sranty]

اكيد مش هصدق لان كلنا عارفين اخلاقيات الرياضيين عموما
والاعلامى اللى عامل نفسه خايف علينا احنا مش محتاجينة لانه لا يشعر بالفقراء لانه مش من طبقتهم عشان يتكلم عليهم وعيب انه يقول كده اساسا ده لو اى لاعب قال كده مش هصدقه وربنا يسامحه

[The Happy Angel]

thanksssssssssssssssssssssssssssssssss

[maistro]

يا جماعة جوزية مين اللى حقق بطولات
فى الخمس سنين اللى مسكهم جوزية كان الاهلى اشترى كل لاعبى مصر
يعنى فضى الاندية من اللاعبين المميزين
دا الافظع من كدة انة السب فى الخسارة من فرق بسببه وسبب تغيراتة المعفنة

[Golden Eagle]

المشاركة الأصلية كتبت بواسطة maistro

يا جماعة جوزية مين اللى حقق بطولات
فى الخمس سنين اللى مسكهم جوزية كان الاهلى اشترى كل لاعبى مصر
يعنى فضى الاندية من اللاعبين المميزين
دا الافظع من كدة انة السب فى الخسارة من فرق بسببه وسبب تغيراتة المعفنة

يعني إنت فاكرله التغييرات اللي بوظت الماتشات و مش فاكر إنجازاته مع الأهلي ؟؟؟
فضي الأندية م اللاعيبة المميزة و وصل بالأهلي اليابان
يعني إستفاد م اللاعيبة اللي جابها و عمل بيهم إسم
و خد بالأهلي تالت
و كسب بتاع كام مدرب للزمالك ؟؟؟
مش فاكر
بس الراجل عمل كتير
بس الناس اللي بتنسي أكتر

[The Happy Angel]

السلام عليكم ورحمه الله وبركاته

ياجماعه بس احب اقول ان كل واحد ليه سلبيات وايجابيات وجايز منويل جوزيه اخطأ ودا وارد وشيء طبيعي وميقللش من اانجازاته مع الاهلي له فضل كبير فيها بغض النظر عن ان النادي الاهلي كان فيه افضل لاعيبه مصر ولازال دي مش مشكلته كانت ف اداره محترمه تجيب اللعيبه دي دا مش غلط نحاسبه عليه وكمان تغيراته 90 كانت بتكون سليمه مينفعش نبص للعشره ف المائه التنين دول لان دا وارد

وميرسي لمشاركتكوا ولو اننا خرجنا عن الموضوع بس منورني والله والعضو ايجل بجد انا افتخر ان ف فمصر اهلاوي زيك انسان محترم وكمان مرفعتش شعار بتاع فوق الجميع بتاع النازيه والكلام الفارغ دا ولو اني اعتب عليك علشان مصر 20 مليون زملكاوي و4مليون اسمعلاوي و40 مليون اهلاوي والباقي بقي الاتحاد والمصري وانت عارف وشكرا اخي

[Golden Eagle]

المشاركة الأصلية كتبت بواسطة The Happy Angel

وميرسي لمشاركتكوا ولو اننا خرجنا عن الموضوع بس منورني والله والعضو ايجل بجد انا افتخر ان ف فمصر اهلاوي زيك انسان محترم وكمان مرفعتش شعار بتاع فوق الجميع بتاع النازيه والكلام الفارغ دا ولو اني اعتب عليك علشان مصر 20 مليون زملكاوي و4مليون اسمعلاوي و40 مليون اهلاوي والباقي بقي الاتحاد والمصري وانت عارف وشكرا اخي

شكرا ً و الله ع الكلام الجميل دا
بس البركة فيك ما إنت اللي عملت إتفاقية الصلح
و بالنسبة للـ 60 مليون
أنا أصلا ً مش باعد
دا غير إني كنت عايز أغيرها بس ما عرفتش
شكرا ً